喜記避風塘炒辣蟹 (肇明大廈)

營業中

休息中

今日嚟到非常出名嘅橋底辣蟹度食飯，果然係出名嘅店舖非常好食，叫咗佢哋幾樣招牌菜招牌避風塘炒辣蟹將螃蟹炸至外酥內嫩，再配以香辣的調味料，是一道香辣鮮美的螃蟹料理。而且鑊氣十足係老師傅嘅味道。👍🏻👍🏻👍🏻奄仔蟹上湯浸白菜仔奄仔蟹和白菜仔用上湯浸煮，讓白菜仔吸收了奄仔蟹的鮮甜味道，搭配清淡的上湯味道，咸中帶鮮招牌蟹油炒麵蟹油來炒製的麵，蟹油賦予了麵食獨特的香氣和味道，讓整道菜更加濃郁美味。招牌醉鮑魚用特殊調味料或烹調方式製作而成，味道濃郁鮮美，酒味濃郁，正蟹油拍青瓜青瓜的清爽口感和蟹油的香氣完美結合，而且蟹油嘅份量非常之多，非常抵食

招牌避風塘炒辣蟹夠晒鑊氣👍🏻一上菜就已經聞到香噴噴，炸蒜蓉的甘口焦香😙香辣味濃，蟹肉仲好新鮮香甜，肉質鮮嫩爽彈避風塘一口牛避風塘炒蟹就食得多，第一次食避風塘一口牛，有驚喜😊牛肉嫩滑，牛肉味道好濃郁👅而且蒜香撲鼻，真係好惹味可口酥炸美國生蠔好香好脆口🙂食落口生蠔仲夠哂鮮甜，味道濃郁，粒粒肥美😍肉質結實又飽滿，正餐廳環境舒適寬敞,服務態度都好好，食海鮮嘅好地方

咁岩出開銅鑼灣決定二訪喜記避風塘炒蟹果然無令我同朋友失望招牌避風塘炒辣蟹辣味夠勁超香口每隻蟹肉鮮甜多汁入口啖啖肉好爽快椒鹽瀨尿蝦先食左殼既鮮味後再拆肉每隻蝦都入口爽滑招牌醉鮑魚每隻都非常入味之餘仲肉質彈牙推薦📍銅鑼灣謝斐道477-481號肇明大廈地下及1樓A室#喜記避風塘炒蟹 #喜記 #銅鑼灣美食 #香港必吃 #香港吃甚麼 #探店 #小炒#港式小炒 #港式味道 #避風塘炒蟹 #避風塘 #蟹 #中式料理 #中菜 #粵菜 #海鮮 #香港美食 #必食推介 #海鮮套餐 #套餐優惠 #限定優惠 #訂座優惠 #打卡 #香港必打卡

喜記避風塘炒辣蟹呢間以海鮮為特色嘅餐廳成日都聽人講。今次終於有得試下！聽人講必食招牌菜一定係避風塘炒辣蟹～食落就知真係！以新鮮嘅螃蟹炒製而成，配以獨特避風塘風味調味料，辣中帶香！每啖都可以感受到海鮮嘅鮮味同香辣刺激，必食！ 另外，上湯水浸蜆都係廣受好評嘅招牌菜之一。新鮮蜆肉搭配清爽湯汁，口感鮮嫩多汁又清甜，好開胃！楊州炒飯亦係另一個必叫嘅，米飯粒粒粒飽滿，好有獲氣！配料好多，包括蝦仁、青蔥同蛋絲。份量十足，好飽肚！

避風塘炒蟹喺香港其中一樣超級地道嘅菜式，成日行過見到，一直都想試吓銅鑼灣呢間避風塘炒蟹係點樣樣嘅口味😄😄1, 招牌避風塘炒辣蟹☑️ 個蟹真係好新鮮，蟹肉好嫩滑，而且個蟹都有好多膏，啱晒鍾意食過嘅朋友仔。 另外餐廳都落咗好多配料去製作，令呢個菜嘅口味更上一層樓😃😃2. 椒鹽焗鮮魷☑️超香口，一食落去又夠juicy，真係好夠穫氣既小菜3.避風塘一口牛☑️牛好有牛味，肉質新鮮，口感一流😃4.炒面，唔好睇少個炒麵，炒得勁香，面質彈牙，好正呀好多菜都想食，今次都未試，下次會再encore，推介大家都過嚟試吓😃

今日去食lunch，見$60咁平就試下，咁平當然入到口就ok，所以今次ge comment係唔ok!完全唔ok!!!!!!!!!!從進門到離開,整個用餐體驗簡直是一場災難。一入口就有一陣怪味，跟手行上2/f，feel到條樓梯係勁油、好扇，一個唔小心就會仆，咁ge環境就係差過一般茶記好多。到食lunch set，有食淨差唔多一半。魚香茄子- 比正常差少少，叫做入到口。椒鹽豬扒- 椒鹽"冇椒鹽味，最重要係質感好怪，本身舊肉有怪味。口水雞- 好難食。食咁多次口水雞，從未遇過難食ge口水雞。今日，我遇到了。個汁燈色，唔係口水雞汁，雞肉有怪味，質感極奇怪。一句講晒，好難食！乾炒牛河：牛肉咬唔開，香口膠咁，成碟野味道比一般差d但叫做入到口。唯一好ge係侍應姐姐有禮貌。

呢間老字號海鮮餐廳，聽過好多次，聽聞專食避風塘炒蟹同各種惹味海鮮，今日一於來實測下～一入來就聞到陣陣嘅避風塘香氣。作為招牌嘅避風塘炒蟹，點可以唔試下～
佢地有唔同份量選擇，味道夠曬惹味鹹香，炒得恰到好處～豉油王中蝦好開胃，調味恰到好處。真係好耐無食過啦！水浸蜆肉好多粉絲，索曬肥美蜆肉嘅鮮味同湯汁，好入味另一個招牌其實係佢哋嘅醉鮑魚，望落就知有彈牙啦！酒味唔會太重，比彈牙嘅鮑魚索曬，入曬味，食落又彈又juicy！

又到去【喜記避風塘炒辣蟹】肇明大廈分店既時候啦，都係因爲暑假多外國既親戚返香港既緣故。因爲佢地既海鮮尤其蟹都特別好食、而且價錢都ok。今次就叫下D平時少叫既食物。招牌避風塘炒辣蟹：必點招牌菜，用左特大蟹、蟹肉鮮嫩多汁。避風塘炒辣蟹係以蒜蓉、辣椒、乾辣椒、蔥同其他香料炒煮，香辣味濃郁好味道。吸收咗好多調味料，展現出獨特嘅風味。涼拌青木耳：酸酸微辣、非常開胃、好清新，適合做開胃菜。招牌醉鮑魚：酒味其實唔算好重，鮑魚好軟好入味，冰鎮左肉質彈牙。楊州炒飯：中規中矩，唔會太油太鹹豉油皇中蝦：都算幾大隻、肉質彈牙、鮮甜美味雞煲：雖然夏天食雞煲好似唔係好match，但見好多人都叫就試下。非常入味、有葱薑蒜所以好香。

香港特色炒蟹，海鮮新鮮有風味！（喜記避風塘炒辣蟹）搶招牌菜一定係蟹，勁有風味喜記避風塘炒辣蟹，用炸蒜炸蟹十分惹味，中意蒜味人士不可不試炒辣蟹，上枱見到就覺得色香美味。還有另外其小菜同樣出色；上湯水浸蜆、美味雞煲。整體海鮮都好吸引，一大班人一齊食更好可以試到更多款式，而且人均消費都係$300一個人👍🏻👍🏻。抵食溫馨提示：記得記得book定位 ，平日都好full 喜記避風塘炒辣蟹 (肇明大廈)地址: 銅鑼灣謝斐道477-481號肇明大廈地舖及1樓A室

今日同媽咪出去銅鑼灣行街，屋企人都係鐘意食中菜小炒所以就揀咗呢間，睇其他評論個炒蟹都唔錯就同佢黎食啦！環境都好闊落有啲卡位幾好坐，今次主要想食海鮮，嗌咁多幾個餸都好新鮮熱唔錯！招牌避風塘炒辣蟹—果然係招牌，佢個蟹真係啖啖肉，蟹如果唔新鮮會梅，呢個絕對係冇，加埋啲醬料蒜炒，辣辣地好惹味！豉油皇中蝦— 炒至收汁乾身，醬汁岩岩好包裹住全隻蝦，蝦身都爽口美味雞煲—雞煲係香港人至愛，份量都幾多有時見好似都好多人，可以book定位先會好啲

呢日嚟喜記食炒蟹🦀,當然要試下佢哋招牌避風塘炒辣蟹!雖然對我嚟講有啲辣,但好惹味👍。另外仲叫咗個招牌醉鮑魚🦪,鮑魚夠腍夠入味,有淡淡酒香🍶。佢哋呢度好多游水海鮮,所以就點咗個豉油皇中蝦🦐。啲蝦夠新鮮又大隻,用豉油皇炒好香口😋。因為好想食蜆,所以叫咗上湯水浸蜆🍲。簡簡單單,個蜆夠鮮甜已經好好味,連個湯都飲得。除咗海鮮嘢,仲叫咗個雞煲🐔。雞件爆香再入煲度煮,略有焦香味,送飯一流🍚。最後主食就叫咗個楊州炒飯,啲飯炒得夠爽身,仲有啲蝦仁喺面🍤。份量夠大,四個人分啱啱好👍。

喜記避風塘炒辣蟹遠近馳名，今日終於有機會一試，另外仲食咗其他海鮮菜式，非常出色👍🏻- 豉椒炒蜆蜆味道鮮甜，每一粒都脹卜卜，食落完全無沙，用豉椒一齊炒非常惹味。- 椒鹽大蝦果然係大蝦真係非常大隻，而且椒鹽味好香，非常入味。- 招牌避風塘炒蟹蟹鉗好大隻，肉質飽滿結實，喜記用左大量辣椒同炸蒜爆炒，非常惹味，同時爆炒可以提升蟹肉鮮味，真係人間美味😍- 上湯水浸蜆蜆肉肉質唔會過老，上湯吸收左蜆既鮮甜變得更加鮮甜，同時粉絲索曬汁，口感彈牙嫩滑。

有朋來自遠方，外國嚟講比較少新鮮海鮮，黎到香港就帶佢哋試吓我哋香港嘅特色炒蟹。銅鑼灣我都可以算係地膽，帶咗佢哋去食香港元組級風味嘅避風塘炒蟹。等咗一陣，隻蟹就已經上枱，隻蟹簡直係色香味俱全，走油靚，用大量蒜爆香，未食已經香噴噴，個蟹鉗成個男人拳頭咁大！極為抵食！外國嘅朋友仔似乎好鍾意避風塘口味，另外仲加多左個避風塘雞翼同埋馳名沙拉骨 😋佢哋直頭話食到流晒口水🤤最後埋單人均$300，佢哋話下次再嚟香港，再試埋其他菜式！

係銅鑼灣如果想食有鑊氣又大份嘅中式小炒，我會二話不說就推薦喜記！喜記本身除左辣蟹出名之外，其實仲有好多小炒或煲仔都夠鑊氣夠好食，今次就試左呢幾款：🔅椒鹽焗鮮魷上碟已經見到夠晒大份，外皮食落鬆脆，夠晒熱辣辣。魷魚亦保持到鮮味，點埋個汁食更加醒胃，會中和返個油膩感🔅美味雞煲雞件大件亦夠咬口，d肉都幾嫩滑，非常入味，送飯一流呀🔅豉油皇中蝦話就話中蝦，其實都已經接近大蝦嘅size。蝦肉爽彈新鮮，炒得夠晒鑊氣

今日同屋企人去到喜記避風塘炒辣蟹這餐廳雖然冇食到招牌炒辣蟹，但係食咗其中幾味餸都令我回味無窮。.椒鹽九肚魚🐟這道海鮮菜品味道出眾，九肚魚經過特製的椒鹽調味,外層酥脆可口,裡面肉質鮮美多汁。將椒鹽的香辣和九肚魚自然鮮味完美融合,口感層次豐富,下酒開胃效果佳。.楊州炒飯🍚楊州炒飯是這家餐廳的又一得意之作。飯粒分明,炒至恰到好處,不會顆粒過軟或過硬。肉絲、蛋以及各種蔬菜的搭配恰當,調味也恰到好處,做到了既不偏鹹也不偏淡,可謂是煮飯藝術的典範。這道簡單實在的主食,卻美味可口,堪稱粵菜經典。.美味雞煲🥘這道雞煲菜品名副其實,肉質鮮嫩多汁,湯汁濃郁醇厚,各種食材融合得天衣無縫。料理手法細膩,在保留食材本真鮮美的同時,又通過慢煮的方式將各種香料的味道發揮到極致。.上湯水浸蜆🍲這道簡單的蜆類料理,以清爽的上湯為底襯,突出了蜆肉本身的鮮甜滋味。蜆肉鮮嫩彈牙,與清香的上湯相得益彰,口感清新爽口,非常適合夏日享用。這樣的烹飪方式,能最大限度地保留食材的營養和原汁原味。.總的來說,這家餐廳的每道拿手菜都做得出色,無一例外地展現了粵菜的精髓。從精湛的烹飪技藝到嚴選新鮮食材,再到恰到好處的調味,無一不讓人賞心悅目