喜膳燒

營業中

休息中

【日本居酒屋feel串燒店🍡】朋友喺尖沙咀發現咗一間比較隱蔽嘅串燒店，裝修都幾有心思，有日本居酒屋感覺。座位主要係bar枱，每張枱之間有少少距離，幾適合傾偈🤓大家食串燒記得先叫幾串，食幾串，食完才再叫再食！咁樣就keep住食到熱辣辣又好食既串燒🔥 哩到串燒有幾種唔同嘅味道可以揀(鹽燒、孜然、沙嗲等)😙我哋前前後後都叫咗十幾樣嘢，掛住吹水有啲我都唔記得影😂 重點推介幾樣俾大家！📍蜜糖牛油燒粟米 (叫左少甜)🌽其實我係燒粟米控🌽😍🌽！出邊有啲舖頭會先烚熟粟米，然後再拎去燒一燒就上枱。。。呢種燒粟米係絕對滿足唔到我要求！今次呢件燒粟米，上枱嘅時候睇落有啲燶，但味道同口感都令我喜出望外😍 食得出粟米係生燒，燒到收哂水，每一粒粟米嘅味道都係濃縮左～牛油同埋蜜糖味道唔會over左，同條粟米相得益彰😎📍燒貴妃蚌🦪貴妃蚌唔算好大隻，但係蚌肉好厚好鮮甜，口感happy📍蒜蓉蟶子皇蒜蓉超香，蟶子肉質彈牙新鮮📍紐西蘭羊架 🍽熟嘅程度啱啱好，肉質夠嫩又有羊味，燒到鎖住肉汁，好juicy📍雞腎串調味辣得嚟又惹味~ juicy too另外仲依稀記得以下都唔錯～☺️📍韭菜 (韭菜必須配孜然！）📍西班牙黑毛豬五花腩📍安

想約朋友食啲野吹下水但又唔想太飽串燒就係一個好選擇今次搵左呢間勁多好評嘅串燒店試下果然係好正呀食串燒梗係要飲啲下火野啦中國涼茶同鬼佬涼茶就啱晒點左幾款串燒 真係樣樣都好高質燒大蔥本身已經好香口 再加上燒烤醬同紫菜碎 真係好想食多串牛舌好淋好軟 都幾厚切沙嗲燒豬頸肉 好爽口個醬好香 唔係燒完搽上面係燒到入晒味 正孜然雞髀菇 入面依然好juicy燒白鱔大大串 好肥美 個皮燒到脆卜卜啲魚油又好豐富焗田螺薯茸好幼滑 39蚊食到真係好抵呀仲叫左蒜蓉燒元貝同蟶子好新鮮呀 加埋啲炸蒜真係冇得頂呢間串燒 有下次！

店舖裝飾非常日系開放式廚房坐喺度可以見到師傅燒串燒感覺好似到咗日本嘅串燒店店舖嘅主打為串燒除咗傳統的原味之外他們亦有多種調味粉嘅選擇例如孜然粉、沙嗲粉等燒韭菜 孜然 $19韭菜一直都係串燒必點之選入味之餘又啱送酒燒芝士翠玉瓜 $24燒翠玉瓜本身非常爽口加上芝士並唔需要任何其他調味 亦都好Juicy燒茄子🍆 $28茄子價錢非常合理而且上面耍用咗蒜蓉、香蔥及孜然粉 必食之選 牛油蒜蓉焗雜菇 $45份量非常之多飽肚感十足涼拌牛舌 $38用上香蔥、芝麻及秘製醬料醃製好而且將牛舌切成條裝型牛舌又q彈 又香口燒牛舌 $49厚切牛舌 大大塊燒得剛剛好 口感滿滿霜降和牛串 $59和牛油脂分布均勻入口慢慢溶化 滿足燒肥腸 $29香脆外皮 吾會太油膩 串燒最忌燒得又乾又過火呢道算火候恰到好處而且氣氛唔錯係同朋友飲杯酒食下串燒 傾吓計嘅好地方😊

寶勒巷呢度我成日都會經過，但原來有一間好隱蔽嘅串燒酒場，舖頭入面唔係話好大間，但個感覺就好似日本嗰啲居酒屋咁樣，好親切好地道！餐廳主要食串燒為主，包括左唔同種類嘅食物，例如時令海鮮、牛肉類、雞肉類、丸類、蔬菜瓜果同埋小食等等。一場嚟到，我哋都叫咗好多嘢食試吓！🍴 蒜蓉燒貴妃蚌 ($68) ⭐️⭐️⭐️⭐️蒜蓉燒貴妃蚌雖然價錢比較貴啲，但係燒完出嚟嘅味道簡直無得輸，燒得啱啱好，唔會燒到過左火，啲蒜蓉味完完全全滲透左入去d肉入面，正呀！⭐️⭐️⭐️⭐️💫🍴 頂級海鹽燒多春魚 ($29)🍴 沙嗲燒豬頸肉串 ($26)🍴 燒金菇肥牛卷 ($38)🍴 法式蒜蓉包 ($24)🍴 焗黑松露芝士薄餅 ($46)🍴 燒芝士響鈴2件 ($21)🍴 沙嗲燒彈牙牛丸 ($26)🍴 燒山賊雞翼3隻 ($39)🍴 燒蒜蓉茄子 ($28)大部份嘅串燒都可以選擇唔同嘅味道，例如沙嗲汁、和風汁同蜜糖汁等等，全部食物都係即叫即燒，所以全部都需要一啲時間先會上菜，餐廳做得好好嘅係佢哋會有塊熱嘅石一路熱住啲食物，所以唔會怕啲串燒好快凍咗！我嘅叫嘅咁多種食物全部都好入味好好味，完全唔似係燒完好耐再翻熱。整體而言，我就覺得性價比幾高，約埋朋友一

收工想啤一啤吹吹水，食串燒應該係最啱。公司又嚟人事變動，所以好多嘢follow up🤫真係需要鬆一鬆🤥喺尖沙咀搵到間食串燒鋪，閒日都算多人職員都好細心，見到大枱埋單會主動提出幫我換枱。📌喜膳燒📍尖沙咀寶勒巷10號地舖叫咗一大堆串燒🙂羊架、牛仔骨、雞腎、雞全翼、墨魚丸、西班牙五花肉、粟米、貴妃蚌、蟶子等等。。。串燒係即叫即燒，雖然喺舖頭入邊燒，但係餐廳嘅抽風做得唔錯，唔會覺得好大浸油煙味。串燒燒得好香口，有幾種唔同嘅味道可以揀，鹽燒孜然沙嗲等等嘅口味都有。咁就唔會所有嘢都係食緊同一種味道。▪️燒紐西蘭羊架熟嘅程度啱啱好，夠嫩又有少少羊味▪️燒黑啤牛仔骨 （特厚）肉超厚，咬落口淡淡都係肉又唔會太過肥膩▪️燒手切雞腎串（孜然）厚度啱啱好，調味辣得嚟又惹味▪️燒雞全翼（鹽燒）皮脆肉嫩又香口▪️燒頂級墨魚丸 （沙嗲）面頭嘅沙嗲醬味濃，醬汁微甜，墨魚彈牙▪️鹽燒西班牙黑毛豬五花肉微微燒焦，肉質爽口彈牙▪️貴妃蚌店員語今日有就叫咗，蚌肉厚厚的又夠爽口彈牙，配埋蒜蓉同埋豉油調一調味，係好食嘅▪️味醂燒雞泡魚乾甜甜哋又香口嘅送酒小吃餐廳仲有唔同種類嘅啤酒，酒類同埋特飲，例如梳打同沙冰咁樣，就算飲唔飲酒都一定搵到啱嘅嘢飲

朋友介紹呢間串燒店一於去試下！店舖唔易搵，哩埋左係入面。店舖細細間，空間唔算大，想食最好book定位呀！叫左好幾樣野，每樣都試啲！貴妃蚌，超級大隻！好新鮮，鮮甜爽口，加左蒜蓉同少少醬汁，好惹味！如果加埋粉絲就正喇串燒方面，叫左呢啲:鹽燒雞軟骨，好爽口，脆卜卜，味道剛剛好鹽燒雞腎，都係爽口之選，燒到岩岩好，唔會燒到又乾又硬海鹽燒皇牌牛舌，係厚切！而且係外脆內嫩！堅正！！海鹽燒安格斯肉眼串，大大粒唔姑寒，肉味幾濃，推薦！燒蒜芯，岩晒中和下啲肉！係好爽甜多汁，正豬骨湯温泉蛋烏冬，流心既温泉蛋，加上滑滑既烏冬，無得輸👍🏻燒玉桂焦糖金菠蘿，呢個甜品係壓軸登場，菠蘿唔酸又多汁，外面仲加左玉桂糖做焦糖，係脆脆既焦糖！！十分推薦！呢間串燒店值得再去！

辛苦左成日 收工決定要去食下串燒✨先黎一個燒魷魚 火喉岩岩好 點埋個少少辣既酸甜醬好好味✨另外仲叫左牛舌、安格斯肉眼串同金菇肥牛卷肉眼串肉味好濃 如果加上燒汁點綴一下 效果應該更好金菇肥牛卷味道都係非常唔錯 醬汁淋上金菇表面 再燒 非常入味✨仲揀左山賊雞翼試下 表面燒到好乾身好脆口 入面雞肉仲keep住好嫩有肉汁 抵讚✨燒蔬菜我地叫左燒韭菜 韭菜配上左孜然味道 好惹味 呢個極力推薦✨仲叫左蒜蓉包 串燒店出品既蒜蓉包上面係用左一大堆蒜蓉 好豪氣 夠晒重口味 好正！決定要翻兜呢間小店！

喜膳燒宵夜❤️❤️❤️海鹽燒脆雞皮2pcs $36脆卜卜的雞皮，食落完全唔覺油膩，邪惡感十足🙆🏻‍♀️😋海鹽燒芫茜$18比較特別的串燒❤️芫茜愛好者的我當然要試下🙆🏻‍♀️🙆🏻‍♀️正！燒蒜蕊$24好爽甜😋食落真係滿分呀！蒜蕊真係必食串燒精選👍🏻燒煙肉鵪鶉蛋$34鵪鶉蛋配搭煙肉😝😝絕配🙆🏻‍♀️而且燒到剛剛好！一流👍🏻鹽燒西班牙黑毛豬五花肉$38五花腩肉油脂豐富，燒完之後油脂同肉既比例剛好，食落香口好味😆😆😆燒芝士響鈴$22好有特色的燒響鈴，啖啖芝士，而且一咬即溶的響鈴，層次分明，口感十足❤️❤️😘燒黑啤牛仔骨（特厚）2pcs $68味道一流！調味後燒得好入味，美味☺️燒珍寶大扇貝$68可自選口味，有蒜蓉同埋芝士揀，我地揀左蒜蓉味🙆🏻‍♀️🙆🏻‍♀️🙆🏻‍♀️大大粒扇貝，口感十足😋另外叫左支手工啤酒😋🍻森美爾杏桃水果啤酒$88杏桃味香甜🙆🏻‍♀️對於女仔黎講易入口之餘仲帶有夏天既味道😘😘口感豐富，好好飲👍🏻地址：尖沙咀寶勒巷10號地舖整體評分：4/5味道：5/5環境：4/5抵食：4/5

同朋友係尖沙嘴行完街，突然有鋪癮想食燒烤，於是搵到呢間餐廳，餐廳不算太大，但座位都坐得寬闊舒適，遠處已經聞到香噴噴燒烤味！呢度既燒烤有幾種唔同口味醬料搭配，肉類/丸類燒烤多數圍繞以沙爹/BBQ /蜜糖/和風等～另外仲有傳統孜然同鹽燒口味✌️肉類方面食左: 沙爹燒豬頸肉，雞肉，山賊雞翼，金菇肥牛卷，全部都燒到外香肉滑，燒到鎖住肉汁，好juicy!跟住蜜糖燒牛丸，台灣黑椒腸，香甜爽口，好彈牙啊~蔬菜方面，唔少得孜然味燒韭菜，仲有蒜蓉燒茄子，唔會燒到過侯好鮮美😋最後海鮮類試左個燒聖子，蟶子都好大隻好新鮮甜，絕對要試！今次想食燒烤㗎癮真係夠曬過癮！

呢間隱世日式串燒小店，朋友介紹話好食 我地都要黎食下先燒麵筋 第一次食依款 好特別呀 👍🏽照燒汁燒京蔥 照燒汁味浸透哂入去燒肉桂焦糖菠蘿 我哋等佢上咗枱之後過一陣先食 外皮變到脆卜卜 一咬落去啲菠蘿汁出哂嚟 好juicy燒燒賣（揀咗配沙嗲汁）沙嗲汁有甜甜嘅花生味 好好食燒西班牙黑毛豬五花腩海鹽燒皇牌牛舌 燒豬頸肉串 （揀咗配BBQ味）海鹽燒美國安格斯肉眼串燒雞皮肉質好嫩🥰 而且串串肉都好厚 好有口感呀而且串串都好新鮮 唔會係雪藏肉👍🏽燒蒜蓉海鮮扇貝 燒蟶子燒多春魚海鮮質素超高 好鮮甜🥰仲要好多汁港式懷舊燒魷魚（揀咗配麻辣口味）麻辣醬汁額外用伴碟比客人配黎食 好惹味 越食越停唔到口呀！益力多沙冰夏天飲簡直係一流 沙冰好棉🥰 正🪧 喜膳燒 (尖沙咀)尖沙咀寶勒巷10號地舖

今日去尖沙咀行完街街做完嘢，好需要啤一啤佢放鬆一下，啤酒當然係背串燒，上網見到依間幾多like嚟試一試。入到嚟特色小店座位唔係多，但好在夠地道有feel。再看看點菜單，食物種類都多，真係花多眼亂，今日串燒有馬來西亞大蜆，珍寶大扇貝，黑胡椒燒肥腸，日本霜降和牛串，照燒手切雞腎串，燒蜜糖雞中翼，黑椒燒台式香腸，燒火辣牛肚，海鹽燒芫荽，燒蜜糖牛油粟米，燒日本一口甜薯，燒虎椒，海鹽燒秋葵，孜然燒韭菜，鹽燒菜心苗，最後來一個燒玉桂焦糖金菠蘿。大多數都好出色，大家睇相都見到。

尖沙咀巷仔入面都有好多出色既餐廳，今次就同朋友試下呢間隱世串燒店~食物方面選擇都幾多，除左串燒類仲有其他主食，不過我地黎到梗係要叫串燒啦!✨日本霜降和牛串✨海鹽燒牛肩胛✨燒芝士西班牙黑毛豬五花肉✨燒黑豚肉龍躉卷(鹽燒)✨牛油蒜蓉金菇包✨燒茄子(蒜蓉)✨燒韭菜(孜然)✨台式香腸(黑椒)✨明太子釀雞翼✨蒜蓉燒貴妃妦✨燒珍寶大扇貝✨燒肉桂焦糖金菠蘿咁多款食物入面，比較推介蒜蓉燒貴妃妦，肉質嫩滑又夠鮮味🥳明太子釀雞翼脹卜卜，入面充滿住明太子，食落辣辣地，明太子fans必叫😍日本霜降和牛串配上少少鹽同黑椒調味，一咬落去就feel到牛既脂肪係口慢慢融化🤤食串燒必叫既燒菠蘿，餐廳配上肉桂同焦糖，即使放左一陣先食都好脆口，而且菠蘿夠甜，用黎消滯就最岩😂飲品方面叫左青檸梳打同巨峰梳打，比較推介青檸梳打，食串燒就最岩，夠晒fresh!🍴喜膳燒尖沙咀寶勒巷10號地舖

喜膳燒（尖沙咀）*前幾日喺尖沙咀行街時,聞到陣陣好香嘅串燒味,跟住我哋入去試下😀*呢間店舖設計好有日本居酒屋嘅風味,地方雖小,但卻很有氣氛。#呢度啲串燒非常好味,種類多元化,而且材料新鮮,我哋坐低叫左以下食物：1）蒜蓉燒扇貝：大大隻扇貝味道鮮甜,肉質豐厚,超多汁,配上滿滿的粉絲和蒜蓉,更提升了扇貝的鮮味到另一層次。2）蒜蓉廣島蠔：廣島蠔非常肥美,脹卜卜,很新鮮沒有一點兒腥味,吃起來很有滿足感👍3）海鹽燒牛肩胛和安格斯肉眼：火喉燒到啱啱好,保留了牛的味道,肉質軟滑,細嫩多汁,味道一流。4）燒雞腎：切成薄薄的一片,咬起來爽口彈牙,忍不住要食多串。

晚餐又好 宵夜又好  如果要食我呢一刻會揀串燒 因為我太耐無去旅行 串燒又一種人在外既感覺 不過此刻心情實在太過複雜 但其實要搵一間外表要有味道既餐廳可以好容易但食物要有返咁上下心準既唔係多今次呢間我有啲心得喇無論你飲唔飲啤酒都好 FROZEN BEER你應該有見過或者飲過我第一次品嚐既地方係日本東京新宿 印象深刻日本人既創新係能夠融入生活令你接受 唔會大擔到你唔敢試 呢個係我欣賞佢地既原因可惜今次我係一名司機 "開車前咪飲"我都仲係要堅持既內部環境 唔會好迫 一張枱夠晒你坐 環境其實有幾分新宿內街食日本串燒 飲住啤酒食宵夜既地方起碼我可以望梅止渴先選擇上都係應有盡有 肉類 海鮮 蔬果 都一應俱全一定唔會令你失望賣相係靚仔既 如果以貎覓食既話 相信都唔會有任何問題燒露荀、燒豬頸肉串(配沙嗲汁)、燒雞肉串(配沙嗲汁)- 露荀係多有誠意，將多餘老去的表層削清再燒乾表面,，但內裏仍然JUICY- 豬頸肉我最終無沾任何沙嗲汁就食完，因為佢本身既味道已經足夠，而且都係外層收晒汁好入味，裏面仍然係SUPER JUICY 鎖晒汁- 燒雞肉唔乾唔燶, 仲有帶泰式既味(哎吔.........陽光與海灘呀

店舖同日本小店一樣，細細間而充滿釋放壓力嘅氛圍，係細聲講、大聲笑好岩同朋友黎吹水嘅串燒店🍢。通常食串燒都會飲啤酒，但呢到有個幾特別嘅飲料而我覺得幾襯食串燒時飲😂😂一陣開估。特別一提係，叫串燒會配有一塊燒熱烤板上檯，一邊食d串燒就唔會咁快凍哂，影完相食都係熱，係值得開心嘅位黎。🔸黑松露鵝肝多士2pcs ($82) 💎 同友人去食，佢一放件多士入口隻瞳孔變大左😂呢件鵝肝多士非常邪惡，咬落d熱鵝油爆出黎，要襯熱食！面頭加左黑松露同紫菜去燒已經好香，所以中間唔係黑焦係黑松露黎。中意個脆邊燒焦得岩岩好，燒得幾夠力水，配上牛油多士脆而香口。好推呢個望落平凡而咬落回味嘅上品😋🔸燒新鮮脆皮白鱔（$68）💎厚肉而皮脆肉嫩，無燒到乾哂仲係juicy地出煙😚烤過嘅脆皮上薄薄加左一掃燒汁with白芝麻，亦無蓋過魚肉味，調味平衡👍🏼佢d紫菜香氣真係幾出，就算加左淡燒汁都食得出。最重要係呢舊咁岩無骨，啖啖肉幾滿足☺️一件好唔夠！🔸燒沙嗲燒賣（$19）燒燒賣！偏甜嘅沙嗲醬令我以為叫錯左燒雞肉🤣幾special應該係日式口味？不過燒過嘅燒賣煙韌，中意麻薯口感嘅人應該都會喜歡，亦幸好魚肉唔係粉個種，先可以燒到外內同樣軟熟