喜來稀肉 (登龍街)

營業中

休息中

天氣開始少少涼涼地, 最想食啲熱辣辣 夠曬hot的美食， 突然諗起銅鑼灣 登龍街的喜來稀肉， 好掛住佢哋嘅 辣辣豆腐湯。就算約唔到人食飯，都忍唔住 韓式 誘惑， 放工帶住非常肚餓嘅心情， 早少少食dinner。韓式豆腐湯熱辣辣嘅豆腐湯，香濃嘅湯汁，微辣 充滿韓國風味， 豆腐滑捋捋 ， 入口即溶， 加上豐富的配料， 新鮮雞蛋、蜆肉 仲有翠玉瓜， 配白飯食真係好正。韓式炒年糕年糕 煙煙韌韌， 彈牙不黏口， 加埋韓式魚片 ，同埋辣辣韓國醬汁， 這是非常滿足。海鮮香蔥煎餅海鮮煎餅十分多材料， 魷魚、蠔仔 、蜆肉 ，仲有大量嘅青蔥。 薄餅煎得香脆脆， 份量頗多， 所以 啱曬幾個朋友share。

邪惡指數: 🐽🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️呢間過江龍「喜來稀肉」聽就聽得多但係都未食過，今次一於放工嚟試試佢😎坐低店員就擺低三款前菜：泡菜、醃青瓜洋蔥同辣醬伴菜絲，而爐邊亦倒好蛋漿，等開爐燒肉就可以順便整熟🥚仲有得免費Refill🤩 ⭕️ 喜來烤肉玫瑰花嘅擺盤好靚呀😍拆開係一片片簿身嘅牛肉，快熟啱晒我呢啲無耐性嘅人😌醃製過嘅牛肉燒完就咁食已經夠味，調味帶甜🥩⭕️ 牛護心肉護心肉原來係橫隔膜與肝之間嘅肌肉肉筋，比較矜貴嘅部位，肉味濃郁。護心肉無經過調味，所以我就鍾意配埋韓式辣醬同蒜片用生菜包埋一齊食🥬⭕️ 大醬湯呢個湯滾住咁送上🍲味道香濃又唔辣，而配料都好豐富，除咗有牛肉、豆腐、金菇等常規配料外，仲有蜆同花蟹，非常真材實料💯⭕️ 水冷麵相反地呢個就非常冰涼，仲有塊冰喺入面keep住佢凍🧊湯汁酸酸甜甜極度開胃，幼滑麵條煙韌又帶彈性，就算平時鍾意食開濃味都好食唔停口🤤

_____好味指數：🌟🌟🌟🌟抵食指數：🤑🤑🤑🤑喺香港一直做得好嘅韓國餐廳唔多，而呢間就係其中一間屹立不倒嘅餐廳🍴入到去已經見到枱面擺好豐盛嘅配菜，有酸爽開胃嘅青瓜，辛辣正宗嘅泡菜同辣醬拌大豆芽菜🥬仲有芝士同泡菜爐邊蛋呀🤤⭕️ 喜來烤肉：玫瑰花嘅擺盤賣相吸引，而且已經預先用秘製醬汁醃好。切得長而薄，輕輕一燒已經熟透，味道鮮甜軟腍帶點咸香，唔需要另外加調味料已經好好食⭕️ 牛護心肉：牛護心肉係肝同橫膈膜之間嘅肉，包住心臟兩邊肌肉，因為會隨心臟活動所以肉質厚實有一定柔韌度，燒完之後肉汁豐滿，牛味濃郁，爽口有嚼勁，特別適合加上調味料再用生菜包住食，感覺清新又解膩⭕️ 大醬湯：好足料嘅湯！材料有牛肉、蜆、金菇、大蔥、豆腐，仲有花蟹添！真材實料絕不馬虎🐯湯底鮮甜濃郁帶淡淡麵鼓香氣，食完燒肉再飲啖湯清熱又有地道風味⭕️ 水冷麵：每次食韓國菜都好鍾意叫呢個，湯底混合米醋與果醋，酸酸甜甜好開胃😋麵條幼長，口感煙韌，冰冷嘅麵條搭配簡單嘅配料已經好滿足🌿

好耐無食燒肉喇😆有無人鐘意好似我咁燒到啲五花腩炸炸聲，脆卜卜咁放入口？仲有燒豬皮真係好正，煙靭好黏口，果種感覺好正，好好好好味啊😋記住要啤一啤再加枝真露吖，爽爽

食咗好多年仍然保持水準嘅喜來稀肉😋今次兩個女仔嚟食冇叫太多肉類，牛豬各一款，兩者都係我每次嚟必點嘅－先有招牌嘅喜來烤肉，牛肉薄切用秘製醬汁醃製，捲成花狀細細碟但其實逐塊燒份量都幾足，燒過後夠油香帶少少甜味。護心肉係豬嘅稀有部位，食落有嚼勁唔肥膩，最好味一定係用生菜包起，配埋韓式辣醬、泡菜、蒜片、洋蔥一齊食，特別滋味呢！食完濃味嘅燒肉就食個水冷麵中和番－蕎麥麵幼細口感非常煙韌，湯底冰涼酸味味特別透心涼，可以按自己口味加白醋同芥辣，仲有爽口嘅青瓜絲同蘿蔔片添～最後不得不提嘅當然有爐邊蛋，泡菜、芝士各一邊，無限refill食到飽😋

係好耐冇食過嘅喜來稀肉呀😗雖然係平日但係晚巿竟然唔使等位😗好似冇咗以前成日都要排排排嘅光景🧐食物質素都係幾好☺️不過泡菜煎餅就一般🤫一路食一路諗住好想去韓國呀！ ！ ！🇰🇷🟠濟州五花肉🟡牛舌🟢牛護心肉🔵海鮮泡菜煎餅🟣檸檬梳打⚫️藍色檸檬梳打

趁住收工早放，自己一個去咗尖沙咀食燒肉，呢間燒肉都幾出名，銅鑼灣、尖沙咀都有分店，價錢中上。入座後員工好快遞上三碟小食同埋水，並且開爐、在爐邊倒上蒸蛋。喜來烤肉180g $158烤肉切得好薄身，基本上輕輕地燒30秒左右已經變色開始熟，醬汁非常入味，燒完後品嚐到醬汁非常鮮香，搭配生菜包烤肉更健康，份量一個人食就剛剛好。蟹籽紫菜飯團（SELF）$50我現時自己肯做飯...團！最鍾意就係自己整飯團環節，有飯、醬料、紫菜同埋蟹籽，首先要將全部食材撈埋一齊。今次嘅飯都硬身，做飯團嘅時候得好少地方散開咗。紫菜嘅份量超級多，除咗包飯之外，我將仲有剩嘅紫菜曬在飯團上，總共做咗七個飯團。芒果梳打 $35芒果香甜，搭配檸檬少少酸、多多甜。整體而言，烤肉價錢中上，不過食物質素高。

今日家庭聚餐，其實已經早在一個星期前book位，我估當時該名員工話因為Booking好滿，我哋book 7:30佢話唔得，得返七點或者八點呢兩個時間選擇。咁我哋去到舖頭，間餐廳空到得幾台客，唔明白點解我哋book位佢可以話已經full左。啱啱去到攞位嗰陣，嗰位韓國裔女員工態度非常差，一直話我哋冇book到位所以無位，但係間餐廳係幾乎空，之後佢先搵返到我哋嘅Booking出嚟。我地叫了大概五碟肉，水冷麵，及其他小吃等等。依間舖頭啲員工真係非常之差，長期都冇人服務，有都扮睇唔到，水又唔肯加，碟佢哋又唔收。跟住啲蛋漿又係非常之水，完全成唔到型，起碼煮20分鐘先煮到一個round，芝士佢哋又俾得好少，唔知以為係金嚟。跟住食到最後嗰碟肉，叫個韓國女經理加蛋，但係佢唔肯加，佢話我哋啲肉就食晒，肉只係一個side dish，要叫主菜先可以再比蛋你，但係我哋嗰陣碟上面仲有少量生肉未燒完。其實係咪真係要做得咁核突，你話我哋唔消費就話啫，都叫咗咁多肉，啲肉都未食完都唔肯加蛋。服務態度真係咁多間入邊最差係呢間。

同同事中午去登龍街搵食，見韓國野唔洗等位，即入。上到去本來諗住散叫下飯，但見到個爐又忍唔住開爐叫燒肉。中午配菜同晚市一樣好多！有大碗泡菜、芽菜同青瓜洋蔥🧅邊食邊等爐熱。中午唔多人，肉好快到，爐燒熱左就可以開始燒肉啦。兩款肉一款醬油雞，一款招牌喜來烤肉。兩款都浸住醬汁好惹味，份雞就大份最好自己煎開先燒。話咁快燒好，加啲洋蔥🧅泡菜，仲有餐廳自家韓國甜醬辣醬好滿足，配既生菜🥬好fresh減低燒烤既熱氣。

對上一次食喜來稀肉應該係佢剛剛開嘅時候，都真係n年前了。。今日同同事挑戰生酮lunch, 每人叫左一碟肉，連埋d配菜同爐邊蛋，都夠晒飽😋見到喜來烤肉張相幾靚，又係廚師推介，緊係要叫，另外叫左碟調味醬油雞~雖然睇落份量唔算大，但食下食下都幾飽😂個喜來烤肉擺碟好靚好似朵玫瑰，醃肉汁好好味，甜甜地，燒完又keep到肉汁，呢個可以encore!個雞就正正常常，燒完幾香口，包入生菜食仲好fresh & 解膩🤩食到咁上下d爐邊蛋都差唔多食得，一邊係泡菜蛋，一邊係芝士蛋，多重味覺享受😂

《喜來稀肉》突然間好想食燒肉！諗起之前食過呢間嚟自韓國連鎖烤肉店覺得好好食！決定再去食！去到大約7點左右，已經見到好長條龍😥 排咗好一陣子先入到去食！🍭喜來烤肉($158)嚟到呢間餐廳緊係唔少得叫佢既招牌菜！廚房將啲切得好薄既牛肉捲到成朵花咁好靚！唔好睇佢好似細細碟咁！其實份量都好多！一個人食晒都有啲飽肚感！因為佢切得好薄，所以就咁放上去燒兩燒就已經食得！特別想提個調味調得好好！基本上唔駛點任何醬汁已經好好食！🤤🤤 除咗就咁食，仲可以夾埋生菜、蒜粒、少少醬汁同埋泡菜一齊食！都好正！🍭蟹子紫菜飯團($50)係有得食又有得玩既菜式🤣 佢上面鋪滿紫菜同埋蟹子！！份量好平均，所以每舊飯團都會有足夠既餡料！！同埋佢啲調味又係好好，食落好香唔會寡，出色！呢間無論烤肉、麵飯、小食等都有好多選擇！！而且價錢相宜，味道又好正！性價比算幾高！！環境真係好似韓國啲烤肉店咁～～～ 一定會再去💕💕

*💭喜來稀肉初試銅鑼灣店喜來稀肉，和旺角店一樣，職員熱情有禮☺️食物美味有水準😋銅鑼灣店下層售賣韓國零食，種類繁多，有時間可以尋寶😍但如果太肚餓的話，就直奔2樓燒肉吧😝餐廳走水泥工業風，座位寬敞舒適☺️職員一早備好泡菜、青瓜、生菜及爐邊蛋。小青瓜開胃清新，辣泡菜味道濃郁，等上菜的時候都忍不住密密食😋喜來烤牛肉🐂烤牛肉肉汁豐富，雖然較為薄身但牛味濃郁😋點少少鹽已很夠味🤤護心肉🐖彈牙有口感😍沒有太多油脂但豬味香濃，不愧為熱門美食🥲五花肉🐖油脂分布平均，完全沒有豬騷味，配上大蒜和大醬再用生菜包著一起吃，層次豐富超好味🤤而且用生菜包著可以中和不少豬肉的膩，感覺較為健康😝最後當然少不了必食的爐邊蛋，加了芝士的蛋超香口，泡菜蛋則十分惹味🤤等燒肉的時間最適合食熱辣辣的爐邊蛋🤤

傳統韓國燒肉店裝潢，空間闊落，非常適合一班朋友燒肉飲酒作樂。放工即興食韓燒，首選性價比高及位置方便的銅鑼灣店。6:30PM到達餐廳，當時已有10多人排隊，韓籍職員快速有禮安排入座。首選喜來稀烤肉，牛肉砌成花狀，肉片較簿身，但牛味濃郁。其次是招牌護心肉，脂肪較少但肉質軟滑，調味適中，個人覺得不用再後加醬及鹽，直接包生菜食就可以。食韓燒當然不能少了五花肉。喜來稀五花肉油脂比例均勻，肉質鮮嫩，燒到金黃再配生菜及蒜片食，非常惹味。最後食埋香滑的爐邊蛋，大滿足。

喜來稀肉 地址: 銅鑼灣登龍街41-51號金龍大廈地下3號舖及1樓電話: 26185331====================為左爐邊蛋同泡菜，一於中午都食份肉來燒。150g 雞肉$110 己預先經醃製，始終中午比較趕時間，雞肉快熟。燒好白氣傳出，立即夾在生菜上，連同kimchi 包起，過癮美味。前菜附送，生菜泡菜及爐邊單可任意加，透過qr落單蛋我喜歡8成熟就吃,那蛋仍是嫩嫩的，另外加韓國kimchi ，單是吃這兩樣我己滿足。

呢個星期工作好辛苦，星期五梗係食好啲慰勞下自己。作為食肉獸，食燒肉真係我最好嘅慰藉。叫咗個一頭牛，一板牛肉包括：招牌喜來烤肉、牛五花、頂級牛頸、牛肋骨肉以及烤調味牛排骨。•喜來烤肉：擺盤像一朵花，色澤鮮潤，肉質鮮嫩，最好食！•牛肋骨肉：肉味重，配白飯就好送飯喇！•牛五花：脂肪最靚，入口即溶，燒乾啲有種香脆感！•牛頸肉：厚厚的，入口勁有咬口•烤調味牛排骨：最重味道，加入生菜包住吃，油膩感大减，味道更鮮！最重要嘅係kimchi 生菜仼添‼️kimchi 生菜仼添‼️kimchi 生菜仼添‼️唔怕食唔飽啦🤰最後就係抽氣同上菜換水都好快。雖然唔平，但食得飽，又唔會一身肉味，係不錯！