34
13
5
港鐵灣仔站 A3 出口 繼續閱讀
電話號碼
25282121
開飯介紹
喜萬年酒樓已有三十多年歷史,而其炭燒乳豬更是出名特別好吃,其他小菜點心亦都製作認真。 繼續閱讀
營業時間
今日營業
11:00 - 15:30
18:00 - 23:00
星期一至五
11:00 - 15:30
18:00 - 23:00
星期六至日
10:00 - 15:30
18:00 - 23:00
公眾假期
10:00 - 15:30
18:00 - 23:00
付款方式
Visa Master 現金 銀聯
其他資料
泊車 詳細介紹
電話訂座
加一服務費
電視播放
食評 (61)
等級3 2020-10-25
405 瀏覽
今日去灣仔一間較舊式嘅酒樓飲茶,大抵現在嘅懷舊點心都越來越少,大部分酒樓點心都以精緻細粒為主。而大粒又好吃嘅點心就真係少之又少。大約13:30左右,不用排隊就可內進。侍應很快為我們帶枱,而且添水速度快。值得一讚。我們點了幾個點心。出奇地點心份量很大,燒賣大細比起其他酒樓嘅燒賣大一倍,非常難得蒜蓉鮮魷十分足料亦夠傳統蝦餃有至少2隻半嘅蝦在內所以十分大粒抵食馬拉糕十分鬆軟(不過一定要趁熱食)放涼會變硬。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-06
786 瀏覽
上星期飲茶唔係太夠喉, 今日2個人又再出發去飲茶。 今次就去左喜萬年酒樓食點心, 10點開門0,我地10點3到左, 已經半滿, 大家都好早起身食點心。2個人叫左5個點心, 11點3前埋單有75折, 12點半前埋就85折, 真係好抵食, 早起鳥兒有蟲吃。我地2個人埋單191蚊叉燒包:包鬆軟, 內餡都味道適中。菜苗鮮蝦餃:大大隻蝦仁, 彈牙, d豆苗都入晒味。柱候牛筋: 入味但未夠冧,可以再煮耐少少春風得意腸粉:腸粉皮皮包蝦春卷, 腸粉皮好滑百花釀魚肚: d魚肚索晒d湯汁, 好好食。 蝦膠係一整塊, 唔似外面酒精係少少。唯一唔好係, 我地坐門口位, 成有人出出入入。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-12
961 瀏覽
每次都非常期待到喜萬年食晚飯,因為對她有信心。今晚菜單:乳豬全體- 夠鬆脆七味脆皮豆腐- 味道好,皮夠脆Ok 蜜薯鮮鮑魚- 新鮮配搭黑蒜螺頭燉竹絲雞湯 (忘記拍照)- 非常夠熱、很甜、很夠味百花炸釀蟹鉗- 傳統好味,彈牙蟹鉗蝦子柚皮炆鴨掌- 鴨掌柚皮夠淋黑白胡椒焗海蝦- 蝦夠新鮮,入味魚湯浸菜心- 白色的魚湯重魚味,好味,菜心淋甜雞蛋焗魚腸- 有很多魚腸、陳皮,但可能已是夏天,魚腸沒香味,整體比較淡古法鹽焗雞- 不錯,有雞味,咸味合當籠仔荷葉蒸蟹飯(忘記拍照)- 蟹新鮮及甜,但飯較淡雪菜肉絲煎米粉(忘記拍照)- 利申:太飽,吃不下,但朋友說很香口西米布甸及蛋散- 一定不可錯過的甜品,正西瓜- 夠甜、新鮮、夠凍、夠水總括:材料新鮮、味道合當、上菜時間好、服務好一如既往,食物好👍🏼,沒有失望! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-09
2339 瀏覽
由於疫情緩和了很多,我約埋五個舊同事總共六人一起去這個跟着他們大多數工作的地方灣仔區食午餐,訂枱的時候訂了半隻燒豬,食完呢餐飯之後覺得呢間酒樓的午餐絕對值得推介,特別係如果有親戚朋友喺外國返嚟香港探親的時候更加要帶佢哋去,因為佢嘅午餐食物比一般著名的酒樓都好很多,而且樓面侍應生服務很好,以下是我們體驗過的食物👇1. 柱候牛筋腩$42,用的牛筋比起新鮮的牛筋嚼勁差不多,有機會係新鮮牛筋嚟嘅,仲有花生,味道及口感都唔錯,我哋用咗隔離嗰張上菜枱上面的鉸剪將佢剪大家分享,其實份量都很大!2. 古法馬拉糕$36,我哋叫服務員展開六件,呢個一定要叫因為做到超好的水準!甜度適中!3. 蜂巢五香芋角$39,炸得面頭好鬆化但係唔油,而且個餡好唔好味!我哋又搵服務員將佢剪三刀六件一齊分享。4. 七彩銀針粉$128,雖然係我細個食嘅時候好味嗰啲七彩銀針粉嘅豪華版,好像不完全一樣,但係都勁好味,嗰啲蝦仁係靚的,不是假爽口,很有蝦仁的鮮味。我細個食嘅好味七彩炒銀針粉係冇豉油的,因為冇乜顏色,呢度有用豉油來炒。5. 鮮腐竹浸娃娃菜$55,嗰個白色嘅上湯好正,材料浸煮完之後好好味。6. 惠州梅菜蒸菜心$65,呢個反而好一般。7. 喜萬年金牌乳豬半隻$616,真係好食到飛起,我哋冇點樣食嗰啲荷葉餅,果皮做得很鬆化但係唔油,不會太鹹,唔知佢哋點醃法,乳豬啲肉稔來唔會太稔,聞落去好香,肉質有鮮味,最緊要係嗰層肥膏薄到好緊要!等疫情過去之後我一定要帶爸爸嚟食!第日啲親戚係外國返香港都要帶佢哋嚟呢度食先得!8. 喜萬年鮮蝦餃$46,好有鮮味和好味!9. 豉汁蒸鳳爪$36,真係好正!除咗味道好不過鹹之外炸得好靚才攞去炆,所以皮與骨之間嗰層夠厚,有嘢食到!呢個唔識就笨因為好難整得好!10. 鮮山竹牛肉球$36,顏色睇落去很紅好像很好味,但係陳皮味太重,比起加拿大間間酒樓食的嗰啲鮮竹牛肉咁好食黎計就失色了。11. 焗叉燒餐包$36,OK啦!12. 水晶鮮蝦腸粉$46,反而一般!蝦肉的餡料好正但係腸粉皮的質感好一般。13. 椰汁紅豆糕$46,不會太甜,味道也唔錯,有啲舊同事話覺得椰汁味唔夠。14. 酥炸魷魚鬚$48,味道非常之好但係今次呢碟炸得太油。15.茗茶叫咗普洱和鐵觀音,每位$14,茶葉的質素很好,水滾茶靚!外賣盒兩蚊比一位舊同事攞個乳豬頭走返去煲粥。每位消費大概$250。當我返到屋企話俾爸爸知呢間酒樓的午餐好好食的時候爸爸話上次佢帶我去食係幾十年前送我去加拿大讀書的時候喺同一座大廈的加拿大專員公署辦事之後食的!😳😳😳 繼續閱讀
(以上食評乃用戶個人意見 , 並不代表OpenRice之觀點。)
十個人食咗三千六百幾蚊, 都是一般的順德菜冇鮑參翅肚 , 亦冇海鮮食 , 湯就冬瓜盅嗰D cheap野 , 稍貴價食材欠奉, 就連食完飯甜品及生果都欠奉 , 每人為起三百六十元。食物的味道就沒有甚麼突出 , 尤其是那些燒味的質素, 衹是好一般燒味舖的貨色, 絕對比太x, 海x酒楼差。這個價錢這些食物, 我相信在同區或其它地方一定會有更好的選擇, 加上他們在一個商場的地牢 , 酒楼的環境坐得幾迫, 枱之間距離不足(是擺太多枱做多啲生意的原因), 又唔夠冷氣, 覺得幾熱, 性價比我覺得是十分低, 感覺幾屈機, 一定唔會再有下次。完****************************** 繼續閱讀
(以上食評乃用戶個人意見 , 並不代表OpenRice之觀點。)