影片
以上資料只供參考, 請與餐廳確認詳情
相關文章
沙田分店去食過好多次，但呢間都係第一次食，平日晚上，七點幾嚟到要等位，大概半個鐘到可以入座，不過入到去已經好多嘢售罄，有少少失望。👍🏻👍🏻推介：椰子雞肉湯底 - 雞肉唔鞋，椰子湯齋飲都好好味，而且呢度係fill原湯底唔係加水。竹笙蝦滑卷 - 蝦滑彈牙，竹笙索滿椰子湯，唯一缺點就係一碟得五條，份量唔夠食。牛肉 - 我地只係叫左價錢最平果款，但質素都唔錯。如果早啲嚟，可以坐到窗邊位置，睇住airside景色打邊爐就更加perfect 喇～
繼續閱讀
近期 Airside 排隊店～ 四面泰 🇹🇭@fallinthai今日揀左兩個 lunch set 純粹想試佢地嘅泰式火鍋湯底係咪真係咁正先～冬蔭功鮮蝦湯底確實幾吸引鮮甜幾濃郁唔算辣完全合香港人口味另一個椰奶雞湯鍋椰奶味幾香清清地如果要揀一定係冬蔭功首選肉類係西班牙黑毛豬腩肉同美國牛板鍵中size 130gm份量算多蔬菜姑類拼盤內有手打牛丸午餐肉泰式船面河粉手打泰式蝦餅新鮮炸起熱辣辣滿滿蝦膠好正仲有 special drinks 同無限添加嘅蝦片作為Lunch 嚟講CP值幾高環境幾大開揚坐得舒服可惜人手得四／五個人似乎唔夠應付午市差唔多坐滿嘅客人
繼續閱讀
去左Airside, 見到四面泰泰式火鍋就去左食。湯底簡左雙拼，選擇了秘制冬陰功鮮蝦鍋和椰奶雞湯鍋，味道濃郁且層次分明，冬陰功酸辣，內裡有蝦，椰奶雞湯香濃順滑，內裡有雞肉。蝦片免費無限追加，外皮香脆，涮火鍋吃也是不錯的選擇。另外店家提供三款泰式醬料，讓我可以跟據自己喜好/食物配搭合適的醬料。牛板腱肉質細嫩，涮火鍋後保有鮮美，配上泰式青醬更添風味。泰國船麵河粉彈性十足，能很好地吸附湯汁，吃起來很有滿足感。
繼續閱讀
喺Airside睇完戲，見到依間泰式打邊爐幾特別，就試咗佢哋嘅午市一人套餐，同朋友試齊兩款招牌湯底，冬陰功鮮蝦湯同椰奶雞湯🇹🇭冬陰功鮮蝦湯酸辣度啱啱好；另一邊嘅椰奶雞湯椰香濃郁😌肉類方面我哋分別揀咗肥牛同牛板腱，肥牛嫩滑，牛板腱有咬口得黎都幾有牛味。每個套餐仲有新鮮蔬菜、菌菇、午餐肉、牛肉，仲有泰式河粉，索湯嘅河粉無論邊款湯底都好夾😆最正係可以無限添加嘅泰國蝦片，脆卜卜好好食🤤每個套餐仲包罐可樂，午餐嚟講呢個價錢有咁嘅質素，性價比都算唔錯👍🏻食完火鍋，我哋仲encore咗碗「多肉龍眼蜂蜜椰冰」，用料好足，有滿滿嘅龍眼肉，椰冰椰味香濃又唔會太甜，清爽解膩😋
繼續閱讀
香港嚟講，泰式火鍋店越來越多，今日嚟到Airside嘅分店。平日放工時間，大概6:30左右，即入唔使等位。叫左冬陰功加椰奶雙拼鍋，飲咗啖湯底，好濃郁，兩個鍋底嘅味道都唔錯。用咗牛小排，蔬菜拼盤，金邊粉，同埋一啲配料。食物嘅質素都唔錯。不過我最欣賞嘅係佢三種醬汁，同平時食開嘅日式或者港式火鍋唔同，但係有泰式嘅風味，酸酸辣辣👍🏻👍🏻👍🏻呢度嘅蝦片仲係任食，我哋食咗好多碟，好脆好好味呢間分店嘅位置好大，每一張枱都有足夠嘅位置，冷氣又足夠，令人食得好舒服，呢一餐好滿足。
繼續閱讀