嘉多莉餐廳 (已結業)

2點半到，午餐和下午茶餐都有，見它自誇出名客家菜，門口大招牌又以鹽焗雞招徠，就來一個鹽焗雞飯午餐($32)，另要干炒牛河下午茶餐($25)。鹽焗雞上檯，賣相已經不大吸引，與樓上食友所拍下的照片相去甚遠。食落更是後悔不已，肉質有些鞋韌，亦沒有什麼味道，要靠沙薑醬添味，連伴碟的菜芯也是老的，作為招牌菜真是無話可說！牛河相對上比較好些，不過亦嫌老抽落得太多以至味偏甜。環境與一般茶餐廳差不多。服務也令人失望，幾位侍應都是木口木面，其一說話硬繃繃，另一默不作聲，還有一位將牛河擲落檯邊便閃身而去！不會再來了！

3/9(一) 8pm三日兩夜的盤龍峽短線遊終告結束,整體感覺相當良好!(撇除喋喋不休兼搶食的團友).一抽二袋,拖著成噸重的行李喼專程到此供應新鮮活雞的平凡茶記品菜.甫入店,貼心的侍應立時為我倆安排座位及安置行李.乍見有一卡座騰空時,侍應肉緊地叫嚷,"有卡位呀!快d坐過黎呀!"既然為雞而來,那便點了$88的二人餐:花生眉豆蓮藕湯,峇拉醬芥蘭,鹽焗雞,鹹魚醬蒸豆腐,冬菜蒸立魚.花生眉豆蓮藕湯--下了少許味精的老火湯.峇拉醬芥蘭--即xo蝦米醬,味道極惹味;芥蘭也見爽口嫩綠!鹽焗雞--雞味濃郁鮮美,稍有微言是肉質欠嫩口;皮下脂肪較多,吃落滿口油.鹹魚醬蒸豆腐--一碟四片的布包豆腐味道微酸,鹹魚醬味道不突出,味道不太對勁!冬菜蒸立魚--火侯控制得宜,肉質嫩口,味道剛好!$88的家常飯,吃得過!

尋日同女友行過白加士街. 見到呢間餐廳又個海鮮二人套餐, $168 又有蝦,又有魚,又有蟹. 我見平平地, 緊係即刻拉我女友入去試la. (好驚行多兩行要俾多幾舊水) 裝修同清潔都ok. 茶餐廳水平啦. 但係D o野食就... 正! $168 真係超抵食. 先o黎個蝦. d 蝦就一般, 但係d 豉油就好正. 可能係因為佢d 豉油正的關係, 條蒸水都好鬼好食, 好鮮甜, 比一般茶餐廳高幾班. (不過我到呢家都唔知o個條係咩魚o黎) 嘩, 跟住o黎個薑蔥炒蟹, 鑊氣夠, 份量足, 好鬼正. 真係估唔到.總括一句. $168 有魚, 蝦, 蟹, 食真係好鬼抵.

大年初四去佐敦搵食, 點知澳洲牛休息...咁就去咗呢個鬼地方....兩個人叫咗個茶餐....嘩....火煺煎蛋+牛油餐包頂..火煺凍冰冰好喇...主菜到喇...沙嗲牛肉麵...真係火都嚟我咁大個仔未食過咁差... d 沙嗲一陣燶味...呢d 係邊個國家既沙嗲...真係有特色我女友o個個炸菜肉絲湯米就....唉總之差

快餐A 好快, 茄汁吉列魚柳飯, 普普通通啦.味精湯多味精, 但都預左了.

佐敦區較旺的一間茶記,人手足落單快,伙計尚算有禮貌,起碼比澳洲牛奶公司好,食物就一般中中地,唔期望就無失望.

成條白加士街都差唔多食得七七八八，硬係未食呢間。平時見到佢有好多人食煙，但係又冇設吸煙區。呢間茶餐廳出名食小菜，尤其係食魚。侍應介紹食$88二人餐，有鹹魚蒸豆腐、東南亞式蝦醬油菜、蒸撻沙魚同馳名鹽焗雞，包白飯同飲品一杯。菜就夠豐富喇，味道都還可以啦，個撻沙魚都算幾新鮮，個油菜加左蝦醬味道真係特別d。見到餐牌上竟然有鐵板紅衫魚、桂花魚等，真係前所未見，唔怪得人地話呢間野係出名食魚喇。臨走前仲見識到兩隻蒼蠅係個碗度傳宗接代，唔通呢度真係蒼蠅天堂?

這個飯店友人已經推介左好幾年,今天終於有機會去,叫左套餐--玉米斑塊飯和飲品,質素比較一般,跟普通的類似,但喱間飯店最好的是加$10可得三個清蒸扇貝,雖然比較細小,但好新鮮.值得推介.

$88二人套餐份量唔多魚無肉豆腐得四小件西芹雞好油搭醬油菜無特別係杯凍飲最對辦最重要係那短髮高大女侍應好唔掂，自話自說，工作態度散漫所以一樣入blacklist

大年初一晚，去左朋友度玩通宵，年初二朝得呢間有開門，真好﹗朝早通完頂，無乜胃口，叫左杯熱柑桔蜜，好好味，唔太甜，正﹗

這是我佐敦四大早餐落腳站之首。任可一款配料之"出前一丁"再加上他們的"蝦米辣椒油"，真是一日之計在於晨！

竟然有咁多人讚好，我真係唔知有咩好。一入到去勁多人煲煙，好大陣煙味，上菜速道又慢，等了二十分鐘先致有得食。叫了兩個套餐，一個梅菜蒸魚、一個羅漢上素。豆腐唔係貴喎，一碟野得三件細豆腐，而條魚係魚尾又多骨，仲係得一邊肉食。

尋晚去呢度食晚飯, 諗住order o野食o既時候突然隔離台o既一男一女嘈起交上o黎, 初則口角, 繼而動武, 仲撞到我添, 我真係比佢地嚇親, 之後有個好人o既女待應將我拉埋一邊, 問我有無事, 有無被嚇親, 之後安排我坐一個遠離個張台o既位置, 服務真係好, 而且我order o既麻婆豆腐客飯都幾好味添.

佐敦白加士街o既嘉多莉餐廳,無論你食乜都唔駛擔心,而且仲好好味,正!!(不妨試o下D奶茶,正到暈...!)

近來呢間餐廳變做我的食堂,係午市有蒸魚?,下午餐都係18-9,去大家樂不如益下街坊啦,就算一個午餐都只係26,同區茶餐廳來講都算係抵食,拖友又可以兩菜白飯,湯就唔算好,但整體來講要求唔高都好啦,坐又舒服.^__^.