喜記蟹將軍 (iSQUARE國際廣場) (已搬遷) 新店位置

喜記蟹將軍 提早慶祝父親節當然想食餐好，但屋企有老有嫩唔想煮又唔想出街食，上網見到利間啲外賣套餐幾吸引，仲要免運費於是就試吓！ 叫左個龍蟹宴餐4個人份量都係$1488 仲要免運費🔅蒜蓉粉絲蒸扇貝 扇貝柔軟爽滑，彈牙鮮甜，粉絲夠軟身，而且吸收晒扇貝嘅鮮同蒜蓉嘅香，惹味又香口，真係令人食唔停口！ -🔅薑蔥炒蟹 份量十足，蟹鉗好大隻，蟹肉飽滿鮮甜，結實緊緻，啖啖肉，味道濃郁惹味！ -🔅瑤柱蛋炒飯 炒飯粒粒分明又夠乾身，唔會好油，而且好多瑤柱，清爽鮮香。 -🔅豉椒炒蜆 大大隻蜆，份量多，蜆肉鮮甜，配合埋豉椒，味道鹹香又辣辣地，好惹味！ -啲餸全部都會用鋁箔保温袋入住，keep住保溫，唔驚啲餸會凍晒，非常好！喜記蟹將軍 (尖沙咀)尖沙咀彌敦道63號iSQUARE國際廣場6樓602號舖

為咗唔同人逼，所以提早慶祝父親節，揀咗爸爸最愛嘅海鮮，食海鮮唔一定要山長水遠入離島嘅，市區一樣食到新鮮海鮮！喜記蟹將軍，環境寬敞，枱與枱之間有距離，坐得舒服。金銀蛋時蔬鹹蛋嫩滑、皮蛋柔軟、時蔬翠綠，再加上蒜香，清爽得嚟帶點惹味！椒鹽賴尿蝦賴尿蝦大隻肥美，又夠入味，但又唔搶蝦本身嘅甜味，口感爽脆，香口惹味，夠鑊氣又有風味！蒜蓉粉絲蒸扇貝扇貝大大粒，口感爽彈，鮮味十足，蒜香濃郁份量啱啱好，唔會搶走扇貝嘅鮮味，粉絲爽口又索晒啲蒜蓉味，好滿足！

又到一年一度慰勞爸爸既日子，我同家姐決定帶爸爸去食點好東西。我地一家四口去到尖沙咀既ISQUARE食晚餐，家姐預先訂左枱，去左喜記。當晚有唔少人同我地一樣係慶祝父親節，哈哈。我地點選了$996父親節四位套餐，不過要另收加一服務費同茶介等自家制燒味雙拼，燒味有叉燒同霸王雞，雞肉好嫩，又好入味。叉燒望落比較瘦，但食落夠淋。魚翅撈飯，哇依個咁奢華既菜式不得了，好鬼正，每啖飯都好Juicy，我第一次咁快食哂碗飯，佢係我全晚既至愛。喜記薑葱炒肉蟹，依個果然係招牌菜。肉蟹真係勁好肉，連蟹腳都係肉。肉，全部都係肉。以薑蔥炒好惹味，手指都啜埋，第一次食薑添。金牌小炒皇，依碟算係今晚唯一一道蔬菜，清一清、換個口味。套餐其實有六樣野食，仲有果皮蒸鮑魚同上海醬鴨。食完真係好飽好飽，回想返以家庭聚餐出發，性價比都幾高。

今次預先慶祝父親節，所以就食呢家喜記蟹將軍。因為之前同同事食，都令我幾深刻，所有食物用鋁箔保温袋 keep 住保溫，所以食既時侯都仲好熱辣辣，而且KEEP到食物質素。原來外賣都好抵食 我地叫左個4人既雙龍套餐$1288 仲免運費 就算住幾遠都可以係屋企食到正野 主食瑤柱蛋炒飯炒得好香，而且好干身，炒得好靚又多瑤柱。避風塘炒龍蝦真係外賣形式咁食，一打開既時候都幾驚喜，因為好大隻同好靚呀~~椒鹽骨啖啖肉，而且又脆卜卜的肉，真係好受歡迎既....好在佢既份量都夠多，可以安哥好多兩件~豉椒炒蜆--呢個餐真係好抵，仲有炒蜆，而且仲係大大粒，好幾新鮮下，好驚喜呢。薑蔥焗沙巴龍躉魚，海鮮餐點少得有魚呢~呢味焗得好香，而且保溫做得好，食既時候仲好熱，魚肉都大大件少骨，好得好爽。其實真係好抵。來緊再有咩家庭聚會或PARTY，絕對可以安哥再食多次，我估朋友家人都一定LIKE~~~

約好屋企人提早慶祝父親節,但本身今晚不知道吃什麼菜，上網看到利間喜記蟹將軍外賣,一於叫外賣,我地選擇了（雙龍宴） 4人分量的。$1288 而且我係住東涌的 利個外賣是免運費 方便我地住得遠既人~~其實外賣都好快到 而且有保溫物料，到家的時候還是熱辣辣的！避風塘炒龍蝦 - 炒得超級香果然是招牌菜，每一口都令人難以忘懷。而且龍蝦的肉好實在也很鮮甜，相信是用新鮮的龍蝦呢！蟹油炒麵- 愛食蟹的朋友一定很喜歡，這個炒麵看似平平無奇，但是有滿滿的蟹膏味，每一口都十分香，超正。金銀蛋浸娃娃菜 - 材料有很多，金銀蛋的份量也不少呢，浸著娃娃菜吃，湯底精華全部吸收晒！豉椒炒蜆 - 食得出有火候，蜆肉肥美，用豉椒炒完全是港式的地道風味，我食完一口有一口愛不釋手！套餐也包：蒜蓉粉絲蒸波士頓龍蝦、薑蔥焗沙巴龍躉魚、滑蛋叉燒、椒鹽骨及汽水四罐，不過因為太好食所以忘記影相。這個四人套餐份量豐富又有靚海鮮食，其實好適合父親節當日或提早慶祝在家聚首一堂慶祝，叫外賣方便簡單又快捷。這個四人套餐份量豐富又有靚海鮮食，其實好適合父親節當日或提早慶祝在家聚首一堂慶祝，落完order 就可以到店外賣自取，方便簡單又快捷。

父親節就快到，屋企一向都唔會正日食，因為唔想同人迫😂 加上今年疫情關係，盡量都係想留喺屋企，結果比我搵到可以免運費嘅外賣海鮮餐😏😏 一家人叫左個雙龍宴$1288～見到所有野用保溫袋袋好，好貼心～ 可以係屋企食大餐，黎到仲熱架！成個餐都唔少味餸，份量好夠我成家食！ 避風塘炒龍蝦好香好惹味、龍蝦鉗大大隻！豉椒炒蜆啲蜆都比我想像中大隻。蜆本身甜甜地、豉椒炒又唔會話太搶佢本身個味，幾balance。薑蔥焗沙巴龍躉魚用大量薑蔥爆晒啲味出嚟🤤 龍躉魚起左做魚塊，食起上嚟夠方便！椒鹽骨係食海鮮之餘又有啲肉平衡下。味道都唔錯呀，椒鹽都幾香。飯麵要左我爸爸最愛嘅瑤柱蛋炒飯，因為簡單野先考功夫，炒得幾有獲氣～

見到喜記推出咗父親節堂食八位套餐，有多款海鮮之餘仲有翅食，價錢方面仲好實惠，就揀咗嚟呢度食父親節飯。自家製燒味雙拼叉燒肉質軟腍，入口肉味香濃，仲有陣陣豬油嘅甘香；白切雞肉質嫩滑，雞味突出。秘製雞煲翅雞味香濃，雞肉嫩滑，魚翅口感細緻，絲絲分明，軟中帶點彈牙，魚翅份量多，夠晒足料，味道出色。果皮蒸鮑魚 8 只鮑魚鮮甜，口感爽脆，果皮清香唔會蓋過鮑魚嘅鮮味，啖啖滿足。喜記避風塘炒辣蟹1 只香氣撲鼻，蟹肉新鮮彈牙，香辣惹味，濃郁可口。薑葱炒蟹 1 只蟹鉗好大隻，肉質飽滿，鮮甜味十足，香鮮並存，齒頰留香。欖豉蒸沙巴龍躉沙巴龍躉肉質鮮嫩，加咗欖角同豉汁令魚肉鮮味更加突出。鮮菓咕嚕肉咕嚕肉口感酥脆啖啖肉，味道甜甜酸酸，好開胃。蒜子蝦乾蒸勝瓜勝瓜吸收晒蒜味同蝦乾嘅咸香，香口又惹味。招牌蟹油炒麵 有鑊氣，炒麵夠爽身，唔會好油膩，而且好有特色，係出邊絕對食唔返，果然係招牌。

就快到父親節今日就同屋企人去咗呢間酒樓慶祝 今次叫咗個八人套餐 $2288嘢食其實都夠八個人以上食除翻係每人都係二百幾可以接受秘製雞煲翅 入面有原隻嘅雞同埋翅 用來做頭盤一流嚟到呢間專食蟹嘅又點可以唔試吓佢嘅薑蔥炒蟹大大隻蟹 雖然剝殼過程辛苦左啲但係食完充滿晒薑蔥味嘅蟹肉之後都幾滿足欖䜴蒸沙巴龍躉魚嘅份量都幾大條 蒸落去啱啱好 魚肉唔會太鞋 又吸哂䜴汁味 用嚟送飯都幾好㗎鮮果咕嚕肉去到酒樓基本上每一次都會叫咕嚕肉 酸酸甜甜加埋炸到脆卜卜既外皮 用嚟送飯真係唔錯蒜子蝦乾蒸勝瓜因為食咗太多肉都想有返少少嘅菜中和下勝瓜給晒蝦乾嘅味道 又健康又好味自家製燒味雙拼有叉燒燒肉等平時食開嘅燒味 燒肉來講呢間都唔錯總括嚟講覺得間餐廳係一間屋企人慶祝唔錯嘅餐廳 如果想食吓海鮮做吓節都係一個選擇

雖然話爸爸唔會好似媽媽咁介意節日慶祝依回事，但我地做仔女既都會絞盡腦汁諗點樣同佢慶祝父親節。兩老近月都好擔心唔太敢出街食飯，我知道佢地最鍾意食海鮮，不過我就真係冇咁既廚藝可以煮到好餸 。因此都係努力D上網搵下有乜好野食。 我地揀咗蟹將軍喜記，嗌個套餐就最方便，諗都唔使諗呀。餐廳好貼心，外賣食物係用鋁箔保溫袋Pack好，所以食物泥到仲係熱辣辣。媽媽話個袋仲可以重用添 。 我地個套餐係龍蟹宴$1488，4位用，有薑蔥炒蟹、椒鹽龍蝦、豉椒炒大蜆、蒜蓉粉絲蒸北海道扇貝、瑤柱蛋炒飯、椒鹽鮮魷、菠蘿咕嚕肉同炒菜，好豐富 。 其中薑蔥炒蟹真係好味到不得了，蟹鉗勁好肉，好似食緊塊扒咁。海鮮最緊要就係鮮味，以薑蔥炒就能帶出蟹肉嘅鮮味，不得了。啲人話食蟹嘅時候會唔講嘢，原來真係真㗎，因為大家都掛住食。而且係屋企食更加方便，因為剝殼可以剝得自在啲 。 另外，豉椒炒蜆就辣辣地，好惹味，一隻接一隻食唔停口。 蒜蓉粉絲蒸扇貝，扇貝好好肉，連啲粉絲都好好食，因為索哂味。 最後，瑤柱蛋炒飯就係飽肚之選，炒飯夠乾身，唔錯 。

喺屋企都食到大廚級鑊氣海鮮🦞媽媽生日係全年最重要嘅日子😊，但佢近月都好擔心出街食飯，於是我哋就絞盡腦汁諗點樣同佢慶生呢？長輩們最鍾意食海鮮，不過我就真係冇咁嘅廚藝可以煮到好餸🙈。因此都係努力啲上網搵吓有乜好嘢食。我哋揀咗蟹將軍喜記，因為貪佢全港都有免運費優惠，嗌個套餐就最方便，諗都唔使諗呀。餐廳好貼心，外賣食物係用鋁箔保溫袋Pack好，所以食物嚟到仲係熱辣辣。阿媽話個袋仲可以重用添👍。我哋個套餐有避風塘炒蟹(一個盒都裝呵哂😍)、椒鹽骨、蟹油炒麵、豉椒炒蜆、薑蔥蒸沙巴龍躉魚、金銀蛋浸娃娃菜、涼伴木耳。其中避風塘炒蟹真係好味到不得了，啲蟹鉗勁好肉，好似食緊塊扒咁。海鮮最緊要就係鮮味，避風塘辣好惹味，但同時唔會蓋過蟹肉嘅鮮味，不得了。啲人話食蟹嘅時候會唔講嘢，原來真係真㗎，因為大家都掛住食。而且係屋企食更加方便，因為剝殼可以剝得自在啲😊。阿媽餐生日飯大家都食得好開心，滿足呀，味道同堂食一樣好味。

近期天氣愈嚟愈熱，放咗工都唔想煮，但又唔想出街食，一於買外賣返屋企！所有食物都有獨立鋁箔保温袋包住，可以keep住食物嘅溫度，唔怕拎到返屋企凍晒，夠晒貼心！椒鹽骨肉質鬆軟，肉味濃郁有肉汁，配料有葱、辣椒、蒜頭，入口微辣又帶出椒鹽嘅鹹香，鹹度適中，鹹鹹辣辣，香口惹味，送飯一流！滑蛋帶子炒蛋鬆軟綿密，入口嫩滑，帶子大大粒，外香內軟又鮮甜。豉椒炒蜆香噴噴，份量多，唔油膩。蜆肉大隻鮮甜，加埋惹味嘅醬汁好開胃，真係食到舐舐脷！

終於可以八個人一齊食飯啦🥰今日我哋一行七個人，一早預訂黎食蟹，佢地對我好好，安排左間VIP房俾我哋，所以夠晒位置放唔同嘅海鮮，同埋兩隻大蟹🦀，重可以大聲講大聲笑😆我哋總共要左八碟菜，包括必食的大辣蟹同埋薑蔥炒大蟹，比想像中大隻同埋好新鮮！另外當然唔少得蟶子王啦！沙巴龍躉都好新鮮，仲有每一碟小菜都好大碟，不多油，好美味！我哋用了特價apps嘅特價優惠, 真係好抵食！屋企人都食得好開心🥰服務員雖然得壹個，但盡心盡力為每一枱服務，絕對值得嘉許

呢日同屋企人去咗食呢間喜記蟹將軍原本經OpenRice訂座不過原來訂座係冇得用呢個龍蟹宴$998優惠所以我哋就取消訂咗 即日walk in我地一行4人7:30去到 梗係食龍蟹晏但今日甘岩冇龍蝦供應佢即刻轉左四隻大蟶子俾我哋所以去之前要打電話去問下啦龍蝦宴有8道菜包括喜記正宗炒蟹蒜蓉粉絲蒸大蟶子(原本係椒鹽波士頓龍蝦)豉椒炒蜆陳醋木耳金牌牛肋骨清蒸沙巴龍躉金銀蛋浸時蔬蟹油炒麵1)炒蟹份量適中，可以揀辣度炸蒜炒得好香 我食左蟹鉗嘅蟹肉亦都好鮮甜炸蒜份量好多，食淨職員話可以打包拎返屋企炒餸2)蟶子真係好大隻，蒜蓉粉絲份量亦好多，我哋四隻入邊得一隻係比較靭，雖然冇得食龍蝦但係都滿意3) 豉椒炒蜆個汁好惹味，亦完全冇沙，可能我哋好鍾意食所以覺得份量唔夠4)陳醋木耳好好食，做前菜一流5)金牌牛肋骨，上碟嘅時候黑蚊蚊，但係食落都幾香，不過略嫌有少少乾6)清蒸沙巴龍躉，雖然唔係太大條，但係都幾好食，肉質鮮嫩7) 金銀蛋時蔬，今日係津白，味道正常8)蟹油炒麵，食落比較油膩，同埋炒得比較乾，所以都食剩左少少$998 全包茶芥同加一4個人去食啱啱好 如果6個人就應該唔夠飽我地四個人去食，除返每人都係$250

喜忌蟹將軍喺香港開業多年但我竟然第一次試😹😹招牌菜避風塘炒蟹有好多炸蒜香辣惹味配飯一份避風塘炒蟹有一隻蟹可惜蟹肉份量少不過我哋叫咗二人餐仲有幾款小菜其中欖角骨幾特別外表有一層脆皮麥芽糖包住排骨甜品方面係老姜番薯糖水食完咁多海鮮比較涼最好啲食一碗熱辣辣嘅糖水 驅寒去完先知#💙 伏-𝚈𝚞𝚖：👅👅/𝟻𝚁𝚎𝚟𝚒𝚜𝚒𝚝:💃🏼💃🏼/𝟻𝙿𝚛𝚒𝚌𝚎: $250/𝚑𝚎𝚊𝚍.————————————————.喜記———————————————— .

呢個市道，一片慘淡，好多食市都係撐住撐住，亦會諗好多優惠，希望可以蝕少d。無意中係面書發現有特價套餐，心思思想食，最尾都係胃食鬼戰勝，走左出去買外賣，叫左個小辣，蟹新鮮，肉質爽彈，味道好，以呢個價錢黎講係抵食，而且外賣都覺得好味，相信堂食會仲好，落單位小姐好有禮貌，雖然我唔係幫襯好多，但招呼都好好，滿足曬我既要求，單憑呢點已經值得再幫襯，回頭率極高今次只係試左個蟹，下次會約多幾個朋友再去堂食，試埋其他菜式。