嘉蘭娜餐廳

Want to meet some old friends during lunch time at Causeway Bay. And I remember my friend's recommendation - Galano. Because we can stay there long with quite environment.I ordered the Set Lunch. Salmon with Faccioli Pasta.... Taste good and satisfied. Positives:1. Good environment2. Good valuesNegatives:1. The portion of main food seem too little.2. The dessert also seem too small with no choice.…查看更多

保羅難得在Sunday抽到時問同孖G妹睇戲，睇戲前tea一tea,未有唸住食咩，保羅最鍾意去食街吸一吸，再行到加寧街，見到Galano，記得這間餐廳我們係好幾年前食過一次，都唔錯，但之後再無來過，見佢tea set都ok,加上靜靜焗，又坐得幾舒服，啱哂保羅要求！因為我哋無食lunch,叫了三個tea set......第一個：卡邦尼意粉,係保羅最愛，可能tea,所以係mini size,醬汁幾好，有少許淡，但整體係唔錯之選！第二個：炸蝦多士，炸得好香脆，多士與蝦比例平均，咬落去夠蝦係多士中間夾住，好好味！第三個：pizza，tea來講size都ok，薄底有d菠蘿等料，都ok好味，唔會太溜！又易食！餐茶叫了coffee,普普通通！今日high tea食物質素唔錯，地方都坐得舒服，但相信這間餐廳都開了一段日子，所以裝修不是太新，舊式西餐廳，下次會來吃dinner，約$200-$300，價餞合理…查看更多

早排係生果日報見到介紹Galano, 決定今晚同男友黎試下.一黎到,環境都幾舒服, 見到menu有我同男友都勁鍾意既蝦仔濃湯就點黎試下,d蝦好爽個湯好香濃….正!!main course 就冇咩心水, 店員推介我地試一個大蝦扁寬麵,Sambuca Linguini (好似係咁串卦), 個麵同d蝦都好爽好好味,蝦既味道甜甜地,食完之後仲有一種獨特既味道留在口入面, 問下先知原來係一種酒既味道(唔記得左個酒名), 真係好鍾意!! 男友就叫左個杏仁三文魚, 都唔錯, 今晚真係比到我地一個驚喜. 店員話遲d有會新menu,出左之後一定要同男友再黎試下!! 希望會有再有另一番驚喜啦!…查看更多

同朋友睇完戲8點多d , 朋友話想食飯 , 唔係只係晚飯而係rice. 我提議去Galano 食意大利飯. 其實我都好耐無去 , 以前次次去都會叫risotto 同 clam linguini. 今次都係一樣. 店員提議我地試吓生蠔 , 話今晚有法國嘅white pearl唔錯. 我地於是點左每人一隻white pearl ($45) 同 一隻 US Bald Eagle ($38) 做頭盤. 主菜就全部係starch. 包括White Clam Linguini 同 Risotto with Assorted Seafood. 店員先上生蠔 , 我地都覺得US Bald Eagle 得 creamy 口感, 無蠔味. White Pearl 好少少, 但都無喺法國食嗰d咁好食. 我地跟住share 左個 risotto. Risotto 真係好好味 , 朋友都話nice choice. 個汁 creamy得來唔太杰. 海鮮有魚有青口有蝦, 非常豐富. White Clam Linguini 同出面餐廳嗰d有少少唔同 , 佢嘅汁係清似湯咁. 加上d parsley, 好清新. …查看更多

以餐廳氣氛來說，晚膳確實較有氣氛，不過計及價錢(約$100)，午膳套餐確是實惠。粟米忌廉湯：味道麻麻，比上次差。炭燒美國西冷扒：火喉控制OK，不過肉質唔算腍，味道唔突出。海鮮野菌菠菜蕃茄汁千層麵：個菠菜蕃茄汁能適中地調和香濃嘅白汁芝士味，唔錯喎！芒果慕絲 / 餐茶：普通。…查看更多

去到銅鑼灣，諗唔到想去邊度食晏，本來想問個喺呢區工作嘅朋友，不過行到去百德新街，比我地預到間小公主喺網上食評見到話幾好的意大利餐廳，所以就咁入咗去幫儭。1. Assorted Bread - 意大利菜嘅例牌，未叫食物己經先奉上一藍麵包，好唔掂，好硬，又唔鬆又唔軟，不知謂，用嘅olive oil同醋都唔係好嘢，可能因為將貨就價。2. Appetizers & Soup - 前菜係一啲好硬好鞋嘅雞肉配上有咖哩味嘅汁，感覺好怪，旁邊仲有一堆落咗好多沙律油嘅沙律，好醋好難頂，食到小公主怕怕，個湯係粟米湯，食咁耐意大利菜都未食過咁嘅頭盤，唉~~~!3. Spaghetti Carbonara - 係我同小公主嘅favorite，呢個係pasta set嘅主菜，離哂舖，我都未食過咁差嘅Spaghetti Carbonara，啲意粉好粗，而且唔係用靚麵粉，淨係得磨菇，肉都唔多粒，邊有味架，而且味道偏淡，帶唔出忌廉汁嘅鮮味，really shit~~~!4. 煎三文魚扒配日式沙律 - 今次個沙律好少少，冇咁酸。三文魚叫做全日最好嘅菜式，但係算over-cooked。因為舊肉入面已經完全熟哂，真係名符其實嘅well done，大家都知三文魚熟哂會鞋口，難道個廚驚住我地嘅腸胃頂唔順生少少嘅嘢食??5. 啫哩 - 一落刀就知落唔夠魚膠粉，好易爛，口感不知所謂，睇得出佢地完全唔識處理。6. 咖啡 - 都係咁有驚喜，而且好濃，無論你落幾多奶都冇用。Comments: 餐廳唔係好夠冷氣，雖知道大熱天時，入到間唔涼嘅餐廳，真係分分鐘連胃口都冇哂，啲嘢食幾好都冇用啦，仲何況佢地連食物都搞唔好。仲要全班待應都係佬，真係奇怪的餐廳。下次一定冇幫襯，仲要掟佢入bad list。 …查看更多

15-3-2009又到銅記食 lunch, 0黎到呢間 set lunch 價幾平易近人的 ristorante Italiano 試試.Table bread 有切了片的 baguette 兩塊及兩個 sesame 圓型包, 前者幾鬆脆, 後者軟熟帶芝麻香, 不錯. 不過 Anchor 牌牛油太硬身了, 搽唔到上麵包度, 都係蘸 olive oil 及 Balsamic vinegar 較好.Starter 揀了 tuna salad, 賣相有點 hea, 半生熟 tuna 太乾, Balsamic vinegar 落得太少, 可幸最喜歡的羅馬生菜夠新鮮爽脆.另一 starter 就係 cream of corn, 朋友評語係「ok 啦」...Main 揀了 capellini with scallops and asparagus in sundried tomato sauce... capellini 煮得 al dente, 沾滿酸香的 sundried tomato 汁, 正! 帶子輕輕煎過, 幾香口又鮮甜, 不過個人 prefer 再「生」一點, 應該會更嫩滑; 露筍就爽甜清新, 好食.朋友就因為「無胃口」, 叫了好日唔食的煙鴨胸 caesar salad 做 main... 試了一塊煙鴨胸, 幾現成的感覺, Sogo 買過來的?  脆麵包粒就脆而不夠香.Dessert 係芒果布甸, 幾香甜. 都好耐無食過 d 咁「小朋友」0既0野了 XD 不過 dessert of the day 唔係檯檯一樣0架咩? 點解隔0黎檯的係 tiramisu?最後的熱咖啡就幾唔得 -- 雖然奉上熱 full cream milk, 咖啡聞落又夠香, 但飲落極苦而不醇, 絕對係「爛尾」之作! 餐廳環境好 hea 又好坐, waiter 們有求必應又有禮貌, 配套唔錯的.連加一每人約 $95, lunch 0黎講算交足功課了, 價錢 ok 的. 有機會0黎試試夜晚的 a la carte 吧.…查看更多

今晚係第一次去食dinner, waiter既禮貌尚算不錯, 但食物的水平真的有待改善.因為在坐的希望可以點多d野食, 所以秧有dish都係share既...starter之前既麵包係涼而且硬的 starter叫左一個combo, 味道賣相都ok.main course要左一個steak, 一份虎蝦 (兩隻), 一個鮮菌意大利飯, 同一個pizza.先講steak, 10 oz既份量出黎既時候少得可憐, 最重要仲係冇肉味可言, 個"自家製"芥末味道好似燒臘舖既芥末咁... English又唔係, French又唔似...虎蝦份量可以, 但放得太多蒜蓉, 太辣, 一d都食唔到蝦應有的鮮味意大利飯d飯係冇問題既, 問題出係放得太多洋蔥, 令飯本身唸口既味道冇晒, 食既時候, 似食洋蔥粒多d.pizza 係galano pizza, 完全唔知佢點解可以一大件三文魚塊放係件pizza出面, 而且pizza皮唔脆, 只有番茄汁既味飯後大家只order兩個dessert. 一個係galano cheese cake, 另一個係cream brulee.galano cheese cake 冇cheese味, cream brulee既焦糖脆面可以, 但裡面既蛋完全冇蛋味...總結係成餐係可以食飽人既, 但味道真係唔得lor... 就好似d 中餐廳呃鬼佬咁既感覺, 得個樣...5人共食左1,400蚊... 下次一定唔會再黎 ><…查看更多

好耐冇食high tea set , 本來想去媒氣公司食high tea , 不過我和妹妹想try 新tea set, 附近見到Galano Cafe , 環境好好, 裝修都好靚, so 我和妹決定入去食個tea, 我們當然不會choose club s/w之類的food , 我們choose "high tea set for two"+ lime sherbethigh tea for two傳統high tea set當然是三層, 我們由最上一層開始食......第一層有scone 和牛角包, 配strawberry jam 和 cream,, 不過scone 硬了一點,如果有clotted cream 仲好!?第二層有mini fruit tartlets, mini cheese cake&mini muffin味道一般最正當然是第三層有parma ham w/ melon,smoked salmon s/w , spring roll , samosa, 鵝肝醬+魚子醬s/w, 好多正的選擇, 好好味!!lime sherbet 雖然貴了一點, 我就曾經在另一間餐廳try 過coconut,orange,lemon 味的sherbet , 但我未try lime 味, so 我們side order一個, 味好清新, 不會太sour , 可以try 這個lime sherbet , 食落好似食緊刨冰般講到服務方面, waitress 都好polite, 不會不理你, 好主動幫你換碟, 值得一讃!! …查看更多

我係超級龍蝦迷, 仲要係咀刁嗰Ｄ, 最鐘意食波士頓龍蝦, 肉質彈牙味道鮮甜, 個箝更係極品, 活龍蝦定雪藏貨我一食就知.有次行過Galano Cafe, 見門口棟咗牌寫有活波士頓龍蝦, 又見裝修OK, 雖然食客唔多, 都諗住即管試下, 由於係第一次幫襯, 冇叫到全隻波士頓龍蝦(好似要HK$280?), 淨係叫咗個波士頓龍蝦蕃茄天使麵(大約HK$180), 一上枱已經覺得好得, 有半只波士頓龍蝦, size 都唔細, 個箝仲好細心咁去咗殼, 我用刀切落Ｄ龍蝦肉到就知係好嘢, Ｄ肉非常結實, 一入口更肯定係正嘢, 極之鮮味, 最正係佢冇overcook隻龍蝦, Ｄ肉鮮嫩唔鞋口, yummy! Ｄ料係靚嘅就唔駛點攪都好味; 天使麵份量都唔少, 茄味唔錯, 雖然價錢唔平, 但貨真價實, 加上我食過好多人氣食肆又貴又鞋嘅雪藏貨, 更加覺得呢度誠意十足, 喜出望外, 希望佢哋可以keep住水準啦.…查看更多

此餐廳格調優雅，環境寧靜，適合情侶談心。是晚兩人點了兩個4-course嘅set-dinner。生琢吞拿魚及帶子沙律：雜菜沙律新鮮；生琢吞拿魚及帶子mix埋後賣相味道一般焗田螺酥皮盒香草牛油汁：酥皮香脆鬆軟；田螺味濃；配合雜菜沙律，整體感覺清新雜菌忌廉湯：忌廉湯夠rich夠creamy，配合雜菌的清香，味道不錯餐包：質感鬆軟，蘸黑橄欖醬來吃，非常香口美味；美中不足之處是麵包唔熱香煎深海綢魚柳配海鮮龍蝦汁：深海綢魚由歐州進口，簡單配以食鹽胡椒調味，味道ok啦。我始終覺得香煎銀雪魚比較美味，哈哈！燒烤澳洲羊鞍配香草燒汁：雖叫了七成熟，但出來效果明顯overcook了，以致肉質較韌，不夠juicy。羊鞍亦有輕微羶味。另外，盛載main course的瓦碟是冷冰冰的，我覺得以此餐廳的水準來說，可以做得更好。甜品：竟然無乜印象，即是無乜特別啦；反而最後送的after-taste cookies，味香鬆化，好食餐茶：ok(P.S. 東亞咭有九折)…查看更多

上星期同一班朋友去Cafe Galano下午茶，今之係第3次到這餐廳，相信亦是最後1次。完全係因為服務態度極差的一個女伙計，她的樣子已不太好，再加上負氣的面口，簡直幫公司倒米。當我們order下午茶餐的飲品時，朋友話要茶，她就好 "monk tsang" 地說："茶? 奶茶係唔係呀？" 另外一個朋友見桌面有些空碟叫佢收收，佢就又好 "monk tsang" 地說："嚟緊啦，行緊嚟啦！" 但我地明明係第1次叫佢，佢d 語氣就好似覺得您好煩。其實依間餐廳食物不錯，可說value for money，但卻可因為這位女士的服務令我地以後都唔會去。最後，我們結帳時沒有給小費，她便把receipt 掟番比我地，真係好唔好脾氣！…查看更多

和三個朋友吃晚餐，全部人要 set dinner。頭盤是煙三文魚沙律，煙三文魚可以，個沙律就係蘋果撈卡夫奇妙醬，茶餐廰的水準。主菜我要咗牛柳配鹅肝，要"七成熟"，來到時發現件牛柳似舊黑炭，表面看來已經好硬，切開後見到入面已乾晒。明顯係過熟，比well done更well done。再看兩個朋友叫的羊鞍，同樣要七成熟，但表面卻仍然濕潤粉紅。找來個看似高級的captain問佢點解件牛柳咁熟，佢望吓件牛柳，跟住佢話入面仲有小小粉紅色，所以係啱啱好"七成熟"。冇錯，件牛柳的入面確仲勉強看到少於十分一體積的粉紅色，但成件嘢有超過九成被燒到似柴皮，冇哂水份。見佢仍死撐，我就話佢餐廰的標準實在與眾不同。朋友跟住就指住自己件的羊鞍，問個captain咁又係幾成熟？個captain話係"medium" (唔同你講幾多成！）。朋友話佢知，牛柳和羊鞍同係要"七成熟"，問佢點解熟的程度差咁遠。個captain於是話可以幫我朋友煎熟D件羊鞍!!! 至於塊柴皮牛柳，佢就仍然話係啱啱好"七成熟"囉！無它嘅！咁就唔洗俾個塊你啦！…查看更多

跟太座閒逛於銅鑼灣，忽然對吃飯的地方選擇有點迷惘，可能這裏選擇太多吧...身在名店街，想吃西餐，這裏都算叫做老字號了。記得曾在此吃過午餐，吃完後無甚印象，按道理是不應再來的 (因小弟一向好少重覆吃同一餐廳，好吃的除外)，但身在這裏，好吃的選擇實在不多，又曾記起好吃的老友很喜歡在這裏用餐，反正未吃過dinner，總不算是破戒啩...餐廳夜晚氣氛頗romantic，人又不多，最適合情侶撑枱腳....未吃之先captain就先端來寫滿是日special嘅黑板。太座是眾所週知的鵝肝迷，故此見到今日有以新做法處理的，馬上即叫。小弟想吃沙律，配料就選擇了calamari；太太除了是foie gras迷外，pizza亦是其所愛。叫個margarita with salami就夠數；再加個lamb chop及普通的mushroom soup。兩個starters、一個湯再加兩道主食，足矣...何謂新做法的鵝肝? 平常吃到的只是經pan-fried後再加上黑醋汁，並以梨片墊底。但是日吃到的卻是已caramalised的，即是加上焦糖再pan-fried。難度在於因本身鵝肝油份多，本身已很容易煎燶了，若再加上焦糖，那煎燶的成數就更高了。這裏的望上去表皮黑漆漆，但吃落卻沒有燶焦味，且都算內軟外脆，而且有着caramel獨有的甜味，是一新口味的嘗試...mushroom soup真的只是普通，口感不夠creamy；calamari不是那些"擦字膠"貨色，叫做吃得過....剛剛在蘇梅旅行時在當地由意大利人開的餐廳吃過的margarita，是極品，再吃這裏的，就完全不對味。小弟愛的是傳统的thin-crust餅底，對像pizza hut那樣的厚批style沒有多大興趣的。偏偏這裏做的正是後者，而且吃時真有點感覺像在吃pizza hut似的...再者，番茄粒份量下得太多了，弄得整個pizza濕漉漉的，破壞了口感....lamb chop倒是火喉控制得還可以，肉呈粉紅，增加了食慾。對小弟來說，最好吃的當然是黐在骨邊的肉了....每人三百大洋，在cwb吃西餐是差不多的消費了。但同樣地，吃完後也是沒有留下深刻的印象...…查看更多

我点咗个羊鞍, 朋友点咗鹅肝牛柳,同带子露荀饭.味道同环境都可以.只系份量小咗D. Iced chocolate味道ok.价钱相对份量算贵咗D,但西餐一般都系呢个份量.…查看更多