四季‧悅 日本餐廳 (遠東金融中心)

營業中

休息中

好味道！四季係先係門口㨂餐付款後再到大廳揾位！飯餐準備好後會送過去俾你！飯餐約98～138！這間最好就係不用加一！但如果入房的價錢完全不同！今次我們就係大廳食！我㨂咗鯖魚餐！條鯖魚好好味！肉滑又大條！d飯就係珍珠飯！仲送埋小食同湯都係$88！食完真係好飽好滿足！蚊！抵！

午餐時間，呢間餐廳都算唔洗等得耐，大概10分鐘就排到去counter落單比錢，然後坐低，只要將佢俾你塊牌擺喺枱面，就會有人會送餐俾你。［蔥吞拿魚飯定食，$95］定食跟麵豉湯同小食；而吞拿魚算新鮮，但唔夠肥不過金鐘晏晝食日本菜，咁嘅價錢，咁嘅質素，其實都算係咁。

落大雨就需要去食色彩繽紛ge野為灰濛濛的天氣添一點生氣.. 呢款便當樣樣都有..好多顏色睇見就開心 ..材料好豐富..而且每樣味道都有水準架..雞扒煎到金黃色..好香好入味.. 餃子不過不失....吉列炸物脆卜卜 再配清爽既喬麥麵野菜沙律..呼..好滿足

餐廳外貌幾高貴，坐位濶落, 坐得好舒服, 服務都唔錯，唔同平時d日式放題餐廳坐位好迫好窄，最快黎既係刺身，我地品嘗完刺身，等左20分鐘還未有食物到，原來漏左單，我地再落單，幾分鐘後食物到喇，Waiter話師傅做得好快，落單後最遲十分鐘食物就會到，如果未到應該漏單，食物質表一般，D炸物粉太厚唔好味，刺身雖然新鮮但鮮味唔多夠，三文魚子唔腥好味，甜蝦都幾大隻玉子好味，雖然係團購不過價錢都有點貴，送既羊架唔羶好味，我地叫左豆腐綠茶麵都無黎，漏單都幾嚴重喎！

這家店都是荷包較鬆動時去吃的日本餐廳，佢有分兩邊，一部分已較自助的形式，而另一邊是餐廳的格局。這家我覺得比較地道，因金鐘那邊工作的日本人都會去這店吃午飯，所以應該算是附近少有的選擇吧⋯⋯//今次和同事去自助快餐的那邊，幸好有位置，所以可以好快有得食。我點了天婦羅飯，份量都不少，天婦羅種類較多，最好味的是茄子和天婦羅蝦，炸粉不厚，又沒有油膩感，所以吃完都沒有負擔的口感，而飯配上一點點醬油，令飯容易入口，因為炸物本身難送飯，但這飯可以搭配起來，配上煮南瓜和麵豉湯，係一個不錯的定食。

裝修前去過已經覺得食物質素好高而且好平均，所以對佢晚市放題念念不忘，更加對佢有好高既期望當晚係朋友生日，所以Book定位，去到都唔洗等，直接入座，服務態度好好，有禮貌裝修後格局更舒服，環境都改善左好多。我同朋友都好欣賞呢到食物，特別係刺身，海膽好新鮮，完全冇腥味，而且份量好足夠，真係好好味！值得推介！另外個招牌銀鱈魚都好正，一啲都唔鞋，燒到岩岩好呢到既鰻魚好厚，啖啖肉，而且個汁好惹味，我朋友平日好少食鰻魚都大讚佢夠juicy！好開心裝修後食物仍然保持高質素，係一間高水準既日本餐廳。

晏晝去四季悅食business lunch, 有很多定食選擇, 我就選了三文魚帶子魚生飯, 上菜速度值得一讚.而定食非常有驚喜, 先來蒸蛋及前菜, 蒸蛋很滑及很正宗, 師傅有功架. 三文魚頗肥美, 帶子有5片, 魚生飯的溫度剛剛好, 很鮮而且份量很足, 會再去.

一入門口, 餐廳好大間好濶落, 坐得好舒服, 一D都唔似平時D放題餐廳. 第一印象真係唔錯, 以為係金鐘食到好高質日本放題, 因為同外面比都貴dd .食物種類較少. 除咗甜蝦同玉子好食, 其他刺身無咩鮮味. 刺身竟然有葱吞拿魚蓉, 要夾都几難, 做成 sushi會好啲.sushi 唔錯啊, 仲叫多個round 口忝. 沙律菜好新鮮.D炸物唔係好熱個几款燒魚十分好味, 特別係呢個. 其他熱盤上枱時都唔係好熱。　食到7788, 先同我地講有羊架送, 無羊羶味, 鞋咗D.

在一網站中見到此餐廳有團購, 以往在金鐘上班時也有到過此餐廳吃午飯, 那時他們的便當是很好味的, 於是在看見此價格也不屬於便宜那種放題再加上是沒限時段的, 那就買下了4位跟朋有打算有一頓開心滿意的晚餐.這個放題原是由 6:00pm 至 10:00pm 的 last order 9:00pm, 當日我們訂了7:00pm. 座位安排上這家餐廳是較其他放題店闊的, 沒有擠迫感, 加上是新裝修, 整體感覺上都清潔舒適.  4位有一支紅酒/日本清酒送.可是食品的質素真的很大問題, 所有剌身都沒有鮮味, 淡淡的...... 壽司上的紫菜也不脆..... 天婦羅也是不新鮮整那些外皮不脆..... 在我的記憶裡這家日本餐廳的質素應該不是這樣差的. 那此食品的造型是沒有的, 所以我們都不願拿起我們的手機去拍照..... 其他的食品我都沒有太大的興趣再吃了, 這個價錢要是在外也有很多好選擇, 真的很不值. 可能我們對此餐廳有一定的期望, 所以那個失望的感覺真的很大.   希望他們可以改進. 

未裝修前都有食過，有水準既日本食肆，所以裝修後再黎。不過坐低睇睇餐牌，同同事不禁嘩咗聲，仲有想走既衝動，一向都知唔平，但裝修後價錢比以前起碼貴咗$40。以往大部份既SET都係$110-130，依家起碼要158，難度將裝修費轉嫁俾消費者 我哋一共叫咗5個SET炸吉列黑豚豬扒定食，肉質OK，唔"鞋"，只係一夾起D吉列皮就跌咗一半。鍋燒稻庭烏冬定食，天婦羅同烏冬都係屬OK，但三文魚腩好正，夠肥夠新鮮。銀鱈魚飯天婦羅定食，銀鱈魚夠晒滑，配上燒汁一流三文魚帶子魚生飯定食，有少少superise，因為menu無講有魚子，魚子好新鮮，唔會有勁腥既味道，三文魚夠晒肥美，拍得住有腩既肥美度，相比起帶子遜色咗少少，但其實都好好味，整體黎講係好好食三色魚生飯定食，相比起另外4個SET，呢個主菜望落去份量好似較少，但材料一樣好新鮮，海膽帶甘香，吞拿魚腩夠肥，加埋魚子撈飯又係一流既配搭。