570
299
112
開飯介紹
位處荃灣的舊式冰室，招牌菜「小奄列」實為特大煎蛋卷，使用七顆雞蛋及淡奶製作而成，非常幼滑。
繼續閱讀
獎項殊榮
最優秀荃灣/葵青區開飯熱店 (2016), 最優秀荃灣開飯熱店 (2011-15)
營業時間
今日營業
08:00 - 19:00
星期一至日
08:00 - 19:00
以上資料只供參考, 請與餐廳確認詳情
招牌菜
食家推介
相關文章
📌 嘉樂冰廳 (新村街) - 荃灣新村街40B號地舖🗓(6/4) 星期四 ⏰ 下午1:30左右 💈特式：早兩日食完嘉樂係土瓜灣U Place嘅分店，食後感慘不忍睹，見呢幾日連續假期，又諗唔到野做，就特登入去荃灣食返佢間總店，結果一定係食返總店好。🥩🍔🌭🌮🥗🥯🥘🍲🍝🍣🥟🍤🍱食物：今日特登叫兩款同早幾日相同嘅食物嚟做下對比，當然都會叫幾款土瓜灣分店無提供嘅食物，如果唔係就浪費左我山長水遠走入荃灣了，而家等我同大家講下味道先。豉油王雞翼 - 首先土瓜灣分店平均$8蚊一隻，總店只係$6.75一隻，價錢已經蠃左；味道方面，一上枱陣豉油香味已經濃郁好多，隻隻雞翼都肥大肉厚及充滿油光，入面肉質嫩滑，又夠入味，色香味齊全。華田脆脆西多 - 呢個總店賣$36蚊份，，平分店$4蚊，而且總店仲有個好處就可以叫半份，雖然價錢會貴d，不過就唔洗咁浪費；味道方面都係總店蠃晒，又大件同厚身d，外皮脆d，入面鬆軟d，阿華田脆見都比得多d。豬扒米粉 - 呢個豬扒認真夠厚身，有我手掌咁厚，味道都ok，係近骨位置就有少少乾同硬，米粉就一般茶餐廳米粉，無乜特別。咖喱牛腩撈意粉 - 呢個都係餐廳招牌之一，咖哩就比一般茶餐廳香同濃，牛腩亦都好食，夠腍同入味，又唔韌，意粉底都係一般茶餐廳質素。鳳凰奶糊 - 呢個只係總店有售，其他分店無的，餐廳職員話，因為成店只得一個老師傅識得整，所以分店無得賣。而且，以我所知，香港都唔多地方有做呢d奶糊，長沙灣就有一間都仲有做，不過就唔夠呢間好食；講返個奶糊先，我唔係第一次食，但我覺得佢每次都keep到個水準，都係咁香/滑/濃/綿，一上枱，即係打散隻蛋，等奶糊既熱力將佢同化，混為一體，再加少少沙糖攪勻，的確一絕，仲要只係賣$24蚊，極力推介。☕️🍵🥤🧋🍺🍷🥃🍹🧉🍾🍶🥛飲品 : 飲品都係總店多選擇同多元化d，多左大約10款沙冰同奶昔，當中我覺得最特別就係鮮蛋奶昔。所以就叫左鮮蛋奶昔同阿華田奶昔，各$30蚊杯，兩杯都各有特式，阿華田就香濃味重，鮮蛋奶昔就有蛋香味，清甜鮮為主。🍽環境：餐廳環境比起土瓜灣分店係差好多，又舊又殘又迫夾，卡位就舊式硬座卡位，位置亦唔多，周不時都要搭枱，我已經係揀平日午市後去，都要搭左一陣枱。🤵🏻🤵🏻♀️🤵🏻♂️服務：店員服務態度係ok的，因為店舖細，所以只得兩個姐姐店員，但佢地幾好傾，知我因為試左土瓜灣分店覺得麻麻，所以特登過嚟總店食，會問我個邊有咩做得唔好之類，知道係食物質素問題，佢都會答我因為老師傅係晒舊舖，所以係會有少少分別。💰💸價錢：兩個人叫左咁多野，埋單都係$204蚊，仲要野食咁好食，外面仲要食唔到，認真超值。🐲💬總結：呢個價錢食到老師傅嘅手藝，真心好吸引，同埋呢d飲食文化/特色食物買少見少，可能好快就會失傳，所以大家要捉緊時間嚟試下了。推薦指數：❤️❤️❤️❤️❤️
繼續閱讀
大家不用慕名而來☹️有次早上難得經過，見唔洗排隊，走入去食個早餐，叫左佢地出名既火腿小奄列，見人地open rice講到好大份好高，點知同圖不符，出到黎味道都唔係人地講到咁特別，只係美極炒蛋火腿奄列，好普通，冰飲又唔夠冰，成件事好失望！
繼續閱讀
呢間冰廳成日都排哂隊, 除左係因為佢係呢區比較有名氣, 亦都出咗名地方狹窄....係一間小小小冰廳, 懷舊氛圍十足, 餐廳內有卡位奶茶超級滑, 好飲!鮮牛肉通粉, 鮮牛肉又滑又嫩
繼續閱讀
今日早上去咗荃灣楊屋道街市買餸，買完餸之後就順便去嘆個早餐，一向都知道嘉樂冰廳係老字號，所以就入去試試。雖然係早餐時間，但有啲想食鮮牛蛋三文治，因為係網上睇食物相真係好吸引，而且都係熱門食品之一。鮮牛蛋三文治 ($30) : 麵包烘底加 $2 蚊，三文治賣相非常吸睛，麵包烘得脆口，建議上枱就即刻食，如果掛住影相就會淋咗，雞蛋同牛肉嘅份量超多，所以入口超有滿足感 🤤 雞蛋炒得嫩滑，雖然牛肉欠缺點牛味，不過整體嚟講都唔錯。
繼續閱讀
環境🌈餐廳雖小，但乾淨企理，地點一般方便，但如果有心嘅話，就會塭到呢間出名嘅茶餐廳。💬要留意嘅係餐廳冇餐叫，每樣嘢都要散叫。主菜🌈✨豉油王雞翼餐廳其中一個王牌菜式，聞落去都覺得香，雞肉滑嫩，肉汁入味，豉油汁唔會太鹹。配埋附上嘅酸辣醬，配搭好特別。🥬💛推薦指數 8/10✨ 滷水豆腐另一個王牌菜式。外層炸得剛剛好，脆口得來唔會覺得太燶，外皮包着嫩嫩嘅豆腐，清新可口。🥬💛推薦指數 7/10✨ 蛋白奄列嘩，的確係全蛋白，唔想食蛋黃又想減肥嘅話，啱晒女仔食。蛋白滑而流心，入邊有滿滿嘅火腿，配上一個熱辣辣嘅餐包，菜式雖然肚痛，但食落去有另一番滋味。可能係我見識少，通常外國先有齋蛋白炒奄列，喺香港我都係第一次見到餐廳有。喜出望外。🥬💛推薦指數 7/10✨ 酥炸菜肉雲吞脆口而不油膩，每隻雲吞入邊都包住好大隻嘅蝦，配上酸辣醬。呢個餸會有啲熱氣，但久唔久一兩次都可以。🥬💛推薦指數 7/10✨鹹牛肉蛋治㶥底大家都知我好鍾意食雞蛋，見到好厚嘅炒蛋，加上啱啱㶥起嘅麵包同埋熱辣辣嘅鹹牛肉，成個配搭簡直係Perfect。🥬💛推薦指數 7/10飲品🌈✨阿華田脆脆有少少似恐龍脆脆咁，阿華田上邊有朱古力脆脆，冇乜特別，但食完一堆小食之後再飲一杯甜嘢，感覺好爽皮。我會話，創意係高分，但味道都係茶記。
繼續閱讀