喜來稀肉 (登龍街)

營業中

休息中

我好耐冇食韓燒，有少少掛住，所以今晚決定食韓燒。前菜有三款﹕泡菜、酸蘿蔔、沙律。泡菜好辣，我就專攻酸蘿蔔。我地叫左護心肉(豬肉)同喜來烤肉(牛肉)。上碟睇落細細份，以為會唔夠食，點知食極都仲有。護心肉比較厚實，喜來烤肉薄薄一片，兩者都唔鞋口。爐邊蛋有牛奶味同泡菜味，前者好香口，正。水冷麵有碎冰伴住d麵，仲有雞蛋、番茄、青瓜同酸蘿蔔，好開胃又解暑。馬鈴薯煎餅好岩澱粉控，幾好食，食完好飽肚，但有d油。

今天晚上和老公兩個到銅鑼灣吃飯，韓燒一直是我們至愛，我們兩個都是食肉獸😆我哋叫左牛、豬、雞，咩肉都想食下，大推喜來稀肉同護心肉！真係必試，好好味！🥰兩款爐邊蛋都好好味，燒到一半個陣已經全熟lu護心肉！好好食，一份200g已經好夠兩個人食，好想叫辣護心肉但得我一個食辣服務好好，會主動黎換鐵板，refill泡菜好快手，仲refill左好多成座山咁😍環境亦好舒適，張枱夠大，亦唔洗同唔識嘅人搭枱👍🏻食完韓燒更加想去韓國旅行😂

自己去過數次，不同分店，推薦大家前往，因為佢係好吃又正宗的korea bbq, 我地叫左以下野食：喜來稀肉$138 180g：薄薄一片超好吃😋味道係有一點點甜，老公超鐘意，可惜飯太少食到喜來稀肉個陣已經送唔到飯😂護心肉$150 200g很有咬口，厚厚的，食起黎好有口感，咁多款肉我最鐘意佢調味雞肉 $110 有醬油同濃濃的蒜味，有d似燒烤場預先醃好嘅烤肉每人食一碗飯超飽！烤肉送飯好襯😍前菜可以Refill

今日我哋去咗銅鑼灣喜來稀肉食晚餐，呢度嘅燒肉好出名，於是帶屋企人嚟試吓！一坐低就見到枱面有新鮮生菜，有唔同嘅前菜，同埋爐邊蛋我哋叫咗一份喜來烤肉$138，呢個烤肉係佢哋招牌菜式，裏面有180g嘅份量，用牛肉拼成花形，賣相十足，非常有睇頭另外我哋仲叫咗一客人蔘雞湯$125 ，人蔘雞湯嚟嘅時候熱辣辣，陣陣人蔘味湧現，人蔘雞湯要熱辣辣先至好飲，而且雞係原隻上，而且肉質非常嫩滑，而且湯亦都非常鮮甜另外呢度環境非常闊落，夠晒衛生，而且生菜亦都可以任添

這兩個月都在努力減肥，放題打邊爐韓燒這些已經很久沒有去了。難得中學朋友生日，她就最喜歡食韓燒，只好破戒食一次吧😂朋友本身不是食很多，所以叫二人套餐就最適合😋這是牛肉套餐，裏面有五款牛、八個醋飯和兩杯飲料，很豐富🎉——————————🔸前菜前菜分別有三種，朋友和我都喜歡吃這裏的泡菜和辣椒雜菜，refill兩次😚 平時我喜歡食泡菜是不會醃太久，這個夠辣又不酸就剛剛好～ 辣椒雜菜好解膩，食完燒肉再食就適合不過☺️ -🔹壹頭牛二人套餐 $520這個牛套餐比想像中多，有喜來烤牛、牛五花、特級牛頸、牛肋骨肉和烤調味牛排骨。本身都很怕調味肉醃太久會有怪味，幸好這間很新鮮👍🏼-調味牛排骨看起來好像不新鮮，但其實是由醬油和梨汁醃製，燒烤時聞到好香醬油味，食起來甜甜鹹鹹的，肉質也很軟腍😍好好食😋-喜來烤肉都很好食，大概有六大片，輕輕燒十秒已經可以翻面，牛味很濃，再和前菜一起食，好幸福🥰其餘幾款牛都很新鮮，切得薄薄的，所以很快就燒好👍🏼 旁邊的芝士和泡菜蛋可以無限添加，絕對會食到很飽肚❤️-醋飯是一口大小，已經用麻油和芝麻粒調味，外層再用紫菜包住，口感煙韌，不錯😋

今晚同友人去食韓燒，諗諗吓韓兆又抵食，配菜又好加上有滑蛋的就只諗起這間。佢泡菜任加，包肉的生菜也飲加。最喜歡吃的是牛五花，醬汁醃得不錯，份量也OK，只是肉可以瘦多一點點。放上個鐵路都少10秒就已經熟，然後加上燒肉汁再包上生菜一點也不覺油膩。另外一隻燒肉是他們推薦的，我覺得同牛肋骨沒有什麼分別。只是點兩盤牛五花就太過over。侍應態度不錯叫他們交泡菜及生菜都很快，滑蛋我喜歡燒半熟食，侍應換鐵板也很勤力。會繼續再幫襯。

知道自己短期內都唔會外出旅行,係屋企仲可以食到火煱,但係食韓燒就真係整吾到果種感覺🤔因為太想食既關係,今日專登提早左去食,避開最多人既晚飯時間,減少餐廳內出現人太多既情況,咁我地都會食得安心,可以出去食下飯🤣食物方面:⚪️護心肉護心肉係豬的橫隔膜和肝之間,每隻豬只有200-300g,係好矜貴既食材🤗肉質係比較爽滑彈牙,燒香後油分都吾多,食得多都吾會太膩,但要睇住個火吾好燒到過哂火!⚪️真雪花牛肉雪花油脂分佈得好令,厚薄適中,牛味好重😛⚪️石頭拌飯飯有紅蘿蔔,荳芽,菠菜,肉片同埋一隻半熟蛋係飯面!口感好豐富,配上辣醬好好味仲有香脆既飯焦係底!整體方面:2個人真係吾夠膽點太多,所以叫左2份肉同1個主食💁🏻‍♀️而且單點可以點自己中意食既,價錢都合理,份量岩岩好,食到一半可以配上生菜食,就唔會咁膩🙈而且仲有泡菜,醃荳芽,醃蘿蔔中和返油膩既感覺,爐邊蛋有泡菜同芝士二款,好滑好香,好滿足!

呢一間位於銅鑼灣嘅喜來稀肉， 係一家非常正宗嘅韓式烤肉店， 店內都係由韓國Oppa做做sercive， 感覺就好似去咗韓國嘅烤肉店一樣。呢一間餐廳位於銅鑼灣登龍街嘅二樓， 餐廳嘅窗打開咗之後有鮮風流入， 一點都不侷促。 而且座位底下亦設有儲物箱， 可以將個人嘅袋同埋衣物放入去， 咁就唔怕食完燒肉之後成身bbq味喇。食韓國菜又點少得餐前嘅泡菜呢？ 呢度有三款餐前泡菜， 包括有醃白蘿蔔， 傳統辣泡菜， 以及韓式辣醬沙律菜， 三款泡菜都同樣出色， 尤其喜歡傳統辣泡菜， 唔會太鹹而且又夠爽口。 另外韓式辣醬沙律菜酸酸辣辣，非常之醒胃， 完全中和咗燒肉嘅油膩感， 可謂越食越開胃。呢度最出名嘅莫過於係喜來烤肉， 同辣豬護心肉。喜來烤肉擺設成一朵玫瑰花， 係薄切嘅牛肉， 牛肉加上咗韓式特製醬油， 食落甜甜地， 輕輕一燒， 一變色就可以食。口感軟熟，juicy多汁。另外嘅牛肋肉牛味比較濃郁， 由於沒有加入醃料， 所以吃得出牛的肉味， 牛肋肉嘅質感比較厚實， 燒嘅時候不用太過火， 更能保持鮮嫩。 個人口味喜歡加入韓式辣沙律菜一起吃， 酸酸辣辣的味道和牛肉味非常匹配。到令人期待已久的辣豬護心肉， 豬護心加

一坐低就會上前菜同埋倒爐邊蛋爐邊蛋有兩款，一邊係芝士，一邊係泡菜仲可以refill芝士嗰邊食咗三輪前菜嚟講，我原本就唔鐘意食所以都無試到嚕嗌咗一個二人餐同幾款肉share食壹頭牛 $520有五個部位：喜來烤肉、牛五花、特級牛頸、牛肋骨肉、烤調味牛排唔知喜來烤肉係咩部位嚟肉味幾濃幾好食中間有個位好爽，口感同味道都唔錯調味牛排嘅油分好重，入口係一種幸福嘅感覺其他就無乜特別個set仲包8粒飯仔同兩杯嘢飲如果兩個人嘅話，嗌依個餐再加一款肉應該都好夠牛舌 $148 薄切牛舌，燒一燒就已經好香燒到個邊少少脆，入面就少少嫩我比一百分💯比自己嘅廚藝依個價錢、份量、質素，鐘意食牛舌嘅話真係抗拒唔到豬就嗌咗以下幾款護心肉 $158韓式烤豬皮 $118韓式烤豬大腸 $128不過質素就一般般，無牛咁出色燒肉肉望返都好想再食小食：馬鈴薯煎餅 $90好有薯味煎得好香好脆不過就少少油個frd好鐘意蘸面頭個汁，我覺得好有泰式鳳爪嘅味道比我揀，我鐘意蘸茄汁多啲係香港人均三四百蚊價位嘅韓燒，依個算係幾唔錯

好耐都冇出去食嘢，星期五放工想解禁下…食燒肉！！！！同好多其他韓式餐廳一樣都有kimchi做下前菜。我只係鍾意食泡白菜。比較其他餐廳佢算辣咗啲，但都啱我食。兩個人食但唔跟餐，散叫，豬同牛都各叫咗一碟，分別係護心肉同喜來烤肉。喜來烤肉嘅牛味好夠，薄薄一片，燒兩燒就食得，啱哂心急嘅我。如果要厚實多汁，護心肉係冇得輸！一般食法係會用生菜墊好，搽下佢啲醬汁，再加蒜片…但我覺得就咁食仲正！另外叫多咗個薯仔餅同水冷麵。薯仔餅其實係薯條餅，用啲薯條煎咗做個餅，係有啲肥但解放下冇所謂啦…水冷麵好好味呀，有碎冰浸住，又有番茄同少少醋（好似係，總之酸酸地），暑氣全消，同熱騰騰充滿油香嘅燒肉夾雜，就好似係北極同赤道間來回奔跑…oh yeah...返返現實，埋單每人$250左右，Good!!!

近日天氣轉涼，同事話宜家位於登龍街嘅喜來稀肉會打開窗嚟侍客，旣可以吹散平時食烤肉黐身嘅油煙味，亦有利於驅散病毒，一舉兩得。點完菜即刻急不及待試吓枱面上嘅三款前菜，最近嘅 kimchi 同我喺韓國食到嘅味道一樣，係正宗嘅韓式風味；左手邊係醃漬蘿蔔、洋葱同埋辣椒，個酸味相當醒胃；後面嘅係生菜絲同大豆芽，最啜核係佢底下個韓式醬汁，有少少似 kimchi 味，但係要再甜啲同埋仲有一啲其它嘅香料味，整體感覺非常特別，所有前菜同生菜都係無限添加，啱哂鐘意食菜嘅朋友。喜來烤肉，喜來烤肉用咗餐廰招牌嚟做菜名，賣相相當精美，烤肉被捲成塔狀，鮮紅色嘅韓牛惹人垂涎，呢個喜來烤肉加埋喺燒烤盤邊烘烤過嘅蒜片一齊食就最美味。牛肋骨肉，牛肋骨肉雪花均勻，味道比其它兩款淡口，撈埋呢隻我最愛嘅前菜嚟食，好啱 feel。辣牛護心肉，護心肉係位於一隻牛嘅肝臟同埋橫隔膜之間嘅肉，一隻牛只有200-300克，係極為珍貴嘅部位，入口有好強勁嘅牛味，口感軟腍，果然係不可多得嘅部位，加埋 kimchi 一齊食就係最高境界。

有好多朋友問我，你次次出街食飯都堅持用咁多時間，去為間餐廳寫個咁認真既食評唔攰咖咩？我諗左一諗，我發現只要我認為間餐廳係高質既，我覺係值得。反之，如果係無任何吸引之處，我相信我連寫既動力都唔會有。係銅鑼灣返工既我，平時食晏時間成日經過既呢間韓式燒肉店「喜來稀肉」，今日終於挑起條筋一支公去整返個韓式湯飯暖下胃，補補佢，你估男人老狗就唔洗補咩！👇📌Lunch Menu - ▪ 삼계탕 - $100▫ 韓式「蔘雞湯」之所以成為大熱，除左本身受韓風影響啦，其實係佢既營養成份的確頗高，屬於韓國既傳統名菜。呢到就用左成隻嫩雞配以各種藥膳香料包括人蔘長時間燉煮過後，一打開隻雞陣陣香濃既人蔘味湧現，成個湯飲落好清香，完全唔覺有味精。而雞既肉質的確好嫩滑，就算係雞胸位一樣唔會乾身，夠哂綿滑。另一亮點釀係雞裡面既糯米相當入味，將湯同飯配埋一齊食，滋味得黎又夠補身，岩哂我！

正所謂：「物以罕為貴」！ 記得 中學時候看過一本亦舒的小說， 當中有一金句的意思大致如下 ： 物以罕為貴，浪子太多，傻子吃香！ 福福郎當然不是傻子， 但有時候扮傻， 其實也是解決問題的一種方法！今天返工超級忙， 又多麻煩事 ！ 轉眼已到中午 ，今天沒有約人吃午餐， 到街外呼呼氣 的時候 剛巧經過這家烤肉店，發現它新推出了特價午餐系列， 價錢很親民 ，所以特地入來一試。原來「喜來稀肉亅 的名稱是有意思的，「稀肉亅就是「稀有的肉類亅， 是指動物橫隔膜上的一塊護著心瓣的肉， 叫「護心肉亅， 護心肉沒有脂肪， 咬下去煙煙韌韌， 很有咬口和很有肉味， 由於一隻牛或豬只有一塊護心肉， 供應較為稀少， 所以就是「稀肉亅了！今天天氣回暖， 我簡簡單單的選了一個「 烤肉水冷麵亅套餐($80)來醫肚 。 套餐包括一碗 店家的「時令精選亅韓式水冷麵， 再配上一碟 喜來烤肉的招牌菜 「烤護心肉亅(skirt meat) ！韓式水冷麵一直都是我的至愛， 把麵浸在微酸的湯內，再配上爽口的蘿蔔、 凍蕃茄 、青瓜和蔬菜絲， 在尤其潮濕的天氣吃，十分醒胃。 店家還貼心的拿了較剪，幫我把麵條剪開，以免它們太長難吃進口，

無得去韓國，唯有係香港食下傳統既韓式燒肉。今次去左位於銅鑼灣既喜來稀肉到食，4個人岩岩好無多無少😚喜來稀肉算係第一水打入香港既韓式燒肉，主打牛護心肉既佢，我地當然唔可以放過啦，叫左一個壹頭牛套餐、牛護心肉、牛舌、豬皮、豬腸仲有馬鈴薯煎餅。不知不覺我地都嗌到成台野食😂，而當中最吸引我既就係護心肉，護心肉既油花均衡，口感爽滑但記得唔可以燒得太過熟。我就食得比較重口味既，所以中意生菜包埋燒過既大蒜、泡菜同辣醬一齊食😌 好好彩佢既野唔係太辣所以食得多幾舊都唔驚🤤而我最中意既牛舌終於食到啦超級好食，由於係薄切所以真係唔洗燒好耐...入口有好香既牛味，真係食晒成碟都可以，而薯仔剪餅都好可口，旁邊煎到lonlon地配埋佢既酸酸辣辣既汁，食到唔停口😂最重要係可以任fill蛋蛋，食蛋都食飽😂

被安排入座係係窗旁...出面有押店招牌..好夠另由於用膳時間夠早..人唔太多..而枱上面已準備好生菜..爐邊芝士雞蛋同泡菜雞蛋👍🏼配菜都有3樣 泡菜+辣蔥+酸蘿蔔喜來稀肉牛肉堆成一大朵花...好靚..切到好薄所以好快熟..塊牛肉好juicy 肥瘦適中五花腩一碟有3條..半肥半瘦..烤完唔會乾身帶點油香牛肋骨肉比較有口感..好有牛味..食唔停口呀烤辣魷魚大大碟...夠新解好爽.夠哂味...正 以上所有烤完都可以包埋生菜辣醬蒜頭一齊食..更加惹味..期間員工會不斷幫你換烤板同添加所有配菜或雞蛋...芝士雞蛋烤到可以拉絲時食就最正而泡菜雞蛋帶酸帶辣..好食到加左幾次柚子梳打濃郁到飲到尾加水都夠哂味..好飲