喜惶點心專門店

營業中

休息中

今日約左媽咪飲早茶，問佢想飲茶樓定點心專門店，佢就話想食女人街入面一間黃嘅點心店。但我不嬲就對女人街嘅餐廳冇咩好感，感覺係得個平字，而且之前食過幾間伏嘅，不過見佢係黃店就試下啦。佢舖頭有两層，不過每層都唔係好多位，大約一層得5到6張桌，如果你係約一大班飲茶嘅話就可能會坐得逼少少。見佢menu寫自己係牛肉世家，靠賣牛肉起家，咁我哋梗係要叫啦。我哋叫左粟米煎牛餅同牛肉燒賣，佢两樣嘅餡料其實都係一樣，就係牛肉球嘅味，感覺就係炸左嘅牛肉球同有層皮嘅牛肉球。同埋佢芫荽味都幾出，搞到冚左啲牛肉味，有啲失望。而其他點心都係中規中矩，有餡料喺入面個啲點心都感覺有啲偷工減料，好似叉燒包同蝦腸咁，皮厚料薄，搞到食落有種空虛感。見有個叫芥末沙汁三文魚春卷幾得意就嗌左啦，點知個汁又淡，中間舊青瓜令佢個味更清，好似淨係食緊個炸皮咁。雖然個菜式設計得幾好，但味道真係有待改進。

早已聽聞這家平價點心店剛巧這天早上路經此地🧍🏻‍♀️當然要一嚐滋味😚位芥 $4 / 1位它只有普洱茶和鐵觀音作選擇茶是用茶包沖的🤭所以味道肯定不會太濃不過$4的價錢算是親民價也就是說不能要求太多就是了一個人的食量有限🤭所以這次也就只點了3款點心🥢竹炭熔岩奶皇包 $24竹炭包子是流心餡的！！配上甜甜的奶皇醬味道絕對不錯🤤👍🏻🥢原隻鮮蝦滑腸粉 $28鮮蝦與腸粉的配搭絕對也是經典組合😚🥢蔥花炸倆腸粉 $24「油炸鬼」與腸粉的配搭吃起來外脆內軟👍🏻口感不錯😚👌🏻

一路都好鐘意飲茶有時收工都有鋪點心引好彩同朋友約食飯有強烈推介尼間黎飲個happy 夜茶於是就即日gogogo.首先7點鬆d 去到有兩三台等緊位但都唔算等得太耐.兩條冷入去後坐底我地嗌左1. 竹碳奶皇包2. 蝦餃 x 2 龍3. 牛肉球4. 干蒸牛肉燒賣5. 鳳爪6. 排骨7. 叉燒腸.牛肉球先非常推介佢地有掛住牛肉世家既板果然好出色唔係醬汁都好好食又有咬口super!.蝦餃皮薄餡靚味道一絕見我地Encore嗌多轉就知法官大人我無補充.叉燒腸好食好食好好食又係足料正.鳳爪正常發揮.排骨正常發揮但好足料+1.干蒸牛肉燒賣後加ge因為見佢係咁播點整呀之類無限loop 下就嗌左但漏左單成粒鐘後先黎同牛肉球感覺好似如果比我再選擇絕對係牛肉球！.竹碳奶皇包正常發揮.最重點係佢尼隻收碟好快所以有下一輪客可以快d 食到飲個快茶再行街perfect 呀.ps:良心店supportpps:有良心既真係特別好食ppps:仲要嗌左呁多野先219, omg平到嘔飯啊！！！

我地真係好鍾意食點心同飲茶🤣🤣 今次我地黎到旺角呢間拒絕CCTVB訪問嘅良心小店- 喜惶點心，店內主打牛肉，一入門口仲有牌匾寫住牛肉世家，知佢咩料啦😆😆野食方面，我地首先試咗佢重點推介嘅➡️"乾蒸牛肉燒賣"，一籠4粒，咬落啖啖肉，牛肉仲好鬆軟，都唔錯架😋而➡️"粟米煎牛肉餅"，外皮金黃色，入面係好飽滿好香嘅牛肉餡，有少少似生竹牛肉加咗脆皮，真係估唔到咁夾😂😂➡️"芥末沙汁三文魚春卷"，就好似三文魚青瓜沙律放咗入春卷入面，外面脆得黎入面又有少少清新感覺，有興趣可以試下➡️"蜜瓜炸鮮奶"感覺就比較特別，平時炸鮮奶就食得多，但係加埋蜜瓜嘅果香同甜味都唔錯，不過就有少少好似變咗甜品嘅感覺🤣🤣➡️"蔥花炸兩腸粉"就真係誠意推介，腸粉皮好滑，炸兩腸仲保持到好脆，而重點係佢地麻醬好香濃同甜醬好夾，正架👍🏻👍🏻

呢間點心店真係最愛 因為佢質素高價錢實惠 今日純粹分享吓我平時常叫既幾種食物 竹炭熔岩流心奶黃包鮮蝦腐皮卷蝦餃粟米煎牛餅燒汁牛肉蝴蝶餅紫薯南瓜小丸子每一樣嘅質素都好高 食開嘅人我就唔多講啦 冇食過嘅就建議你去試吓如果行開呢邊 不過要注意啊佢好多時都要等下位 不過唔會話等好耐 俾個餐牌大家參考吓啦 佢呢度主要嘅菜式都係好晒啲嘅參考上面 款式話多唔多話少唔少 但係同傳統嘅酒樓相比 佢都有呢啲點心而且仲有其他新穎點心 不過係呢間點心店主打都係牛肉

晶瑩鮮蝦餃 皮唔厚 蝦又彈牙 真係鮮蝦 醬皇金錢肚 黎個好amazing 因為金錢肚超彈牙👍🏻 平時食嘅係無咁好咬口原隻鮮蝦滑腸粉 黎個我都覺得okay 因為真係好大粒蝦 係每舊都有 個皮我覺得厚薄都適中 蟹肉菜苗燒賣 我食完都無咩印象 應該係正常但唔特別陳皮山竹牛肉球 好大粒 同埋顏色比較粉紅 賣相幾好 不過喼汁唔夠酸 其實我係為左食喼汁皮蛋瘦肉粥 好少皮蛋 瘦肉佢係整到變肉碎 唔係搗拌機個種 係少少似肉絲個種 粥嘅口感有少少綿 都ok是日靚湯 節瓜章魚排骨湯 $10一大碗 我覺得都幾抵飲 同埋唔係一般個味精湯咁我覺得overall 係唔錯，賣相幾好，味道都好，staff 又充足有服務，價錢都好合理 如果大家係旺角又想飲茶可以去試真係比起集團式嘅茶樓好好多

星期六下午五點半 旺角行街餓餓地 又未夠鐘食晚餐 食咩好呢？ 嗯⋯⋯ 好似好耐無飲茶食點心 一於去食點心啦！因為真係太肚餓，我同我朋友一人叫左一個下午茶，佢食咗個「一個人的浪漫」，好豐富，八個點心都係56蚊咋，有招牌菜流心奶黃包、小籠包、紫芋糕（其實係紫色嘅清甜馬拉糕？）、蝦餃、春卷、腐皮卷、燒賣同叉燒包，真係可以一次過滿足你N個願望😍至於我，無佢咁餓，就叫左呢款平少少46蚊既「蒸心拼盤」，少左個春卷、腐皮卷同紫芋糕。下午茶時間叫飲品半價，茶芥每位4蚊，仲有其他下午茶餐，抵食又好食，好啱我呢啲咩都想試少少既為食貓，下次會再去食😋今次去食竟然唔洗等位，平時明明好多人㗎嘛，難得一間食得既點心店，食少見少，大家得閒就幫襯下啦。我唔想以後想飲茶都無選擇啊 小店加油💪

點心控🙌🏻大家最鍾意食啲咩點心？😽【 女人街抵食平民點心小店 - 喜惶點心專門店💛 】香港冇咩茶樓係黃店想食點心就可以點做呢？就係搵啲係專食點心嘅小店🤪呢間自稱係牛肉世家 牛肉類嘅點心係佢哋嘅招牌 係咪真係咁出色呢？大家點睇呢間成日排晒長龍 就算平日去都要等一陣🤯我嗰日母親節去食等咗近乎半個鐘座位有少少窄 同埋因為始終夏天又多人 一度食一到出汗🤣我係咪太肥要讚嘅係茶芥$4一位💛 好多茶樓都做唔到呢間點心好抵食 以呢個價錢來講已經算正常既 咩價錢咩質素啦🙈 ‼️下面話比大家邊啲好食邊啲認真麻麻‼️————————————————————🖤竹炭熔岩奶皇包🥧 $24黑色既奶皇包幾特別幾吸引個包都尚算鬆軟 唔怕乾爭爭一咬落去真係有流心既效果😛奶黃味就普通啦 不過都香既 同唔怕好甜既不過我個人鍾意有啲鹹蛋黃味🤣🍤晶瑩鮮蝦餃🥟 $32脹卜卜又大粒🤪入面有好大隻蝦🦐冇偷功減料但係個皮偏厚🙈再薄返少少會好啲🥢醬皇金錢肚🥩 $27個醬汁偏稀 唔夠好濃味🥺不過金錢肚都幾爽口 幾有咬口唔怕太腍配料仲有蘿蔔🌽粟米煎牛餅🐮 $25個人覺得偏油 一咬落去成啖油😿不過外皮都尚算香脆 而且入面嘅粟米牛肉好足料既 點喼汁

選擇好多 價錢正常所以嚟之前有啲期待嘅望落賣相都正正常常啦醬皇金錢肚 $27都正常質素嘅，不過可以再入味啲炸雲吞 $26都係正常嘅竹炭奶皇包 $24正常嘅!!!!!已經夠土魷香菇肉餅飯 $35飯焦底仲要係加錢先有😂又長知識但加完 都唔係好覺有成個飯都好油。好油啲餸都唔係好食🥲蟹肉菜苗燒賣 $29連燒賣都可以整到好油😂真係唔簡單XO醬炒蘿蔔糕 $36油到一個點滴得出油咁濟🥲鮮蝦腐皮卷 $27個人問題入面有芹菜 所以唔係好掂🤭唔知係咪最近 油大特價成餐淨係覺得好油🥶星期五晚7點幾，又黃又抵食嘅餐廳 都只係等咗10分鐘就有枱🧐係有原因咖🤫每人幾十蚊黃+抵食 試吓無壞嘅~

飲茶,係長時間活動,要搵同聲同氣既地方並唔容易,但唔啱feel就好易食都食唔落,除左老徐廚房,旺角哩間都係幾好,我主要飲茶係食蝦餃同腸粉,其他冇咩大要求,男人就要奶皇包.果對包入面既餡會成為佢挑剔既對象,蝦餃唔錯,腸粉都唔錯,棉花雞賣相就hea d,但食味都ok既,牛肉燒賣幾好,豉汁鳳爪正常,鮮蝦鹹水角唔ok,即場同廚房反映左了.仲有灌湯餃,都係正常既,奶皇包呢?影完哩張就冇機會再影到啦.因為佢個餡太流心,太正啦,男人極速咁消滅曬,我搶到半邊食....下次叫多籠囉好冇?

點心店嘅存在 就係當你夜麻麻想食新鮮點心嘅一個落腳點 旺角雖然有好多唔同菜式揀 但要搵到肯同你一齊食點心嘅人其實都唔容易㗎🥲粟米煎牛餅 HKD25聽講係本店必食之選 上枱時候熱辣辣外型同炸雲吞有幾份相似 中間夾住咗牛肉球加粟米 食落牛肉夠彈牙 又夠juicy 外皮脆卜卜加上中間軟淋嘅口感比想像中match ! 蟹肉菜苗燒賣 HKD29平時食開嘅燒賣多數都係豬肉撈蝦肉今次就落咗蟹肉 個人嚟識中意食蟹肉多過蝦肉 菜苗份量唔算多 撈入咗冬菇粒同豬肉味道唔算太特別 不過中意食燒賣嘅值得一試!名醬蒸美國鳯爪 HKD22一般貨色 夠入味 金翅瑤柱灌湯餃 HKD38依家好似少咗好多地方有灌湯餃啦賣相有蟹柳同瑤柱絲 啖湯飲落幾甜灌湯餃皮夠薄 絕對係加分位!海苔香煎蘿蔔糕 HKD21蘿蔔糕切得厚身 食得到有粗條蘿蔔煎得夠香口 配埋海苔成件事變得好日式芥末沙汁三文魚春卷 HKD29平時食開嘅春卷多數都係蝦同雜菜今次係青瓜同三文魚再配埋芥末汁一個幾新奇但又幾match 嘅配撘!個人嚟講係必試嘅炸蜜瓜鮮奶 HKD27加單之後等咗約10分鐘 相信係即炸食落炸粉簿 中間嘅蜜瓜鮮奶完全係維他奶嗰隻味😂 拎去炸都幾有

下午茶時間想食點心，好彩比我地搵到佢啫。個芥末春卷好好味呀~我最鍾意！另外必點炸蜜瓜奶呀！😌都係好岀色，仲回味緊😌，一定會再去食架！不過可惜我唔食牛，店舖介紹最岀名係我，大家都試下

籠仔荷葉北菇蒸雞飯 $37乾蒸牛肉 $29竹炭熔岩奶皇包 $24蟲草花魚肚雞 $33粟米煎牛餅 $25蜜汁叉燒腸粉 $25芥末沙汁三文魚春卷 $29大老火湯 $10係期待咗好耐嘅黃店嘅點心呀😻因為呢間都好多人等，今次同友人等到差唔多成點鐘先食第一餐，所以明明只係兩丁友都叫咗好多嘢，順便同各位試試味。以上菜式係根據心水排行！最有驚喜係個荷菜飯，好香而且個調味同出面食嗰啲完全唔同。打卡嚟講呢，竹炭熔岩奶皇包就一定要叫，夠晒靚仔💛喜惶係牛肉世家，各位嚟到一定要叫有牛肉嘅點心，所長大推乾蒸牛肉。鍾意煎炸嘢嘅朋友就可以試吓粟米煎牛餅，真心有牛香！另外心水係個魚肚雞，份量十足！呢度食物質素真係超晒班，如果大家冇budget去逸東軒嘅，不妨嚟呢間試吓！😋

雖然多去cafe 食brunch 但其實我都好中意飲茶食點心㗎😆 今次就試下去點心專門店💛竹炭熔岩流奶皇包呢個似係招牌來👑 望落黑黑嘅包幾吸睛✨ 但其實食落冇咩特別味道啦😂 一咬落去真係流心奶皇 好食🤤晶瑩鮮蝦餃飲茶食點心必點😙 一般蝦餃但個人熱愛蝦餃😋 大大隻蝦好食🍤名醬蒸美國鳳爪個鳳爪都係一般茶樓點心冇特別😬 食落都幾夠味 都幾易咬易食😀陳皮山竹牛肉球呢間聲稱牛肉世家 牛肉球睇來又係招牌💛 賣相來講差咁少少 個球體相對較扁😂 不過食落都幾好食 好軟好淋😋原隻鮮蝦滑腸粉上碟時已經切好嘅蝦腸😍 每舊都有隻蝦🍤 同翠玉瓜 腸粉都好滑好食🤤蟹肉菜苗燒賣燒賣又係飲茶必食點心之一😆 見佢係蟹肉同菜苗😳 食落又還好冇特別奇怪味😛 不過又係賣相差左少少🙈鮮肉灌湯小籠包來到個賣相又係差少少😬 不過咬開都真係做到灌湯😚 其實食落都好食啦🤣芥末沙汁三文魚春卷呢個唔知算唔算招牌😳 但又係見佢幾得意😀 外面係炸得好脆嘅但入面個餡料就係三文魚同沙律醬 幾特別😂

✨晶瑩鮮蝦餃 ($32)大大粒脹卜卜🥰🥰入面感覺全部都係蝦 冇乜加其他嘢入去✨蟹肉菜苗燒賣 ($29)感覺成舊都係瘦嘅豬肉 不過都唔會韌反而比平時食落嘅冇咁油膩香滑免治牛肉腸粉 ($27)見到呢度點心紙前邊成版都係牛肉主推應該係牛肉點心咁就叫咗呢個腸粉 其實呢個係幾好食嘅不過唔識芫茜嘅朋友要注意啦呢度同一般嘅牛肉腸一樣都係有嘅所以我揀得好辛苦 食到有啲核突😂😂芥末沙汁三文魚春卷 ($29)其實味道係OK嘅 少少嗆辣既沙律醬平衡返炸嘢嘅油膩但係因為中間啲醬實在太多食食下成口都係醬變咗炸嘢唔油 但係沙律醬好油唔係好食得到餡料嘅味道蜜瓜炸鮮奶 ($27)我諗大家有飲過陽光蜜瓜奶嘅人都會想像到呢個係咩味我係覺得如果炸皮可以脆啲就好啦土魷香菇肉餅飯加飯焦 ($29+5)呢個味道不過不失啦 如果肉餅可以有多啲咬口就好例如加多啲章魚粒或者馬蹄而家咁樣撈埋食 感覺唔到食肉餅似係啲有調味嘅飯可能本身夠肉餅太鬆軟(?)啦