四寶食堂 (兆安廣場)

營業中

休息中

收工同事提議一齊去銅鑼灣行街，見時間尚早，同事話帶我去食一間好食又抵食既茶餐廳食下午茶。一黎到四寶食堂門口已經即刻俾招牌既Tiffany blue招牌吸引住。5點半既時段，餐廳坐滿食客，等左大約10分鐘就有枱可以入座。有別於一般茶記，餐廳內部裝修亦以Tiffany Blue做主色非常有格調，另有有一大片花花牆。可惜因為花花牆前已經坐滿食客，安排唔到位置，所以我唔可以向牆前瘋狂打咭😂有少少肚餓既我地首先點左黑松露煙肉什菌忌廉意大利粉。賣相可能唔算吸引，但味道卻令人出乎意料既美味。濃郁既松露味道再配上厚厚既忌廉味，味道配合得剛剛好。意粉口感彈牙，唔會好似一般茶記煮得時間過長而冇彈性，非常值得推介👍🏻。另外，我地亦點左英倫紳士啤酒炸魚薯條；金黃色既魚柳分量十足，口感鬆脆香口，但魚柳仍保留住魚肉既鮮味同肉汁，唔會太乾。配埋薯條加茄汁，又食到唔停得口。最後我地試埋四寶食堂既招牌熱狗；長長既熱狗包夾住2條雞肉腸，我地2個女仔啱啱好可以一人一條腸仔唔駛爭🤣🤣以銅鑼灣地帶，下午茶餐平均唔過$50就可以食到咁高質既食物，絕對係物美價廉😍

同朋友去銅鑼灣行下，買完野之後，朋友知道附近有間好食又唔貴嘅茶餐廳，提議一齊去食晚餐。四寶食堂裝修時尚，燈光明亮，座位舒適。晚餐奉送餐湯，蘑菇忌廉湯口感順滑，濃稠適中。百里香蒜香欖油烤春雞、炒雜菌炸薯條：春雞都好大隻，一上檯就香氣撲鼻，烤雞表面金黃色，雞肉軟腍入味，切開入面滲滿肉汁。雜菌炒得美味香濃，薯條香脆可口。香煎加拿大豬柳拼板燒紐約雞扒、炸薯條、薯仔沙律：豬柳肉色淡紅有光澤，非常嫩滑，沒有太多肥油脂。雞扒肉質鮮嫩，加埋醬汁香口又惹味，薯仔沙律味道亦不錯。鮮油多：新鮮烘焗出來的多士夾上冰冷的牛油，烘麪包會被溶化的牛油變成輕軟，而食用時能夠吃出濃厚的牛油的香味。雪山紅豆冰：啖啖的紅豆香加上順滑的忌廉和濃郁的淡奶香，配搭成美味飲品！港式炸雞脾配奇律薯條、沙律，雞脾即叫即炸，皮脆肉嫩有肉汁，薯條外脆內軟的口感令人食不停口。

呢間餐廳算係打工仔成日幫襯嘅😂提供多國菜式嘅港式茶餐廳✨招牌菜為經典蜜汁叉燒滑蛋飯/香煎蔥油豬扒煎蛋飯🍳食物幾大碟 質素還可以 座位之間都算寬闊佢晚市都有數個2人餐幾抵食💰如果揀唔啱 都可以單點嘅 但選擇唔算好多🤭⁡板燒美國頂級風門牛柳套餐🐮 $188配原個燒蒜薯仔沙律🥗配是日餐湯(白汁忌廉蘑菇湯)配雪山紅豆冰🫘 $30⁡雖然話用上了頂級風門牛柳唔知關唔關揀咗7成事 口感一般🤧🥴肉質稍嫌略硬 咀嚼起來有些許韌性 需要一定咀嚼力主要依靠個汁 本身牛肉個味唔係好食到🥲牛柳切片整齊 分量恰當一人份量燒蒜薯仔沙律當作係小食咁擺埋一旁燒蒜口感特別 既鬆脆又軟嫩👌🏻👌🏻咀嚼時蒜頭會立即釋放出蒜香 刺激舌尖 餘韻持久👍🏻薯仔沙律既易入口又好食 諗起童年「大食會」必備😂😂質地細緻綿密 柔軟可口 配埋牛柳啲汁更好味⁡白汁忌廉蘑菇湯🥣由濃郁忌廉與白汁融合而成調味方面恰到好處 唔會過鹹👌🏻⁡吉列豬扒北海道咖哩飯🐖 $78配蘆薈西柚梳打🍹 $30擺盤設計簡潔大方 大大塊炸豬扒😃質地偏薄身 表面呈現出焦香咬落都算軟嫩多汁 口感層次豐富米飯粒粒分明蓬鬆柔軟 與咖哩嘅濃郁相得益彰👌🏻👌🏻⁡💕梳打色彩搭配以粉嫩清新為

看到这上面的评价专程来吃了两餐，确实食物的质素相当之好，滑蛋配合黑蒜油口感一流，葱油猪扒份量大，且不觉得油腻。但，非常之伤心，现在编辑的时候才发现，当时女服务员给我打错了单，s1餐打成s5餐 以至于多付10元。本来对你们印象很好。都想问，上对了餐又怎么能打错？当时晚上太饿了又没仔细看，以后来这家店一定要注意看清单据再付款。

如果係銅鑼灣食野一般都比較貴，但今日發現呢間地鋪好多人排隊，我心諗多人排隊姐係有好野。果然無估錯，呢間餐廳既下午茶超抵食，兩個人食到勁飽都唔洗港紙二百蚊咋！我地叫左個百里香燒春雞（半隻）$52 港紙！有埋沙律菜同薯條，再加半隻雞。呢個份量絕對係抵！薯條熱辣辣即炸的，雞肉份量多而且幾好食。朋友就叫左香煎香草豚肉眼$45港紙！包一隻煎蛋同沙律菜。但如果唔夠食，可以加$15追加其他食物！我地就追加左$15薯仔沙律✌️食食下見到隔離枱叫左碟多士，好似幾正咁😂（隔離枱食既野永遠覺得好食啲）最後係都要叫埋先安落！但多士要成$31港紙。食飽飽最後埋單都係平！只係$149港紙咋！仲要係在銅鑼灣區！唔怪之得咁多人排隊啦。所以非常推介在銅鑼灣行街買野既朋友仔👍

現在銅鑼灣就算是假期人都唔多，今日跟朋友去食個下午茶，估唔到居然要排隊喎。✨🍴板燒美式薄牛扒配嫩滑炒蛋+胡麻醬田園沙律🥗：牛扒都算大塊又唔過熟；炒蛋就唔夠滑；沙律菜就少咗啲，不過跟這個價錢算合理。✨🍴月見壽喜燒牛肉井：牛肉份量都幾多，溫泉蛋流心撈飯唔錯，女士就剛剛好。✨🍴美式炸薯條🍟：跟餐加$15咋，粗薯條炸得脆卜卜，正👍🏻✨🧋雪山紅豆冰：跟餐加$8，抵👍🏻！紅豆煲到淋哂，加埋上面那餅忌廉就滑滑，超肥，明天再減吧😅！兩人最後埋單要$131，但加咗咁多嘢，算抵喇😁

今晚路過銅鑼灣，想起已經很久沒有這裏吃飯，便入內吃過晚餐。二人套餐$198，包餐湯、沙律、意粉、主菜和飲品。是日餐湯，忌廉蘑菇湯，忌廉嫩滑，蘑菇香味十足。廚師沙律，沙律菜新鮮，加上胡麻醬的酸甜味道，非常開胃。意式番茄肉醬意粉，香濃的蕃茄醬混合了肉醬之後，是港式茶餐廳的味道。香煎西冷牛扒，經過醃製的牛扒，肉質結實，非常有港式茶餐廳的特色，是個人最愛的味道。檸檬桂花蜜糖冰茶，桂花味道適中，檸檬酸中帶甜，非常開胃。鳳梨百香果冷高山烏龍，百香果和鳳梨的味道都不會太濃，喝茶有清腸胃的作用。雪山紅豆冰，紅豆軟腍腍可口，加上忌廉和椰奶的味道，非常滋味，可以作為飯後甜品。雪山西多士，西多士軟硬適中，加上忌廉和花生醬的味道層次更加豐富。

見好多好評，所以特登前黎試早餐環境光猛 多位坐同睇落新淨一坐低就同個女侍應點餐：我指住餐牌講想要沙嗲牛米點知呢個女侍應（金頭髮、戴橙色錶、粗框眼鏡、心口有銀色長形吊嘴）好惡咁話「睇唔到喎」我無發火，即時口講一次沙嗲牛肉米炒蛋熱奶茶佢又抄唔晒，再問飲咩當然我唔會發脾氣，因為唔需要，只有透過openrice表達我的不滿香港點解咁少客？咪就係因為呢啲員工囉lesson learnt: 睇好評之餘，更重要係睇負評先

之前食過呢度嘅晚餐，覺得內容好豐富抵食。今日起身晏左，所以試吓呢度嘅下午茶。二人下午茶$108咋，包括左芝士肉醬意粉，照燒雞扒咖哩飯同西多士。芝士肉醬意粉：拉絲的芝士在口中融化，與濃鬱的肉醬完美融合，醬汁中混合著的細碎牛肉和香料，讓人一口接一口；照燒雞扒咖哩飯：照燒雞扒外皮烤得恰到好處，鮮嫩多汁，淋上的照燒醬香甜與咖哩的厚重形成對比，使整個口感層次分明；雪山西多士：金黃酥脆的吐司裡夾了滿滿的花生醬，吐司邊緣的輕微焦香與黃油和糖漿交織在一起，一口下去，好美味；另外朋友叫咗個熱狗餐$32，可以加$15配個蔥油撈公仔，超級抵食。熱狗：香腸內裡肉質緊實多汁，與軟糯的麵包搭配，口感豐富；蔥油撈公仔：細膩的麵條在濃鬱的蔥油中滑動，微微的辣味和蔥油的醇厚完美融合。

今日約左朋友一齊去上堂, 上堂前是但搵間餐廳食飯啦. 求其食就揀左呢間四寶食堂, 都係一般茶餐廳. 但感覺上又比一般茶餐廳高級少少. 食店既座位之間都唔算係好迫, 起碼唔會同隔離枱痴得好埋. 佢既食品都比出面既茶餐廳係高級D既. 我地揀左燒春雞同埋封門柳. 初頭我以為個燒春雞係得半隻, 點知黎到既時候係成隻. 再可以任配兩個SIDE DISH, 我就揀左炒磨菇同西蘭花. 我係好鍾意食雞既人, 同一般人一樣, 唔鍾意食雞胸, 因為覺得好鞋; 而燒雞梗加係容易整到好乾身, 好鞋, 但係呢度既燒春雞令我有驚喜!!! 佢既雞胸竟然唔算好鞋, 完全係可以接受, 我可以食晒! 雞胸都唔鞋, 雞脾梗加唔洗講, 一定會滑啦!!!唔錯!!評分：👍🏻👍🏻👍🏻👍🏻/5而另外封門柳, 我地叫左3成熟, 上碟既時候雖然冇3成, 但係唔會去到7成或全熟. 因為好多時候茶餐廳食牛都係HEA 你! 上碟既時候已係一細舊, 方便容易食! 食落口時, 食唔出有梳打粉, 食唔出啲牛有 “嗱”過既味道, 食得出有牛味, 質地唔會好UN, 但又有少少咬口, 冇諗過係呢啲地方食得到呢種牛!!!評分：👍🏻👍🏻👍🏻/5 不過如果兩碟

四寶食堂地址: 銅鑼灣謝斐道482號兆安廣場地下1-3號舖4月好多紅日，留港消費，幫襯cp值高的餐廳。出名滑蛋叉燒同蔥油豬扒，看看menu 好似轉左。 $78 xo醬滑蛋蝦球飯，炒蛋呢度是必食，xo醬辣辣地超香，蝦都多大大隻食落彈牙$88 香煎加拿大豬柳拼雞扒，伴2個side 田園沙律同炒什菌。比了兩大塊雞扒同一塊豬柳，女朋友分了一塊雞比我，好大份堅有心。$15 菠蘿油，是跟餐加，當甜品。香脆像曲奇的皮，鬆軟麵包咬到中間是牛油，這美妙如身置天堂。留港支持消費。#四寶食堂 #香港美食 #香港茶餐廳 #香港茶記 #香港探店 #港式餐廳 #香港必食餐廳 #銅鑼灣美食

假期來到銅鑼灣行街，選擇了這間平民茶餐廳四寶食堂，很抵食，餐廳環境很舒服，牆上有一大片花海和裝飾。套餐的伴菜也很豐富，可以任選兩款，有牛油粟米，田園沙津，原個燒蒜，炸薯條，炒什菌，香烤蘭花苔，德國薯仔沙律。蘭花苔很特別有很多花，口感似芥蘭。❇️板燒美國頂級風門牛柳套餐$1887成熟的牛肉質鮮嫩多汁，口感細膩，濃郁的牛肉味❇️勃根地紅酒野菜燴羊膝套餐$148濃郁的羊肉味，羊肉一點也不騷，份量很大❇️香煎加拿大豬柳拼板燒紐約雞扒套餐$88份量很大，同時食到兩種口味❇️鳳梨百香果冷高山烏龍、蘆薈西柚梳打濃郁的烏龍味，很多鳳梨粒，很多蘆薈粒

放工同屋企人經過e間餐廳，覺得d套餐都幾抵食😍所以就去試下😋餐廳座位有d似茶餐廳格局🥰坐得都舒服🤩我地點左二人套餐，入面有餐湯，沙律，主菜同甜品，都幾抵食😍餐湯係白湯黎😋🌺我地點左香煎鴛鴦扒做主食😋入面有雞扒同豬扒👍🏻我地配左個經典卡邦尼意粉，佢個蛋汁加埋芝士一齊食😍好入味❤️🌺板燒美國頂級封門牛柳配左薯仔沙律牛油粟米，要左5成熟😋食落肉汁滿滿，口感嫩滑👍🏻🌸雪山西多士，西多士食即整嘅😍外脆入面係滿滿嘅花生醬🤤🌸 朱古力雪山，勁大杯😍d cream 帶奶香，朱古力🍫好香濃🥰

第一次寫食評，主要想比個like 四寶staff ，服務態度好（尤其戴眼鏡有個小肚腩嘅哥哥，好細心，謝謝你）帶住BB 幫襯，職員安排冷氣無咁凍嘅卡位，仲主動比支小匙羹🥄小朋友，好細心食物質素穩定，幾好食，值得Encore !

同朋友嚟咗呢間茶餐廳☕️🍴開餐🤣呢度有幾款 Dinner Set，Dinner Set 「晚市套餐」係「是日餐湯」+「伴菜二款」+「主食一款」+「飲品一杯」🤣$148「紐西蘭頂級草飼西冷牛扒🥩原個蒜頭🧄+香烤蘭花苔」：叫咗7成熟，西冷牛扒🐂🥩肉質幾軟熟；呢度仲有 Broccolini，將 Broccolini 翻譯成為「蘭花苔」，又學到嘢🤣；呢度嘅 Broccolini 爽脆又鮮甜，好好味👍$88「香煎加拿大🇨🇦豬柳拼板燒紐約🇺🇸雞扒 香烤蘭花苔+田園沙律🥗」：Broccolini 都係 爽脆又鮮甜😋跟餐加 $8「鳳梨百香果冷高山烏龍」同埋都係加 $8「蘆薈西柚梳打」：兩杯都叫咗少甜，清新幾好飲😋$48「西多士」：西多士🥪熱辣辣脆脆哋👍，牛油放喺西多士上邊糖漿放喺側邊，可以自己控制油度同甜度，非常好👍