嘉鳳 (已結業)

本人不喜歡小朋友，但對老人家非常尊敬，總覺得老人家對社會的貢獻是功不可沒的。因此每縫見到有公公婆婆主理的食肆，都自然會加添印象分，這間亦然。嘉鳳位於灣仔受一級保護的建築物旁邊，其實這一帶食肆和建築物都有番咁上下樓齡。大概四點去到，店內空無一客，只見一位嚴重陀背的公公和一位婆婆在準備食物。公公見我有意幫襯，主動招呼我，說大部份餸仍有供應，那我就睇睇有什麼吃。最後都食油麵，餸就要豬紅、蘿蔔及牛筋。麵要了小辣，是咖喱的辣味，也不錯。蘿蔔是清甜爽口，沒有渣；牛筋不過韌，亦不欠彈牙口感，那膠質感覺最為討好；豬紅幾入味，也不會一夾就散，也好；同時亦喜歡油麵的質感。現時車仔麵好像逐步被米線取締，車仔麵檔買少見少。但我還是鍾意港式車仔麵的風味。那些麻辣米線，靠邊站吧！

係附近返工﹐有時準時放 lunch 都會黎碰下運氣睇下有冇位試過車仔麵, 洋蔥豬扒飯加蛋, 飯係比較出色的~~車仔麵真係好多餸, 而且仲有 d 好耐無見過的e.g. 豬皮, 豬紅, 蘿蔔, 大腸但衞生情況有點令人擔心,我同事食到尾發現湯內有菜蟲及黑色的蟲蟲屍體不過, 大菌食細菌, 當睇唔到就算啦~~試過的菜色有咖哩雞飯 (阿姐話好辣好辣架喎), 雙蛋豬頸肉飯咖哩雞飯 : 唔係咖哩來的, 根本就係辣油雞翼飯, 食的同事話唔太辣, ok la豬頸肉飯 : 雙蛋固之然十分好, 但同事話豬頸肉好似白烚, 唔夠味其實最好食都真係洋蔥豬扒飯加蛋, 但本人覺得 $7 加兩隻蛋真係有點貴~~加飲品最少都要 $6。久不久去一次或試一下都唔錯既~

今日清閒, 帶同事來嘉鳳試過馳名豬扒. 一入去, 二話不說的兩個豬扒飯, 加太陽蛋. 上次來, 發現這兒的太陽蛋是如此的美, 今次到來, 一定要食返個.全院滿座, 被安排坐街, 陽光是斜射的, 所以....完全吸收UV Light.美麗的太陽蛋豬扒到了, 特登帶同事來食, 當然讓佢先, 兩隻大蛋, 圓圓的蛋黃, 加上上面一點點的醬油. 賣相簡單而美觀.我的呢, 哥仔說, 蛋剛剛用晒, 要等....出住個普通洋蔥扒飯先......, 如果要雞蛋, 要等街市送蛋黎才有.....幸好, 同事分了其中一隻給我, 所以都有得講下口感. 說真, 其實蛋一隻, 只覺自己太不小心, 一早俟弄穿了蛋黃, 不過, 蛋黃汁撈上豬扒, 份外Delights.仲有車仔麵, 下次再來時, 車仔麵都要試試.

看過這裏的食評後，有很大的期望。畢竟，現在的車仔麵水準跟從前相比實在是大為失色。最近吃過最出色的還數同區晏頓街的立食店，其餘的皆在水準以下。故此一聽到這裏有很不錯的嗱喳麵吃，馬上就去一試....預先知道下午吃飯時間，人一定多得很。故選擇了非繁忙時間來，可以安安靜靜慢慢品嚐...也知道豬扒也是這裏的名物，見到每枱都有一碟，但胃納有限，還是留待下回分解....這裏做的是傳統風格的車仔麵，沒有甚麼稀奇古怪的配料及醬料，最合我這個老頑固的胃口...鳳爪、蘿蔔及雞中翼油麵，勝在簡簡單單，這樣才吃出真味來。先喝湯底，很淡口很家庭feel，但不至於驚天動地的好；再看看鳳爪，連指甲也未除，有點倒胃，吃落也是不太夠入味；雞中翼吃上去也是淡得很的，似白洽雞翼多一點；蘿蔔是唯一最可取的，很清甜亦沒有太多渣....可能期望真的太大了。吃上去，只是一碗極普通的車仔麵....雖然有謂，車仔麵再好吃也只是車仔麵，只求做得實而不華，又夠便宜便可以了。但有那麼多的笑臉食評，要求及期望自然便更高了......

2008年8月16日早上 8:30 明明呢間係我童年回憶, 偏偏沙牛男友鐘意食呢間多過我, 奇! 之前食咗好多嘢啦, 今次淨係要餸…諗咗好耐要唔要麵, 因為佢D麵好鬼好食O架. 蘿蔔, 鳯爪, 牛根, 豬紅蘿蔔 – 好清甜, 絕對食得出唔係浸糖水 鳯爪 – 必食! 必食! 好正, 好入味!牛根 – 好味, 好入味! 豬紅 – 當大部份鋪頭都轉用雞紅, 佢重用近 “豬紅” 好香好味, 同雞紅差天拱地, 大家一定要食, 唔同O架, 豬紅係有重香味同埋有”煙UN”口感, 雞紅無嫁 魚蛋 – 點解轉咗發大魚蛋O架, 我地無叫啦! 唔好轉啦! 我地會好失望O架!

老式食店自有其吸引的地方. 某日放工路過, 看見門口飲食男女介紹, 亦在這裡大獲好評, 今日中午, 特登由大道東街頭行到街尾到此找食.不想食車仔麵, 自然會叫出名的豬扒飯, 一名駝背老伯服務(圖2), 年輕的女事頭連忙叫他不要幫手, 但老伯不聽, 只放棄執檯這個粗重功夫, 回廚房去.這裡說明, 豬扒飯即叫即煎, 軟硬質感始終同其他由煎而炆, 或由煎而焗的不同. 加了少許美極汁....以前在中環大排檔也食過類似貨色, 但這裡的殉扒, 更勝一籌.另外有人叫豬扒蛋飯, 那個白色的太陽蛋白, 中間一個鮮黃色的蛋黃, 只有用食店的專業爐具才能煎出這樣的蛋. 後悔沒有加蛋.店子英文名是Chicken Delights, 本來以為是以食雞而聞名, 後來才發現, 這裡聞名的是豬扒, 而且好像找不到同雞有關的食物...所以, 本人覺得, 這裡叫 Pork Shop Delights 更合適

我很喜歡看別人的食評，某日睇到龍火兄 (dragon fire) 對嘉鳳的食評，今日 lunch 的起心肝，由金鐘一直行至灣仔街市對面的石水渠街，決定一試這車仔麵店!到達後發覺並不多人，或者是炎熱的天氣令人對熱騰騰的車仔麵卻步，點了大腸($8)、溏心墨丸($5)、魚皮餃($5)、生菜($4)，加腩汁小辣芽菜，配以河粉($7)，轉眼間一碗材料豐富的車仔麵就放了在我面前 其實這裡價錢以老店/大排檔來說並不算便宜，但食材的質素正好決定這碗車仔麵的好壞。先說貴價的大腸，洗得白雪雪，絕無異味，讚! 溏心墨丸、魚皮餃都是大熱款式，味道相當有水準，生菜爽口，確是交足功課! 加上沒有味精的靚湯底，這車仔麵收 $29 絕對有道理，唯食完令人胃口大開，有點意猶未盡的感覺....一邊食河一邊欣賞飲食男女的報導，發覺這裡除了車仔麵了得，豬扒飯亦大受歡迎，我亦見到有人點豬扒蛋飯，伙計會問要熟蛋或太陽蛋，看來要找一日再試這看似簡單的豬扒蛋飯了

再來嘉鳳，試了他們出名的車仔麵。蘿白夠腍夠入味，炸腐角和海鮮丸都不錯，不過魚蛋和包心墨丸的粉漿過多，口感和味道都不甚討好。這碗車仔麵，最最最好味的是那個湯底 味濃而不膩，精華所在，忍不住喝了兩大口，之後絕無喉乾口渴之感，顯然無加味精，是真才實料熬制而成的傑作！

本來想試車仔麵，但是一來要排長龍自己去落單，二來廚房傳出來的氣味實在誘人，最後決定轉呔，要了個洋蔥豬扒飯，作爲 [ 嘉鳳試飛餐 ]。洋蔥豬扒好香，是那種住家飯餸的味道，是豉油糖洋蔥這樣簡單但美妙的配搭，經過火爐的高溫而引發出來的鑊氣和甜香味。白飯細細粒，好軟熟，能夠將醬汁的精華完全吸收。起初還怪自己忘了吩咐少飯，但這個組合，卻是令人越食越開胃，最後竟然是清碟收場！ 就是這個洋蔥汁，絕對已是值回票價！ 連骨豬扒有兩大塊，雖然稍為薄了一點，但即叫即煎，新鮮入味，怪不得有那麽多人order。這次白飯跟洋蔥汁勇奪主角位置，豬扒反成了配角。但無論如何，這一餐，吃得非常滿足！看見很多食客都點豬扒蛋飯，亦有不少人要芙蓉蛋飯，兩者賣相很是吸引，兼且香氣撲鼻。連同車仔麵，這些將會是下次/下下次/下下下次的試食目標。洋蔥豬扒飯：$27凍豆漿：$6

在灣仔要算出色的車仔麵，除了晏頓街那小店便要數在藍屋旁的嘉鳳了~一如以往，最後還是選擇了車仔麵而不是即煎扒飯，因為食材任選的誘惑實在是太大了。 想也不用多想，食物名字便衝口而出：油麵底，材料要豬皮、豬紅、豬腸、蘿蔔小辣要腩汁，不一會，一碗美味的車仔麵($27)便"誕生"了。豬皮彈牙入味而不韌~豬紅味道跟豬皮差不多，沒有一夾即碎豬腸好像用上蘿蔔湯來烹飪，沒了那份鹵水味，換來的卻是清甜味道~蘿蔔清甜入味無渣，煮得剛好沒有過火侯與銅鑼灣糖街榮記不相伯仲，再來多多的蘿蔔也能食得下~不過...........吃完後有點不夠喉，決定再encore一碗淨餸來作這餐的完結~鳳爪、魚餃、冬菇和牛筋($28)，因為淨餸份量會多一點，所以價錢也會貴一點點。鳳爪腍但不算入味，喜歡味道較淡的應該會適合~魚餃應該是來貨，不過魚餃皮的魚味頗濃，算是不錯冬菇厚身不算入味，但是它的香味仍是有的~最後的牛筋口感有腍有彈牙，不知是不是師傅故意作出兩樣口感不同的牛筋了，雖然如此，也未至於韌而咬不開，牛筋也炆得甚入味，加上膠質重，對皮膚關節絕對是一個好物。這店仍然留有舊香港的味道，在高速發展的現今社會中，已經漸漸被推向淘汰的邊

First time when i go to this resturant is around 1987 when i study in primary school (聖雅各)...every morning i MUST go there to take the few dollars breakfast... the taste i cannot forget in my live..even i study in secondary school (Tsang shiu kin), i always go there to take a lunch...until now...now sometimes i also go there to take the noddles, fishball..etc...never never forget the good taste...Maybe hongkong have good 車仔麵in other resturants..but my rating in here is top three in hongkong abou

2008年2月29日，嘉鳳叫了一碗車仔麵。看到粗幼都是生麵，沒有車仔麵餅，所以要了油麵。還有蘿蔔、菜、豬腸和豆腐角。只要了小辣，但看上去都是辣油，有點可怕。辣度則還可以接受。麵和蘿蔔都不錯，蘿蔔甜。豬腸不是用滷水汁做的，所以白白的，不太開胃，但腸是中空的，所以感覺都幾乾淨，又夠腍，都OK啦。豆腐角都幾好味道喎。看到替我弄車仔麵的阿伯一把年紀，仍專心工作，真有點覺得他可憐。也有點敬佩他。也許我也應該反省一下，不要老是埋怨工作不開心？

家鳳真係好好味, 每個星期都一定要去食, 最初係男朋友帶我去食, 因為由小學開始, 佢\己經早餐\午餐\都喺家鳳攪掂! 估唔到家鳳真係開足幾十年都咁多支持者~我每次必食:辣齋, 魚腐, 海鮮球, 頁丸+ 米粉男朋友必食:菜心, 豬紅, 蘿蔔, 冬姑+ 米粉

做セ噤多人排隊呀?買車仔麵?排隊買車仔麵咁old skool??仲咁多人tim?排隊先!!掃貨式: 伊麵+ 蘿蔔+ 豬皮+ 牛筋+ 紫菜+ 鳳爪+ 大腸+ 齋+ 咖喱汁+ 一支豆漿伊麵好爽好正,咖喱汁又香ヌ惹味,紫菜"shock shock 聲"...正呀!!牛筋入味口感非常懷舊.我鍾意.蘿蔔清甜無渣,豬皮爽口味濃...讚!!鳳爪皮爽有筋入味...好味,大腸非常乾淨,味道令人一再回味.加埋檯上支"巨記"辣醬,味覺刺激到好似返左廿年前讀緊書果陣咁呀!!!成個人後生哂!!一定要再食多好多次先得!!

14/8(二) 2:15pm帶老闆的熨斗到合和診症.路過此毫不顯眼的經年老店順道吃點麵食.小店內發黃的白磚牆,不修邊幅的殘舊格局,更見韻味!隨便要了三送車仔麵--腐皮角鳳爪蘿蔔麵$18;腐皮角彈牙而軟滑,鳳爪則不夠膠口入味;白蘿蔔味道倒輕甜沒根;至於幼麵縱爽口,卻含輕微梘水味.味道雖不及預期,但格局氣氛尚可彌補不足!