嘉寶漢堡 (嘉寶大廈)

營業中

休息中

之前食完覺得好好食 所以今日都特登嚟再試吓其他漢堡 門口照舊有好多人排隊 今日就試咗31蚊芝士牛堡 嗰塊牛肉好重牛味 芝士多度應知住咗塊牛肉生菜都好新鮮 呢個包我用左冇5分鐘就食因為實在太好食 食完好想再嗌多一個😂😂😂

我哋喺轉角位見到呢間漢堡包店嘅時候 已經見到餐廳入邊坐滿晒人 門口仲有好多人等緊外賣添 入到去嘅之後就發現 原來好多外賣速遞嘅訂單 好受歡迎咁我帶咗個BBQ醬蛋牛堡 再加左芝士topping 叫埋薯格同埋汽水加埋51蚊 俾錢嘅時候可以用八達通俾或者用支付寶俾因為係即叫即整同埋前邊有好多人排緊隊 所以等左10分鐘左右先攞到嘢食 即叫即整黎講都算幾快個burger塊牛肉好重牛味 好滋味加埋絕配既蛋同芝士 成個包好好味 配料仲有番茄同生菜 加添左唔少fresh既感覺 唯一不足係覺得個BBQ醬有啲濃味 稍為遮咗其他配料既味 另外薯格係即炸嘅 好香好脆口

之前過門而不入，今日又路過終於可以試到喇，好彩時間早未算多人。第一次來食所以試左芝士牛堡先：牛肉鮮嫩多汁，配搭芝士香口yummy; sauce亦5會過咸過膩，值得回味，仲有tomatoes and lettuce。個人覺得呢間特別在於小食有hk style野揀 - 炸燒賣（本人見識少，第一次見咁整，但又幾好味，系熱氣左d）；另外野飲真系超多選擇，茶都有好多款，仲有coconut water。同行friend試左烤菇芝士牛堡，下次一定要試。絕對會番轉頭試埋其他。

鑒於之前一直想食中環果間但男友嫌貴 佢最尾搵左間平民價錢多好評既補償咁就試試先買外賣返去食 門面6點都已經好多人堂食一個包$50有找我食最普通芝士牛肉漢堡 味道不差過中環果間仲要勁平 勁抵食芝士溶得岩岩好加多幾蚊就有薯條 係我最愛既粗薯條呀！好耐冇食粗薯條好夠飽 叫左熱飲 + $5 有杯茶 係用dilmark 茶包可以加熱水又再飲過男友就叫左蝦堡+ 薯格 佢都過蝦堡好食真係會encore多次 應該唔會再食 “shake shake “ burger了

1.<製作用心既嘉寶漢堡>🍔喺葵興做既既朋友介紹呢間小店嘉寶漢堡 細細間餐廳 主要食漢堡 仲有其它小食同麵 等等 不過第一次黎食梗係食招牌 burger 😄2. 經典牛堡 27 蚊 加18 蚊有飲品加一個小食 🍔牛堡個包皮 都幾香包味 但就冇焊過既 入面既蕃茄同生菜好有咬口同新鮮🍅🥬我好欣賞佢個牛肉整得好好 應該用手打 牛肉軟熟有口感 牛味 juicy 🐮加埋香濃既千島醬 好正 😃2. 小食點左炸鮮賣🔥 雖然係小食 但都用心整 出面有層厚度適中既茨粉 帶 d香脆 入面既燒賣煙靭彈牙 好味 ! 😍#燒賣 #小食 #炸燒賣 #牛肉 #漢堡 #嘉寶漢堡 Score 平均分 <7.4/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻~~~~~~~~~~~~~#嘉寶漢堡葵涌青山公路葵涌段499 號嘉寶大廈地下 ab鋪~~~~~~~~~~~~

之前還是小店時也吃過數次，被它的慢煮牛深染吸引。之前會自行外賣取！會叫一個負責打電話落單，之後一個人負責行落去外賣自取。因為舊店佢得2個人整不夠人手的送外賣。薯條有多種shake shake味，不過加左粉會冇咁脆口，有綠茶，辣味，芥末味。沙津細細盒但好fresh d菜。個粟米湯好濃粟米味，同仕超喜歡，大家可以試下。另外泡菜芝士蛋豬堡好正。 芝士係重點，食落有辣辣泡菜，芝士加蛋好夾，豬堡好多汁，食完好幸福！

嘉寶小食本身位於好偏僻且吾近地鐵站既位置。只有住係附近既街坊先識依間隱世美食店。😋😋當佢由小店變大舖，今日第一次光顧。1. BBQ醬雞堡佢本身係豬堡，小編轉左雞堡。雞堡好新鮮，即叫即煎。個漢堡都仲有煙岀。😲😲雞堡厚厚的，咬落鬆化。但味道較淡，缺少雞味，似普通肉堡多過雞。小編另加左烤茹。$18烤茹仲厚過件雞，好新鮮，咬落去仲有啲茹汗B岀黎。😂BBQ醬普通，應該只係超級市場可以買到的醬料。下次可以試其他味。😆😆2. 燒賣跟餐加$13。有小食同飲品。有6粒，新鮮熱騰騰的。3. 芝士牛堡招牌果然係招牌。而且價錢還比其他漢堡便宜。$31 only。😋😋芝士同牛真係絕配，牛堡新鮮不韌，亦無急凍雪藏的味道。配埋芝士，一口咬落去，真係一流！👍👍👍

第一次試這家餐廳。記得以前經過這家的前身時，都嚷著要快點試試，不過多年也未嚐過。這晚下班後想買點外賣，記得妹妹提過這店不錯，決定去試一個吧！這次我點了菠蘿雞堡和薯條。因為是即叫即做，所以也等了一陣子，但店員很友善的告訴我不用出去走走，五分鐘應該好了。外賣回到家，薯條沒想像中淋，太好了。至於漢堡呢，我覺得雞肉是不錯的，吃的時候很有一陣燒烤的感覺，應該是烤的時候時間處理得好。我點的這個不足的是菠蘿和漢堡本身配上的醬汁有點不太合拍，兩者也是酸的但加起來互相奪味，整體扣了一點分數。相信是因為店子的漢堡基本上是任意配搭，可能有些選擇錯過了所有材料的可融度吧。整體來說還是不錯——有下次啦。後來知道這葵涌小店衝出了小區，在尖沙咀也開店了，支持！

呢間漢堡包不得了～ 不枉我專登搭車去食😋 烤姑芝士漢堡- 芝士加醬極多極濃厚，巨菇一咬落去爆汁加上極香菇味傳入味 蕾 蝦牛堡-開頭以為係泰式果種彈牙蝦餅，食落散收收。如果係彈牙果隻會好好多，撇除個蝦餅個牛堡都係好食既 套餐加配雞翼新鮮即炸，正路味道 香脆好味，bbq醬雞翼太濃太咸，都係原味好食 炸魚肉燒賣夠彈牙，炸薯塊夠香脆 好吃！😋 會翻啅，下次再試其他

食評：嘉寶漢堡（光輝圍店）今日考完DSE經過呢間小店就諗住試下。其實本身由佢喺隔籬天橋嗰邊個位時已經有留意到，不過嗰陣個門面唔靚所以冇試到。一路睇住佢細鋪變大鋪，開埋分店喺尖咀，今日先至試左。我點嘅係松露牛肉漢堡講下個包啦，個包呢就烘得啱啱好，略嫌個包就比較扁，口感冇咁鬆軟。講下個配料，入面有松露醬、牛肉漢堡扒、生菜、芝士（應該係cheddar)、仲有少少番茄。松露醬方面就非常之足料啦！包住左都聞到濃濃嘅松露味道，食落都係非常之濃厚。塊排口感軟綿煎得啱啱好。生菜非常嫩，芝士都配搭得好好，同塊排同松露好夾。不過呢我就疑惑點解會有少少番茄，呢點就唔係好match，不過真係好少唔知係咪搞錯咗擺咗啲落去，。個沙律呢都係自製，沙律菜好嫩，有自己烘嘅麵包粒，碎芝士，係典型嘅沙律。欣賞佢沙律醬唔會太多啱啱好。價錢上呢總數漢堡加沙律同可樂（後尾冇飲到，拎返屋企雪櫃攞左自己盒奶飲），$62。哩個價錢喺同區快餐嚟講就比較貴，不過有平有貴嘅，豐儉由人。選擇都比較多，漢堡後味創新。食材方面個人認為係對得住價錢嘅。外賣包裝上呢就比較簡陋，感覺似係普通煎釀三寶嘅街頭小食包裝，就咁攞膠袋裝住。不過個漢堡包裝紙係印咗

今日放假專誠行到去光輝圍食呢個漢堡地點都算易搵，穿過葵興邨一直向前行就會見到鋪頭裝修以灰色和白色做主調，感覺很休閒因為怕多人所以都特登兩點幾先去食漢堡都係$50樓下，另外仲有撈麵同不同嘅小食今次叫咗黑松露芝士牛肉漢堡，另外仲加咗一塊菠蘿，另外仲叫咗一個辣牛舌漢堡漢堡的材料好足夠，黑松露好夠味。最驚喜係個辣牛舌，煮得非常之嫩配埋個辣醬汁非常之好食配菜方面加$13就會有一杯嘢飲同埋一個小食而小食我哋嗌左薯條同埋薯塊薯條好大塊但就略嫌厚實唔太好食而薯塊質地就好似薯餅咁飲品方面就叫咗熱柚子蜜都係唔需要另外加錢的總括來講咁嘅價位食漢堡都叫做物超所值，支持小店

Ordered in for lunch with my wife. We ordered two burgers with one being a combo and it was plenty for lunch.Pork burger with honey mustard/pineapple: wife loved the pork burger, and while its leaner and a little smaller the toppings help elaborate the flavor, the honey mustard especially.Spicy bacon mushroom beef burger w/waffle fries and drink: An excellent tasting burger with the correct amount of spice and decent quality mushrooms. The mixture of sauces on this burger is also very good.Both

呢排跟新阿姐係光輝圍做野，原來呢頭都有好多野食我地做野做到2點半先食lunch，咁就避開左打工仔學生哥食中午飯嘅人潮，唔駛我地等咁耐！菜單有牛，有豬等等選擇。今次我就揀左BBQ蛋豬堡，盛惠$31。大約等左10分鐘個取餐牌就震，可以去拎個包。拎返黎個時都係驚嘆緊個漢堡包真係好大大到都唔知點食好我另一位女同事選擇續層食，但我覺得要一啖咬晒每一層先得入面啲BBQ醬好多，多到必晒出黎。而層豬肉堡隻色同味道同牛好似😂😂成個包整得好有誠意！正

未裝修前一直過門不入，搬咗新舖後，眼見食評也寫得不俗，終於鼓起勇氣入去一試。估唔到用三十蚊左右就食到個超水準嘅牛肉手打漢堡，份量充足，絕不欺客。牛肉的肉質新鮮，加上醬汁及芝士非常吸引，頓時令人食慾大增。只要加多十三蚊升級套餐更化算，包飲品及一款小食。講到小食不得不推介炸燒賣，其他食店很少見。此店的炸燒賣分豬肉及魚肉，我較喜歡魚肉燒賣，因爲較入味同無咁油膩。另一款小食炸薯塊也不得不讚，其實將薯餅切細，炸面較多，四邊都香脆可口。如果大家有印象，同好多年前KFC出過嘅薯寶極度相似，我非常懷念。如果個胃仲有位嘅朋友，不妨加多十蚊試呢款原味炸雞翼，簡簡單單用鹽嚟調味，已經美味無窮。食咗兩個餐，仲有咁多小食再加飲品，都係百鬆蚊，今時今日仲可以去邊度揾？！

#惹味辣醬蛋雞堡 $31係呀 又嚟試漢堡呀😜但今次係港式漢堡依間位置好似有啲唔就腳但就啱哂喺附近返工嘅打工仔啦而且價錢都算平 加$13就有小食同嘢飲今次就叫咗惹味辣醬蛋雞堡一開頭諗都冇諗就一大啖咬咗落去點知啲蛋汁爆到周圍都係😭好彩件衫冇事😜雞堡唔會好實但就覺得冇乜肉味🤔而小編就好鍾意佢個醬 辣辣地真係好惹味個醬直情係個包嘅靈魂🤤冇咗佢真係唔得可惜個包有啲硬 如果軟返啲嘅話會易食啲同埋正啲小食方面 小編揀咗炸燒賣本身以為係炸魚肉燒賣但點知原來係魚肉燒賣加豬肉燒賣😆唔洗點沙律醬都夠味不過一定要熱辣辣嗰陣食😉評分：7/10