喜惶點心專門店

營業中

休息中

同朋友喺旺角行街突然心血來潮想食點心，知道女人街有間好出名嘅點心鋪就去咗試吓，個人認為呢間水準幾平均，食得出用嘅食材比出邊靚，而且相比起酒樓會冇咁嘈同埋裝修得較企理，坐都坐得舒服啲🙉▫️粟米煎牛餅 | $25用雲吞皮夾住牛肉炸，咬落外脆內軟(但就偏油膩，食一舊就夠😈)而且入面都幾多粟米🤭▫️燒汁牛肉蝴蝶餅 | $32有啲似片皮鴨同肉夾饃嘅食法，又有啲似中式burger🤣牛餅嘅味道會比前一款更出，食落就係牛肉球咁，配埋甜甜地嘅燒汁幾惹味😌▫️乾蒸牛肉燒賣皇 | $29豬肉燒賣就食得多，牛肉燒賣都係第一次食😲呢款食落比之前嘅牛肉點心飽滿彈牙，應該係加咗肥肉嚟增加香味同口感，而且冇咁重芫荽味😇▫️魚肚四寶滑雞扎 | $32好足料，有魚肚、冬菇、蟹柳同大大舊雞肉😆▫️醬皇金錢肚 | $27正常水準，金錢肚幾淋幾厚切，唔會太鹹😙▫️金翅瑤柱灌湯餃 | $38湯底清甜，有瑤柱同素翅😊灌湯餃個餡食落有啲漿口(聽講係用咗豬皮、大菜、雞腳等含有豐富collagen嘅食材凝固而成)，可惜小編唔係太識欣賞，如果係豬肉餡就更好喇🤪* 餐廳設加一服務費及茶芥($4@位)💫7.5/10

旺角依間點心專門店打住牛肉世家既名號，所以招牌菜上面每一樣嘢食都係牛，我哋一場嚟到當然都唔執輸，試吓佢嘅牛肉出品。蒸點同埋煎炸野我哋都有叫到。乾蒸牛肉燒賣，牛肉口感都幾鬆軟，呢個鬆係好食有肉汁嗰種，咬入去仲有大大粒馬蹄，增添左啲唔同嘅口感。呢個煎牛餅對我來講就油左啲，比較似炸點。佢個外圍係脆卜卜嘅，咬開都有好多粟米粒係牛肉餅入邊，味道不錯。講開炸嘢，介紹埋另外一個特色點心 - 蜜瓜炸鮮奶。炸鮮奶食過，蜜瓜味嘅就比較少見。外層脆皮，入邊係甜甜軟軟好似布甸質感嘅蜜瓜鮮奶，食落仲暖粒粒添！相信如果佢出蜜瓜牛奶糕都一樣會好好食～依度嘅春卷都唔係傳統嘅春卷，入面嘅餡料係煙三文魚、芥末沙律汁同青瓜，我個人就比較鍾意傳統春卷味道多啲。最後由於依餐係晚餐嘅關係，我哋都叫咗個飯黎飽肚啲～份量都幾多夠兩人分享（有兩隻鳳爪呢）鳳爪係好林嘅，好容易吐晒啲骨出嚟。排骨就唔會太林，保留返肉既質感。而且餐廳好細心咁 將豉油另上，可以因應自己嘅口味調節咸淡～好彩我哋食飯時間比較早，一入去就有位。但食完飯出嚟見到門口已經有好多人等緊位，似乎都有好多人欣賞佢嘅點心呢！

上次去咗旺角嗰間喜惶點心食點心覺得好好食，仲成日同屋企人強烈推薦今日同老公放假再次食點知一去到坐張凳超污糟其實嗰下我有諗過用濕紙巾抹一抹先 但我又想問其實我係一個消費者點解要係我用濕紙巾去抹張凳呀唔係店員幫我抹呢加上呢啲都唔會係個客坐落去先要求個店員做啦其實張凳要保持乾淨呢啲係個客未嚟之前已經要做啦 好啦跟住我坐啦我哋嗌咗八個點心 1.牛肉燒賣加上係招牌，做得好出色 皮薄餡靚2. 北菇蒸雞飯冇跟豉油個賣相就好似啱啱打完仗咁味道一般3.牛肉腸粉因為都偏大嚿加上我自己本身唔太好 味道正正常常啦我都係淨係食咗一嚿 4.芥辣三文魚春捲呢個就一定要食自己鍾意食脆口加上三文魚同芥末所以呢碟係清曬5.豬肚雞扎 自己唔鐘食豬肚啦雞都尚算嫩滑ok嘅 6.雪山叉燒包因為太飽喇所以我淨係食咗一啖個皮好好食，個餡料夠多 7.蝦餃 正正常常，夠大粒8.金錢肚 味道正常，食哂其實老闆同員工態度都唔錯睇得出係以客為先，有心做不過就唔會定時幫你加水因為我見到我同隔離嗰枱客冇水好耐都冇人幫我哋加水 同埋環境衛生就好差做飲食其實除咗出品好之外衛生都好緊要㗎

星期日中午來食午餐，有少量人喺門口排緊隊，等大約10分鐘就有得入，而等緊嘅時候店員都會比定餐廳客人選食物，等客人一入到去就可以落單。呢度牛肉係主打，當然試吓個粟米牛肉餅。牛肉食得出係新鮮好食，肉質鮮嫩，品質遠勝一般酒樓的牛肉餅，而粟米亦都令個牛肉餅帶有一點甜美，整體質素高，值得推介！芥末三文魚春卷，係一款幾有創意嘅點心，冇乜喺出邊的餐廳見過，食落去芥末味少少辣辣地，幾開胃！而三文魚亦都好好食，同芥末嘅味道相輔相成，形成咗一種有鮮味又有少少芥末嘅對比，值得一試。酥皮叉燒包都好有驚喜，味道拍得住咪知蓮點心小店嘅叉燒包，叉燒新鮮好食，餡料的量亦都好足，會令人想食完再食。炸蜜瓜牛奶，本身好有期待的一款菜式，但係食落感覺失望，蜜瓜味食得出係落咗蜜瓜粉，味道比較人工，而且炸出嚟嘅質感唔算香滑。凍鳳爪係餐牌上係佢哋嘅新菜式，食落中規中矩，同普通泰式餐館嘅鳳爪差唔多，但呢個就唔算辣，唔食辣嘅朋友仔應該都可以食到。整體來講，餐廳食物大多質素都不錯，價錢也不算貴，而且也有不小創意菜式，係一間高性價比的點心餐廳，值得支持！

經過女人街見到呢間點心，就去試一試入到去店裏的職員有禮貌，發現原來牛肉比較出名，但因朋友唔食得牛肉，所以只好叫其他，不過仲有好多點心茶芥叫左香片，有茶包在水壺，味道正常。醬汁鳳爪：夠味，入口皮比較軟和淋。蝦餃：皮薄餡多，其中一粒咁啱有小蝦殼。混醬布拉腸粉：薄皮好滑酥皮焗叉燒包，外層鬆軟，味道足夠，但皮比較油。竹炭奶皇包，有驚喜，有流沙奶皇，但皮比較厚，味道唔錯蟹肉菜苗燒賣：好鹹，冇菜苗味道，越食越咸

旺角成條女人街呢間餐廳最多人排😅 因為價錢唔貴既點心店不多👍🏻 自稱真材實料既牛肉世家🐄 一試牛肉點心果然水準不錯😊 其他點心合格不過不失 唔洗排咁耐就可以一試💕⭐️ 粟米煎牛餅 🌽入口香脆但唔太食到粟米味💛 牛肉味夠濃⭐️ 乾蒸牛肉燒賣皇 🥩用鮮牛肉造成既燒賣特別有口感😋用蒸的方法更能凸顯真材實料⭐️ 竹炭熔岩流心奶皇包 🌋奶皇餡不多 所以流心效果麻麻地😕 味道不會太甜太膩⭐️ 酥皮焗叉燒包 🍖酥皮唔會太乾 脆卜卜啱啱好😚 賣相好飽滿但叉燒餡料可以多D😅⭐️ XO醬炒蘿蔔糕 🥕XO醬欠缺鮮味🌊 整體炒得太油太濕🔥 口感偏向粉漿 ⭐️ 蜜汁叉燒腸粉 🐷腸粉皮值得一讚❤️口感好滑溜 帶米香🍚⭐️ 籠仔荷葉北菇蒸雞飯 🐔冬菇同滑雞唔油膩亦唔會太乾🍄 飯粒希望帶點荷香味☘️ 飯粒加入雞油 帶香味但調味過鹹⭐️ 醬皇金錢肚 💰牛肚爽口但調味不夠入味🌝⭐️ 紫薯鬆糕 🍠煙煙韌韌口感好有懷舊的感覺 🏮紫薯味淡淡的不突出 💜

經朋友介紹到訪，服務態度一流，等位都唔洗等好耐，上菜速度又夠快 牛肉世家, 必食牛肉球!!! 味道一流👍🏽👍🏽 不得不提蜜瓜炸鮮奶 黃牌經典 👍🏽地方就腳一定返嚟食

小編其實好中意食點心！但搵間黃💛嘅點心鋪真係好難好難🥲皇天不負有心人！小編搵到啦～質素性價比都唔錯🤤 即刻推介比大家😆📍 乾蒸牛肉燒賣 ($29）聽講餐廳係牛肉世家🐄所以牛肉點心都係必食❣️包括牛肉球、煎牛餅同埋呢個皇牌牛肉燒賣都唔可以錯過🤣一籠4粒 成粒都係牛肉 牛味好重！食落有少少似牛肉球～賣相同口感唔錯😌📍 酥皮焗叉燒包 ($26）呢個包第一眼望落去覺得佢唔夠色水🤣但食落又另一回事咬落去好鬆軟 又多汁喎唔會食到口乾～但小編個人認為叉燒唔夠多 😭📍 粟米煎牛餅 ($25）餐廳馳名牛肉當然要try try呢個點心💋入面係粟米🌽+牛肉 出面有炸皮包住佢地 即叫即煎 脆卜卜 口感不錯👍🏻重點 芫荽味唔重😹📍 晶瑩鮮蝦餃 ($32）Omg呢個蝦餅世界級😍😍😍佢個皮真心薄 晶瑩剔透入面d蝦又大又鮮😆 小編有encore叫多一籠🤤📍 芥末沙汁三文魚春卷 ($29）第一次見春卷加三文魚😄所以就好想試 但一般般皮好脆 夠熱 但沙律醬過多！多到食唔到其他配料既味食落以為沙律卷🙂🙂🙂📍 鳳尾蝦香辣鹹水角 ($25）好sad啊 小編見唔到人介紹鹹水角😔明明佢都幾好食😋雖然皮唔算好薄 但勝在足料每啖都食到

隱藏在旺角女人街裡既小點心店例湯，標明冇放味精大大碗好足料,又有豬骨又有蘿蔔,非常清甜油菜是唐生菜 味道不錯,跟菜配煎蛋牛肉餅飯 算不錯 肉餅很厚實 食落好有牛肉汁將蛋黃醬汁拌勻一起食,味道香濃豐富每個飯是現蒸的，米飯口感不錯唔會太過濕身 下午茶時段有特價,想抵食D可以下午時到訪~!消費$70Shop 17, G/F, Tung Choi Street, Mong Kok

男朋友話好耐無飲茶，所以特登搵左幾間九龍區出名點心舖，當中亦有米之連平民茶樓，可惜胃得一個，食唔到咁多間，最後綜合Openrice同Youtube嘅意見，最後揀左呢間評分唔差嘅點心店😏。本身想飲下午茶，但餐廳下午茶要3點先開始，Lunch都未食嘅我地無可能等到3點，最後我地只點全日同價嘅點心，感覺無咁蝕底😂。我地兩個都係大食鬼😅，點左8樣野!! 其中有3樣係牛類，全因餐廳聲稱自己係牛肉世家，對牛魔王嘅男朋友黎講，當然滿心期待啦!!牛類點心分別係燒汁牛肉蝴蝶餅、粟米煎牛餅、香煎沙嗲牛肉包。燒汁牛肉蝴蝶餅$32點佢嘅第一個原因係之前睇片見拍片者話好有牛味、必食，二黎係第一次見呢款點心，咁特別當然要試下啦。咬左第一啖😯，我就叫男朋友唔好試，因為塊牛肉餅係無左馬蹄嘅牛肉球，男朋友聽完勁失望，因為佢唔中意食牛肉球陣芫茜味。我一個人食左三舊，評價就係牛肉球同芫茜味囉，點解有人會話佢有牛味嘅?! 🙄粟米煎牛餅$25呢款係食客推介之選，外皮好薄，可以隱約睇到入面d餡，加上我地都中意食煎炸野，一上枱就即刻試。一入口，「D…🤐」個餡咪係馬蹄換左粟米嘅牛肉球😑….又係有芫茜，唔食芫茜嘅男朋友表示崩潰。香煎沙

呢間係食牛肉點心專家 當然都提供埋好多傳統點心呢度食到既出品都非常有水準炸兩腸粉 陳皮山竹牛肉球 皮蛋瘦肉粥 鮮肉小籠包 皮蛋瘦肉粥好綿滑 肉碎同蛋皮已經煲到溶曬,入口好滑好有米花炸兩，個腸粉皮好薄仲好滑,滿滿既麻醬同甜醬非常好食山竹牛肉球仲要好多茜蔥夠曬香口 又彈牙小籠湯包 個賣相麻麻,但入口湯汁好多好鮮甜好食評分8/10消費$200旺角通菜街17號地下

食物質素ok，但價錢方面相對平，但最欣賞係臨收工一刻、員工服務態度仍保持親切、非常難得👍🏻👍🏻👍🏻地方清潔上都可以接受、係香港有咁樣的員工都係好難得。

諗住去飲茶，search 到呢間食點心，冇抱好大期望。兩個人食咗幾樣點心，食物都屬於中上水平。職員都好積極，冇收加一。惟獨一樣野係杯碗同筷子唔夠乾爽，有少少黏黏地。

💛💛💛旺角呢間黃嘅點心店成日都大排長龍🤭🤭最緊要係價錢好平而且水準又高今日專程嚟到試吓佢哋最出名嘅幾樣點心😍竹炭熔岩流奶皇包佢哋嘅奶皇包係必食嘅點心之一🤭外表有別於一般奶皇包 係好sugnature嘅黑金色咬咗一啖之後 啲奶黃就熱辣辣咁流出嚟食果時記得小心燙口呀‼️‼️‼️‼️乾蒸牛肉燒賣見到舖頭d訪問介紹話佢哋幾代人都係牛牛養大可以話係牛肉嘅世家🐮所以一定要試吓佢哋牛肉類嘅點心🐮除咗一般嘅牛肉球之外 佢哋仲有牛肉燒賣🐮其實味道同牛肉球差唔多 🤔不過外表係燒賣嚟 超有特色🥰豉汁鳳爪排骨飯特別嘅地方就係佢哋唔係用一盅盅上而係用瓦煲 好似一碗碗迷你煲仔飯咁🙂所以可以比客人選擇加錢要飯焦底😉海苔香煎蘿蔔糕平時食開嘅蘿蔔糕都唔會加紫菜呢度啲點心真係夠哂與別不同😋原來加埋紫菜有幾夾🧐蘿蔔糕唔會太重粉 夠晒足料呀😝蜜瓜炸鮮奶依個點心真係好小可仲有得食😖就算有都未必係好食😟不過呢度炸得啱啱好外脆內軟😝而且仲好哈密瓜味 又唔會過甜過漏 😳

兩個人下午茶時段去 叫左個下午茶既set一個人的浪漫 💕好靚牛肉腸粉名不虛傳 真係好好味蜜失炸鮮奶入邊真係成舊蜜瓜 好甜👍🏻不過麻麻地個舊糕，有啲似黃糖糕既質感，但每人口味不同既