喜記蟹將軍 (iSQUARE國際廣場) (已搬遷) 新店位置

🌟本身都好愛食炒辣蟹同龍蝦，見喜記蟹將軍做緊優惠有2人龍蟹宴，有齊龍蝦同炒辣蟹，前菜同鹵水豬手炒飯同糖水，好豐富又抵食呢😝！2人龍蟹宴 $598(另收加一及茶位)需提前預訂呀😉💙陳醋木耳木耳口感爽脆，加上陳醋酸酸地，清新又開胃🌿🦞波士頓龍蝦超足料龍蝦，非常香口，啖啖肉，大滿足⭐️🦀喜記正宗炒辣蟹勁大隻，炒得好有鑊氣，香香辣辣，伴以大量炸蒜，十分香口🐷鹵水豬手相對咁出色既龍蝦同蟹，豬手就被襯托得比較遜色，但都煮得唔錯既，仲有滿滿的骨膠原😝👍🏻🥬野菌泡田園蔬菜食完咁多海鮮同肉，食返個菜平衡下，野菌同菜煮得好淋，仲吸晒上湯的精華，好入味😊👍🏻🌸櫻花蝦炒飯炒飯炒得好乾身，炒飯粒粒分明，加上櫻花蝦正呀！而且鑊氣足，簡單食材都炒咁好，就最顯出廚師水準☺️💛薑汁番薯糖水最後食埋碗薑汁番薯糖水，暖粒粒，好滿足！

鐘意食蟹既我竟然係openrice搵到喜記蟹將軍😍今日仲有個好抵食既2人餐🙈都係$598 勁抵食👍🏻1️⃣有前菜-陳醋木耳2️⃣波士頓龍蝦🦞勁新鮮 肉好有質感 用蒜蓉粉絲蒸👅3️⃣喜記招牌避風塘炒辣蟹🦀招牌果然唔同 避風塘係我食過最惹味蟹係一隻 原隻上🦀簡直想食多一隻4️⃣欖角骨 甜甜的 好有咬感5️⃣田園蔬菜6️⃣櫻花蝦炒飯🍚炒得好有水準😎食完仲有糖水😝服務態度都好好🤩蟹鉗會有待應幫你處理食得好方便👍🏻有下次🙆🏻‍♀️

秋天來了，又係食蟹既好季節，今天我和朋友一到呢個時候就會四周圍搵蟹食！喜記出名已經唔係第一日既時，原來尖沙咀 I Square 有一間，一早就book左同朋友黎食！七點去到已坐無虛席，我們雖然有訂座，仍然要等15分鐘。安坐之後，我們好快就叫左一個四人餐，有龍蝦肉蟹，炒蜆咕嚕肉，金銀蛋時菜，還有蟹油炒麵，真係好抵，咁多野先係980hkd!龍蝦爽口彈牙，分量多，非一般酒樓可比，又啖啖肉！肉蟹好大隻！！我們選擇避風塘炒蟹，而且有分微、小、中、大辣，貼心得很，味道很好，好適合一些不能吃辣，又想吃辣蟹的人！店員仲好細心幫我打包d乾蒜，比我番去炒送食小菜咕嚕肉，大大碟，味道很好，吃完之後，還有一碗薑汁蕃薯糖水，味道極佳，我每位朋友都讚不絕口，認為超值之選。

朋友生日，專登叫要食蟹，第一時間當然諗起喜記炒蟹。上網一搵，原來已經開左唔同分店，九龍都有一間，叫喜記蟹將軍。咁近我地全部人收工地方，就一於book左去試試！雖然book左，但都要等一陣，證明真係好多人。menu最抵都係一個個套餐，唔使諗，包哂有蟹有龍蝦有小菜有飯面，重點只係980hkd，平過好多酒樓！自己唔太鐘意食蟹係因為唔識點拆……相反呢隻椒鹽龍蝦就係我至愛，因為唔使點拆都啖啖肉，好大隻，肉質爽口，乾身得黎又新鮮！入正題了，呢個餐有薑蔥炒蟹正宗炒辣蟹選擇，我朋友二話不說就叫左後者。正當我見到我朋友食得津津有味時，侍應竟然過黎幫我拆肉！貼心得我好感動！肉蟹真係有好多肉，肉質好實，我第一次咁enjoy食蟹，簡直開拓了我食蟹既世界～朋友唔食牛，經理幫我地將牛柳粒轉咕嚕肉，又一貼心行為！加上有不同小菜，有菜有飯有炒蜆，經理仲送個甜品比我地，為我地今餐劃上完美句號。

真心中意食蟹既人，一年四季都係好時節天氣轉涼唔一定要大閘蟹，其實熱辣辣夠鑊氣既炒蟹先係香港人既味道！薑蔥炒蟹啖啖肉，上枱仲係出緊煙，香味撲鼻一d都唔誇張！椒鹽龍蝦仔火喉剛剛好，避風塘粒粒口感脆脆，但龍蝦肉仍然係甘juicy!食完熱氣野更係上反碟金銀蛋時菜下下火，清清熱。中場休息完唔好俾佢停，豉椒炒蜆接力上，一咬落去爆發鮮味辣汁，冬日最過癮莫過於此！燒汁野菌牛柳粒睇落平平無奇，原來驚喜在其中，甜甜地既燒汁有點日式感覺。食完甘多道菜難免有啲飽飽滯滯，呢個時候更係食個酸菜魚保持胃口，因為壓軸出場嘅招牌-蟹油炒麵，一定唔可能只食一碗！有邊個香港人未聽過大名鼎鼎既蟹油炒麵？！高溫炒過蟹既辣油，猛火爆鑊快手炒個靚麵，全晚既精髓已經係哂度！

喜記出名食蟹就係人都知，不過大家亦知道佢價位唔算平，但最近就發現喜記出左個非常超值嘅四人龍蟹宴套餐，七餸一飯/麵，有龍蝦有蟹有鵝有蜆包晒茶芥小食加一都係$998，即係除返開都係每人$250，去茶樓食都唔得，所以之前就同屋企人黎食當提早做冬。鮮淮山酸薑酸酸地幾開胃。秘製豉椒炒蜆炒蜆用左比較大隻嘅花甲，食落夠厚肉又唔會黏牙，不過空口食就鹹左少少，用黎餸飯就正！椒鹽波士頓龍蝦波士頓龍蝦都幾大隻同厚肉，肉質結實彈牙，椒鹽味夠惹味。喜記正宗炒辣蟹套餐裡面的炒蟹可以揀炒辣蟹或薑蔥炒蟹，不過識食一定揀炒辣蟹。炒辣蟹可以揀辣度，我地揀左少辣，其實辣椒都係放喺烤蒜粒中間，所以蟹肉其實只係bb辣。蟹肉唔會太乾，鹹鹹辣辣好惹味，炸蒜粒夠乾身，小辣都已經幾夠辣，用黎餸飯真係一流。燒汁野菌牛柳粒牛柳夠腍份量都對版，用三色椒同洋蔥一齊炒，燒汁甜甜地味道都唔錯。金銀蛋菜心套餐原本係莧菜，因為冇貨所以轉左做菜心，菜心莖唔會太硬，清清地都唔錯。鹵水鵝鹵水鵝係例牌，但份量都唔算少，鵝皮下仲連住少少肥膏，鵝肉鹵得入味之餘又唔會太鹹。懷舊鴛鴦飯鴛鴦飯唔會太大碟，食完七個餸再食埋個飯啱啱好，紅汁有肉絲，白汁有蝦仁。番薯糖水雖然

最近覺得呢個套餐真係好抵食！ 二人宴龍蟹餐，原價$1128， 現在超值價$598， 食齊龍蝦同埋蟹，成個套餐都好豐富！ 陳醋木耳 大大碟嘅前菜，酸甜爽口 ， 開左個胃先！ 波士頓龍蝦一隻 第一次食椒鹽龍蝦，平時都係食芝士或者上湯烹調嘅多。 原來椒鹽唔會因為香濃嘅味道蓋過龍蝦嘅鮮味， 相反鮮味更加突出！ 而每一啖又有香辣口感，食咗一次愛上。 龍蝦仲要啖啖肉，食得好滿足！ 喜記正宗避風塘炒辣蟹一隻 避風塘炒蟹非常惹味， 香香辣辣加上鮮美蟹肉， 忍唔住一口接一口  杬角骨一份 排骨用上甜甜的杬角醬汁包滿，肉有嚼勁，感覺甜甜煙煙銀銀又有肉味。 野菌泡田園蔬菜一份 菜心和雜菌 吸收了上湯精華， 食完之前咁多肉，呢個感覺好清新， 而且蒜香味好香，我一向都鍾意食蔬菜 ，呢一款我瞬間食晒。 櫻花蝦炒飯 一份 櫻花蝦增加炒飯鮮味，加上叉燒蛋、菜粒等，抄到夠曬鑊氣！ 番薯糖水 小小姜辣，甜度剛剛好，整餐的完美的句號！

今次同姊妹出來食中餐，好友帶我來到裝飾充滿中國氣派「喜記蟹將軍」，主廚擅長烹調海鮮菜式，食材優質美味，擁有高尚的格調，品嚐美食是一個很好的地方。  位於尖沙咀區，地理位置方便，有一份雅緻休閒，提前預訂好位子，周末假日這裡十分墟冚，很多顧客前來捧埸，所以我和好友平日過來覓食。  高樓底令整間店很寛敞，用餐的空間感更舒適，店內佈置優雅，周圍更添置了很多充滿中式風情的藝術格調。  餐單分門別類，十分有心思的設計，詳細介紹店中的美食，食品的種類很多，食物質素良好，4-6人套餐$1699，現在特價$998，十分抵食，所以我們選擇龍蟹宴，享受食物的滿足滋味。  鮮淮山酸薑鮮淮山新鮮爽口，口感細膩，滿載的味道清新，別有一番風味，酸薑很粉紅，酸酸甜甜的感覺，十分開胃，味道不錯。  喜記正宗炒辣蟹色澤金黃的蟹，舖滿蒜粒及辣椒令蟹香氣滿載，蟹身肥美鮮嫩，蟹啖啖鮮甜，肉汁豐富，辣味只叫小辣，因為我食不到太辣，小辣炒蟹味道突出，口感衝擊味蕾，齒頰留香，值得推介。  椒鹽波士頓龍蝦龍蝦肉軟滑，舖滿椒鹽的波士頓龍蝦，炒得非常有鑊氣，味道濃厚，令食慾大增，食得好滿足。  秘製豉椒炒蜆豉椒炒蜆熟度拿捏得

總會有啲時候好想食辣蟹🦀， 今次去咗喜記蟹將軍食2️⃣人龍蝦蟹宴， 正呀！. 🦀正宗炒辣蟹: 好大隻😛, 色香味俱全, 蟹鉗啖啖肉! . 🦞蒜炒波士頓龍蝦: 新鮮嘅波士頓龍蝦肉質鮮甜, 呢一個係用炸蒜頭去炒, 食落好有香港風味， 如果隻龍蝦肥啲同多肉啲就更加好😎! . 🍚櫻花蝦炒飯: 除咗海鮮之外仲有一個素菜同埋炒飯, 飯炒得好香口, 加埋櫻花蝦更加有口感, 食唔曬打包返去做宵夜一流!😋 ~~~~~~~~😋味道: 8/10📸賣相: 8/10🛋️環境：8/10💁‍♂️服務: 7/10💎性價比: 7/10💲人均：$250⏪回頭率：80%~~~~~📍喜記蟹將軍尖沙咀彌敦道63號iSQUARE國際廣場6樓602號舖~~~~~

香港人愛吃海鮮，龍蝦和蟹向來是叮噹馬頭的熱門之選，今次就來到喜記蟹將軍品嚐這對海中孖寶。店內裝潢走中菜館的傳統格局，面積寬敞，座位之間留有空間感，坐得頗舒服。二人龍蟹宴原價為 $1128，現在減至 $598，確實抵食，不過這個優惠價需要提前預訂。茶錢每位 $10。陳醋木耳涼拌木耳口感爽脆，拌以帶酸的開胃陳醋，喚醒沉睡中的味蕾。波士頓龍蝦可選椒鹽焗或蒜茸蒸，這次就選了椒鹽焗。龍蝦焗至色澤金黃，內裡肉質彈牙爽口不過韌。龍蝦鉗當然是啖啖肉，表面撒滿蒜頭、香蔥、辣椒，讓龍蝦變得份外香口。喜記正宗炒辣蟹招牌菜避風塘炒辣蟹出場了！這道也是不少遊客慕名而來的地道菜式，份量澎湃壯觀的蒜蓉覆蓋蟹面，肉蟹被藏在蒜粒山中，一上枱已是蒜香撲鼻。蒜蓉炒得甘口焦香，十分脆口，讓蒜香徹底穿透蟹肉。這次選了小辣，對於不能吃辣的我也不會覺得過辣，鹹辣惹味，奇香無比，不過這隻蟹的size偏小，所以蟹肉量亦不多。欖角骨面層的糖衣緊緊裹著肉排，當筷子挾起時可以拉出長長的糖絲，甜甜的略為黏牙。排骨亦不會太多骨位，肉質鬆軟，鹹甜之間互相調和。野菌泡田園蔬菜吃完重口味的辣蟹，這道清淡的田園蔬菜就可中和一下。櫻花蝦炒飯表面撒滿了許多

好耐無食蟹，好友推介喜記蟹將軍套餐，二人龍蟹宴原價HK$1128，現超值價只需HK$598，好抵！餐廳裝潢古色古香， 環境寬敞整潔又舒適。二人龍蟹宴套餐包括陳醋木耳、波士頓龍蝦、避風塘炒辣蟹、滷水豬手、野菌泡田園蔬菜、櫻花蝦炒飯。陳醋木耳涼拌木耳口感爽脆，散發陳醋香，夠哂開胃。椒鹽波士頓龍蝦鋪滿炸蒜、辣椒等，賣相吸引，波士頓龍蝦經椒鹽後金黃鬆脆，外脆內嫩，肉質結實爽口，啖啖肉好正！避風塘炒辣蟹招牌菜避風塘炒辣蟹，新鮮生猛大蟹肉質結實，蟹肉肥美鮮甜，蟹肉滿滿避風塘辣汁，好惹味，食唔停口！滷水豬手豬手滷得入味，口感嫩滑彈牙，充滿膠質又唔韌！野菌泡田園蔬菜食完咁多肉，食返菜解油膩。湯頭清甜，蔬菜新鮮翠綠，口感爽脆，野菌厚嫩香濃。櫻花蝦炒飯粒粒分明鑊氣十足夠乾身，色澤金黃，櫻花蝦非常唰嘴，好惹味！

今日有人請食蟹，特價龍蟹宴，食到個個捧住個肚走又大滿足！要數最好食就梗係個龍蝦同辣蟹，食材鮮味，配合椒鹽同避風塘炒蒜兩種煮法，惹味到停唔到口！D避風塘炒蒜撈d落個蟹油炒麵度食仲正！個秘製豉椒炒蜆都唔野小，肉厚、個汁超水準地好味！仲有其他好味嘅炒燒汁野菌牛柳粒、金銀蛋莧菜、滷水鵝、蟹油炒麵等等，個牛柳又腍又惹味，滷水鵝d滷水夠哂味！金銀蛋莧菜都好新鮮，今餐確實超豐富勁開心！蟹蚶難剥？店員會即席剥埋架喎！成枱都係殼？店員一餐換左4次碟呀。成手都係油？要去好遠洗手？濕紙巾、店內洗手盤梘液齊全，食物服務到位到不得了！

突然想食蟹🦀見到蟹將軍有優惠就同老公一齊去食啦～呢個2人套餐**有🦞&🦀，計埋加一茶位都係6百幾蚊😍勁抵！**需提前預訂**龍蝦🦞用椒鹽炒好惹味🤤肉質彈牙👍🏻正宗避風塘炒蟹🦀淨睇外表已經好吸引，大大隻蟹鉗🥰而蟹的其他部分就藏係大量炸蒜入面～ 蟹肉好鮮甜結實😋食得出隻蟹好新鮮。配上炸蒜一齊食，好惹味👍🏻👍🏻陳醋木耳👂🏻木耳好爽口，酸酸的好開胃🤤鹵水豬手🐖豬手好入口👍🏻啖啖都是骨膠原丫😍😍野菌泡田園蔬菜🥬白菜&雜菇浸係上湯入面，吸哂個湯的精華，好好味👍🏻櫻花蝦炒飯🌸🍤呢個炒飯勁好食！個炒飯炒得好乾身，我同老公明明食到勁飽，但都忍唔住食完一口又一口😂最後食埋個薑汁糖水就完滿啦❤️呢個2人餐真係勁抵食，份量多，我諗夠3個人食！

位於尖沙咀彌敦道63號iSQUARE 國際廣場6樓602號舖的喜記蟹將軍，主打招牌炒辣蟹。今次點了一個二人龍蟹宴，套餐中有龍蝦和招牌炒辣蟹，而且還會有一款前菜和三款餸菜，份量十足，頗為抵食。這裡的招牌是喜記正宗炒辣蟹 (Authentic Chili Fried Crab)，點單時可以選辣度，個人不太能吃辣所以點了微辣。陳醋木耳來到了，口感爽脆的木耳表面澆上了開胃的陳醋汁，整體感覺清新。波士頓龍蝦來到了，龍蝦新鮮熱辣，蒜味香濃，相當香口。而且肉質頗為飽滿，龍蝦鉗的肉味道鮮甜。兩款海鮮襯熱食，味道最好。朋友相當喜歡這道菜的炸蒜，和用炸蒜伴飯吃。侍應端來了一份野菌泡田園蔬菜，蔬菜和野菌份量十足，而且是用上湯來熬煮，感覺清新又可口。喜記正宗炒辣蟹來到了，賣相相當吸引，約有六件蟹，充滿鑊氣。滿滿的炸蒜把炒蟹都掩蓋着。侍應更會協助拆蟹鉗的肉，蟹鉗的肉相當豐厚。欖角骨來到了，師傅用蜜糖將肉汁鎖住，肉質鬆化。朋友則覺得表面的蜜糖略為硬了少許。櫻花蝦炒飯上桌了，炒飯粒粒分明，不會太過油膩，最上面的櫻花蝦增添了炒飯的鮮味，有畫龍點睛的效果。炒飯的份量約有五大碗，相當慷慨。最後，侍應更送上兩碗番薯糖水，當

不嬲都鍾意食蟹嘅我，呢轉冬天食咗幾輪任食大閘蟹之後 ，今日朋友又帶我去食尖沙咀isquare入面嘅喜記炒蟹😂喜記嘅裝橫走中式風， 位置唔算非常大 但坐落舒服。 見到佢有個龍蝦宴，優惠價值998，超抵！秘製豉椒炒蜆豉椒係用咗喜記獨門秘方 甜中帶咸 辣中帶惹味 加上鮮甜新鮮嘅炒蜆 讓人不禁一口接一口椒鹽波士頓龍蝦龍蝦好細心咁樣分曬件， 炸到金黃通透嘅龍蝦 蝦肉肥美飽滿而且仲好彈牙 而且加埋椒鹽去炒非常香 咸香可口薑蔥炒蟹濃濃鹹香甜辣嘅醬汁入晒鮮甜多肉嘅蟹肉入面 連爆香嘅薑蔥都吸收咗醬汁不嗆不辣 看似簡單嘅材料 卻完完全全帶出蟹嘅鮮味燒汁野菌牛柳粒牛柳粒肉質很腍 加上翠玉瓜冬菇等配菜 整碟份量十足而且口感豐富金銀蛋時菜金銀蛋時菜向來係我鍾意嘅菜式 呢碟金銀蛋時菜 菜煮得青綠嫩腍 但金銀蛋嘅口感又啱啱好 清淡得來又唔會好單調酸菜魚泡椒嘅微微辣度同醃製出來嘅酸、仲有酸菜煮出來的湯底 飲落去非常開胃 魚片大塊嫩滑又唔多骨 仲吸曬湯底嘅味道 蟹油炒麵蟹油炒麵係用炒過嘅蟹後嘅油去炒 豉味鹹甜鮮香有獲氣 而且麵條惹味濃郁 芽菜鮮脆爽嫩 乾爽分明👍🏻