四爺車仔麵專門店 (已結業)

記錄下為咁難食既車仔麵店而忍唔住要第一次寫食評，可以形容為一間虛有其表既麵店，門面裝修係好吸引人入店幫襯，但食物質素根本係垃圾級。.嗌個濕笠笠既撈麵配三款冇味既餸🤢🤢🤢撈麵底麵質烚到淋哂，白烚尤魚配咖喱汁，連杯美祿都係冇味...四爺車仔麵專門店..究竟係那來既專門呢？係專門伏嗎？🤮🤮🤮.價錢貴唔緊要，餐牌上全部野都標明又秘製又經典咁，搞到人有期望，但呢啲食物質素同價錢係唔正比，完全係伏黎架喎😧😦😦

車仔麵和燉湯，以前真的沒有試過這個配搭，很新鮮。有選擇困難症的人士請有心理準備，因為四爺的菜式實在太多，特別是燉湯類，我起碼花了10分鐘才能成功選擇下單。蟲草花花膠百合燉雞腳 – 超大一盅，起碼要兩個人才能KO它，每人仲飲到2-3碗。而且很足料，湯內超多花膠，未入口已經覺得補，完全沒有味精味。仲有兩大隻雞腳。飲落去夠入味清甜而且鮮味突出，真材實料好溫暖。因為飲左入味燉湯，車仔麵湯底挑選了簡單豬骨湯+沙嗲醬。另外簡左皇牌豬腩仔、韮菜餃及剛宣佈快要停產的咖哩陳皮魚蛋。皇牌豬腩仔最出色,不愧是皇牌，男朋友最喜歡，入口爽彈又不會太肥，而且底下的瑞士汁醃得超入味。陳皮魚皮夠皺皮夠彈牙，滿足！

別具特色車仔麵🍜平時好少去灣仔覓食 去開灣仔做嘢有一個人所以走咗去食車仔麵呢間車仔麵同平時嘅車仔麵店好唔同無論材料湯底都好特別 而且仲有燉湯添呢度嘅車仔麵係三餸起嘅 先選擇湯底1️⃣ 湯底四爺秘製芫茜皮蛋湯 呢個湯真係非常出色芫茜味超級濃 皮蛋又多 而且仲有淡淡的魚味 我都忍唔住飲多幾啖啊👍🏻2️⃣ 麵 讚岐烏冬讚岐烏冬亦都唔需要再加錢 煮得啱啱好有應有嘅口感3️⃣ 配菜 皇牌豬腩仔 麻辣豬大腸 咖喱牛筋腩 各$15呢度嘅配料呢係分開上嘅 每款一兜啲醬汁呢就唔會mix埋一齊 👍🏻皇牌豬腩仔 炆得好琳而且非常入味仲見到腩肉一層層 邪惡但係好好食🥰麻辣豬大腸 超級惹味又夠辣 豬大腸肥美 想encore呀🤤咖喱牛筋腩 牛筋好多 軟淋淋 咖哩唔會好辣☺️👍🏻 除咗車仔麵之外 呢度仲有燉湯一場嚟到當然飲埋燉湯先走啦😛北海道牛乳杏仁燉花膠花膠對女仔好大家都知 仲要加埋北海道牛乳非常滋潤☺️花膠有兩大塊 膠感十足絕不兒戲而且牛奶味香濃 好味道！🍽 四爺車仔麵專門店🔎 灣仔莊士敦道25-33號長康大廈地舖

今天路經這間車仔麵，覺得地方很寬敞乾淨， 便試一試。每個餸都分別放在小碟上，不會影響湯底味道。醋浸蘿蔔很爽口，不會太酸很好味。芫茜皮蛋湯 27湯底清甜健康，我比較喜歡煙靱的麵，所以覺得波菜麵略為淋了些。日本無公害糖心蛋 15蛋黃流心狀又很美味。古法滷水豬大腸 15豬大腸沒有肥膏很滋味。咖哩牛筋腩 15牛筋比較碎，牛腩略為瘦了一點。牛骨湯底 27牛骨湯底賣相很清但味道濃郁，讚岐烏冬很滑口。皇牌豬腩肉 15豬腩肉很入味但比較肥。柱侯牛筋腩 15份量很多很入味，牛筋很淋牛腩略為瘦了一點。瑞士雞翼 13雞翼很大隻，味道也不錯。北海道牛乳杏汁燉花膠扒 128有三件花膠，大大粒的紅棗，加上北海道牛乳，感覺很滋潤。車仔麵奉送熱飲一杯，加$5可要特飲，我們選了高麗蔘蜜和柚子蜜，味道不太濃。

本來無諗住食車仔麵，但和T在灣仔行行下發現"四爺", 望入去發覺座位好闊落，又乾淨，有别於一般車仔麵店，所以決定入內一試。座位寬敞舒適，唔會有人貼人的感覺，可以hea住食車仔麵真係正呢度唔止有車仔麵食，仲有原盅燉湯，客飯套餐，湯麵湯飯套餐，素食精選，特色小食和飲品和T每人叫左個三餸麵, 可以叫同嘅餸share一齊食，多D選擇T揀左油麵加底，四爺芫茜皮蛋湯底，豬大腸，牛肚和日本無公害糖心蛋，原來雞隻在無汚染，無農葯及綠色環境下飼養，所以蛋味特濃，食得健康又放心芫茜皮蛋湯底亦非常美味，可以當湯飲柱侯牛肚~炆得又腍又入味，正古法滷水豬大腸~處理得好乾淨，厚身夠爽口，滷水汁亦好惹味我就order左粗麵底，傳統牛骨湯底，豬大腸，韓國午餐肉和蘿蔔，蘿蔔炆得好腍，亦好清甜特級韓國午餐肉~肉味濃郁，好腍好軟粗麵加牛骨湯底~麵質爽滑，配埋牛骨湯底好好味四爺原盅燉湯~花旗參無花果燉竹絲雞盅湯足夠2人飲用，配料有龍眼肉，烏雞件，蜜棗，淮山和無花果，藥材味濃郁，好滋潤

將車仔面餸分碟送上，看上去很精緻，但卻失去車仔麵的神韻。最簡單的米粉也煮不好，有幾束硬又未煮透的面條。奶茶杯是精心設計的紙杯!既然餸都分碟上，為什麼奶茶不是用普通杯，而是用即棄紙杯?除了奶茶，放眼四周無論冷熱飲都是即棄，真是好不環保。豬腩仔似東坡肉，肥肉軟滑，瘦肉鞋口。柱候牛根腩ok，但不值$15一款餸……我坐下時已經下午2時多，人不多，環境舒適，似cafe，木製的托盤很精緻，那就不如訂製一批熱飲及冷飲杯吧!

今日落雨濕濕...都要過海 😅 咁只可以搵野食黎令自己開心少少！見列開飯話呢間車仔麵唔錯，就會一會佢！今日應該天氣唔好，睇話好多人排隊，我地黎到就直入！但要答枱冇問題啦！睇完 Menu 好多野想食，叫左個燉湯兩份，我地叫左 羊肚菌竹笙羅白燉雞腳，飲落好甜！但俾羅白搶哂味 🤣🤣 燉湯份量好大，我又黎眼闊肚窄 🤣首先到既係隻佬既，佢要左麻辣小辣讚岐烏冬，麻辣牛肚/咖喱牛柏葉/皇牌豬腩仔，聞落好香，但隻佬話小辣都幾辣下！個牛柏葉同腩肉我都有試，都唔錯！但個腩仔唔夠淋！到我喇！黎到嚇左一大跳，河粉份量太多喇 😅 我叫左鹵水豬腸/咖喱牛根腩/羅白，個豬腸都幾入味，牛腩同根都好淋，但咖喱帶甜！反而個羅白我最愛，好香薑味，應該落左唔少，仲好甜，我叫左豬骨湯底再加秘制沙嗲汁，都幾香口！大家都飽到一個點！抱住個肚走！

朋友好喜歡飲湯又好喜歡食車仔麵呢間<四爺車仔麵專門店>就岩哂佢一次過滿足晒兩個願望而且環境比平時一般嘅車仔麵店舒適同闊落燉湯都有唔少選擇，而且可以單點或套餐(套餐就包飯/麵，油菜同餸)“鮑魚花膠燉火瞳”燉湯熱辣辣，仲好足料，花膠都有二三塊，係偏向爽身個種，鮑魚都有一粒，同埋幾彈牙，個湯都幾清甜，飲落唔會好油膩，份量都有三碗😊另外點了兩款車仔麵，一款湯麵一款撈麵，有四款汁可以揀，腩汁，咖哩汁，麻辣汁同埋秘制沙嗲汁，仲有超過三十款餸可以揀，總有一款岩你口味😊湯麵揀了芫茜皮蛋湯底，芫茜味唔算話好濃，但都唔錯，麻辣豬大腸，少少麻多多辣，好惹味，瑞士雞翼都幾入味，瑞士汁偏甜，如果溏心蛋再溏心啲會更好😊撈麵揀了秘制沙嗲汁，同平時嘅唔同，偏甜少少，滷水豬大腸都入味，滷水汁帶微甜，咖哩魷魚唔韌，咖哩汁同樣帶微甜

在日本吃了多天，十分掛住港式美食-車仔麵。有聞有家車仔麵店有燉湯供應，而且質量不錯，今天一試這家位於灣仔的四爺車仔麵。這家餐廳有別於舊式車仔麵檔那麼逼狹。裝潢富現代感，整體光猛又企理，座位亦寬潤舒適。車仔麵的選擇彈性十足，不單可以選擇麵底和麵餸，而且有五款湯底（皮旦芫茜湯、麻辣湯、豬骨湯、牛骨湯、撈麵和飯底選擇，選擇百搭。即使怕無飯到肚的，也可以選車仔飯。最基本的$27， 另加餸$15/$13/$10， 或可選燉湯、客飯套餐不等。平曰缺乏湯水，既然這兒有燉湯供應，一定要試試。鮑魚花膠燉火瞳$128這燉湯材料和份量都十足，湯料有齊金華火腿、鮑魚、瑤柱、瘦肉、雞腳、花膠等，真是真材實料. 這燉湯湯汁金黃清澈，完全唔油膩，味道十分鮮美，有著甘香的金華火腿和花膠鮮味，正！而且湯內有小鮑魚同幾件花膠！花膠夠厚身，滿有口感，實在滋潤又養顏。今天我同honey都選三餸麵配飲品$73我選擇了咖喱牛筋腩、韭菜豬紅、招牌瑞士汁滷豆腐，由於近日要keep fit, 麵底選配淨生菜，湯底選金牌豬骨湯加腩汁。這車仔麵賣相精美，麵餸分別以小碟盛裝，感覺別緻。金牌豬骨湯加腩汁味道濃而不膩，配上生菜，健康又味美。咖喱

平日上班，午飯時間都好多人排隊一直都無辦法試！直至今天要留在公司ot餓了便想起這家食店！馬上拉著同事出發！！我俩都各自點了3個餸我選了咖哩牛筋楠，手工白菜餃和魚腐同事點了豬紅，豬大腸和蘿蔔特別讚揚牛筋腩，非常入味，肉敖得非常冧，好易入口，加上浸泡的時間不短，每一口肉都有濃郁咖哩味！另外蘿蔔亦十分不錯，每口清甜爽口！重頭戲就是燉湯，我們來得太晚了，只剩下北海道牛乳杏汁燉花膠扒湯！不過也沒關係！因為這個湯都很好喝，牛乳味超濃，甜甜的再加上花膠蜜棗，十分滋潤的感覺！不錯！

朋友話呢間車仔麵幾得意，而且坐得舒服，唔會要你食快啲趕你走，所以就趁放假試吓啦~入到嚟環境的確唔錯，夠乾淨、好寬落。客飯套餐睇落都幾有特色，嘢飲仲可以揀多奶少奶等，可見呢度都幾用心~不過嚟到就梗係試車仔麵啦~呢度既自家燉湯好多款，我揀咗貢棗響螺燉花膠~呢碗湯雖然唔平，但勝在夠大盅，兩個人飲都好夠！花膠仲都好大片，足料！其實話就話車仔麵，我覺得係高級版果隻，我點咗咖啡魷魚+柱侯牛筋腩+豬骨湯+米線+無公害糖心蛋，麵條嫩滑，牛筋腩都好入味，成份餐好精緻！同行者都係揀咗豬骨湯，加埋無公害糖心蛋+滷水豬大腸+咖喱豬皮魚腐，分開放唔會整到個麵亂糟糟，魷魚亦好爽口。配飲品可以揀熱柚子蜜同薑母茶，唔洗加錢幾開心架~

灣仔成個區都充滿住美食，基乎每一條橫街都至少五個餐廳，由舊式茶餐廳食碟頭飯去到高級西餐廳食地中海茶都有，要係呢到爭一席位真係唔容易呢間餐廳離地鐵站B1/2出口五分鐘路程，車仔麵嚟講個環境係異常闊落同舒適😹 通常出面都係一張圓枱同圓櫈，點會好似呢到有卡位出，啲櫈仲要有得挨🤤除咗車仔麵之外，呢到仲玩埋燉湯，好啱灣仔地區嘅打工仔，有時做嘢辛苦ot無得番屋企飲啖湯水，有個燉湯飲下就可以補番好呢到餸同麵嘅款式都比一般嘅多，淨係麵都有成十三款咁多🙀 餸就有齊哂食車仔麵不可缺少嘅款，不過要小心佢可能會賣哂。特別一提就係蔬菜嘅款式都有成十種🙀 其實肯提供咁多款式真係好難得，因為餐廳要預備嘅食物又會多咗、難預咗蟲草花花膠百合燉雞腳飲咗第一啖心諗鮮甜到傻咗！！真係好足料，用匙一「不」就勁多餸，飲咗我地每人兩碗湯🤤花膠有成三、四舊，仲要舊舊都勁大塊我碗車仔麵叫咗菠菜麵、麻辣小辣湯底，餸有皇牌豬腩仔、麻辣豬大腸、生菜豬腩仔同高質嘅豬軟骨有啲似，啲肉煮到勁入味，咬落好腍好易咬開，加上塊肥膏，即刻覺得應該要送飯😋菠菜麵麵質頗結實麻辣湯底好正，同食麻辣火鍋嘅湯底好似，唔會一味死辣或者死麻。個小辣對無食開辣嘅人嚟講都

朋友帶我喺食呢一間車仔麵，一入到去見到牆上面嘅餐牌，嘩咗一聲，車仔麵竟然有燉湯飲。而且環境衛乾淨衛生，清清楚楚，食物相當高,物有所值 。我最欣賞佢呢一個車仔麵嘅餸並唔係亂糟糟咁放喺面上邊而係一小碟一小碟，全部分開晒，有潔癖嘅處女座表示非常滿意。 食神話齋，食車仔麵都要有質素，蘿蔔無渣、大腸無屎，呢啲當然係基本，喺呢度竟然可以有讚岐烏冬之外，豬腩仔同埋豬大腸都非常之入味，可口，一啲都唔肥，顛覆左我對車仔麵一向嘅諗法，可以再 嚟。小碟上的餸。凍華田也很好！車仔麵店竟然有讚岐烏冬

香港坊間美食之一既車仔麵，漸漸地演變成更講求形式多樣化，不論配菜種類又或者係湯頭配搭，都有著層出不窮既變化同個性，唯一不變既係粉絲們對其喜愛既程度依然不退減。晚上突然落起一場雨又諗唔到晚餐有咩好食，巧合地路經莊士敦道電車路旁邊既四爺車仔麵店，窺探一下食客面前既車仔麵及燉湯頗吸引，於是拿起門口既點菜紙了解下，就決定抱著試試既心態入內。食車仔麵既好處就係可以按個人口味喜好自由拼出千變萬化配搭，呢度所提供既配菜選擇絕對可以滿足我既期望，餸菜款式可以歸納為3種價格級別，每客最低消費以三餸作起步。由上而下先挑選出自己喜歡既湯底，牛精仔當然唔會錯過傳統牛骨湯，愛其味道濃郁不膩且湯頭清澈。接著剔出三款配餸，云云選擇之中，揀左挑戰舌尖神經既麻辣牛肚，另一款為瑞士雞翼及柱候牛筋腩配油麵底。為食貓就選擇左結合綠色原素既菠菜麵加上店家秘制既招牌芫茜皮蛋湯，餸菜方面就點選咖哩牛筋腩，古法滷水豬大腸及皇牌豬腩仔。原來每一碗車仔麵都用上木盤盛載，特別之處係你可以先飲幾淡湯，原因係本店會把配菜分開以小碟子放上，而非把它們一口氣混入湯內，那麼你可以享用到最原始味道既湯底之餘，又不失配菜醃汁既精華。當中既豬腩仔最具霸氣

適逢上個月係生日月，同朋友家人食大餐既次数都多左，所以呢晚屋企無人煮飯要食埋先返屋企既我都係決定食得清淡啲見到呢間車仔麵店既格局裝修都好企理，仲要有燉湯飲？！！一於就決定入去飲啖靚湯食碗麵先先睇下車仔麵有咩配搭可以揀先，睇完一輪就決定要個“四爺秘製芫茜皮蛋湯配讚岐烏冬”HKd$27，餸料揀左三款，分别“咖哩牛筋腩”HKd$15、“古法鹵水豬大腸”HKd$15同“手工白菜餃”HKd$13跟住就揀返個燉湯補一補 潤一潤先最終決定要對自己好dddd~嗌左盎“鮑魚花膠燉火瞳”HKd$128係等食物送上檯既期間，試左係檯上供食客自取既酸蘿蔔粒，又幾好食啵個麵餐都好快送到，d有汁既餸料會另上，咁就可以試清個湯底，唔會俾d餸汁溝到啲味唔同曬個芫茜皮蛋湯底去大大舊流心皮蛋大腸無異味兼且好入味燉湯係我食梗既時候都送到上黎啦原來一盎有咁大，完全係二至三人分量！！！除左有金華金腿、鮑魚、瘦内、元貝仔同三大塊花膠之外，仲有兩隻雞腳係入面呢個燉湯真係好足料，飲落既味道清甜且鮮，係滋補滋潤既感覺呀