喜記 (已結業)

今晚晚餐突然想到中心商場有喜記就託家人幫忙買外賣回來講到喜記當然會諗起招牌鮮蝦雲吞麵晚市價錢比其他時段貴很多跟一碟菜，熱食+2 外賣+2Total 要$72份量非常之小，雲吞有整隻鮮蝦是不錯但只得四隻幼麵質感普普通通湯底幾好而且分開上的但湯少左dd家人有同職員講要多蠔油但返到黎打開是沒有的平民餐黎講過得去啦早餐/午餐去食會平好多

今次在黃大仙吃下午茶，來了這間喜記。它不是吃蟹的一間，而是吃粥麵的一間。牛腩麵牛腩比想像中的腍滑，不硬又不黏牙，牛肉味不錯。麵條十分爽口，卻沒有半點鹼水味，是少見淥得好吃的麵。魷魚炒河以為是乾炒河，上枱才知是濕炒河。這個炒河芡汁厚重，魷魚完全沒有味道，只有死鹹的味道，與剛才的牛腩麵比，高下立見。跟餐還有杯飲品送，選了薏米水。薏米水味道偏甜，但薏米也算多，算是中規中矩。下次再來光顧，都是吃碗麵好了。

11點左右未食早餐 直接去空肚食午餐😁呢間其實都食過幾次燒味飯 今次就寫下食評, 叫左一個雙拼飯叉燒燒腩仔飯48蚊- 叉燒軟熟但唔夠蜜味, 唯有點下d酸梅醬調下味😳而個燒腩仔好出色, 脂肪比例少, 肉質香軟又唔太冧, 個皮更加脆到有聲, 加個芥辣真係掂另外之前成日食嘅燒鵝飯都好食, 脆皮份量唔算少, 各位都可以試下

路過此店想吃個下午茶餐， 店舖差不多滿座，不少是中年或老人家 。看看餐牌，餐食的價錢也不算便宜，對水準便有了期望。 不少人也點了這個燒鵝 湯米 便覺不妨跟跟。 上枱時賣相頗佳， 麵食及湯頭也不錯，但麵的份量畧小， 而主角最令人失望： 皮軟 肉凍,大大失分。

收銀服務態度不佳，比錢要睇面口，佢一定相執粒！食品質素一般，並不是宣傳得那麼好，下單的套餐吃完了第一套，苦等很久再催促才跟進。已經不是第一次，光顧了一段時間，比了多次機會，今天連埋單都要受氣，以後不再幫襯，保證通知D八卦街方幫佢做宣傳咁唔想收錢，一定拔刀相助！

我點咗個一人晚餐豉汁凉瓜炒雞柳，碟菜嚟到我一睇雞柳都唔見一條，以為俾D凉瓜遮住，點知摷到底都冇條雞柳，只有雞碎和雞皮，可能而家D廚房師傅唔識分什麼叫做柳，切碎的肉當柳。

好耐都冇來,不過周圍都冇位座,就入來啦,侍應態度跟以前差不多,點了幾個小菜,食起來跟以前不同,不知是不是師傅不同了,但感覺跟以前比好像好食了點,點了個咖喱朱扒,個人覺得比起好多餐廳好很多,加了蕃茄我很喜歡值得一試,再點了個炒飯,好食,夠鑊氣,之後覺得好食,再點了個干炒牛河,味道ok,不太油,我跟我媽都喜歡,下次會再試下晚飯,不過冇影相,下次影返

今晚我同男朋友見肚餓就試下呢間啦，我男朋友叫左雲吞麵+菱魚球，我就叫左個菜遠班腩炒河！先講碗麵，d麵線韌到咬唔開，我個炒河就等左成十幾分鐘才到，搞到原本一杯好好飲既熱薏米水就涼爽，另外！個河粉好似無炒過咁，只是在上面撈上餸汁，河粉就幼到夾唔到，食個普普通通晚餐都要成$113，早知搭幾銀車落新蒲崗求其搵間食茶記都好過食佢

我媽媽經常幫襯呢間喜記，提起呢間就讚口不絕佢話呢度價廉物美份量足於是有晚冇煮飯就係呢度叫小菜食入到去感覺完全是街坊飯堂，有好多熟客同店員傾計，傾下今日有咩例湯，充滿人情味媽媽推介呢度既細蓉，另外小菜亦都有好多選擇單叫好似$35，麵質彈牙，有四粒鮮蝦雲吞，都算抵食另外叫左個二人套餐，魚香茄子煲同蝦醬通菜鮮魷，再配兩個白飯，份量都足料，可以三至四人食蝦醬通菜夠鑊氣，好送到飯而魚香茄子煲冇出面食咁油膩，雖然唔夠其他茶餐廳咁惹味，但感覺健康好多！我最鐘意佢跟餐既薏米水，大大杯帶有少少薑味，順便可以袪濕去水腫，不錯

食唔到原本想食嘅餐廳，肚餓周圍搵野食，見裝修新淨是是正正，誤打誤撞咁入咗喜記。一入門口個女侍應已經態度好差，黑口黑面，餐牌上價錢偏貴，諗住試下心態，d食物可能會好食抵消返（好彩無加一）。最後叫咗碟招牌燒鵝飯同牛腩撈粗套餐，上菜時唔出聲係旁邊*ship*埋黎，當時我同老公對望兼反晒眼。燒味飯菜都無條，好多飯，鵝d骨多過肉，皮林唔脆，咁叫招牌嗎？牛腩撈粗普普通通，以呢個價錢同服務態度，唔會再回頭幫襯。

第一次去，亦係最後一次去!! 個日去食個午餐"叉燒煎蛋飯"，個侍應問要生蛋定熟蛋?我話要荷包蛋，佢態度超差再問"咁即係要生蛋定熟蛋?"，我話要荷包蛋，佢態度再極差咁"總知我地係得生蛋同熟蛋!"....，我話總知我就要荷包蛋，佢話"我唔理，我地係得生蛋同熟蛋啫!"....，真係寸過碼頭咕哩，咁大間餐廳連荷包蛋都唔識，就算係無荷包蛋，咪好聲好氣講囉，唔使咁嘅態度呀! 真係趕客，永無下次

今日翻工前準備買d野食，行過見到有乾炒牛河，其他野食鋪又多人，就行入去買乾炒牛河了。因為不嬲吾食蔥既，所以落單時候強調左吾要青，洋蔥都吾要，店員都落明左。結果等10-15分鐘左右後，正常都吾會當場打開個袋檢查既，翻去一睇，比我既居然係一堆青既乾炒牛河？？到底係店員打吾清楚，還是煮野師傅睇吾清楚呢？？好彩我吾係食物敏感，如果吾係我係要重新行翻去等多10分鐘買多份，還是直接倒左佢吾食呢？希望貴店下次可以注意翻客人既要求啦。

今朝去咗喜記食早餐，其實係佢人小，成間舖都係得两三枱客，於是就入去試下，佢賣嘅係中式早餐，有粥，有粽甘27-34蚊睇下你A+B定A+B+C，A係粥類，B係粉面類，C係嘢飲，我叫咗A+B+C（一個淡菜粥+腸粉+凍奶茶）37蚊睇下你點睇，我就覺得有點貴，可能食開平民價23蚊嘅粥舖（粥+腸粉），講返d嘢食先，個腸粉唔係好大碟（普通10蚊5條甘，因為本身無諗住寫，所以無影低，得翻隻吉碟😅😅），仲要油淋淋（佢會po張油紙响下面，食完後成張紙都係油），可能本身d腸粉有油（防癡）跟著佢又渣d油响張油紙上面，而d醬油又有加油，所以成件事變得好油，d粥完全無味，攪两下就變水，🐷同d淡菜又小，有d感覺佢。。。。

$144兩餸、兩白飯、兩杯嘢飲(凍飲）雞啖啖肉、雞髀位置非常嫩滑！滷水味非常入味！通菜爽口新鮮、分量充足！起初還以為魷魚只得兩條，但原來菜底下還有魷魚，魷魚味道鮮，細細條容易入口。配靚仔兩碗～呢個價錢抵過茶餐廳！服務就一般

今日路經黃大仙，因不太熟路。而且十分肚餓，見到商場裡面有間喜記。便入內試下。雖然正值午餐膳時間，但店內客人不多，所以不太嘈吵。是日叫左午餐，有鮮蝦雲吞麵、酥炸鯪魚球及熱檸茶。鮮蝦雲吞麵麵身好爽、有蛋味，好吃，湯㡳好清甜，應該用大地魚煲，雲吞雖然細細粒，但蝦好新鮮、彈牙👍🏼，不過得4小粒，配已辣椒油及醋，味道更加突出鯪魚球炸得有點油，不夠乾身，唔腥，味道一般。