喜記避風塘炒辣蟹 (肇明大廈)

營業中

休息中

喜記避風塘炒辣蟹🦀 招牌避風塘炒辣蟹 一上枱就聞到陣陣蒜香，蟹殼炒到金黃香脆，搭配滿滿炸蒜粒、紅辣椒，蟹肉鮮甜又帶點微辣，外層仲有啲焦香感，食到最後都唔覺得膩。🍍 菠蘿咕嚕肉 咕嚕肉外皮酥脆，配上微酸微甜嘅菠蘿醬汁，比例啱啱好，唔會過甜過酸。菠蘿塊新鮮多汁，食落啖啖果香，加埋青紅椒，味道更加豐富，唔會得個甜字。🦪 豉椒炒蜆 蜆肉飽滿，汁多鮮甜，炒得剛剛好冇縮水，仲帶少少咸鮮味。豉椒味道濃郁，微微辛辣提升咗整體風味，每粒蜆都均勻掛住豉椒醬汁，仲有啲鑊氣，真係好惹味。🥣 上湯水浸蜆 水浸蜆清淡啲但好鮮甜，蜆肉嫩滑，上湯係用薑絲、葱花、紹興酒調味，唔會過重但帶出海鮮嘅原味，飲完成個胃都暖晒。🐟 椒鹽白飯魚 白飯魚炸得乾身唔油膩，一咬落去就有酥脆嘅感覺，椒鹽調味亦好到位，鹹香之中帶少少辛辣，好適合做小食。

之前嚟過都覺得啲海鮮鮮味十足今日夜晚又帶家人過黎侍應好快就帶我地入座招牌避風塘炒辣蟹辣蟹充滿蒜辣味，色澤鮮艷，蟹肉鮮嫩，肉質豐富，充滿層次椒鹽瀨尿蝦瀨尿蝦灑滿金黃色嘅椒鹽，充滿鹹香味，蝦的口感彈性十足，配埋啤酒一流。花膠雲吞雞煲花膠湯底清澈，帶有少少金黃色，除咗花膠同雲吞仲配埋嫩滑嘅雞肉，味道清爽不油膩好好飲。豉椒炒蜆豉椒炒蜆風味獨特加埋清爽嘅青椒絲，配白飯一流。蒜蓉炒時菜蒜蓉炒時菜炒得爽脆健康。

身為海鮮控間唔時都會想大擦海鮮，出左銅鑼灣就諗起橋底的小炒喜記辣蟹趁天氣仲系涼涼地，食下熱氣野，叫左隻辣蟹同幾個餸媽咪share 避風塘炒辣蟹落足大量蒜頭大炒，鑊氣十足熱辣辣勁香噴噴蟹肉多膏蟹肉彈牙，食得辣的話必叫辣蟹，好惹味避風塘蒜蓉蒸蟶子王蟶子好大隻夠新鮮，鋪滿粉絲同蒜蓉落大火蒸時間同火侯都掌握得岩岩好，肉質仲系好嫩唔會鞋紅燒乳鴿另外叫左兩隻乳鴿食，燒乳鴿個皮脆卜卜咬落勁多汁要小心俾D肉汁熱親呢

起17/3，和家人去左銅鑼灣謝斐道的喜記避風塘炒辣蟹。因為之前有試過另一間店，對他的印象不錯，所以今次試下這間。店內環境舒服清靜，中式高級茶樓的裝修。食物挺好食的，當時叫了招牌菜：避風塘炒辣蟹，醉鮑魚和和牛粒。其中海鮮非常新鮮。蟹肉鮮甜，就算是避風塘的重口味做法也不會蓋過鮮甜的蟹肉味。因為避風塘口味由炸蒜和辣椒混合而成，味道會變得非常濃郁。鮑魚也份外爽口，而且因為酒味的醃漬，更令鮑魚獨有的鮮甜突顯出來，認真不錯。牛肉也挺好食的，牛肉外脆內軟，肉汁豐盛，外層因為炸蒜和辣椒，味道會非常濃郁。和避風塘蟹不同，牛肉會和炸蒜味道混合一體，比較香辣咸口。總體而言，食物新鮮美味，環境也舒適乾淨，比較推薦和親友一齊去食。

喜記避風塘炒辣蟹🦀海鮮菜式備受推崇，是愛吃辣的食客必到之餐廳🔥.招牌避風塘炒辣蟹 🦀招牌菜色香味俱全，蟹肉鮮嫩，外皮酥脆，搭配大量蒜蓉和香辣的調味料，讓蟹的鮮味更加凸顯。每一口都能感受到蟹肉的甜美，辣味和蒜香交融，口感層次豐富！配上特製的香脆炸蒜片，更添香氣，吃完後嘴邊還留有香辣的餘韻，令人回味無窮😋豉椒炒蜆 🐚蜆肉鮮嫩多汁，炒至剛好開殼，保留了海鮮的鮮味。豉油和黑椒的調味恰到好處，讓蜆的味道更加突出、整道菜更具風味，每一口都令人滿足。吃完後，還能感受到豉椒的微辣，讓人忍不住多吃幾隻🌶️辣酒煮東風螺 🐌螺肉彈牙，醬汁香濃，酒香與辣味結合得天衣無縫，讓人一口接一口停不下來。這道菜的醬汁濃郁，十分適合搭配白飯，讓人享受到海鮮的鮮美與醬汁的絕妙搭配。每次吃完都感覺心滿意足，真係好滋味！🍚總括來說，喜記避風塘炒辣蟹的菜式不單止味道出眾，還有豐富的海鮮選擇，無論是聚會還是家庭聚餐，這裡都非常適合。下次來到銅鑼灣，記得親自來試試！🤩.喜記避風塘炒辣蟹地址: 銅鑼灣謝斐道477-481號肇明大廈地舖及1樓A室

好多次自己有朋友喺外國返嚟，都會問我香港嘅避風塘炒辣蟹係咪好好食?!我話呢個係當然啦!最出名嘅係位於銅鑼灣謝斐道喜記避風塘炒辣蟹!上個星期我就帶咗3個喺外國返嚟嘅朋友一齊去食晚餐:首先一定要叫🦀招牌避風塘炒辣蟹- 炒蟹夠曬份量，肉厚又夠鮮味🦪上湯水浸蜆- 上湯清清地， 配上蜆肉嘅鹹鮮味一流🧆酥炸美國生蠔- 兩隻大大嘅美國生蠔炸起嚟，一啲都唔油膩，而且炸得脆口又爽身🦪豉椒炒青口🦪豉椒炒蜆- 我哋仲叫咗兩款豉椒炒青口同蜆，豉椒味好濃，青口同蜆肉都夠肥美!呢幾個餸菜簡直送飯一流!忍唔住都食多咗一碗飯!

避風塘炒蟹食過咁多次都仲係會心思思，啲蟹肉鮮甜得嚟仲好有咬口，最正係啲炸蒜粒，又香又脆，同辣椒一齊炒到啱啱好，送飯一流。啲蟹鉗大到一啖咬落去啖啖肉，幾鮮甜豉椒炒蜆鑊氣十足，蜆肉冇沙，豉椒汁香濃帶微辣，送飯一流！蒜蓉炒白菜，白菜炒得爽脆，蒜味夠香。食完濃味嘢再食返啲菜，清一清腸胃服務員態度幾好，會主動介紹菜式。份量足料，海鮮新鮮。無論係家庭聚會定朋友gathering都啱晒。下次可以約多啲人嗌多啲野試。

今次同朋友去銅鑼灣嘅喜記避風塘炒辣蟹食飯，真係食到停唔下來！先嚟個滋補靚燉湯！招牌避風塘炒辣蟹香辣入味，蟹肉鮮嫩，蒜香撲鼻，辣得過癮！招牌醉鮑魚一上枱已經聞到酒香，鮑魚軟腍 juicy，咬落去好滿足。豉椒炒青口份量十足，青口肥美，豉椒味濃到爆，配飯一流。辣酒煮東風螺好有驚喜，螺肉彈牙，辣酒汁惹味到舔碟！金銀蛋豆苗清新又滑嫩，金銀蛋香氣同豆苗好夾，健康又美味。環境熱鬧，服務員好快手，成晚都好開心！📍 地址：銅鑼灣謝斐道477-481號肇明大廈地舖及1樓A室

Blingbling美食推介✨ 📍灣仔 🦀喜記避風塘炒辣蟹 (肇明大廈) ✨ 最愛炒辣蟹😍😍😍💠💠💠💠💠💠💠💠 呢幾日有朋友係外國黎香港旅行，緊係要帶佢地食下香港好出名既避風塘炒辣蟹啦！要食最正既，當然要黎喜記‼‼喜記超級多人，晚飯時間座無虛席，好熱鬧😆帶外國朋友黎食就岩曬啦😋 💠 招牌避風塘炒辣蟹 招牌避風塘炒辣蟹真係香辣惹味‼蟹肉鮮甜彈牙，完全吸收咗避風塘炒蟹獨有嘅蒜香、辣椒同豆豉味，辣得嚟又唔會蓋過蟹嘅鮮味😍😍外層炒得乾身香脆，咬落去辣味同香味一齊爆發，食到停唔到口😋😋外國朋友都讚好味🧡💠 酥炸美國生蠔 酥炸美國生蠔外脆內嫩😍生蠔外層炸得金黃酥脆，咬落去超級酥脆‼入面嘅蠔肉仲好鮮嫩多汁，完全冇腥味，反而仲有蠔既鮮味！！下次都要再叫！！😋😋 💠 椒鹽焗鮮魷 椒鹽焗鮮魷香口得嚟又惹味！✨鮮魷炸得外脆內嫩，咬落去彈牙又有嚼勁，完全唔會韌😋椒鹽調味啱啱好，帶住微微嘅辣味同蒜香，食落去好開胃😍 外國朋友一路食一路飲啤酒就岩曬🍻🍻餐廳環境：💎💎💎💎💎/5 服務質素：🌸🌸🌸🌸🌸/5 食物味道：😋😋😋😋😋/5 性價比：💰💰💰💰💰/5（人均消費$250/人）

好耐冇食海鮮啦，特別想食蟹，就諗起喜記了！💛招牌避風塘炒辣蟹有幾種size分，我哋兩個人嗌咗隻細size，估唔到已經好大隻。蟹肉外皮酥脆，咬落鮮甜多汁，肉質鮮嫩，好香蟹味。香料非常香辣，超級惹味，辣得好過癮！💛果皮蒸鮑魚鮑魚好新鮮，爽口彈牙，有咀嚼感，食到鮮味及果皮香味。💛辣酒煮東風螺醬汁香辣，帶有酒香同辣椒味。螺肉肉質鮮嫩。吸晒醬汁嘅味道，超級惹味！💛 白灼東風螺白灼嘅煮法保留到螺肉原有鮮味，配有甜醬及辣醬，令鮮味更加突出💛蒜蓉粉絲蒸扇貝扇貝大粒厚肉，新鮮好食，扇貝上面鋪滿粉絲同蔥油，吸收唒精華，超好食！

今日帶朋友去左銅鑼灣呢間好出名食蟹嘅餐廳，之前同屋企人食過都覺得好正，叫左招牌避風塘炒辣蟹同埋白灼東風螺🩷🩷🩷🩷🩷。因為兩個人關係叫兩個餸試下，呢度啲海鮮都好足料又夠大份。呢個避風塘炒辣蟹真係 好惹味，炒到啲椒鹽乾蒜頭既味道同蟹融為一體，好夠味，同埋個蟹鉗超大隻，咬落去啖啖肉。白灼東風螺好鮮甜，又大隻同大份。好新鮮又彈牙爽甜，點埋啲甜豉油同辣醬好夾，朋友都讚不絕口，下次仲想食埋其他料理先。

招牌避風塘炒辣蟹呢個炒辣蟹真係好正！蟹肉鮮嫩，加上啲蒜蓉同辣椒炒出嚟，味道香辣過癮，仲有啲微微嘅海鮮鮮味，真係食到停唔到口。蒜蓉豆苗蒜蓉豆苗清新又爽口，蒜味濃郁，令整碟菜都好有味。豆苗本身脆脆的口感，配埋蒜蓉，完全惹味菠蘿咕嚕肉菠蘿咕嚕肉甜中帶酸，肉質炸得金黃酥脆，配合菠蘿嘅清甜，味道好惹味，够穫氣清蒸老虎斑肉質滑嫩，蒸得剛好，仲可以感受到魚肉本身的鮮甜，配埋啲生抽或者薑絲，真係一絕，撈白飯都可以食幾碗

每次係銅鑼灣想食辣蟹都一定會諗起喜記🦀今次又同朋友黎食~水凖仲保持到😋🔸招牌避風塘炒辣蟹🦀香辣惹味嘅避風塘再加新鮮肥美嘅蟹🦀肉質鮮嫩多汁,蟹膏香濃😋🔸椒鹽瀨尿蝦🦐新鮮瀨尿蝦炸到金黃香脆,外殼充滿住椒鹽味同好酥脆,內裡鮮嫩彈牙🤩🔸BB乳鴿🐦烤得金黃酥脆皮嘅外皮,鎖住鮮嫩多汁肉質,一口咬落去Juicy🤤 點埋椒鹽仲突出乳鴿鮮味！🔸蕃薯糖水🍠食完下飲蕃薯糖水暖胃驅寒💕一個完美嘅句號

有個外國朋友黎香港，話想試吓香港風味，我立即諗到嘅係香港特有嘅避風塘系列，就帶咗佢哋呢一間試下，最後人均消費每人大約250元⭐️招牌避風塘炒辣蟹避風塘系列出名香辣惹味，而依樣野野食絕對做到晒，大量嘅蒜蓉同蔥，令到整體更加香口，同時避風塘煮法令到蟹嘅鮮味更加突出，而肉質都好嫩滑，Juicy，而隻蟹有手掌咁大，必食推介⭐️避風塘排骨除咗辣蟹，我哋仲叫咗排骨，佢嘅肉質同蟹唔同，會爽口一d ，一種風味，2種感覺，依個組合都值得一試⭐️豉油皇中蝦蝦嘅size 十分大隻，肉質爽口彈牙，一定係新鮮蝦，而醬汁嘅味道都滲入左蝦肉入面，鍾意食新鮮蝦嘅朋友絕對唔可以錯過

雖然呢間餐廳食避風塘炒辣蟹最出名，但我次次叫朋友來，都必定叫多一份招牌蟹油炒麵，呢個先食得出餐廳廚師嘅功架！食叫一定叫呢個！因為真係好想蟹油味，但係有一定唔會食到成口油，每一條麵都好掛汁，一路咀嚼一路會有一陣陣好香嘅蟹油味飄出來，真係超級無敵正！當然啦，招牌避風塘炒辣蟹就一定要叫架啦，相信香港冇其他地方食避風塘炒辣蟹比呢到更加出名同出色，每次都會覺得呢到雖然係用避風塘手法去煮，但係都食得出蟹本身嘅香甜味，尤其d肉都可以啖啖肉食，真係好爽！最後我地都要左乳鴿，外皮超脆口，d肉又juicy，食落好香口好正，大推薦！