喜來稀肉 (登龍街)

營業中

休息中

老實講,佢啲肉唔算特別平,但第一次食, 食完之後都覺得物有所值。而且佢既格局同我係韓國食到最地道既燒肉店係一樣架，好有風味，另外值得讚既係，佢抽風同通風都做得好好，食完都唔會成陣味，開晒D窗，空氣勁流通，呢排食都唔驚有事啦～兩個人叫左兩份肉，肉黎講脂肪偏多，但超JUICY!!!!!!!!!!! 冇點同其他SOURCE黎食都好正AROUND $ 100- 200一碟，兩個人已經好飽喇！加上佢爐邊有慢煮蛋，超正宗，超地道，冇得彈。呢個辣既冷面就冇咩特別，不過$70 左右，食下呢D酸酸甜甜既野都幾開胃食燒肉點可以少得啤酒。佢同韓國當地既啤酒一樣，都係比我地平時飲開既偏甜同淡，果然係正宗韓燒：３冇得去韓國就食完喜來希肉先啦哈哈

真係好耐好耐無食韓國燒肉啦一於訂定位食餐好味嘅！一埋位，就已經有生菜同前菜擺係檯， 但好似唔知擺咗幾耐，封塵中之後叫咗內烤肉，牛舌，雪花牛肉同石頭鍋飯...由於d肉都比較薄，所以好快熟。 已經等唔切，即刻包菜、kimchi、蒜頭同辣醬 側面嘅泡菜蛋同芝士蛋就慢慢煮熟侍應refill速度都算快... 1.5鐘享用時間啱啱好

上次比人食左餐打邊！！今次又輪到我服仇啦！！門口好有韓國feel!! 去到會幫你探體溫同比酒精捽手液！保障客人同員工！有良心！！一坐底就比左3碟前菜！碟泡菜！好正！！夠辣又爽脆！！男朋友話太辣囉！！佢就話碟豆芽岩佢d 甜甜辣辣！我就冇食！叫左一頭牛！！有幾隻唔同架肉！扭晒花果個！大大塊！又淋又有牛味！就咁食都正！！包住菜食最緊要係加蒜落去！！有個比d醬調個味！特別深色！果個不得了！一燒個陣醬油味出晒黎！！食落肉淋醬香！冇得輸！！短短地果個！比較有咬口！！就咁食會合適多d！個醋飯d芥辣有驚喜！好鬼攻鼻！上晒頭！杯柚子梳打正常野！不加10蚊都可以慨！食完e餐等我食多佢2-3餐 就輪到我請啦。。。。條友真係好鬼大食。。。又要破費啦。。。。

今晚同左女朋友係銅鑼灣食烤肉係我公司附近嘅呢間烤肉每一日都有好多人嚟排隊好彩今日早早book咗位就有得入座店員好貼心咁樣幫我地準備咗幾個小配菜有韓式嘅傳統泡菜 ， 醃製嘅蘿蔔 ，同埋一啲生菜 女朋友話韓式嘅食法就係將燒好嘅肉放喺生菜入邊食🤣首先我哋要咗個石鍋拌飯見到佢好好咁樣將韓式嘅辣椒醬俾我哋自己按自己要嘅份量放上去🙋嬲完之後有少少飯焦 好香脆而且有少少辣度之後我仲發現佢個韓式辣椒醬好適合用嚟點肉😁今次我哋要咗護心肉豬皮牛肋骨肉,雪花肉同牛肉眼👍首先豬皮煎完嘅骨膠原會出晒嚟,點一點旁邊嘅粉 非常之香口!而且護心肉同牛肋骨肉既肉味好濃 用嚟配返佢平時嘅生菜 都唔錯至於自己最鍾意就係雪花牛肉 因為油脂豐富入口即溶牛肉眼嘅份量好大塊 夠晒兩個人食👍👍呢一間韓式烤肉喺香港來講都已經名列前茅!!而且入邊嘅格局仲好友韓國嘅味道添

上次食左女朋友請食打邊邊！又再輪反我請佢食！！ 口痕痕 就去左食燒肉！！！門口d裝潢都好韓風！ e家非常時期！一入就探熱！要比酒精卒卒對手！保障客人同店員！！！坐低未叫野食就有d頭盤比係食住先!泡菜唔係有科學味果d！！幾好食！都幾辣下！ 甜辣醬拌豆芽！e個正勁開胃又唔係太辣！酸青瓜就正常！冇咩特別！左右兩邊有泡菜蛋同芝士蛋！！比舊肥膏你開鍋！！香！叫左一頭牛！喜來燒肉 肉味濃 又大片！燒調味牛排骨 最香 又淋 又夠味！唔洗點醬食 ！最正e個！五花肉 比d肥用黎比菜夾住食就最岩！！！跟餐有野飲加10蚊轉左藍色檸檬汽水！值一轉黎試下！到低我仲要有幾多餐還。。。。

話說最近愛的迫降呢套戲真係好Hit所以都即刻約男朋友嚟食一餐韓燒開心下今次嚟呢一間係香港我覺得最好食嘅韓式BBQ餐廳之一 而且佢嘅格局都係超典型嘅韓國風格首先一上菜就有唔同嘅配菜俾咗我哋試有一啲淹左嘅蘿蔔泡菜同青瓜絲 仲有一籃生菜同其他幾葉俾我哋用嚟包住啲肉食 而且係個路邊已經有兩種唔同嘅爐邊蛋俾我哋食 超級香噴噴而且肉類我哋要咗護心肉 牛肋骨肉 韓式烤豬皮 真雪花牛肉 牛肉眼首先先講下豬肉，我嗌嘅呢兩種豬肉肉味都比較濃 而且燒出嚟嘅感覺都比較juicy 而且佢哋嘅油脂分布都比較平均 唔算特別肥 我覺得點左佢哋配嘅醬之後連生菜食 真係好正至於佢哋嘅韓式豬皮都非常之獨特 ，因為以往嘅豬皮都比較容易癡底 但佢呢一隻燒到好透都唔會有呢個情況至於我哋對於牛肉嘅質地真係非常滿意！因為牛肉嘅雪花真係好靚 屬於頂級嘅韓國牛肉 入口即溶 而且牛肉眼嘅份量非常大 兩個人食都非常之滿足 同埋佢哋嘅牛味好香 另外我哋仲嗌左韓式拌飯添 佢哋個底燒到好脆 加上韓式辣醬嘅加持 係成個韓燒入邊唔可以少得嘅嘢食

「喜來稀肉」正宗韓國傳统，韓國店員，細心款待。入門口要量體温，有提供消毒噴手劑。今日獨自一人吃午餐，叫了五花肉和海鮮牛胸肉大醬湯😋。韓國菜首先會上幾個精心炮製的前菜，我通常都會KO它們， 因為它們可以開胃，有助消化。這裏有韓式燒烤爐，爐邊蛋左邊是芝士味，而右邊是泡菜味，上面那行有些蒜頭。我個人認為爐邊蛋芝士味最好味。五花肉層次分明，惟五花肉切得較薄，一不小心，便容易燒焦。如果有韓國厚切的口感就完美了。燒肉配生菜食，可以減去肥膩的感覺。海鮮牛胸肉大醬湯辣辣的，足料用心。 唔知可口的食物，可唔可以幫助抗疫呢😋？

諗起食韓燒，最有代表性一定就係喜來稀肉。店舖裝修非常簡潔乾淨，將樓下做成一個小酒吧，富有韓國小店特色。職員安排我們入座後就開始制作爐邊蛋同餐前小食爐邊蛋分別有泡菜口味和芝士口味泡菜加蛋帶有辛辣口味，非常開胃芝士加蛋令蛋更為香滑，而且充滿芝士香氣。我哋叫左五花肉，牛護心肉同埋豬護心肉，五花肉五花肉望落去雖然覺得好肥膩，但其實經過鐵板燒烤之後，會將多餘油份排出，在五花肉差不多烤好時用剪刀剪成小塊，入口即溶，而且充滿肉汁。牛護心肉肉質同脂肪比例分配非常平均，很好嚼口，肉味亦都相當濃郁豬護心肉豬護心肉屬於豬入邊非常稀少嘅部份，配以貴店獨有嘅醬汁醃製，酸酸甜甜，非常開胃如果太多肉類感覺太油膩，你可以為餐廳幫你準備好嘅菜，包住嚟食，可以去除油膩感餐廳食物質素非常高，而且價錢經濟，性價比高最好就約埋三五知己一齊黎開餐

今晚同朋友去左食燒肉,佢推介依間韓式燒肉店唔錯,就試下啦~一入到去就有oppa招呼我地XD好開心我地要左個一頭牛拼盤,520蚊,唔使煩,咩都有d,全部都係牛牛牛🐂!!!喜來烤肉,我同朋友一致話最好食,而且份量都唔少牛五花肉好似豬腩肉咁,包生菜食正呀🥬牛頸肉同豬頸肉個樣有d似,正正常常另外有2款肉,味道都唔錯,不過掛住食,唔記得影相飯團仔,叫做有d飯落肚爐邊蛋好正,朋友勁中意食,叫店員加左幾次,佢地都好helpful😊飲品我要左西柚汽水,甘甘地少少苦,都ok 總括黎講,lee餐烤肉都幾好食😋,環境舒服,店員又親切,我第一次喜來稀肉,印象幾好,下次都會再黎!

本身想打邊爐，但朋友怕怕喎，所以改咗去食烤肉🥩，其實咪一樣哈哈。呢日唔想食任食嗰啲，所以去咗喜來稀肉，貪佢大大份，肉質又唔差。之前嚟過一次，星期六晚排哂長籠，下面本身有個位類似酒吧咁俾人飲杯啤酒坐住等。但今日就無開，因為直接有位吧😊。嗌嘢食之前，餐廳就已經為我哋安排好前菜🥗，前菜有三款，我最鍾意醃蘿蔔同青瓜嗰碟，酸酸辣辣好開胃。泡菜我就無試到，因為朋友食得辣都話辣🌶。上次嚟都唔覺有套餐，原來有幾款兩人拼盤餐揀，包括壹頭豬🐷、壹頭牛🐮同埋韓牛拼盤套餐等。價錢由$420到$888不等，豐儉由人。牛魔王嘅我哋就要咗🐂壹頭牛Beef Set($520)，當中包括五款牛，分別係喜來烤肉 、牛五花、特級牛頸、牛助骨肉同烤調味牛排骨。牛肉拼盤幾澎湃，每款肉嘅份量都唔少，我哋留意到好搞笑地每款肉嘅數量都係單數😂。拼盤如果有多少少菜會好啲🥬。其中同餐廳同名嘅招牌喜來烤肉真係好好食😋！牛肉大大塊，肉嫩；最精華所在就係佢個醃肉醬，少少甜得嚟，又夠哂味，夠味得嚟又唔得濃膩，好正。其次好食就係牛五花🌸，油份重、好香口，不過好易整到個鐵板燶咗；而牛肋骨同BBQ牛排骨都OK。牛頸肉我就嫌比較淡。套餐仲包醋飯團🍙八個

今日嚟到銅鑼灣嘅登龍街，呢度多好嘢食就係人都知，我嚟到嘅時候，仲諗緊食咩好。就見到喜來稀肉韓燒，最驚喜嘅係，仲有韓國人喺度等啊！開心地道嘅韓國人都等緊呢一間韓燒， 咁我諗應該好好食啦。咁就等左一陣就入咗去啦。由於依家係晚飯時間，比較多人，所以食飯時間係90分鐘。黎到呢度就梗係一定要食燒肉啦，我點左一碟護心肉，因為餐牌隔離有個推介，另外我都叫咗一個水冷麵，同埋一罐水蜜桃果汁。呢一間餐廳個抽風系統做得好好，室內環境一啲都唔侷促。而且入面啲窗都開晒，頂頭又有一個抽氣，食得好舒適個護心肉佢本身有調味嘅，煎熟咗之後其實唔點其他漿料都好好味，個肉好林，一啲都唔霉，好有肉味。 食到個人熱一熱，再食一啖水冷麵酸酸地好開胃呀，而家桃汁上面都係寫住韓文字應該都係韓國出產，個果汁入面有少少果肉，好香甜，唔似假嘅汁。我未試過喺其他地方食水藍麵，唔知正常嘅水冷麵應該係咩味道，但係呢一間嘅水冷麵好好食，面頭有冰，維持着碗麵嘅溫度，個面質地好得意，似係蒟蒻，又似係粉絲，幼幼地嘅好有咬口。侍應已經亦都好勤力，因為我唔係太識燒， 個板成日都燶左， 侍應都keep 住會換，而且好好笑容， 真係要加分！

每次想起食吃韓國燒烤都會想起喜來稀 食過咁多次 呢到嘅燒肉冇一次令我失望 而且貪呢到夠正宗 真係有奧巴駐場 講啲唔鹹唔淡嘅中文 真係好得意㗎有較剪和餐夾提供 方便自己夾自己燒 邊食邊動手 雖然比較忙 但係咁樣先食得過癮爐上面有一嚿豬油 鐵板預熱後豬油可以避免 肉塊黐底 非常聰明的做法點選好食物之後 職員為我們製作爐邊蛋 一邊是芝士口味另外一邊是泡菜味 本人覺得兩邊都好吃 芝士味道濃沃 泡菜帶點辛辣味 夠惹味牛護心 是我每次必點的烤肉 較厚的肉片 食落有質感 油脂分佈細膩平均 牛脂味豐富 肉味香濃 非常多肉汁 而且夠新鮮 推介醃製過的豬護心 無論係豬護心或者牛護心 肉質都是非常淋滑的 肉質非常細嫩 而且肉汁豐富 醃製過味道帶點微辣 吃起來又別有一番風味 弊處就是容易燒焦 但是職員很快會幫忙更換鐵板 非常細心又體貼五花肉一碟有三大塊 肥肉遇熱會融化 所以吃起來有種入口即溶嘅感覺 可是吃多了會有點飽滯油膩感 通常吃這個 我會建議包生菜食 一來會比較清新 二來可以吃得更健康喜來稀增設午市時段 食客有口福了 若果電話落單外賣自取可享九折優惠 不想外出亦可叫網上外賣平台外賣送貨除咗燒肉之外其實仲有

近日武漢肺炎肆虐，很多朋友聚會都取消晒，連自己都少咗出街食飯😖 難得去銅鑼灣買嘢，順便搵間韓國餐廳食午飯。好耐之前都聽過這間喜來稀肉的燒肉很好食，但自己一個冇理由叫燒肉食😂都係叫返啲午餐食～店員送上四種前菜，最喜歡都是泡菜和魚糕，泡菜微辣微甜，不會有酸味，啱晒我口味☺️——————————🔹牛排骨湯 $90呢排唔敢食熱氣嘢，所以叫這個牛排骨湯就啱晒！牛排骨湯份量很多，有七大嚿牛排骨，裏面有些粉絲和大蔥，再來一大碗白飯，未食先興奮🤩湯底清甜，有些少胡椒味，飲完都覺得好滋補～ 每嚿排骨都有很多肉，就算食完成碗飯都仲有肉😂粉絲唔會浸得耐就斷，不錯👍 

喜來稀肉是來自韓國的過江龍本身在韓國非常受歡迎及具人氣香港也有三間分店這間登龍街的銅鑼灣分店，需要上樓梯一樓座位也算多，座位之間的空間也很廣闊店內有韓國人親自主理，還原韓國的原汁原味每一枱也有三碟前菜、一支水供應左邊：醃酸白蘿蔔、中間：泡菜、右邊：大豆芽菜大豆芽菜上面的醬汁帶一點辣還有燒肉必配的生菜供應可配上面的前菜加燒肉，夾在一起吃，變化多端韓式的燒烤爐，爐邊蛋右邊是芝士味，而左邊是泡菜味上面那行有些蒜頭爐中央的肥肉逼出油脂用作潤滑之用，減低黏鑊的機會爐的火力非常猛，薄牛肉很快就熟，很有鑊氣抽風系統做得很好，沒有油煙味每個座位中間是空心的，可以放下隨身物品，如袋及外套，避免沾上氣味護心肉200G - $158護心肉是豬身上最香的部位豬心臟邊上30厘米見長的狹長肌肉，跟隨心臟有節奏跳動，供應非常罕見烤好後肉質外焦內嫩，肉汁豐滿，鮮美爽口喜來烤肉180G - $138切成薄薄一片片，再捲成一朵花，賣相十分吸睛色澤鮮潤，肉質鮮嫩再加上獨有的配方醃製，味道非常豐富、惹味

登龍街有呢間樓高2層嘅韓式燒烤店，午市食韓式料理都幾抵食，$100樓下有交易。選擇有幾多，我就揀左石鍋烤牛肉（$90），飲品揀左西柚汽水（$20）。落單後就送來四碟前菜，都幾大份，分別有泡菜、腸仔、蘿蔔、仲有呢個唔係好認到，有啲似一大塊葉嘅嘢哈哈。泡菜都幾辣，啱曬我。跟住送來西柚汽水，味道就係雪碧加濃縮西柚汁，味道正常。主菜份量比我想像中大，有一大籃生菜，有五六塊。有白飯。石鍋入面牛肉之外仲有椰菜、紅蘿蔔同粉絲，食落好飽肚。味道甜甜地又好有牛味，肉汁更滲入粉絲度，好惹味。夠曬濃味，配飯一流。午市呢度唔算多人，上菜都快，10分鐘齊曬。呢度侍應係韓仔，夠曬地道。