囍越 (V Walk)

營業中

休息中

提前知道會到附近工作，又撞正最近好熱，好想食酸酸辣辣的泰越式食物，見到V-walk呢昌幾好，所以直接入咗。服務幾好，一坐低即刻有水又有餐單，又唔會催落單（當日都fullfull地），所以感覺良好。最後叫咗賣相吸引的順化鮮茄牛腩金邊粉同燒豬頸肉河粉，味道又真係唔差，好味👍🏻而且環境闊落舒服好坐，會再來。

另一個旅遊發展局嘅優惠，晚市食滿$400減$200。紅豆涼粉冰（$48）綠豆涼粉冰（$48）味道正常，唔太甜。紅豆唔算大粒但夠粉；綠豆並不是綠色那款，而是包粽那款綠豆；涼粉唔多得十粒八粒。真心覺得貴。鮮蝦雞絲米紙卷（$38）除咗蝦肉及雞絲，仲有青瓜絲、蛋絲、粉絲、紅蘿蔔絲、生菜，口感清爽。點辣酸醋汁提一提味更好。WTP火車頭湯粉（$88）可選河粉、金邊粉、檬粉，揀咗金邊粉，份量不少，滑得嚟有啲咬口，唔會淋 bat bat。湯底味道不錯，幾夠味。配料亦足，有牛腩（少肥肉爽，有口感，有肉味，好味）、牛筋（有咬口但唔韌）、牛柏葉（爽口彈牙）、牛丸（唔太彈牙，但有肉汁）、肥牛片（唔太肥，唔嚡唔韌，但牛味少）。咖哩軟殼蟹（$118）可選配白飯、薄餅、蒜蓉包（五件）、菜飯，揀咗蒜蓉包，份量比預期中大件，焗得幾香，味道亦不錯。咖哩汁唔辣，反而椰奶味更重，所以幾香，用蒜蓉包點嚟食，索哂啲味更好食。軟殼蟹染粉炸起脆卜卜，味道正常。另外仲有幾舊薯仔，煮得夠淋又夠粉，又係索哂啲咖哩汁入去，唔錯。香芒糯米飯（$68）糯米係暖的，軟身得嚟又煙韌有咬口，溝埋啲椰汁一齊食甜甜哋。芒果熟哂，老到有根，但好甜。呢餐未計

前排確診新冠肺炎，好返之後出去食飯簡直食咩都好好食！😋平時去V walk都只係會食飯堂（和平飯店）今次就試吓其他嘢食，呢間每次經過都好吸引而且都會排隊，但係整體上冇我期望中咁好都係比較普通，而且價錢都有啲偏貴🤑-小編揀咗個生牛肉湯粉🍲，牛肉有啲柴，湯底都幾濃郁，但係就冇乜特別之處，份量亦都啱啱好。海南雞飯既雞口感都有啲硬而且味道唔似海南雞，似係一個好普通嘅雞飯，唔值得試😢反而值得一試嘅係米紙卷，外皮煙煙韌韌，推介大家可以試吓香芒素菜米紙卷，單單就係因為素菜，只係加咗個芒果成個味道昇華左，冇咁dry，而且價錢亦都抵食，飲品呢兩杯都唔太推介因為味道都比較淡，可能大家可以試吓其他飲品😞

慶起，揀間就腳，第一次幫襯，侍應服務態度好好，有禮貌，會主動推介優惠，感覺唔係hea你ge, 坐得舒服好緊要，食物質素唔錯，推冬蔭公海鮮湯同埋火車頭湯粉，價錢合理，希望keep到，會返轉頭

講起V walk呢個商場，雖然算係中大型，但好食嘅餐廳真係唔多今日試左呢間What the Pho果然有驚喜一打開個午餐餐牌其實都有懷疑點解午餐都會咁貴但係食咗呢個午餐🥣之後我就知道原因味道服務抵食我今日點左個豬耳雞絲金邊粉凍咖啡🧉當個金邊粉嚟到，我好好奇點解唔見豬耳🐷原來㕑師係將豬耳打碎左溝埋啲扎肉一齊增加口感呢個豬耳扎肉真係好特別，而且又夠彈牙我從來都未試過豬耳做嘅扎肉可以話係一試難忘金邊粉份量好多，夠晒飽肚唯一不足係金邊粉質地偏腍湯粉嘅清湯飲落好清新唔會成啖味精味道唔錯凍咖啡就偏甜，完全冇咖啡味不過佢哋唔係專門嘅咖啡店所以我都冇要求屋企人就點咗個越南火車頭河粉🍜凍檸檬茶🧃呢碗河粉相當足料有牛肉，牛丸，崩沙腩，牛柏葉牛肉又新鮮又嫩滑牛丸超級彈牙，牛味香濃崩沙腩肥瘦分明，超級好食牛柏葉不過不失，有豐富嘅牛味河粉嘅份量好多，夠晒飽肚而且呢碗河粉嘅湯底同我個碗嘅係唔一樣呢碗火車頭河粉嘅湯底可以飲得出係用牛骨煲出嚟而且唔會有好重嘅味精個湯底簡直有畫龍點睛嘅效果另外仲有個千層糕同埋椰青糕因為趕住去睇戲要消滅佢所以無影相兩份甜品都係跟餐加$12配埋嘅每客有兩件其實如果甜品嚟計佢嘅味道只可以話係

中規中舉 不過價錢有啲偏貴午市套餐 包一杯熱飲我叫左個豬頸肉撈濛撈濛要額外加10蚊🙊而且午市都要加一的豬頸肉味道普通無乜大驚喜肉質係偏爽 唔係淋既呢個價錢 咁既質素 埋單$80幾我覺得偏貴 唔算對得起個價錢😶

話說 下晝完成任務後 夜晚約咗細姑姐同希希食飯對呢 平時趕返工食到一半就走咗啦 所以今餐我嘅喺呢個商場 生活咗都一段時間 但好多餐廳都未試過對上一次食泰國嘢 應該已經係 好耐好耐好耐之前啦同一間舖頭 今次嚟個第二刷 雙倍份量加碼食好西喔叫咗我哋嘅至愛 咖喱牛腩加海南雞飯 食到好飽飽啊不過呢 可能太好食呢 所以都等咗一段時間先有位啊入到去 得返一個鐘頭唔夠食 男侍應好大壓迫咁啊喂#小插曲佢幫我哋執枱都明嘅 但突然直言夠鐘 真係大吉你個利是啊唷我知可能佢哋趕收工架啫 又可能係我衰 嘢食未到狂催您單唷-是日Menu-Salad沙律-Shredded Pork Neck with Green Papaya & Green Mango Salad ($56)豬頸肉青芒木瓜絲沙律 ($56)-Assorted Grill Platter (Large) ($198)自選燒烤小食拼盤 (大) ($198)配埋生菜包 蝦片同檬粉另外自選六款脆炸小食-1️⃣Deep-fried Spring Roll / 2pcs ($38)1️⃣越南炸春卷 / 2件 ($38)2️⃣Grilled Satay Pork ($48

因為咁啱呢度附近做野，所以搵一間餐廳食lunch，第一次嚟呢間餐廳食，呢間都幾多人， Menu上好多款唔同嘅組合，我叫咗WTP 火車頭湯金邊粉 $82足料，味道ok , 無味精鮮蝦雞絲米紙卷 （跟餐+$28)涼伴，呢個時候食清爽😊椰青糕 （跟餐+$12)好淡口， 食咗都唔知食咗乜😔荔枝蘆薈梳打(跟餐+$20)我覺得冇咩梳打味，好似飲水咁😥總括呢間，座位比較密集，但服務幾好，食物幾多選擇，味道OK，但略嫌貴😅

有晚同男朋友想清爽一下去呢間what the po買沙律食見米紙卷有特價加埋 點知最正常係個米紙卷我地叫左鮮蝦柚子同豬頸肉青芒木瓜絲兩個沙律超級呃秤 一拎上手都輕飄飄番到去一開見左個盒得5成滿仲要大部分係墊底唔太新鮮既沙律菜材料同調味亦唔太ok原本以為柚子同青芒木瓜絲係主角得丁丁咁多…明明幾多年係第間分店食過都正正常常而家唔再幫趁了

是日幫襯what the pho , 冇食pho 一排，好掛住個味☺️☺️Order 左火車頭，有牛肉，牛丸，牛根，牛柏葉，個湯都幾夠味，個牛丸幾有驚喜，牛肉就正正路路，唔算滑，但按照連鎖黎講，整體都算幾好，仲叫左個椰汁糕，但比較普通，所以連相都冇影😂雖然價錢唔算平，但都算味道唔錯，坐得舒服，都可以再幫襯🥰

朋友話想食越南嘢，抱住試試嘅態度，點知啲嘢又幾好食同有驚喜喎！湯頭夠濃，肉類比例算多咖喱軟殼蟹配蒜蓉包👇🏻咖喱夠香,辣度啱啱好！蒜蓉包好新鮮，上枱嘅時候仲暖笠笠，芒果沙冰好Juicy又解到辣，仲有淡淡香濃芒果味，飲得出係真材實料。小食拼盤👆🏻（香茅雞翼，春卷，厚切扎肉，燒牛肉蝦片）炸物夠香脆，唔油膩，加埋個醬汁一流！😋職員都有禮貌及主動，整體用餐體驗良好，會再去試其他菜式及推介俾朋友😀

堂食同外賣都光顧了好多次，堂食好似正常少少，但每次外賣既食物質素越來越差，都唔係講關於外賣會凍左少少淋左少少既問題，碗金邊粉碎到根本夾唔起好似飯咁，份春卷同相片不符，好細條又好硬，似係番炸

今日早上工作完畢後到就附近既V Walk搵食，呢個商場算幾企理同舒服，食店都唔少，選擇都好多，一行三人就揀左越式既 What the Pho，雖則話係越式，但有咖喱又有印度簿餅其實都係fusion野，對於我地食客黎講唔理佢正宗同Fusion，總知好味就得嫁喇。我地三人點左咖喱牛腩配印度簿餅$98、鮮蝦柚子沙律$98、小食拼盤(大)$174（包括牛油雞翼、雞軟骨、燒菠蘿、扎肉）、南乳豬手(忘記影相及價錢)，溏心蛋(忘記價錢)、三杯飲品（荔枝梳打、熱情果梳打、綠豆冰）。老實講，一般我對午餐無要求，旦求熱要熱、凍要凍，即係湯粉既湯要係熱既，唔係常溫呢種，唔好太難食，我都接受，始終食完之後係要「趕住」開工，我相信都係好多打工仔既心聲。又老實講，呢一餐係既開胃、又好味既一餐，咖喱牛腩好淋身，即整既印度簿餅軟得黎又脆脆地，鮮蝦大隻又脆柚子又多汁又甜，牛油雞翼、溏心蛋同扎肉味道正宗、雞軟骨同南乳豬手好有驚喜，燒菠蘿香甜！

今晚同舊同事聚舊，前幾日book定枱👍🏻果然去到準備咗張大枱比我哋☺️坐得好舒服👍🏻仲有職員服務態度超好，唔需要我地叫都自動幫我地我地添水。野食叫完都好快上菜😋味道都唔錯。差唔多食完，突然職員仲幫我地開濕紙巾之後比我地抺手。突然好似有初戀嘅感覺😂整體都好好😊成餐飯都食得好開心🥰環境仲好好添👍🏻值得大家去食下😋

超級好，有位員工見我冇叫飲品，自動遞上一杯水，見我紙巾掉咗落地，即遞上一張新，食完之後又遞上濕紙巾，仲要係幫我微微撕開了紙巾包裝口，當然佢隻手冇掂到張紙巾啦⋯⋯服務好到我同阿女都對望一眼！