唯一雲貴川風味

營業中

休息中

聞說這間米線不錯，所以去try一下。去到的時候，門外已經排了一條長長嘅隊。排又唔算排得耐。排到我嘅時候，站在門口嘅姐姐已問定我食咩。完全唔知要叫定嘅情況下，我就好快咁揀左酸辣腩肉腐竹米線。坐低後等左一陣就有野食。見到碗野後，心諗大件事。。。成碗都係紅色咁。。。一定辣到飛天了。。。幸好我都定得順。。。味道方便並沒有我想像中好。我食不到酸，只吃到辣。感覺像食梗一碗辣米線。唯一可取之處，我諗係碗內嘅肉碎吧。確實很足料。可能我喜翻食酸的關係，所以呢度嘅酸辣米線並不太合我心意。但有機會，我都想試下佢地嘅清湯米線會如何。

今晚同最愛食米線，一直以來我的最愛都極大力推薦呢間野，亦都曾經有網站評為全港最好食的米線頭三甲，雖然真係好似好出名，好多人排隊，但今晚我們黎食都覺得好失望。我個碗酸辣米線，得個辣，完全冇酸味，我淨食酸菜都沒有任何酸味，成碗野得辣味，令碗麵冇左層次。米線亦唔稱得上好彈牙。我男朋友食腩肉米線，腩肉都係得個辣字，冇話好好食。最後埋單$66。

假期又加天氣凍就去雲貴川買米線食，去到見到好多人冇諗到今日都咁多人。我外賣就行入去櫃檯同個長髮扎馬尾呀姐講我外賣點知佢唔啋我當我冇到咁我再講多一次話要外賣佢又係唔啋我咪轉身行出去門口之際係厨房有個人行出嚟問咩事個呀姐就話我外賣嘅但自己未停過手唔得閒(我聽到心諗日日都係咁多人㗎啦唔忙你鬼有工返咩)，行到出門口見個矮矮呀姐同排隊嘅人落單我咪同佢講我外賣佢又係唔啋當耳邊風(呢一刻我已經火都嚟有冇搞錯)，企咗一陣見入面頭先話自己力忙又冇停過手個呀姐落緊外賣單我就行入去同佢落單，洽我呀～我明白人多而又忙係會令人心煩氣燥嘅但你間米線日日都係咁忙㗎，你講一句等一等咪得囉～

以前在荃灣上學時,,偶爾跟好友來這店吃午餐畢業後就很久沒來了！星期日剛好和家人到荃灣便帶他們來這裡吃午餐我點的當然是招牌的腩肉米線另外我們還點了豬腸雞翼米線腩肉米線,,,本身醃料是帶點辣所以即使點了清湯,,還是會有丁點的微辣腩肉很入味>w<！而且很稔！！最喜歡這店的腩肉味道！！還有其他滿滿的配料！酸菜,,芽菜,,韮菜,,份量很足！酸酸辣辣的！很懷念這種味道！雖然賣相不太討好,,但每次來這都必點這款！家人點了豬腸雞翼是我第一次在這裡吃這些配料！雞翼同樣醃得入味豬腸清洗乾淨不會腥～不過這裡有店員很有個性從以前讀書時便知道了～但見我們帶著小朋友,,都會提醒豬肚是辣的所以我們沒點豬肚而點豬腸啊！

意間係荃灣區老字号既米線店，未有譚仔時已食的鋪頭。^_^基本上下午黎食，一定要排隊，人氣店。今次同老公黎食，係夜晚九點，都係要排隊。食物種類晤算多，招牌腩肉係必叫。腩肉入味，湯底濃，偏辣。價格不貴，只是$31，抵食。

之前食開紅墈個間 不過個朋友話荃灣個間係本店，仲好食，我就特登山長水遠入去荃灣食呢間本店米線。去到個門口同紅墈個間一模一樣，一定唔會走錯隔離😂不過餐牌就好唔同喇。呢間係1餸，2餸，3餸，4餸每個set 好左幾款比係揀，咁當你可以叫1餸再加其他如果佢個組合唔岩你心水。我就叫左辣腩肉，蘿蔔，小辣湯底。呢到個湯底真係香濃好多，辣度都岩岩好，個蘿蔔勁好食，好入味，腩肉係招牌梗係無得彈啦。如果佢唔係咁遠我一定日日食呀😋

岩岩禮拜日去左荃灣 當然要試埋雲貴川米線🍜！難得唔係一碗overrate既米線 而係真材實料😱 宜家周街都係米線舖 要搵一間自己岩食既都唔係咁易架 如果你有個份執著🌚🌚💪🏼：腩肉腐皮米線 小辣🌶 $38腩肉係招牌 超級入味 本身就係辣既～ 份量超多 至少俾左十舊我😈 腐皮索晒辣湯真係勁爆正 都係俾左好多塊😂 米線芽菜酸菜份量都唔少 湯底整體叫左小辣 再加上腩肉既辣汁 絕對應付到👌🏽 如果酸度可以再多少少會更加惹味😍 凍冰冰食一碗即刻爆汗💦

一望到已經覺得一堆野咁唔知咩黎，叫左酸辣腐竹腩肉。啲腐竹硬到腳皮咁 好明顯無浸過 腩肉雖然唔肥但係好老 好難咬 再講個湯底 味道麻麻唔係香辣 酸菜太多 夾嘜野都有酸菜係到 好煩！成碗米線好似切碎哂撈埋一齊咁 好噁心地方污糟 啲水杯啊地下都油淋淋 服務態度又衰 老店都唔係咁做生意啦我同男朋友食完個胃都好唔舒服唔會再去！

同一班同事黎到荃灣探路，順便食個好出名嘅米線，八點幾黎到都仲排緊隊，仲越排越長。咁夜黎到好多野都賣哂，隨便跟餐牌點左個三餸麵（$45），不包飲品，只屬正常價位，不算特別便宜。同事的腩肉、炸醬、雲吞米線，試了一塊腩肉，醃了辣味好入味，辣辣地好過引，唔係好肥正喎。自己點左豬腸、炸醬、魚蛋米線，已經係最後一份豬腸，真好彩滷得入味，魚蛋爽口，炸醬有點像台灣的鹵肉，半肥瘦，略咸，混在湯中則不錯。米線有點過淋，可能係排隊時已落單煮定的關係，可接受的淋度。點的這款係原味湯底，不酸不辣，但味道天然，飲左大半碗湯。環境十分迫，店員態度還可以，不過要排廿十分鐘以上，食就食十五分鐘，要考慮考慮會不會再來。

中學時已經經常同一班同學去食佢， 大個左之後只要日頭係荃灣都幾乎會食呢間～ 可以話由細食到大。至於荃灣同紅磡兩間店，個人覺得荃灣果間好食太多～ 但服務同環境就紅磡好少少。另外，個人經驗所得堂食係大碗啲，餸都足料好多架！都試過幾次荃灣外賣有比少左餸既情況。所以可以既話，我個人係建議堂食。每次去食都會睇心情而叫大辣或特辣～ 我個人覺得佢既辣係真材實料啲～ 點解咁講？因為食完佢既辣個肚係keep 住一段長時間發熱，暖笠笠～ 譚仔我食大辣或特辣都無呢個情況。今次叫三餸米線價錢 $45，豬潤，腩肉，酸菜。（大辣）佢地米線不嬲都係偏腍。湯亦偏油，次次一送上台周圍啲人都會望一望我碗野，因為中辣真係好紅噹噹，而且一上台已聞到刺鼻的辣味，同堆酸菜味！佢既湯我次次都唔飲，因為真係油，但由於佢既底夠濃，湯汁可以掛到落米線上，所以啲米線絕對夠味！另外亦有肉碎、芽菜、酸菜做配料。佢地既酸菜真係酸菜，真係菜多，唔似譚仔次次都比咸酸菜，仲要次次都係比莖部。 不過今次食佢地酸菜，勁爆酸，對於爆愛食酸既我都有啲頂唔太順！不過個人都覺得呢隻酸菜係比咸酸菜好食太多。 我由細到食米線，唯一只會食呢一間既腩肉，亦次次都必叫，

今日專程到荃灣尋找此間大獲好評的米線。舖頭位置唔顯眼，一不留神，就會找不到。去到的時間剛好6點，適逢有客剛離座，不用等（不過鋪頭已經差不多滿座）叫咗碗小鍋雲吞腩肉米線；米線和酸菜的份量好多，湯底味道亦很好而咁大隻的雲吞有3隻（雲吞裏面係雪菜+肉碎）；但腩肉就有點硬和嚡（我覺得唔係豬腩肉），而且都幾辣2餸的小鍋米線都只是$38， 份量多，價錢平，味道好；唯獨是坐得唔舒服，食完要即刻走（免咗住其他人入座)，服務一般，但睇住$38 份上，都可接受。離開時6點半，門口已經有好多人排隊

熱辣辣下午…我本身好鍾意食米線，雲貴川係其中一間鐵腳餐廳！每逢到荃灣都會去食下！點解呢間野咁多人排隊？我個人覺得佢既腩肉同湯底係主要原因其實呢間野既米線我只會見炸醬同腩肉！覺得其他送都好一般！湯底好夠熱，好怕食湯粉麵d湯係暖既！味道酸同辣好平衡！中辣就覺得啱啱好！不過唔想食到標汗標到落雨咁！宜家都係食小辣多！主角腩肉，唔係五花腩嗰種🐷腩肉！望落去有d似豬頸肉！好香好入味！個甜味啱啱好！炸醬好似係配角咁，其實我最enjoy就係食完哂所有野飲湯時有d肉碎嗰種感覺如果鍾意食蔥記得叫多蔥！排長龍係有原因！記得早d到唔係好多好野都賣哂！

已經幫襯了5至6年，味道依然keep到。記得早幾年，不用怎樣排隊等候😭😭😭而家變到有少少似澳牛餐廳咁🙈(你懂的)每次來到必選的有: 酸菜(好好食，必選)，腩肉(本身帶點辣，所以不吃辣的要注意)點解一碗米線可以吸引到咁多人來排隊？原因好簡單，呢碗米線你係出面真係食唔到。他不像三哥譚仔那種，味重但迎接到大部分人的口味。如果你喜歡吃酸的，必須要去試一試因為在早幾年(大概2010年前後)的時候，當時譚仔的分店並沒有那麼多。而且我偏愛吃酸的，所以每次吃米粉，米線都會給我弄到「滿湯紅」，全部都是醋🙈直至在這𥚃吃第一碗他們的酸菜很夠味，正宗的四川酸菜。基本上，吃的時候不用加任何調味唯一的問題是，味道（味精）真的很濃很重，食完會容易口渴。但愛呷醋的朋友們，值得一試。（搬出了荃灣區仍周時特意回去吃☺️)我知道他有另一分店在土瓜灣，但由於不是中央分配，所以味道沒有祖店的好。*揸車人士可泊附近商場，車位充足（假日除外🌚)仲可以係千色店hea下😂

晚上七時抵達，剛好有兩個空位不用等位。一張圓枱共坐6人，已經是極限！我點了腩肉炸醬米線走酸菜！腩肉有少少辣，一如以往的好吃，反之炸醬像肉碎般，跟"覃仔"的炸醬不同。整體來說，米線及餸份量很多，但湯很咸很油，而且走酸菜連腐皮也沒有了！之前記得有少量腐皮配料的。而且每次總有部分餸sold out，員工的服務態度有待改善！一碗米線索價$38，價格與味道、服務成反比的情況下，其實有更好的選擇！

朋友話依間係全荃灣最好食既米線，加上OpenRice 好評既推介，所以今日黎左呢間唯一雲南米線食。黎到鋪頭7:45見到經長龍，第一個諗法係：「咁多人排一定好好味」，排左大約十幾個人，突然鋪頭有個亞姐行出黎逐個問要食咩，佢話要煮定，我地連餐牌都未睇，加上第一次黎，都唔知有咩食，急急腳走去門口睇餐牌，其實選擇唔多，我叫左豆卜爆醬豬肉丸米線，朋友叫左豬腸魚蛋酸辣米線，排左半小時，入到去即刻有得食，我既感覺係湯底好咸，爆醬丸唔夠汁，朋友話覺得太辣，我地兩個都覺得唔係人地所講咁好食。人人口味都唔同，我諗呢間比較適合重口味既人食。