喜百合 (已結業)

三個星期前的週末，主人與奴隸獸在『喜百合』飲茶午飯有五折優惠。所以上週日想再去光顧，優惠竟然變成七折喎！當然『轉軚』喇！回憶起，當日我們在『喜百合』亦點了不少食物呢！- 蟹子燒賣：肥豬肉粒，蝦粒，爽口彈牙，口感唔錯，冬菇味重，OK喇！- 椒鹽魷魚鬚：一般喇！- 魚湯浸鮮竹卷：似雞湯多過似魚湯，令平凡的鮮竹卷變得更平凡。- 九肚魚春卷：炸得香、酥、脆，魚肉嫩滑，味道頗不錯，可惜回油不足，殘餘不少油在碟底。- 蘿蔔絲酥餅：餅皮沒有層次，不夠鬆化，蘿蔔絲不鮮甜，沒有蘿蔔味，反而有濃烈的蔥味。真希望沒有點過這個點心。- 蜜餞荸薺餅：賣相幾特別，外脆內軟，餡料為馬蹄碎，味道唔錯喎。- 蝦仁炒蘿蔔糕：蘿蔔糕頗有蘿蔔味，炒得入味又不會散，好！奴隸獸有個小小冀望，午市再有五折優惠。

餐內環境不錯、很舒適(除了門口的大型吊燈很怪...)，餐具很新同乾淨，服務態度一般~中午老板請食飯，記得我地好似係叫一set菜單，沒有吃其他嘢!1.豆腐: 一片片的，賣相很靚，清清地幾好~2.糖醋魚: 很好味，魚肉脆脆地，唔會太酸~3.蝦球: OK，水準一般，菜色簡簡單單岩我食~仲有其他菜色，但沒有拍下菜色名單... 唔想亂講好唔好味...

坐下第一眼便看到有個信用咭優惠餐(四人餐),原價千多元現在只需用$6xx(忘記了),又有北京填鴨,餐牌都不用看便叫了這個.頭盤有蔥油海蜇頭和嫩雞絲粉皮 - 味道幾好,很少吃到海蜇頭,其實和普通海蜇一樣煙煙韌韌,只在於條與粒的分別.湯有瑤柱蟹肉雞茸羹 - 這個一般,而且一人得一碗; 唯一可取是真的嘗到(和見到)蟹肉... 主菜來了... 雨花蒜香明蝦球 - 蝦夠大隻而且很爽口,味道不俗,值得一讚!烤北京填鴨 - 有點奇怪是他們不是像其他酒樓般在我們面前"偏",又不是在廚房"偏",卻躲在角落"偏"... 雖然不是太多,但足夠四個人吃.大紅袍松鼠鮮魚 - 不是整條魚而是一大塊魚塊,所以沒有魚頭和尾. 那個汁酸了一點,但也算OK; 如果是整條魚就perfect.碧綠蠔皇海鮑脯 - 味道幾好,沒有特別.峨嵋龍眼包 - 一籠四隻,很漂亮的名字但其實只是豬肉包而已. 不喜歡這個,因為沒有味道...甜品有楊枝金露,幾好食,美心的甜品一向都不錯.這個四人餐都算幾好,而且一定夠飽. 環境又不俗,如可以坐窗邊更有靚景. 有機會都會再去,或者下次試飲茶吧.

昨日是老公生日, 但差不多6時他才confirm可以早點收工, 所以我便要臨時臨急上open rice找地方食晚飯, 最後選了喜百合, 我們是首次來此酒家, 所以都不太肯定會否失望而回...原本老公很想吃北京田鴨, 但因只得我們三個人, 怕會浪費, 所以最終選了 風沙雞、金沙小辣寶大蝦、鎮江肴肉、小籠包, 點心就選了吃豆沙窩餅...先說不過不失的鎮江肴肉及小籠包, 它們可說有水準, 但沒有特驚喜, 不過喜歡它們的也不妨一試, 沒有壞啊...至於金沙小辣寶大蝦就很出色了, 很香口和不太辣, 加上炸了之後仍吃得到蝦味, 算不錯啊~ 不過, 老公與我覺得最好吃的莫過於風沙雞了, 雞皮炸得薄而脆, 而且不肥膩, 雞肉則嫩而不似雪藏雞, 好味~最後是豆沙窩餅, um... 我只會說, 我很欣賞它不油膩... 當遇上炸到很油的窩餅時, 只需吃一至兩件便感覺滯了~但, 這裡的郤不油膩, 所以多吃幾件也感ok~下次我會相約多一點人去試北京填鴨, 因我見隔離枱的好像很好吃啊~不過要挑剔一下的是茶壺爛了的話, 不妨換過一個啊, 感覺很不衛生呢...

又去吃好o野了, “喜百合”之前吃過一次, 係公司請的. D 裝修好靚, 食物又唔錯. 今次吃第二次, 同樣覺得出色. 環境很舒服, 侍應又有禮貌, 我地叫了: 松鼠黃花魚 (好鬆化, 魚好鮮甜！)鮑汁菜遠山珍菌 (鮑汁好濃好香, 個人喜好鍾意食菇, 已經加到爆分！)蘿蔔絲酥 (出面好香口, 入邊蘿蔔很冧, 配合得好好, 熱lala, 正！)小籠包 (好juicy, 唔小心整穿o左, 裡面仲有好多汁！)四川成都擔擔麵 (雖然叫了小辣, 但都勁辣, 呢個係美中不足的！)MEGABOX查實夜晚靜靜地都幾好, 呢餐食o左$350, 兩個人飽到抱住個肚走！

來了這間店 才發現是另一間美心集團的酒樓看來是走高檔路線很久沒吃北京樓的片皮鴨但這裡也有得吃 同時美心集團 不知味道有可分別整晚片皮鴨師父也在走廊努力的片啊片看來片皮鴨是買座的菜色呢片皮鴨的皮很香脆 算是不錯 但還是吃慣了仿膳的但最愛的仍是北京樓的呢這裡環境真的十分不錯呢 值得讚美心集團其實質素也幾好

等位快 ~~~ 裝修富麗堂皇 ~~~ 服務一般 (星期六居然只得數埋唔夠＋個待應服務)落咗單等咗好耐都無嘢食, 催吓佢, 原來漏了落單, 我個女等到發火(九歲小女孩),不停話呢間酒樓唔掂, 要投訴。食物無乜特別, ok 啦

同女友家人食晚餐, 去了喜百合三代同堂,叫野食都唔易!經過商討, 最後叫了:雲吞雞松子魚咕嚕肉及一蚊恆生e dollar換既 醬爆腰果雞丁!本人覺得 松子魚係最好食既, 真係做到脆又不油是很講工夫的.但有樣野幾得意,在此同大家分享首先, 中餐播日本音樂本人真係第一次遇到~第二, 厠所外的白色女石像也很型... 媽問我為何不是男性石像, 一時間我也答不出...

尋晚媽咪生日，一家四口去左喜百合食飯慶祝，一入到去，地方富麗堂皇，人又唔多，靜靜的幾舒服．坐底之後點左幾個餸，小籠包，鎮江肴肉，砂碢雲吞雞，北京填鴨，松鼠黃花魚及炒豆苖．點完餸都未夠三分鐘個鎮江肴肉就黎勒，清清淡淡的，談不上好亦唔算太差．過多五分鐘左右黃花魚及豆苖都黎埋，先講豆苖，佢唔係我地一般響香港食開既豆苖，而係另一款（唔知點講），總之我響大陸都食過，味道又係清清的，ok！個黃花魚一上枱，賣相唔錯，但個侍應跟手就用平時可以響日本城等買到的，寶藍色的交剪將條魚一舊舊地響我地面前剪開，我地當堂冇既胃口，大哥，就算你把交剪乾淨都好啦，都唔好搵把咁肉酸既交剪黎剪丫，用刀叉會唔會好d？不過都算啦，照食，一食落口，一大陣魚腥味湧出黎，好腥好唔新鮮，松子又少到可憐，唉！唔掂啦！過多陣個砂鍋雲吞雞黎左，侍應響後面個station分左，味道唔錯，夠熱又有雞味！之後黎個北京填鴨，由於之前見過呢度既食評話唔錯，所以期望都幾大，點知個侍應切完上枱，我一家人見到即時唔想食，個侍應唔識切就唔好切啦，舊舊都係肉，冇乜皮的，每舊都係九成肉一成皮... 乜北京填鴨改左係食肉唔食皮既咩？再望真少少，D鴨皮已經硬晒，油

星期五中午去左Megabox, 想飲茶, 據聞喜百合午市點心七折, 好似好抵咁. 所以唔使諗就去左. 差不多十二點半, 只有三,四檯客, 睇睇menu, 有七折的點心同炒炒面加加埋埋只有十多二十款. 選擇甚少. 連我以為好基本的义燒包, 粉果之類都無. 而主菜又沒有任何折扣. 最終只叫了蟹子燒賣, 魚湯浸鮮竹卷, 牛肉腸粉同韮王肉絲炒拉面牛肉腸粉同蟹子燒賣都ok, 只係ok, 唔係好正, 韮王肉絲炒拉面就好油, 兼無咩味, 魚湯浸鮮竹卷只有一條鮮竹卷, 兩個無味魚蛋, 半棵小棠菜同一塊冬菇連茶芥加一$150. 飽係飽, 不過食得唔滿足. 走時經過肇順, 見有幾多人排隊, 下次要轉戰肇順.

看見OpenRice有這麼多笑臉，今天專程往MegaBox一試。食物質數相當不錯，我們叫了二人餐，食物包括：- 兩款冷盆素鵝、肴肉(好味但份量少了一點)- 金沙瑤柱大蝦- 紅燒海皇翅- 炸腌小黃魚兩條- 上湯小堂菜- 小籠包2隻- 凍楊枝甘露或熱合桃露食物質素很好，海皇翅交足功課，$298算ok價錢。總括食物份量剛剛好足二人吃，不多不少。不過別忘記有前菜及加一，結帳最後要$366。地方裝修亦值得一讚，大門口大型水晶燈當然是賣點。由於我們在七時正已入坐，坐位在大堂一端，很舒服，情侶拍拖食中菜也可以又唔「梁」又有privacy，加上裝修堂皇，面餐具也是用心配套的。可惜一大敗筆是侍應生服務一般，五宗「罪」包括：(1) 由頭食到尾大多由廚房阿姐上菜，而非樓面服務生(2) 由第一碟食到差不完都無人換碟，魚骨蝦殼一碟都係，要叫換才可以(3) 食至中段有一男一女侍應生竟然吵起來，要經理機警地分開二人，之後男侍應更以黑面趕客樣示人，幸好他不是服務我們的！(4) 我們又看見一名侍應生帶位時，將客人帶到一條不通的路，最後遙望著桔唯有帶他們往另一條路走，難道他忘記了號，又或不熟地方？(5) 最後結帳時侍應收

見呢度無喊面, 笑臉迎人, 咪推薦為友人賀壽. 點知有少少失手喎...點了:1. 鎮江肴肉: 幾好味, 薄薄一片, 無平日的那麼膩.2. 涼拌海蜇頭: 係大大舊個種, 有咬口, 可惜味道唔係幾夠. 3. 小籠飽: 呢個唔錯, 皮薄多汁, 跟翡翠有得揮.4. xx飽: 餡料係肉, 但唔會死實實, 幾好味喎.5. 鮑魚菇生菜: 呢個唔錯.6. 雪菜肉絲炒年糕: 呢個有d驚喜, 一般都唔係幾入味. 但呢度的年糕薄薄地, 又夠軟. 把雪菜剁成蓉, 每片年糕上都沾上, 唔錯.7. 帶子賽磅蟹: 好少配帶子, 但效果唔錯喎.8. 北京填鴨: 估唔到有少少敗筆, 初時食都ok, 覺得唔係幾油, 個皮唔夠熱和較厚. 食食下, 後面的有少少羶味...9. 松子魚: 條魚有少少霉...oh no...平時係我的favorite呀...前菜都唔錯, 反而主菜兩味係敗筆, 有少少失望tim!

星期日點心七折, 就試試這間吧入面裝修如其他食家所說, 確實比一般酒樓美得多. 不過檯與檯之間略為迫了點蘿蔔絲酥餅: 餡料熱而足, 酥餅外層很脆, 值得一試cha燒包, 燒賣, 牛肉球: 美心一般水準, 不試也罷素鵝, 只有六小件牛肉餅: 兩件$10. 賣相和味道都不及王家沙擔擔麵: $15. 雖然小碗, 不過以這個價錢也不算貴雞煨麵: $18. 同上. 雞肉不太多酸辣湯: 太多生粉以致湯很杰. 豆沙窩餅: $2x. 不算貴而且份量比很多上海菜館的大. 很多豆沙. 熱乎乎很美味高力豆沙: $2x. 4粒. 做得很出色, 幾乎檯檯必叫. 皮很薄而且料很足, 必試之選西米布甸: 不錯. 蓮蓉不多但也好, 不會太漏合桃露: 沒有太水的情況, 又合桃的香總括來說, 點心紙全部食品七折的話是食得過的, 不過如果要付原價的話就有很多其他選擇, 畢竟它的價錢是美心一貫較高的價錢

上次食過抵食二人套餐, 但今次想試其他食物, 所以散叫. 素鵝($48)清炒本地豆苗($80)菊花銀雪魚($128) (做法好似松子黃魚, 酸甜汁deep fried cod fish)翡翠…. 絲(其實係上湯浸豆腐絲)小籠包一客白飯一個因有AE白金卡, 有主菜半價, 共銀$260. 抵食. 除左個銀雪魚食完個口有腥味外, 其他都好好

今日係情人節, 我同Boyfriend來喜百合食飯, 其實都來過幾次飲茶都覺得幾OK, 今晚非常滿意超飽呀! 北京填鴨- 超好味, 又唔太肥, 一隻鴨可以片到兩碟, 所以我地兩個人食一隻就食淨好多囉!松子黃花魚- 超好味, 今次係第3次食, 都覺得好味呀!小籠包- 皮薄又多湯好正..(太心急食, 唔記得影相)雲南小瓜扒秀真菇- 清清地都OK呀!仲有個前菜小食, 我超鐘意..有花生, 青瓜, 豆乾** 其實平時2個人食唔洗$580咁貴ga! 只係我地想叫多幾款試下先咁貴即! 所以打包左好多番屋企呀!