嘉樂冰廳 (新村街)

營業中

休息中

看到很多食評和相片，都介紹賣相吸引的免治牛蛋三文治，一直以來都心思思想試。跟朋友經過店舖，見無人排隊就入店內一試。第一個感覺是店內非常擠迫，我們兩個人被安排坐到四人座位，而中間沒有分隔板的安排，疫情之下，似乎不太理想。叫的食物很快送到枱上 : 阿華田奶昔沙冰 - 不甜 沒有驚喜厚蛋免治牛三文治 - 麵包沒有烤過 不是滑蛋阿華田西多士 - 只是可以加阿華田碎和煉奶的西多士而已 滷水雞翼 - 反而是最好吃的食物。幾樣食物都是茶餐廳的一般水準，而進食環境更加未如理想。

嘉樂冰廳今日黎到嘉樂冰廳食lunch。同朋友跑完步，所以叫咗勁多野食。火腿小奄列 $33鹹牛肉蛋三文治 $30豬扒麵 $40鼓油王雞翼 (6隻) $39脆爆華田西多 (全份) $36阿華田脆脆 $27火腿小奄列，千奇唔好比佢呃到，因為佢份量係超大份。蛋冇煎到全熟，有好多蛋汁，整體黎講都算好滑，幾好食。鹹牛肉蛋治，首先個蛋係勁厚！ 如果一個人食，食完呢份蛋治應該就已經飽晒，可以走人。咸牛肉相對上就比較少，但整體咸香，都不錯。豬扒麵個豬扒幾好食，但係個面既鹼水味係超重，食落口直程係食到苦味。而家佢個面煮得好似唔夠熟咁，個面太硬@@ 可能每日煮既都唔同，大家可考慮食唔食。鼓油王雞翼好大隻，好滑，好入味。但個雞醬個個雞翼唔係好夾，可以就咁食就ok。華田西多，上面放咗d華田脆脆，同西多都幾夾既。西多入面都係放花生醬，咸咸地同啲脆脆幾夾，令到成個西多唔會得個甜字。面包唔會太乾，幾好。阿華田脆脆用既係同西多既一樣，以飲料黎講，略嫌有d硬。成杯飲品好濃好重華田味。鐘意甜既朋友就未必啱啦。

一間門面懷舊既冰室，一張張仲大過我既卡位櫈，當然就試下香港引以為傲既奄列啦。今次我食加左芝士既火腿奄列，上檯時見到蛋皮滿滿包住芝士火腿，飽腹感十足，切開果下D餡爆哂出黎，水準一流。最重要係有兒時回憶既旗仔，試問仲有邊間有旗仔呢?腸胃唔好既人表示: 放心無事

如果唔係個朋友話要入去食，我都唔想入去。地方淺窄，先唔好講食客，連啲員工煮野都人迫人，路都冇得行，見到都覺得佢地辛苦。間野啲燈光暗到，以為拍緊九十年代電影。野食一般又麻麻。寧願比多少少錢過隔離荃新天地食仲好，至少舒適好多。

呢間位於荃灣新村街嘅嘉樂冰室由70年代開業到而家相信唔少荃灣人都細細個聽過佢個名 店舖裝修係而家買少見少嘅冰室 門口嘅大冰櫃同埋玻璃窗裝牛奶都見證到冰室嘅歲月入到去我選擇左卡位 冰室當然係用厚實嘅實木傢俬啦！冰室以街坊生意為主 價錢當然非常經濟 我叫左個咖哩牛腩飯 咖哩香濃 仲有淡淡椰香味 牛腩都非常入味 薯仔更加索曬咖哩汁 唔似其他茶記用五香牛腩撈咖哩汁就當咖哩牛腩飯 而且飯量充足 女士兩個人都夠食 除左牛腩飯之外都推介蛋牛治 非常之足料 要mak大個口先咬得曬 蛋好滑 值得推介！

歲月堆砌成的集體回憶。相信好多人都知道荃灣的超厚三文治及大大盤奄列，前幾年舊老闆宣布退休，幸好新老闆接手，令小店得以繼續做，裝潢留著舊面貌，招牌菜都得以保留，吸引區內、外人士光顧。◽️ 鹹牛肉蛋三文治 $30視覺效果一流！雞蛋超厚身，都有啖啖蛋香，仲食到一層一層嘅感覺，加上鹹香的鹹牛肉，食一半好滿足，食埋另一半超飽肚！◾️ 凍華田 $21其實我好鍾意茶餐廳凍華田，一啖暖一啖凍，特別好味，每次飲到這種溫度會特別加分。味道濃郁又甜，唔會淡茂茂。餐牌仲有其他懷舊小食，雞翼、炸雲吞、西多士等等，一定要叫埋朋友一齊食先可以試到更多款美食。

因為要準備中秋節嘅餸菜，所以去咗最齊全嘅楊屋道街市買餸，順路帶屋企人去食懷舊冰室。我哋三個大人叫咗兩份主食，兩份小食，但其實哩間冰室所有食物份量都大得似主食，基本上我哋樣樣都有食剩。哩間冰室以蛋類食品為名，所以必點經典火腿奄列，值得一讚有蛋白奄列可以點，確實可以方便有特別食物需要嘅人仕，另外都點咗鹹牛肉蛋三文治。之後怕唔夠食，仲叫咗兩個麵食，因為見到好多枱都食豬手，所以都叫咗個豬手米同豬扒撈麵，因為經常覺得豬扒要好食，所以要用豬扒試吓佢功力，豬扒算香脆，無話醃過龍。總括食物質素不過不失，對得住價錢，以食物品種來講都算特別和新派，地方來説，內裡保留咗懷舊裝修，都係值得來的原因。

今晚去了嘉樂冰廳食晚餐，夜晚沒有太多人，很容易有位。叫了最出名的火腿奄烈，好多雞蛋，包住好多火腿，應該加咗美極，都幾好味。不過份量比以前細咗好多，但係我又覺得OK喎，以前太大份食唔晒。再加多兩蚊轉多士，多士好味過未轉手之前。再叫咗個鹹牛肉多士，其實同火腿奄列差唔多，好厚嘅雞蛋， 加層鹹牛肉，味道OK嘅，食完已經好飽。最好味係個炸雲吞，水準筒未轉手之前一模一樣，鮮蝦雲吞好鮮味，包住脆博博嘅雲吞皮，簡直係好味道，點埋個醬係非常之夾。其實我覺得轉左手之後，間舖頭係衛生咗嘅，會一路支持。

上次碌IG見到大大份奄列，就立即狗衝去左，點知今次真係又驚又喜。😉😉事關小妹太口乾既關係，叫左杯黑牛（$29) ，味道都正正常常。👉🏻紅豆雪糕西多士 ($23)唔知係佢岩岩炸起既關係定係我太餓，炸得好脆口，好正啊！反而我覺得👉🏻佢同鹹牛肉蛋治（$30)比較下，蛋牛治就再大件啲同抵食。但我個fd食完件西多再加左半邊牛治就話飽左🙂（溫馨提示：細食既妹妹就唔好叫咁多）👉🏻重頭戲就係拉絲芝士奄列（$42)小妹就係見到份IG圖就狗衝黎左，點知 我一食就出事，可能太飽既關係，睇IG個陣我覺得件野既外表好靚 好吸引， 但食落既味道就真係mama地，除左蛋味，我仲食到陣陣美極味之後就冇了了了了，佢應該改名做"美極拉絲大奄列"。😄__應該唔會再黎食自私評分：🟡🟡⚪️⚪️⚪️自私評論：抵係抵食既，但地點有d遠，同埋可能我對佢個拉絲奄列太大。。

一件西多等了超過40分鐘，奶茶以茶歺廳來說不合格，沒有茶香，奶不多但仍然沒什麼茶味 ，直至西多到了，杯奶茶已經涷哂。西多比正常大,但高，切開比較麻煩，西多沒有炸透，中間白雪雪，什麼醬沒有，重點是沒有下午茶歺及時段，西多十奶茶要40多元，失望至極

轉左手之後好耐都冇嚟過呢度食嘢啦！咁啱喺荃灣附近睇戲，又未夠時間，咁就嗱嗱臨過嚟呢度食返餐，懷緬下以前嘅情感☺️呢度last order係七點，但我哋好抆水先到，老闆娘見我哋兩個想入嚟食，就嗱嗱臨同我哋講就廚房就收工㗎啦，快啲叫嘢食然後慢慢食啦。呢杯阿華田奶昔好好飲，有足夠嘅阿華田同埋奶味，係阿華田脆脆之後必定要試嘅飲品之一！呢碟炸鮮蝦雲吞好似有啲overcooked，同埋碟上有好多油，如果上碟前隔一隔啲油會好啲，不過可能我哋喺最後一枱客，所以無咁好心思處理呢啲小細節。但呢碟小食都保持到水準，雲吞皮鬆脆，入面隻蝦夠紮實！次之嚟親都必點呢個鹹牛肉蛋治就有啲令人失望，因為只係蛋嘅份量夠多夠厚，但煮得太老唔夠滑… 賣相係打卡-able，但味道同口感就爭啲係咪因為我哋係last order，所以廚師就整得冇咁好呢？呢碗豬扒麵塊豬扒其實唔差，接近漢發麵家水準，但個湯麵係鹼水麵，我覺得同塊豬扒唔太夾後話：我哋見老闆娘閘門都搬埋出去，就知道佢要埋數收工，所以我哋都盡快食，唔想阻住佢。我哋臨走時都同老闆娘講聲唔好意思阻到你收工，佢好客氣咁同我哋講唔緊要，食得舒服就得啦，下次再嚟幫襯啦！雖然今次食物味道一

我最鍾意佢地嘅門口，真係好令人有懷舊嘅感覺，走入餐應就好似走入時光隧道，走入左舊香港嘅餐廳🥰連餐牌上嘅野食都係好傳統😋🍳火腿小奄列 $33一上菜聞到嘅係勁濃嘅美極味！！雖然佢嘅真身比我想像中細碟左，但係其實都好大份，仲配埋個餐包，可以夾住啲奄列一齊食😋雞然唔係滑蛋，但係都炒唔老，火腿都有好多，可以每啖都食到火腿絲😍不過奄列嘅底就出左好多水😢🥪鹹牛肉蛋三文治 $30 烘底+$2好耐之前食過新香園嘅蛋牛治，雖然都好食但係啲料好薄不過呢到啲蛋同鹹牛肉都超級厚，成個三文治有成隻手指公咁厚，直頭好似平時食burger咁唔知點可以一啖食哂成件三文治😆鹹牛肉帶有鹹香同油香，雞蛋好軟滑，配埋脆脆地嘅烘底，真係勁滿足，成碟清哂😋一次過可以試到咁多蛋嘅野食好滿足，但係同時都係唔好食咁多，唔係會爆quota

已經成年冇嚟過，平時朝早想買早餐遠遠都見到大排長龍，估唔到星期日下午茶時段反而人流不多，直接入座嘉樂冰室可以話係荃灣區茶餐廳界代表！以超厚底鹹牛肉蛋治打響名堂！當然仲有眾多知名小吃！黎親呢度我都係散叫「小食」！今次想食清少少，點了蕃茄蛋治，依然是望落去令人嘩然的厚蛋真係大份夾抵食公開我的自愛！酥炸鮮蝦雲吞是必點菜式！一碟10粒，炸皮香脆唔使講，蝦肉餡夠彈牙，保持濕潤唔會炸到乾掙掙！點埋酸甜醬好惹味！一人食10粒一啲都唔過分另外試新野-脆爆華田西多只點了半份，但份量驚人！西多士夾着華田脆脆粒，坦白說⋯雖則賣點新奇，但是味道只屬於不過不失。覺得「阿華田」未到未能與西多士融合。有種流於表面的感覺但未嘗為一碟合格「西多士」這裏飲品都是散叫的，分別點了華田脆脆和黑牛！前者香濃，加埋脆片更有咬口！好甜人是值得一試！至於黑牛，不得不提上面的朱古力雪糕，朱古力味香濃！忍不住在未完全溶化時，多吃幾口雖則沒有套餐，但所有小食定價不高而且份量大！二人同行大約$140買單，性價比已經很高！

朋友喜歡食西多，所以專程帶左佢來嘉樂冰廳食早餐，記得該店早幾年相當出名，每次來都總要排隊等位，現在已不及當年了。來到唔駛等位，今次又叫左火腿奄列，貪佢蛋量多大份，望到都好滿足。價錢經濟經過來食下都係一個好選擇。火腿小奄列 $32份量依舊都係咁大份，蛋炒得比較老，同埋碟底有出水不是蛋汁，味道都ＯＫ。脆爆阿華田西多 $34西多賣相吸引，切成幾份疊高左似甜品，奶油都落得幾多下，非常邪惡甜美，加了脆爆阿華田粉，脆脆口感一試愛上，非常好味。

係呢到仲可以搵到好多失傳左嘅味道，而其中一個就係鳳凰奶糊。雖然話係香港傳統嘅糖水，但係我咁大個女都係第一次食🥣鳳凰奶糊 $24由濃濃啲吉士包住生雞蛋，食之前攪勻再食，令成碗糖水口感變得更加黏稠順滑😋一嚟到就聞到超級香嘅吉士味，好香奶味同蛋香，成碗糖水帶微暖雖然好香，但係其實食落係冇咩味，係要自己加啲糖先會有啲甜味😆食落又唔係幾食得到吉士味，質地似平時用生粉開出黎啲汁嘅透明texture，有啲似奶皇包嘅餡我自己就覺得麻麻地😂不過作為懷舊甜品同舊式香港味道，點都要體驗一次，認識下我地消失緊嘅飲食文化