囍越 (V Walk)

營業中

休息中

食物賣相不錯，但質素一般，一係無咩味道，一係太重口味同油膩，但環境和服務不錯。比較好食既係咖哩軟殼蟹加印度薄餅，同斑蘭糕點，海南雞鞋鞋地，札肉拼豬手味道麻麻，不推薦。

星期日兩點幾到，不需等位，但是服務生話三點半要交枱，因為員工用膳要枱，所以我哋食得比較急💦😅。餐廳佔地不大，座位亦不闊落，枱與枱比較近，有啲仲與鄰枱連住💬，用透明膠板分隔。服務員細心👍，會主動加水，俾濕紙巾，見有小朋友，就俾定碗筷share食物💯。我哋三個人，兩大一細，叫咗 海南雞飯， 春卷，紙米卷， 豬耳扎肉鳳爪， 香芒糯米飯 ，食咗三百幾蚊。甜品最出色😋，椰汁夠香又夠多，配合糯米飯軟淋沐暖暖地，甜品份量相對其他主菜，係出奇地大💞。整體來講，食物不過不失，cp值尚可。❤🧡💛💚💙💜🤎

服務比想像中周到！侍應主動加水及提供甜品餐具！米紙卷好好味！海南雞也非常滑！薄餅配上咖喱也很好吃！最驚喜是飲品，幾款飲品也很好飲，而且叫少甜也做到少甜的效果。good!!

鐘意食越南河嘅朋友都知，除左火車頭河之外，生牛肉湯河都係其中一樣名物😆今日興之所至，決定去食返碗先😆🐮生牛肉湯河 $66我自己係好鐘意食牛肉🤣呢碗生牛肉湯河嘅牛肉量很多🤤🤤黎到好多都仲係紅紅地，浸一浸擺入口，生熟度岩岩好😍肉味又夠，湯嘅味又濃😆湯河嘅配料同份量都好大，岩哂午飯時間肚餓嘅我🥰勁滿足😎套餐仲配埋餐飲，飲埋即刻飽哂，正🤤另外都想提及Waiters服務唔錯，會睇返你用餐前後，比返濕紙巾同牙簽，細心❤️

今日同娘親食嘢，揀咗間越南餐廳食飯，今日見冇乜胃口又岩岩病好，就點左個火車頭河粉同咖喱雞薄餅，個Pho 個湯底好，配料足，所以食得都相當開心。而之後黎呢個咖喱雞配薄餅，亦都相當唔錯，好濃咖哩味。味道同埋環境都唔差，唯一缺點係餐廳比較嘈，如果想好好安靜少少傾偈嘅話好似有啲辛苦，不過係幾啱鍾意快食嘅朋友嚟食越南嘢嘅。

又到食lunch的時候啦！是日選擇咗主打越南菜式的What the Pho。通常食越南菜，我都會選擇越南河粉，相比起越式法包，河粉出品比較穩陣，有質素保證多啲！我點咗火車頭河粉，貪一碗河粉入面乜都有齊；牛生肉、牛腩、牛丸、牛柏葉等，質素如預期般正常。建議可沾上少許越南魚露一人食，食落更滋味！整體來說，作為lunch的快食選擇都不錯的。

好耐無食越南嘢，行街經過見到店入面都多人食，就入去試下。🍜火車頭湯粉湯底夠熱夠味，值得一讚，叫得火車頭就當然各種配料都有啲，有牛腩、牛丸、牛筋、牛柏葉同肥牛，肥牛唔會一大片肥膏，牛丸爽口，其他就普通。🦐鮮蝦米紙卷蝦夠大隻爽口，食落清爽，再點埋醬汁一齊食，味道啱啱好，唔會太寡。🍧芒果糯米飯芒果香甜，糯米飯比較硬，可以軟糯啲就更好整體嚟講係比較普通，中規中矩，可能開係商場貴租，食物價錢小貴🙈🙈

囍越是一家提供傳統越南菜餚和創新料理的餐廳，食材新鮮品質優良。火車頭、小食拼盤、海南雞和芒果糯米飯都是非常受歡迎的菜品，菜品精緻可口。此外，裝潢設計和氣氛也相當吸引人，能夠讓顧客享受到舒適的用餐體驗。服務團隊也非常注重顧客體驗，提供貼心周到的服務，讓每一位顧客都能夠感受到家的溫暖。總體來說，囍越是一家值得一試的餐廳，非常值得推薦。如果您想要品嚐美味的越南菜餚，並且享受到優質的用餐體驗，囍越絕對是一個不錯的選擇。

第一次幫襯，相當有驚喜。同行一位朋友食素，餐牌都有好多素食選擇，我地叫左芒果米紙卷，素食冬蔭公，都好出色。咖哩雞配左印度薄餅，本來都怕薄餅會好油，但烤得又香又乾食，完全唔油。大讚👍🏻餐廳職員個個都好好，時常幫手加水，留意客人需要，又主動提出幫手影相，整個用餐經歷好愉快。推薦👍🏻👍🏻👍🏻

朋友聚餐，呢間坐得較為舒適，而且晚飯時間不多客人，不用等。食物方面，大多數是細細碟，份量偏少。點了鮮蝦柚子沙律、椒鹽豆腐、越式米紙卷、咖哩雞肉、薄餅、蒜蓉包和豬頸肉。最好食仍是豬頸肉，爽口彈牙，如再濃味啲更好；咖哩雞肉正常，薯仔好淋好入味，伴蒜蓉包，咸香得來不太油，好味，不過薄餅略嫌有點過硬，下次可以不點；至於沙律、豆腐和米紙卷一般，沒有太大特色。最後當然來個芒果糯米飯作結~ 芒果好清甜，糯米飯軟硬度剛剛好，溫暖既米飯伴入薄薄的香濃椰汁，每口軟糯香甜，是整餐最好味的食物。

香港都唔少好好食嘅越南餐廳，呢一間What the Pho 排名中間，暫時食過一次覺得都唔錯。兩個人叫三樣嘢食，簡簡單單輕食來講都OK嘅。咖喱牛腩配薄餅價錢唔會好貴，個牛腩炆得好琳，佢個咖喱唔係好杰撻撻嗰啲印度咖喱，比較水狀多少少，如果杰多少少配埋個薄餅應該會更加好味！ 個薄餅好出色，雖然個重點應該放喺個假呢度多一啲，但係呢一點值得一提起。呢間嘢嘅小食都唔錯，選擇亦都有好多，兩個人叫兩個小食一人一半啱啱好。燒牛肉蝦片一份有兩塊，我鍾意食呢個！越式炸蝦餅，即刻炸起嘅溫度同口感，我朋友鍾意食呢個多啲，比較彈牙爽口。我就覺得牛肉蝦片嗰種同一個菜式唔同口感豐富啲好食啲。

每次去到v walk回家嘅路上都煩惱夜晚食咩，今次同女朋友去左囍越試一試越南菜。豬頸肉湯河呢個湯河係牛清湯湯底，相比一D大形連鎖越南餐廳，佢味精感覺相對比較少，而河粉係幼粉黎，無煮到好淋，有口感豬頸肉份量算正常，有少少烤嘅味道，配佢個個酸辣汁為呢碗清淡嘅湯河帶來左一d刺激。咖哩雞肉 (配薄餅)咖哩係偏唔重香料味嘅口味，雞肉都算係嫩，但可惜係份量其實只有四舊，仲要只係暖，呢一個扣好多分。蝦米紙卷蝦肉十分彈牙，個皮即十分薄，點左魚露酸汁個味道好夾。 

就15/12跟家人3人去吃晚餐 19:30下單食物 上食物速度很快 食物也不錯 味道基本上可以 但莫名其妙的是我們東西沒吃完我家人的麵碗就被收走了 筷子還夾著肉…… 到第二次換成我的了 我立刻看一下手錶19:54 20:00不到 我下單到他服務員收我碗不到半小時 這麼趕時間？？？我也還在吃！！！之後過了幾分鐘我叫上甜品 他服務員又來收東西 收我是沒關係 因為我吃完了 但我家人還沒吃完 我忍不住問他們店面負責人是不是這麼趕時間 結果那負責人大聲叫他們服務員之後別再收我們桌東西……就好像說我們不準他們收東西一樣…最後更離譜就是甜品出來了那負責人又跑來大聲說服務員是因為上甜品才收東西！我就跟他說叫上甜品前就收兩次了 人家筷子還夾著肉吃！！！結果他又大聲叫服務員別再收我們這桌東西！這麼趕客人還真是第一次見！真是爛到家了！

十年唔會去一次既南昌站今日去附近工作完就去左連接住既V walk覓食V walk真係成層都好多野食 但由於今日個胃想食下越南河，就去左唯一一間有越南河粉既囍越食野啦當日係星期日下午茶時間，唔使排隊都已經入到去因為心中已有選擇，就即刻點左生牛肉河佢野飲分開叫又無加配優惠，結果無叫到野飲個碗好大，但入面料唔算多，湯多個餸牛肉有啲柴，湯底都唔算夠濃，不過我食開重口味又難以作準既。結果加左大量甜酸汁整濃番d湯因為得自己一個，無叫再小食總括黎講，性價比一般，心癮想食都算滿足左

去左V walk睇戲，睇完見到呢間越南野環境乾淨企理，價錢又非常相宜就入左去蕃茄牛腩河蕃茄味超濃，牛腩亦都炆到好淋，性價比高豬頸肉湯河正常發揮，仲好細心分開上千層糕有驚喜，熱辣辣之餘仲有椰汁比我哋淋上面，好玩又好食！