喜萬年酒樓

營業中

休息中

有人話要食乳豬，有人話要食清淡，又有人話要食魚，既然係咁，就嗌個廚師推介精選套餐，有齊3樣。不過套餐始終都唔及散叫的好食。喜萬年乳豬件四分一隻乳豬都幾肥，有肉地，雖然個皮未去到脆和化。黑蒜響螺頭燉竹絲雞湯 裏面的材料佔咗一半，有螺頭和肉，湯有微微的藥材味，雖然湯夠熱，但係我唔係好喜歡嗰種味道。松露香芒脆蝦球芒果清甜，唔覺有黑松露味，蝦係彈牙。香茅煎焗龍躉球由於有香茅，令到啲魚有苦的味道，魚肉有啲實。陳皮蒸龍躉頭腩呢個算唔錯啦!不過有少少魚鱗。濃湯花膠絲浸時蔬清淡，菜心有老有嫩。精美甜品流流地，本以為係紅豆沙，點知係椰汁糕，不過有椰汁味，紅豆都頗大粒。合時果盤西瓜甜美，但係哈密瓜就冇乜味。整體嚟講都幾抵食，服務都幾好，幫你換碟，加茶。

好友安排飯聚，來了這裡吃了一頓豐盛的港式懷舊菜。食品質素很高，所有食品都新鮮，烹調適宜。其他人推介的食品不講，特別推介豬肺湯，味道鮮甜，用料十足。另外蛋散口感鬆脆，入口不油膩。服務亦很細心，照顧週到。值得再去。

平日中午來到灣仔位於英皇集團中心地庫搵食。今次來到四十年歷史的老派茶樓，飲茶食點心，食乳豬😍一坐低就先點1/4隻乳豬，我地四個人點了十款點心左右。最後食埋甜品。圓滿！肚子大滿足！乳豬配有一籠包片，可以夾住食，無咁油乳豬皮香脆且不肥，不油會再返來食😋乳豬皮下面，有啖啖肉的乳豬肉切得好好，不會很大舊鴨腳柚皮不錯的。普通茶樓好少見柚皮，軟熟，味道可以再濃一點鴨腳，豐富骨膠原細心地每隻鴨腳一開二容易進食蝦🦐膠鑲尖椒尖椒不辣新鮮香口！甜品的鮮奶燉蛋白一大盅滑流，好味！有兩個人份量

Came here for an early quick lunch. When the bill came, I realized I got a 25% discount for settling the bill before 12:30pm. Been here many times and first time to write a review. Ordered shrimp dumplings, duck feet, pan fried chive dumplings and e-fu noodles w spicy minced pork and egg plant.Shrimp inside the dumplings are in chunks and well seasoned. The chive dumplings is the winner (must order). Plenty of chives inside mixed with shrimps. The e-fu noodles were tasty!! Duck feet was okay.

新春飲茶就一定要等位，呢一間book咗十二點半，最後都係十二點半先俾你入去，但原來入面係有位。 第一碟上枱就俾個甜品-椰汁紅豆糕，建議應安排最後先上。好食唔講得，但唔會太甜，啲豆散散地。叉燒包啲叉燒都幾多，味道都唔錯，叉燒係半肥瘦，唔會乾柴。另外個包好明顯係師傅整，唔係交行貨。流沙包都有流心， 個包好軟熟又熱。蝦餃隻蝦大隻，有啲有兩三隻，最緊要冇屎。個皮有唔會爛。燒賣就一般啦! 口感比較實。素粉果嘅材料好足，大大隻。馬拉糕好有懷舊嘅feel，不過食落去就冇懷舊嘅感覺。XO醬豉油皇炒麵，xo醬都幾辣，不過麵質幾好，比平時的麵幼嫩，有少少彈性，最重要係唔多油。蝦春捲個皮非常脆，蝦肉好彈牙。蝦多士有驚喜呀! 塊麵包炸得好脆，唔會油膩，蝦新鮮美味，又有少少蛋香。

公司開年，老闆買左隻乳豬返黎，就算拎完成個鐘，隻豬個皮都好脆，好好食！原本以為好細隻，點知我地16人，每人都食到3-4 件，略嫌葱花同餅皮不夠，只有相中一外賣盒份量，應該要有2盒先夠一隻乳豬！

喺灣仔番咗好幾年工，一直以為想飲茶冇咩選擇，點知仔細再搵搵先發現哩間老字號嘅存在，一食發覺咁出色，當然要寫番篇食評推介吓啲心水點心小食啦 (特別係發覺眾多食評大部份都係介紹緊佢嘅晚市食物)~首先係佢嘅🥨蛋散蜜芽糖夠重手唔怕一邊有糖一邊冇，仲配上香香嘅黑白芝麻🥰再嚟就係🦑酥炸魷魚鬚佢嘅炸皮夠晒薄，有別於平時喺其他茶樓食到嘅炸皮，哩度嘅比較鬆化，唔係好實一大片咁，更唔會覺得成口粉咁～然後就係佢嘅🍯蜜糖黑椒雞中翼唔好睇佢係普通炸雞翼咁簡單，隻隻夠多肉漲卜卜不突止，仲要炸完都非常juicy，加上調味甜得嚟幾惹味，係估唔到傳統茶樓會出現嘅出色食品。估佢唔到嘅仲有哩個🥘咖哩牛筋腩煎米粉米粉煎好切成好幾份好方便分食，再配上微辣嘅咖哩牛筋腩，脆脆地咁十分滋味除咗上述嘅介紹，仲有🦐蝦餃燒賣等必食點心都做得好好~件件都king size再加埋大大隻蝦仁，十分足料！總括而言，食物味道好，坐位唔會太迫，上菜又快，下次lunch hour想飲菜要再嚟先得！

一家去吃懷舊菜，有羊腩煲，焗魚腸，乳豬.....下次要再去，叫埋八寶鴨，金錢雞，生炒骨，生炒糯米飯⋯⋯要找一大班人一起去吃泊車仲有優惠環境舒適，服務很好絕對可以再去

媽咪生日，邀請了一班好朋友在家吃餐飯。作為乖乖女的我，當然要買隻乳豬賀一賀啦！外賣乳豬包裝得好好，我攞到返屋企重熱的（約20分鐘路程). 打開一看，有兩盞閃閃發光的燈做眼睛，很有氣氛。講返隻乳豬，真係正到無朋友。個皮脆卜卜，又唔肥，大大件，又有好多件。我地有14個食，每人都食左3到4件。個個都食到好滿足。呀媽好開心好滿意。隨豬跟埋薄餅，乳豬醬和蔥全體乳豬$1,080，食完之後覺得好物有所值。以後有party，都會再買隻嚟開心share😋😋

今日朋友請食飯，去了灣仔一間老店，聽聞好出名，好多老人家都認識好霸氣，11點才開門，不做早市爽口彈牙生腸，滷味好香的鴨舌鮮美海蝦芥蘭炒好香好好吃😋雞肉質嫩滑，外皮酥脆口感一流新鮮整出龍躉，酥脆可口菜鮮美超香炒飯好香咖哩味，蝦仁大大隻

今日下午我們喺灣仔附近做完嘢之後去咗英皇集團中心嘅「喜萬年酒樓」飲下午茶！一坐低喺我們諗緊叫咩食嗰陣，見到隔離有幾檯人客都有叫咗喜萬年金牌乳豬，所以我們都叫咗1/4隻嚟食，乳豬皮燒得非常香口鬆脆，有淡淡嘅炭燒香味，肉質相當鬆軟嫩滑，再夾埋塊軟熟嘅小麵餅一齊食，簡直係絕配呀，而且無多餘嘅脂肪，所以完全無油膩嘅感覺，不愧係金牌乳豬，亦都係我們嘅必食推介！水晶鮮蝦腸嘅腸粉質感好軟滑，而且都幾薄身，可以清楚睇到入面有大大隻嘅蝦肉！大廚老火靚湯：鯊魚骨松茸煲竹絲鷄豬𦟌湯真係煲得好夠火候，而且湯料係超足料豐富，所以湯底嘅味道係極之鮮甜濃郁，啱晒最鍾意飲濃湯嘅我們，真係超正呀！喜萬年鮮蝦餃嘅餃皮相當煙韌薄身，蝦肉非常爽甜彈牙，而且係超大隻㗎！蜜汁叉燒包嘅包質好香滑軟熟，蜜汁嘅味道好香甜！鮮山竹牛肉球嘅肉質好鮮嫩多汁，牛肉味亦好香濃，而且食落有清香嘅芫茜香味！總括：除咗食物嘅出品超讚之外，另外一樣值得一讚嘅係店員嘅服務態度非常親切有禮，而且會好主動咁幫人客換碟或加水，呢點係我們最欣賞！

新春就是吃喝和聚會……今次是老店喜萬年，自2013年已搬來灣仔英皇中心至今，還好老臉孔陳經理還在。上乳豬前的四小碟已讓大家興奮起來，糖心皮蛋配傳統酸薑、肥大的滷水肥腸、皮脆內嫩的炸豆腐及粒粒牛柳粒既香脆又嫩聯讓大家對這一餐的其他菜色有所期待。在喜萬年吃乳豬是一定要吃的，皮脆肉厚配蒸的小麵餅真是一等傳統美味。一魚兩食，第1味是炸魚Tempura, 做到外脆內軟,而第二味魚頭腩的部分即用砂鍋處理，既香又做到鱼頭香滑，這功夫真是一流。 炒桂花翅一向都是喜萬年的招牌菜，從來沒有失手。燒鵝肉嫩及脆皮，做得很好。而豉油皇中蝦則不過不失。最後用鯪魚球粥和xo醬腸粉加牛脷蘇及蒸得既香且軟熟的馬拉糕，真是完美的一餐。

小時候喜萬年在近金鐘的熙信大廈地下，媽媽帶我在大廈不知幾樓交費（也忘了是電話費還是電費），就會順便到喜萬年飲茶⋯⋯轉眼就幾十年了⋯⋯今次安排是移民加拿大的大家姐、大姐夫，跟我的奶奶、姑奶的飯局⋯⋯最初卜的是泉章居⋯⋯裝修，改卜彩福⋯⋯說喜酒加了枱，沒枱給我（有後話）⋯⋯結果把心一橫，卜了價錢略貴，卻離家最近的喜萬年。6時、8時兩個時段，大家姐等不到車，結果6:30左右才到，我們也尊重她，等到她來才一起點菜，侍應部長沒催我們，一讚！點了以下東西：例湯：是杏汁白肺湯，杏汁味濃，比我樓下米芝蓮推介食肆的同款湯好喝得多！乳豬：點了四份一隻，另附一籠小麵皮（不知叫什麼），果然名不虛傳！個人覺得比新X記更好吃！老公稍嫌不夠熱，可能是因為店内空調頗大風菜脯小炒王：有西芹、带子、肉粒、蝦乾、菜脯，味道是不錯的，只是蝦乾沒有浸過水，很硬，老人家咬不動大良炒鮮奶：清清淡淡的混了蟹肉，也不錯，如果沒有蟹殻更佳杞子蟲草花浸時蔬：時蔬是菜心，幸好不太硬，老人也吃得到，也是清淡菜式瑤柱蛋白炒飯：很不錯，大碟，不會太鹹，乾身足料茄子魚腩煲：這個也惹味，只是煲得太乾，煲底比較多油總的來說，這頓飯是滿意的，上菜快，服務

喜萬年是歷史悠久的中菜館，出名乳豬和焗魚腸。今次天氣轉冷，試一試羊腩煲價錢偏貴，分量不算多，但味道不錯，入味而不會偏咸，枝竹、冬菇和馬蹄都很新鮮。大良炒鮮奶很不錯！香滑鮮嫩，有淡淡的蟹香味，配上甘香松子，多一分層次。鍋貼小棠菜不是常見的菜色，外皮酥脆而不油膩，蝦滑非常彈牙，配合小棠菜的爽口，下酒一流！最後不少得要預訂的甜品西米布甸，味道不是死甜，有濃郁的蓮蓉餡，香滑軟糯，現在真的不容易吃到這樣高質的傳統甜點！

我們一家本來想去吃波X頓西餐廳，但那兒不接受訂位，要去到排隊等位。由於我們有老人家，怕她又肚餓又沒有腳力排隊，所以改去接受訂位的喜萬年。我們被安排坐在一角，老人家坐的位置舒適，沒有其他人在她的後面走來走去，十分安心。我們點了四道：第一道是懷舊的「家鄉雞蛋焗魚腸砵」，這道菜一般人應該覺得很美味和特別，但身為中山人的我，自細吃慣雞蛋焗禾蟲砵，對這道家鄉菜當然有一定的要求。最值得欣賞的是真的用砵來焗，保留了家鄉的特色。雖然表層焗得微焦，雞蛋份量充足，但炸兩片和陳皮絲不夠多，所以表層欠缺了香脆，整體欠缺了炸兩的甜味和陳皮的甘味，如果多加這兩種配料應該會更似村民煮的菜。「蝦醬通菜鮮魷」的通菜清甜鮮嫩，魷魚配搭蝦醬爽脆惹味。「南乳粗齋煲」味道適中，不會太淡或太鹹，內有腐竹、豆卜、小唐菜、旺菜、冬菇、秀珍菇等，吸收了南乳的鹹香味，加上全部都是野菜，沒有肉類，含有豐富的維他命C和纖維，是健康素食者之選。「君度橙花肉排」令人驚喜，本來以為是咕嚕肉的變奏版，應該是菠蘿改為香橙，原來不是這回事。這道菜也是懷舊菜，用橙汁香煎豬排，豬排外脆內嫩，肉汁四溢，配合酸甜的橙汁，減低了豬肉的油膩感，估不到這麼好吃，大家