喜來稀肉 (登龍街)

營業中

休息中

喜來稀肉 最大印像就係全店都係韓國人全店都好熱鬧,好多人係狂飲酒但呢度既食物都相當高水準今日約埋食新年開年飯叫左幾款燒肉同埋海鮮泡菜湯+飯先來一客海鮮泡菜湯 附一碗白飯 同時會開爐,煮熟芝士爐邊蛋同泡菜蛋仲有免費既漬物,沙律,佢既泡菜偏濃辣沒有回甘味,偏向辛辣,菜也無咁厚身食完成身暖曬,夠曬辣度  附一盤生菜夾燒肉食配辣醬或麻油鹽 牛肉眼扒 原片厚切上先用油脂抹爐,再煎咁先唔會痴底~烤肉都要有技巧火力猛,熱力強,煎1分鐘就要反轉另一面煎兩面同煎各1分鐘左右,咁就可以食啦肉味濃,油花平均,點返少許鹽已經非常夠味泡菜湯有蟹,青口等配料湯係火紅,但入口不太辣,反而幾鮮味！銅鑼灣登龍街41-51號金龍大廈地下3號舖及1樓Shop 3, G/F & 1/F, Golden Dragon Building, 41-51 Tang Lung Street, Causeway Bay

食韓式燒肉唔使一定要去韓國既，銅鑼灣都有得食㗎！呢度好多款野食揀，如果人數唔多，但又咩都想試下可以揀套餐。我地揀左「壹頭牛」套餐有5種肉，有喜來烤肉、牛五花、牛肋骨肉、牛頸同牛排骨，燒完用菜包住食好正架！如果鍾意食蒜既朋友重可以夾蒜頭，好好味㗎！原來個醋飯都唔錯，我放埋落爐燒，外面脆脆地都幾特別，食埋爐兩邊既芝士蛋同泡菜蛋，咁就一定飽飽喇！套餐野飲可揀罐裝果汁，有幾隻味可以揀，我試左桃汁都唔錯㗎！

一坐低，職員會先幫忙添滿蛋漿，一邊係芝士，另一邊係泡菜。亦預先準備好三小碟，生菜好新鮮醬料亦已準備真雪花牛肉 $208，這個比較餐牌其他牛肉項目較為厚片，油脂分布好均勻，真係真雪花，一入口，好香濃既牛味，好軟身，有入口即溶嘅感覺，無揀錯！喜來烤肉$138賣相好靚，份量唔少，相比起真雪花牛肉較為薄身，食落較有𡁻口，唔錯喜來五花肉配特製醬汁 $133除左牛，當然要試埋豬啦，食韓國燒烤，我尤其喜歡五花肉，一層肥一層瘦，分佈好平均，下次黎一定encore包埋生菜及配料一齊食，另有一番風味。呢杯係韓國紅酒，估唔到真係唔錯喎！呢個係新menu,忘記左個名，味道豐富，帶辣

今日咁凍緊係黎食韓燒啦喜來稀肉就係銅鑼灣附近今晚等埋朋友放工就一齊黎食叫左個喜來烤肉，雪花牛，同埋一個石頭伴飯肉未黎先上左幾個伴菜同埋我最鍾意既爐邊蛋爐邊蛋有芝士同埋泡菜兩款口味蛋好滑 可以refill的可以無限食芝士蛋好正先黎喜來烤肉肉質薄薄地，佢將肉捲成一朵花打卡一流肉質好重牛味，唔建議燒太耐7成熟就岩岩好真雪花牛肉肉質分佈好靚，油脂分佈平均完全唔會覺得油膩，食落肉質鮮嫩入味比較推薦呢個最後食埋個石頭窩伴飯飯面鋪上左大量紫菜好吸引

今日約咗老婆去銅鑼灣食韓國燒烤，今次揀咗銅鑼灣嘅喜來稀肉。淨係睇門口餐牌已經覺得呢間烤肉非常之正宗。今日同老婆唔想諗食乜嘢所以就咁掉咗一個二人拼盤套餐beef set. 個套餐個樣望落去唔算大份但係食落去非常之飽肚，呢一個套餐差唔多包括牛肉最好食嘅所有部份。職員非常體貼見我哋個燒烤網有少少黑，就已經自動過嚟幫我地換。牛肉嘅質素非常之有水準。最好食應該就係特級牛頸同埋喜來烤肉，texture 最好而且牛味非常香濃

晚餐.1) 護心肉 갈매기之前到訪其他烤肉店 經友人介紹美味的護心肉結果一試難忘自此每逢在烤肉店看到有護心肉都要點這次也沒有讓我失望呢肉質很滑很多汁 亦很鮮味的感覺 脂肪比例適中亦很快熟 很快便燒好可以吃了韓式的燒肉本身都已調味單吃或用生菜夾著吃 都很好吃不用刻意另外沾醬汁.2) 調味梅肉 양념 목살一份梅肉有兩大塊也是很快便能烤熟了味道也不錯比較濃味 肉比較乾身所以個人還是覺得護心肉較合口味.3) 兩款肉的份量都頗多.4) 海鮮泡菜餅 해물김치전本來點了薯仔煎餅 可是來錯了 有點失望但這款也不錯的煎餅很柔軟 邊位有少許脆不會煎得太燶或太乾附有少許魷魚/八爪魚類的海鮮不辣.5)柚子汽水 유자에이드本來點了西柚汽水 但 又來錯了不過這款也不錯其實就是柚子茶的味道.6) 梨汁 갈아만든배凍飲好味但放久了不夠凍的話會略甜.貼心店員久不久會來幫忙換燒肉架我們只燒兩碟肉 期間已幫我們換了兩次了這餐的整體質素不錯如想吃韓燒的話可以考慮唯一是泡菜的味道有點太辣

每到秋冬天都好想烤肉梅肉 燒到兩邊焦香 香口得黎又充滿肉汁陪生菜一流 辣五花肉 每次烤肉必點!!!唔吃辣嘅朋友都可以嗌原因係 韓國辣椒醬 唔會太辣 但又滿足到 小重口味嘅朋友五花肉層層分明唔會太油膩 仲會好爽口我自己就十分鍾意石鍋飯 石頭鍋嘅溫度十分之高所以啲飯熱辣辣 粒粒分明加上各種韓式配菜 同埋 芝麻油同埋鍋邊產生嘅飯焦味道一流 諗到都想吃多碗真雪花牛肉 睇相你就知道佢份量多同埋油脂分布好靚唔會好似個和牛咁成口油咬落去好軟熟同埋充滿牛味鍾意吃牛就唔可以錯過整體黎講環境舒服 寬敞員工服務態度唔錯最緊要 補蛋 補配菜 補得快

冬天迷思 想吃啲暖粒粒嘅圍爐晚餐除左打邊爐 燒肉就係最好嘅選擇所以年初一嘅夜晚就同屋企人吃喜來稀肉真雪花牛肉 $208性價比好高 一共有10塊牛肉油花分佈的好靚 對於咁靚嘅牛肉 我會直接點小小鹽入口唔會太油 軟熟得黎又有好強嘅牛味辣五花肉 $133吃韓國烤肉就要叫五花肉 睇韓劇睇太多 唔太吃得辣 都覺得接收到加生菜 泡菜 蒜頭 一啖咬落去十分過癮主要覺得 吃到菜無咁大罪惡感梅肉 $180口感會比較紮實 吃落去 比較彈牙燒嘅時候唔好成日翻燒到兩邊焦香 鎖住肉汁就最好吃石鍋飯 $85簡單一個飯都唔簡單韓國飯芝麻油唔可以小飯一黎就聞到好強嘅芝麻香由於煲太熱 所以飯底都變成飯焦軟熟嘅飯 加上各種小食材 芝麻油 飯焦作為一餐嘅結尾 簡直無得輸而當晚雖然好多人不過服務都唔錯落飯 上菜 同埋 補泡菜 蛋液都好快手係一個唔錯嘅團年飯提早

終於有時間食LUNCH@喜來稀肉 Seorae地址：銅鑼灣登龍街41-51號金龍大廈地下3號舖及1樓份工忙到可以用奴隸生活架形容, 人工低被剝削, 仲要做苦力, 沒時間食LUNCH(沒飽肚日子)好不容易在新年, 怎樣忙都要出去LUNCH, 唔洗咁凄慘中午一定唔夠時間食燒食, 點選麵飯湯就是合理的泡菜豬肉湯可以品嚐到酸中帶微辣的湯頭, 好喝又開胃! 而泡菜有益生菌, 雖然加熱後都殺死不少益生菌!! 還有半肥瘦的豬肉片, 兩樣東西加起來很夾, 而泡菜的酸味能降底豬腩肉的油膩感。寒冷的凍天一碗熱湯, 真的喝到眼淚在心中流, 要珍惜有時間能吃午餐的日子,不用再光合作用

今晚終於的起心肝去呢度食燒肉點解會揀呢度呢係因為佢唔似一般韓燒咁有大量調味去帶出肉味係真真正正食到啲肉既質素有幾高。。。餐廳喺大廈既一樓有大大個窗台唔怕啲油煙焗喺室內食到成身都係煙臭味😘😘呢個要讚。。。野食方面我地叫左個二人拼盤套餐喜來烤肉、牛五花、牛肋骨肉、牛排骨、特級牛頸每樣既份量都有大概8片好足夠兩個人分牛五花高質輕輕咁燒一燒即食唔洗任何調味牛味濃厚爆到成口都係汁好好食！真係好想encore但其他肉都好好食都係高質肉味濃加埋啲芝士蛋、泡菜蛋同埋可以無限添加既前菜真係食得飽到不得了唯有下次再黎食過😂😂🤠最後個套餐仲包埋兩杯野飲大概$500兩個人食到飽飽其實都好抵好過食燒肉放題啦！

呢間燒肉其實真係想食好耐不過次次黎到銅鑼灣都因為有太多其他選擇所以都無乜機會食🙈🙈😂😂今晚終於的起心肝唔受其他引誘去呢度食燒肉......餐廳位於大廈1樓但可以話係半開放式因為有大大個窗台喺度散味唔洗驚焗住啲油煙食到件衫勁大陣油煙味呢樣抵讚😘😘.......野食方面今次我地叫左個二人拼盤套餐有牛肋骨肉牛排骨特級牛頸牛五花最最最驚喜係牛五花輕輕咁燒兩三秒之後見到啲牛肉汁開始必出黎之後即刻放入口唔需要任何調味牛味濃厚成口都係肉汁正到不得了真係相當回味真係好想encore但個餐既份量已經好多兩個人食都夠飽唯有下次再黎食過😂😂🤠

過年前夕，約左朋友去喜來稀肉食韓燒計起上黎都食過幾次，水準依然keep得好好店鋪staff過半都係韓國人，完全係去左韓國既感覺而且佢地收碟上菜都好快，抵讚銅鑼灣呢間第一次食，早去到都唔洗點等位見到餐牌都有幾款套餐幾抵食，但因為我同朋友都唔太肚餓，就冇叫到set叫左2款牛試下，之前都未食過再加埋石頭鍋拌飯，飽肚度剛好要左招牌喜來稀肉，份量都唔少，每一件都好大塊，食起來juicy滑嫩，好有滿足感真雪花牛肉好驚艷，雪花分佈平均，只計賣相都已經滿分，食落更有融係口中既感覺石頭鍋拌飯有肉、大量芽菜、菜、雞蛋，一啖食哂口感十足最後叫左罐提子汁，飲落有好濃郁既提子味，而且仲有啫喱，充滿驚喜

好耐冇食過呢間韓燒啦 唔知係咪人大咗 定佢真係平左 我覺得佢平左同埋好食左好多😍😍😍今日冬至 食燒烤都好適合 雖然我依家打緊邊爐 😂😂但係因為個邊爐無咩特別就唔post lu 大家冬至快樂啊👨‍👩‍👧‍👧·護心肉$150呢個完全係喺韓國食到嗰個水準 個調味剛剛好 肉質又係勁好 超正😭·牛舌 $140呢個又係好好食 有陣時啲餐廳既牛舌口感會唔係咁好 但係呢隻完全冇呢個問題 唔會太un 超好食·喜來稀肉 $130呢個相比起另外果兩個就一般d啦 但係都係好好食嘅 但係冇前面果兩個咁驚艷😈😎·#rbyeat#rby銅鑼灣 #rby尖沙咀 #rby旺角·📍銅鑼灣登龍街41-51號金龍大廈地下3號舖及1樓📍尖沙咀金巴利道79-81號金栢閣1樓連地下📍旺角廣華街3號百利達廣場地庫

以前一開張喺尖沙咀排咗兩個幾鐘隊到而家cwb 店6:00都要等一兩個位好野先會有人排隊既首先全部Staff基本都係韓國人價錢呢係韓燒黎講相對我覺得係平嘅今次叫左咗個套餐：一隻牛有圖片上面嘅肉同包兩杯果汁另外仲帶咗一支真露不過印咗韓文字好得意款肉加埋仲有紫菜醋飯兩個人食已經都夠飽路邊嘅芝士蛋同泡菜蛋漿都係任添嘅泡菜生菜無限添加蔥泡菜超級愛！而且唯一十分之體貼嘅地方係佢會幫你換爐韓國呢就一係基本嘅服務但係香港呢有好多韓燒店呢都比較偷懶2個人加埋6百幾超值😉

The staff attitude were really worst .Didn’t check with customers before throw away the cake boxes that we brought inEven had a Korean lady said we are ridiculous as they already offer a solution that will provide us the take away box but we had two cakes and didn’t sliced all!Never experience such that attitude.The very first time we heard that if we need to keep our things we are the one need to inform the staff, but not they asked before throw away.Discount or waived anything are nothing, ple