喜記廚房 (已結業)

以前都有去喜記食，一隻大蟹要成五舊，不過超好味！所以一睇到報紙有得任食就book位啦！去到原來得幾個盤既嘢食，基本上有五款唔同既蟹，加炒麵、白飯魚、粥同埋蜆。d嘢唔熱，蟹又俾d蟹仔你食，同平日d大蟹差天貢地。而且唔係款款味好食。雖然得幾張枱，但係實在太少嘢食，一有新嘢攞出嚟仲要爭食。仲有就係超勁口喝。俾成二百幾蚊食d咁既嘢真係唔值。除咗我哋，我見到有4枱人都鬧緊，有嗰女仕仲同嗰老細講添，証明大家食到幾氣頂。唔怪得知出嚟見到橋底辣蟹就排晒隊，喜記就......

16/9(三) 6:15pm十年逢一閏的喜記$198自助蟹餐,豈能沒我的份兒.向公司申請,早退半小時,呼朋引伴,一行五人選了較早的時段(第二場為8:30-10l:20pm).6-8時任食2小時,食物預先擺放於餐臺上,供食客自行拿取,食物溫度的一環要扣分!食物款色一眼看盡,十款食物,半數為蟹:胡椒蟹,芝士,薑蔥,,南瓜及避風塘炒蟹,另有椒鹽九肚魚,海鮮湯,炒麵,金沙骨及滷水雞翼.首論蟹類,體身屬小巧,肉質不削,鮮度尚可;招牌避風塘炒蟹外,胡椒蟹乃另一推介!別小覷作閒角的菜式,每味皆教人一再回味!九肚魚香脆且滴油不沾;炒麵亦然;金沙骨乾爽惹味,雞翼亦滿入味汁香而不死鹹.以蜆仔,蝦米及九肚魚等海鮮熬成的海鮮湯更是鮮到不行!最後每位敬送蒜蓉蒸扇貝一隻,體型及鮮度平平.$198一位,$10位茶芥,連加一後$220,結帳時還奉上送$500現金卷(不適用於自助餐),準值回票價的蟹宴!

之前聽話難book, 3周前電留都話好滿,要reconfirm... 我們食6-8PM, 但果晚走時都得半場滿嗜環境: 迫! 咁Q隔離係大檯, 其中一個椅背貼著我們的檯邊食品: 共有6個大盤(共12款食物) + 一撑皮蛋瘦肉粥; 9款係蟹+金沙骨+九肚魚+炒面質素: 夠新鮮, 味道都好好 可惜快凍, 食唔切, 就唔好食 (鬼咩, 用2個宜家的蠋台來保熱!!!)較差印象: 唔refill !!! 冇免飲, 只有收錢茶水服務: 一般啦... 個大TV吸引佢地多D 淨食+茶, 2人共付$458

之前參考左兩位朋友既食評, 所以都無乜期望!地方超迫, 二人食就慘啦, 得張摺枱仔, 同隔離背貼住背, 你眼望我眼.....伸手過去, 拎埋隔離碟野食都得呀!首先每人一隻凍蟹, 中size, 全晚最好食係呢隻, 之後因為有記者影相, 要等佢地影完先開始buffet, 我見廚房專登抄左碟避風塘蟹出黎俾佢地影, 以為影完有得食啦, 點知原來for d記者食, 裝下仲鬼死咁大隻.....buffet枱有幾款唔同味既蟹, 同之前兩位朋友講既一樣, d蟹超細隻, 個人認為黑椒蟹最好味, 避風塘蟹唔用大蟹抄, 變左好油同埋唔同哂感覺! 而且, 唔食得辣真係唔好去, 因為碟碟都超辣, 唔係黑椒辣, 就係辣椒辣, 仲有薑抄都好辣, 得凍蟹一款唔辣! (禽晚食完都辣到喉嚨痛) 我聽到第一枱好勞氣, 因為同平時食開果d實在差得太遠, 但$198任食, 唔通會俾大肉蟹你食咩!每次一有蟹出, d人都會爭崩頭, 有個恤衫友明明著到好斯文, 但一見蟹出就以9秒9飛跑出去搶, 笑到我地收唔到聲, 但唔係咁搶, 就會得返d腳食囉!!呢d經驗試一次就夠啦, 下次都係貴少少食返正常避風塘蟹, 因為食蟹要剝, 其實已經好呢

之前知道呢個自助餐一出爆到飛起，所以立即book位，原本係book左19:00食兩個鐘，點知後來喜記打電話來話因為太多人book，所以由每日一場改為兩場，重要改到20:30，終於搞到有朋友因為太夜所以來唔到！講返食物，味道ok，主打避風塘炒蟹味道一流，但要知道平常係用超大隻肉蟹炒所以啖啖肉，而且要差唔多五、六百蚊一隻，但今次自助餐就用上大蟹及細三點蟹炒，一盆炒蟹當中大蟹同細蟹比例大約1:10，當然係大蟹1，細蟹10啦！咁亦無可口非，做生意當然要將價就貨，好難同平日價錢比！其他炒蟹例如：南瓜炒、胡椒炒、年糕炒，味道尚算ok。另外值得一試係泥鯭粥、炸雞翼、蒜蓉王金沙骨、蟹油炒麵都幾好味。不過今次自助餐最大問題係出菜太慢同每次份量太小，往往出現搶夾情況，一盆蟹放低不出兩公鐘就被搶購一空，之後又要等十至二十分鐘先有其他炒蟹出，呢點係最失販的地方。總括呢個自助餐價錢合理(唔好同平日比較，因為D蟹份量唔同)，味道ok，鍾意食蟹你會覺得好正，但出菜問題有待改善！PS:汽水超貴$14支細紀廉

本身係海鮮迷，知道喜記出全蟹自助餐即刻book位啦﹗尋日同成班friend去行美食節，迫到周身散晒都買唔到嘢，個肚打晒鼓...六點鐘就去到駱克道405號嗰間喜記(有兩粒鐘時間任食)，成班餓鬼準備瘋狂擦蟹﹗先講鋪面格局，座位都算濶落，我哋揀咗個好位，勁近食物枱，方便「覓食」﹗全場最受歡迎&最高水準嘅當然係招牌菜—避風塘炒蟹^^隻蟹鉗超級大隻，係蟹中嘅「麒麟臂」，啲肉實實哋，同平時食喎啲蟹唔同﹗最正係啲蒜蓉粒，辣辣哋，勁香口﹗啲女仔一路嗌辣一路搶食，勁爆笑﹗其他蟹都OK，本人較好濃味，專攻胡椒炒蟹同薑葱蟹，有啲蟹之前聽都未聽過，分別用南瓜、茄子、豆腐煮，清清哋咁，食落有啲阿媽住家菜feel其他配菜都唔錯，避風塘金沙骨&炒青口好夠味，我哋仲自創將啲蒜蓉粒粒加入碗泥鯭粥度食，超香口﹗今朝返公司同同事講，佢哋話原來喜記平時叫一碟炒蟹閒閒哋都要3舊水落樓，今次真係回晒本﹗