嚐樂

營業中

休息中

差不多3年無寫食評了.....2011年開始要再繼續寫.......嚐樂就做我2011年的第一個食評啦......今次同班朋友一齊來食....最好味既有黑咕嚕, 糖不甩, 芝麻湯圓&甜品配料小丸子.....黑咕嚕係咖啡凍加朱古力雪糕加朱古力脆波加小小朱古力醬, 鍾意朱古力既人就不容錯過, 三種不同材料一齊食好夾,好好味。糖不甩最特別之處係除左花生芝麻外加有開心果碎, 都未試過有第二間食糖不甩會加開心果, 但好香口, 好味,可能我鍾意開心果, 所以我覺得可以再加多d。d小丸子好煙"un"配搭埋d糖水就好好味.....芝麻湯圓個薑湯好得, 唔太甜又夠薑味, d湯圓都好味, 湯圓個皮同小丸子都應該係自家搓製的, 因為同樣好煙"un"其他仲有一個似楊芝甘露既, 有個唔知係唔係石榴味既果凍, 味道好清新仲有另外一款有曲奇雪糕加涼粉既就不過不失啦....

朱古力雪糕豆腐布甸: 濃味朱古力雪糕, 不似一般牛奶公司的雪糕, 再加上磨成細緻粉末狀的oreo碎, 味道清新可人, 值得一試.黑咕嚕: 係軟滑的咖啡果凍粉條上加上濃郁的朱古力雪糕, 外層配以可可脆球, 口感豐富, 實在令一難忘. 美中不足之處是由於粉條無法承受雪糕的重量, 所以很難才可吃到頂層的雪糕.少少甜品看出無窮創意, 有機會會再嚐試其他甜品.

我本人係九龍城o既居民,差唔多都食「雲」晒.....不過嚐樂算係整體上係最好o既(1至5分, 我會俾幾多?)環境: 4.5 (環境幽靜,面對公園)食物種類:4.5(有傳統糖水,非傳統糖水,精選,豆腐花......)賣相:4.0服務態度:4.8(They are so nice!!!!)每次一唔開心,去倒就會開心番!!!D甜品好有新意,好獨特!!!自己一個黎,或成班FD一齊,都係必選地方!!!

依間糖水既配搭幾特別, 每出一個糖水,我地都嘩嘩聲. 又想食. 又想影相。 最重要係坐得舒適。讚!!!<楊枝金露> - 好特別, 味道同出面既有d唔同.. 朋友話有少少橎石榴既味道.. 我食左一啖, 覺得好清香.. 唔知點形容。好食!!<木瓜雪耳> - 又係好好味!!! 冬天必食, 正!!!!!! 下次會再食依個. <黑咕嚕> - 同意樓下所講.. 轉個頭就俾朋友食哂..==" 真係超好味!!! 所以最後叫多一杯一齊再食。 最鐘意食朱古力, 依個配搭好新鮮, 上面有朱古力味早餐粒粒+下面有咖啡啫喱, 簡直一流。

香濃咖啡凍加上朱古力雪糕既甜美令到成個味道更有層次再加上朱古力脆波,口感更實在屬畫龍點睛化作, 寒冬下吃亦不減其味力有朋友在場切忌點這個, 因為會被朋友分屍吃掉 (連照片也來不及拍)

有一天在九龍城吃過晚飯，發現這所新開業的甜品店，饞嘴的鄭烈忍不住要闖進去探個究竟。坐在簇新潔淨的店內，細看餐牌，看到好些有趣的"名堂"，令人按捺不住好奇要躍躍欲試~~縱是經已很飽，也忍不住點了3款甜品1)【雪糕曲奇涼粉】(真實名稱忘記了):上層是如Oreo麥旋風的雪糕球，中層有豐富的Oreo餅碎，下層是大大粒爽彈的涼粉，加上香甜的咖啡，令口感和食味的層次豐富極了!食後至今念念不忘，鄭烈極力推介!(2)【豆漿木槺布甸】:布甸很滑，充滿濃郁的豆香，外面除了灑上餅末，更淋上香濃的豆漿。口味創新之中見平實，實為老少咸宜之選!鄭烈吃時在想，要是再多加些豆漿，或是把豆漿分開上會更好! 因為餅末很快便豆漿把吸乾了，令口感變得黏膩。不知店主會否看到此評，考慮鄭烈的建議呢?(或是早已改良了，只是我未有機會再次拜訪才不得而知?)(3)【楊枝金露】:老實說，我原本不太喜歡點楊枝金露，因為許多時吃到的不是芒果味淡薄，便是柚肉有令人反感的苦澀味!不過，同行的友人點來，便試試看；一試，鄭烈差點吃了它半碗!幸運地，完全沒有我一直顧忌的問題，這裡的出品真是清香可口呢~~*行文至此，突來興致，一於趁今日聖誕佳節再次拜訪