嚐越 (已結業)

今日星期五，應約到了這家位於德福一期的越南餐廳。由地鐵A出口上來轉入商場直行再上一層到，尚算方便。朋友已一早點好食物：香草燒蝦餅 $68這是燒而不是炸，適合不好炸物的我。蝦餅蝦味不濃但尚算彈牙不油膩。南越蒸粉包 2件 $39用架上比較精美，兩件漲卜卜很多餡料，倒上酸汁很提味。芒果沙冰 $40很濃芒果味亦有芒果肉於沙冰上，很吸引又有減膩感之用。雙層香芒黑白漢堡 $60本應想點水晶椰青糕，但剛巧售磬於是店員建議轉點這個芒果糯米甜品。糯米不韌，醬汁不太甜，不會蓋過芒果本身的果甜，令人容易入口。雖然$60，但份量夠2-3人分享。店員有主動添水、收碟，態度亦好，客人很多仍能保持禮貌，感覺不錯。

工作完後跟同事順路到了德福吃晚餐，剛巧身處德福二期，於是直上電梯便看到這間嚐越。選擇不少。《蟹膏湯檬粉 $85》這個很特別，於是點了一碗試試，原來份量夠2-3人分享。檬粉比較像米粉，湯底蟹膏味不濃，反而蕃茄味較濃，意外地正合我口味。《沙嗲串燒 三款6串 $138》有豬、牛、雞三款肉，每款2串。原來份量又是頗大，有點巴東串燒的感覺，男生吃的話必定盡興。每款串燒都很入味，燒得很平均沒有燶位，蘸上沙嗲醬汁很惹味。《馬拉盞炒嫩菜 $70》熱烘烘夠鑊氣，份量大而馬拉盞亦多，所以味道很夠，菜亦夠嫩，整體不錯。飲品：《鮮青檸梳打 $36》很消暑解渴、減膩滯。甜品：《雙層香芒黑白漢堡 $60》這個招牌甜品好像很火，一試之下果然有驚喜。由普通糯米、黑糯米和芒果肉堆砌而成的立體心型甜品，感覺很甜，但實際的甜度很適中，一點也不甜膩，糯米亦有嚼感，而芒果肉可能亦是夏天當造的關係（又可能要看運氣的，哈哈），味道很甜又多汁。

今日想食啲比較開胃嘅菜，嚐越我之前都嚟過幾次，覺得佢質素唔錯！點左個小食拼盤，炒金邊粉同叫咗杯椰汁珍多冰。先講拼盤有三樣小食春卷、粉卷同蝦捧，配埋酸甜醬，好開胃！另外金邊粉炒得乾身，唔多油，份量又足兩個人，食到好夠飽，最後加埋個少甜真多冰，good！

星期六下午黎到德福，間間都唔使排隊就揀咗呢間，d侍應全部都有禮貌服務唔錯。睇左lunch menu，都唔算平，但就包一款小食 粉卷/沙嗲雞串/馬拉盞炒菜，同埋包飲品。烤豬肉越式湯粉絲，d粉絲灰灰地色，幾特別架，豬肉好入味好香，份量都充足黃牛湯金邊粉個湯嫌淡左dd，牛肉份量都多，不過d金邊粉好難夾，壓埋一堆咁，如果剪一剪或者煮嗰時鬆一鬆佢應該會好d易夾d。侍應姐姐推薦話得獎菜色，都幾好食但份量少左d，菜就好大塊但春卷太細呢。寧願佢收貴d俾多條會好睇d。

太耐無幫襯過嚐越啦。唔知係點嘅菜問題定點，食物一般般。炒雜菜 - 味淡，完全無平時越菜濃濃嘅越式炒雜菜味道。係醬料落得少定炒得唔好？炒金邊粉 - 都係一般般啦，唔香口。

平日時間去食晚飯，大概晚上6:45到。不用排隊。不過食完之後見到排長隊。侍應放低兩杯水。同餐牌。我哋叫左3碟食物。菠蘿飯，馬拉盞炒通菜和拼盤。沒有叫飲品。食物賣相幾好。食物到枱時間都好快。不會等好耐。第一樣係菠蘿飯。但我覺得飯不夠熱，味道不夠，而且啲飯有啲硬，菠蘿好酸。第二樣係馬拉盞炒通菜，味道可以。第三樣係拼盤，味道也可以。不過不失。三百幾埋單，都算飽肚。價錢有啲貴。侍應態度有禮。地方清潔乾淨。

本來打算吃午餐，但係姐姐建議我們等多5分鐘，可以平嘆下午茶。馬拉盞牛肉煎蛋飯，蝦醬味不是很突出，令我想起大澳的蝦醬炒飯。滴滴咖啡要加16蚊，此咖啡要加煉奶才過癮。整體上食物不過不失，抵食嘅。

之前黎通常都叫湯河，今次人多所以可以試下其他菜。越式春卷 - 炸得好脆好香口，餡料都足夠。同啲菜包住一齊食又fresh又冇咁熱氣。蟹肉炒粉絲 - 佢用咗粗粉絲去炒，炒得好夠鑊氣。除左蟹肉仲有蝦丶扎肉同菜絲。味道鹹味適中，我食時加左少少辣醬，更加好味。飛天通菜 - 菜好新鮮，唔會有渣。菜炒得剛剛好，唔會過老。咖喱海鮮菠蘿飯 - 佢啲飯裝到滿滿的！淡淡嘅咖喱味包住每一粒飯，而餸就有蟹肉、蝦、肉鬆、菠蘿等，材料都算充足。芒果青檸梳打 - 因為我地叫啲餸全部都偏濃味，所以飲梳打好解渴。佢比青檸梳打多左少少芒果甜味，但又唔會比芒果搶哂啲味，上面仲放左小小芒果粒添。都幾清新，可以一試。

放工已是晚飯時間，到達德福廣場時肚餓的感覺真的很強烈! 當然便在附近找東西吃了個人都愛吃越南菜，也比較久沒吃了，便選了未嚐過的“嚐越“試試。時間大概晚上7時，店內仍有得多位置。點菜後，上菜也很快。先端來是越南春卷，勝在夠熱和有足夠大片的生菜。個人不太喜歡這款春卷皮，因它比較厚。醮汁酸甜味都略嫌不夠。跟著端上的是香茅豬扒湯粉。豬扒令我有點驚喜，就是它大概一厘米的厚度! 吃落味道雖然吃不到香茅味，但也醃得不錯。而且肉質咬落鬆軟，仍保持肉汁，很不錯。湯的味道清清的，也不錯。至於湯粉，我點的是檬粉，但它的樣子和口感跟我以前吃過的完全不同! 咬落有一點點煙和煙靭，可以的。有一厘米厚!推介大家可試試這香茅豬扒

✿╮❤╭✿ ✿雜感女生 好味日記✿ ˚*•✰。嚐越．越食越滋味。✰•*˚ ✿✿舌尖上的荃灣✿✿ ❤餓底飯聚❤ ❤ 很少到荃灣覓食，今天到荃灣探朋友 順道探索新食點 原來嚐越已經開到TW，自然要滿足久未嚐越的咀巴 這裡的下午茶套餐還是頗抵吃的 可配百香果梳打，或+$5 轉 熱龍眼海底椰蜜 份量多如LUNCH SET，當然和朋友點SET再加小食來吃吃 河內生牛肉湯粉 先喝熱湯香噴噴，越南湯河就是這口滋味 先將生牛肉擠入高湯裡燙一下，就是非常嫩滑的牛肉味 加點辣椒與青檸，湯都飲晒 水晶燒蝦米紙卷 米紙卷是泰菜、越菜常點之作 貪其爽口清新，此款特色在於用的是燒蝦 烤過的海鮮特別甜，亦帶來BBQ的香氣 比一般用的大蝦更惹味，配上鮮菜，更是爽口 越式札肉三文治 可說是來自法國的文化，本小姐最愛！ 以百吉包製作，上台仍是熱辣脆口 而且塞滿配料，扎肉、芫荽、蔬菜絲，十足的清新 香茅燒豬頸肉 不能不試的香口菜，沒有多餘油脂，更有香茅香氣 而且上自家製醬汁，不點已經夠好味！ 甜品： 水晶椰青糕：只為椰青那必食的清新味道 咖啡焦糖燉蛋：極有水準！ 焦糖面脆卜卜，咖啡燉蛋香滑

喺香港食越南野，價錢都幾大上落，有啲平得交關，有啲又貴到根本覺得唔值。嚐越價位屬於中中挺挺~有一排喺九龍灣番工，唔想行太遠嘅我當然都係留番喺商場裡面食，但其實呢個商場選擇唔多，所以有時都會黎嚐越，貪佢下午茶平啲。週六午市客人都唔多，但有時好討厭啲餐廳係都要將兩人安排喺啲根本放唔落二人份量野食嘅枱，結果？啲野食黎到又放唔落，最終都係要拍番張枱埋黎，有乜謂？仲有呀，本來又hold起啲卡位唔俾2人坐，我食食下咪又係見到兩個人坐左…咁食客咪唔開心囉，我地又係兩個人，人地又係兩個人。食越南野又唔係法國菜，都會坐你兩三個鐘。餐牌同一至五嘅有少少唔同(?)，價位係$77起。鮮黃牛脊湯金邊粉$79黃牛脊肉幾嫩，唔韌，個人認為好食過牛牛肉~湯底清清地，唔錯生牛金邊粉金邊粉份量都多，食得飽，不過呢個湯底飲落鹹過黃牛脊果碗雞翼呢個反而覺得幾好食，雖然係熱氣左啲，但雞翼配蒜蓉香口，仲配左幾條薯條~飲品方面，午餐附送汽水，凍飲加$3，另外亦都有好多add on嘅例如加錢特飲，或者加甜點。-味道屬於不過不失，講唔上好好食，環境ok，價錢略貴，兩個人介個lunch都二百幾嚕~反而對面果間假日lunch仲平啲，搵日試

今日工作路經九龍灣德福廣場二期，一個人入咗去「嚐越」食午餐，散叫左香茅豬扒撈檬及一個椰青：1）香茅豬扒撈檬 - 香茅豬扒還是以前他們在東涌東薈城嗰間分店好食啲，因為夠稔和juicy，撈檬粉的「碌冧汁」太commercial，應該是用的魚露不夠靚及太少青檸汁及太多水及冇乜指天椒。2）椰青 - Good! 埋單$124

今日晏就成班同事都冇帶飯~所以就出街食~ 去左德福嚐越1點 4位唔洗等位望一望個meun 都幾貴架喎叫左 set lunch網絲鳳尾蝦卷＋鮮黃牛脊湯賴粉＋熱鹹檸檬蜜 ＄92.4首先尼個網絲鳳尾蝦卷～有3條，仲有蝦餅一塊～蝦餅非常脆口咬開一啖蝦卷，蝦比較細條，但係成個蝦卷都好香脆～點埋汁唔會漏口～主食：鮮黃牛脊湯賴粉 之係生牛湯粉～黃牛脊好滑身，厚薄適中～有2舊羅白，唔錯唔錯～配辣蕉 青檸賴粉幼細最後飲番杯熱鹹檸檬蜜 ～ 滿足滿足

今日同男朋友去德福食晚飯，想食湯粉，所以揀咗德福二期嘅嘗越。今晚揀咗1)水晶鮮蝦扎肉米紙卷(2)海防海鮮酸湯金邊粉(3)蟹膏湯檬粉今次想講兩個湯粉。蟹膏湯檬粉個湯底好濃郁好熱，不過食落去就無乜蟹膏味(男朋友話淨係食到蕃茄味)，而且無咩配料。建議一定要趁熱盡快食，否則檬粉會好快索哂個湯脹哂。（兩個人share食比較好，無咁溜)海防海鮮酸湯金邊粉，配搭好新鮮，有菠蘿、蝦、青口、蜆、魚蛋等等，湯底夠熱，食落酸酸哋幾開胃，唔錯。米紙卷不錯的說。

落街shopping完肚餓，就求其搵位食，忽然想食越南野就黎。可能呢間個入口比較入，啲人都發現唔到所以唔使等位。常呢間野係集團式，所以來來去去都係食嗰啲。都係照返平時生牛肉金邊粉、香茅雞翼撈檬、馬拉盞炒通菜、鮮蝦咪紙卷。個生牛肉金邊粉正常味，湯係牛湯底。香茅雞翼都幾好味，不過枱面上果支撈粉汁材料唔夠得個酸味。馬拉盞炒通菜好油。鮮蝦米紙卷好大個presentation 幾好😏但係成＄68係得四粒（係平時嘅兩細條切開所以細細粒🙄）真係一啖一口🙄🙄龍眼冰唔夠味好少龍眼，青檸梳打都係正常無特別。可能因為鋪租貴，價錢定價唔平。食越南野要四舊水唔飽又唔特別好食唔多值囉，貴過淘大越盞。