唐記包點 (港鐵馬鞍山站)

營業中

休息中

之前幫朋友訂了貨，約她今晚放工同佢交收。 點知公司突然有事要加班，加完班就即搭車去馬鞍山地鐵同朋友交收，在等她時看到閘口有間唐記包點，諗起未吃飯不如買外賣回家。 去到唐記當然第一時間就要它的蒸飯，因為唐記蒸飯真的很出名，夠真材實料。 要了一個鹹魚肉餅飯及一隻糯米雞，在等外賣時看到原來新出了阿華田包，不過太夜已經賣完，真可惜今次試不到。 回家後打開外賣盒，一打開就聞到好香鹹魚肉餅，跟著把包糯米雞荷葉打開，見到餡料十足，用咁少嘅價錢有咁足餡料，唐記真係我們的家庭主婦好幫手。

今日經過唐記包點，比佢個易拉架吸引到，見到新出咗三款飯，咖喱牛筋腩飯、咖喱雞飯、豬軟骨飯，加上價錢都幾親民，只係賣 $29 蚊吸引到呢 👍🏻 👍🏻 最後叫咗咖喱牛筋腩飯同新出既香滑奶茶。咖喱牛筋腩飯 ($29) : 賣相同色水睇落唔錯，有薯仔、甘筍等配料 ; 牛筋腩份量合理，而且咖喱味道香濃惹味，以新產品嚟講相當出色。🤤 🤤 🤤香滑奶茶 ($12) : 味道幾好，有啲似茶餐廳質素，不過得 240 毫升，真係少咗啲啲。

颱風到前，準備多d。唔係明早大家無早餐午餐食啦，懶。流心阿華田包 $5新出產品有平，試下！上次飲左阿華田奶茶覺得唔錯，心想唔會伏既！麵包鬆軟綿密同埋阿華田流心餡夠爆漿！流心好難handle影得好比大家分享，一口咬落去應該仲正，爆入口！阿華田炸彈入口滿甜味，一個都好飽啦。送埋筆，5蚊買支筆都抵！記得熱食！菜肉包 $7.5今日菜多左咁，juicy點因水份高左。包size照係拳頭咁。菜脯包 $7.5比菜肉包咸，但就比較有爽口感覺！老人家比較喜愛，食哂！話夠咸又香。黑麻蓉包 $7.5護頭髮之選，哈哈！沙沙口感，同包既軟有對比。黑芝麻食到芝麻糊既多咁。蓮蓉包 $7.5比黑芝麻刀整到有d黑芝麻添，蓮蓉唔過甜係優點，幾多，食到中間好易一口太多蓮蓉。飲下茶先得！蔬菜香菇包 $7.5蔬菜絲配香菇絲青菜感比較重，香菇經過蒸後好發味，素菜中和下甜包肉包。紅豆砵仔糕 $7.5依個下午茶食，一面紅豆粉軟。砵仔糕中等甜度，微qq口感。雞扎$18豆皮唔會太油，豬肥唔蘇！唔好睇佢細細，雞件都1/3大。豉椒排骨飯 $26 唐記蒸飯出名抵，依間仲平一蚊！飯一如既往好糯米米飯口感。阿華田奶茶 $9茶底均勻，坐熱返味道更好。

落緊大雨想快啲返屋企，又肚餓又搵唔到地方食又唔知食啲咩好。行過馬鐵站見到有唐記包點啲時即刻衝上去睇下，諗住只係買個蒸飯嚟食下，見到有新出兩樣產品，一杯阿華田奶茶同埋阿華田流心包。奶黃流心包就聽得多，流心月餅都聽過，但係喺中國式嘅包點有阿華田嘅流心真係第一次見😂於是買嚟試下一打開真係見到啲流心流曬出嚟，嗰下覺得都幾有趣。咬落口充滿住阿華田嘅味，但係又唔會過份甜漏適合唔同口味嘅人都食得到。淨低嘅蒸飯都係一路有保證呢度就唔再多講不過如果你想簡單食一餐又經濟又好食的話呢度絕對係一個性價比高的選擇。

平時去開唐記我都係食北菇蒸雞飯。。都冇話試其他嘢嘅 但係今日去到見到多咗咁多產品就忍唔住要試吓啦哈哈🤣🤣去到門口已經見到有呢三款新飯結果我就叫咗咖喱牛筋腩同埋咖喱雞飯～其實佢汁同餸都夠大兜 而且飯嘅份量都唔會太多唔太少另外我個人非常鍾意佢個膠兜😂佢個咖喱汁都幾驚喜 比我想像中濃 而且啲筋真係夠淋🤩佢嗰個雞都唔會話好多骨 所以牛同雞我都好推介因為都係$29咋！！另外一直都冇試過佢過鹹蛋肉餅飯～佢個鹹蛋黃好正丫 唔會比茶餐廳差～原來而家嘢飲佢都有出 我就買咗個奶茶試吓佢個奶茶真係有茶餐廳嘅味道丫唔似得普通嗰啲紙包奶茶咁樣 我唔夠飲添啊😂😂所以大家下次買唐記都可以試吓呢啲新產品🤩🤩

今日又去唐記包點買嘢食，我哋一共買咗兩個飯，兩個點心，首先講啲飯，不嬲唐記蒸飯都好好味，有水準，唔會太淋亦唔會太硬，非常之啱胃口味！飯上的滑雞非常之好味，冇雪藏味，牛肉非常之新鮮，咁嘅價錢做到兩個饭，點心非常之好味，拍得住酒樓，總括嚟講我覺得很好！

一日三餐出街食，每逢到月尾都係有d手緊。唐記絕對係糧尾恩物，講真，廿幾蚊買到個飯，喺香港地真係絕無僅有。我最愛唐記嘅鳳瓜排骨飯同咸蛋肉餅飯。鳳瓜排骨飯有種好獨特嘅香味，即使隔住個盒都會聞到！久不久就好想食下！排骨夠大粒厚肉，蒸到軟硬度適中，唔會太勒，鳳瓜唔會甩皮甩骨。另外咸蛋肉餅飯都係好高質素，咸蛋黃會出油，蛋黃油香混合白飯本身已經好送飯，再加埋肉餅，成個飯食晒真係好合情合理嘅！我仲叫多咗點心，金錢肚，入味而且炆得夠淋，一碟有成7-8件，$18都係好抵食！抵食已經係好吸引，仲有翻一定水準，$100唔駛兩個人食到飽，仲唔係糧尾不二之選！

唐記是我的好幫手，經常係我忙到顛左既候幫手解決最基本的需要！而且仲要在港鐵站出口好方便，連行去餐廳的時間都幫我慳埋。平時通常都係蒸飯套餐啦，不過今次發現呢間唐記原來有特式客飯，竟然有咖哩飯食！即管試下啦！買左個咖哩牛筋腩飯（$29）及咖哩雞飯（$29），蒸櫃拎出黎係預先已入盒，飯餸分開載。份量黎講我諗同平時的蒸飯差不多，咖哩味濃烈，偏辣，牛筋腩都夠腍！味道OK啦！咖哩雞不相伯仲，雞好入味，連埋薯仔等配料，女仔食應該夠哂飽！另外仲買埋樽仔奶茶同奶皇凍包做第二日早餐，有凍包買係幾好的，因為唔怕番蒸太淋。我家小朋友最鍾意食奶黃包，之前試過買街邊小店的急凍包黎蒸，真係好難食，而唐記係我食過幾間裡面數一數二的，不單止個包夠大，而且餡多，起碼真係食到奶黃味，仲要夠平！樽仔奶茶都幾香茶味，如果大樽D就更好啦！

位於港鐵馬鞍山MOS1號舖的唐記包點，主打港式點心外賣，分店頗多，在不少地鐵站也有，方便上班上學人士買了包點後，在公司學校吃。店舖推出了新的特式客飯，今次試了咖哩牛筋腩飯 - Rice with Curry Beef Tendon & Brisket 。飯和咖哩牛腩是分開的，而且餸菜份量十分充足，牛腩肉質軟熟，咖哩醬汁味濃而香口。北菇雞飯是店舖幾中一款皇牌客飯，雞肉口感滑溜，有預先醃過，味道不錯，骨頭部分不會太多，旁邊還有少許椰菜。有不少藍領男士上班前也會吃一盒再工作。菜肉包是鹹口味，而香芋包是甜口味的。每個價錢約八元，十分便宜。蒸包口感軟熟，夠飽肚，裡面的餡料份量適中。沙嗲金錢肚的味道也不錯，金錢肚洗得夠乾淨，完全不會有臭味。沙嗲醬汁味道鹹香而濃郁。今次也試了香滑奶茶，味道十分濃郁，茶味回甘，口感也十分滑溜。

正當諗緊買個咩外賣返屋企時，見到港鐵站呢間唐記有個易拉架顯示三款特式客飯，真係唔知唐記有呢d飯食，所以試下，叫左個咖哩牛筋腩飯（$29）及豬軟骨飯（$29），另外仲有足料糯米雞（$26）同燒賣（$18）。兩個客飯同一般蒸飯不同，係預先用膠盒分開飯餸pack好，所以帶外賣盒都用不著。咖哩牛筋腩份量都ok,有薯仔，辣辣地，牛腩算大件而且夠腍！味道不俗！豬軟骨同樣夠入味和炆得透,仲有蘿白同樣滋味！糯米雞都幾大隻和香噴噴，糯米夠腍身，仲有成隻雞翼係裡面，真係算足料！咁既價錢相當超值！燒賣一樣咁好味，豬肉餡不會太多肥膏！

平時放工好攰，同男朋友都唔想煮飯，又懶得出街食，只想買外賣返屋企，呢個時候唐記就係最好嘅選擇。最近佢哋仲新出左「特式客飯」，有我最鍾意嘅咖喱！！而且只係$29 ！！！抵受唔住誘惑，今餐又食唐記了😁😁🥘咖喱雞飯 $29咖喱汁惹味十足，撈飯食雖然邪惡，但真係停唔到口！雞件份量多，肉質嫩滑，正評！🐷鹹蛋肉餅飯 $26男朋友的肉餅飯，啖啖肉，仲有鹹蛋黃，一樣吸引。點心方面，一如既往有水準。🐔豉椒鳳爪 $18🧡燒賣 $18🍠香芋包 $7.5雖然好飽，但我忍唔到口宵夜食埋個香芋包。最鍾意唐記嘅包大大粒，可謂重量級，內餡滿溢。香芋仲高纖，係健康之選。

今天真係好開心去了馬鞍山新港城， 行完後非常之攰，見到有一間唐記， 非常之光猛，亦都很整齊，便去再試一次唐記，因為之前唐記畀我的感覺非常之好，今次我特別揀咗鹹魚肉餅飯，燒賣，北菇雞飯，同埋雞扎，最後仲叫咗幾個饅頭，同薯蓉包 ！鹹魚肉餅飯實在太好味、同魚容燒賣一齊食真和味 .北菇雞飯與雞扎味道很配合.還有薯蓉包與慢頭在中午餐後吃當下午茶認真實惠不錯！

趕住接亞女放學，經過唐記包點買左幾樣野返去食。唐記包點都幾多分店，有盎飯類，點心類，包類等等食物，而家連奶茶都有添$100黎講都算多野食章魚肉餅飯 有章魚粒同馬蹄粒，有𡁻口，肉餅唔會太實唔太肥，仲有椰菜送添。杞子燒賣賣相不是太靚仔，裏面幸好唔多肥膏，正正常常。菜肉包&叉燒包菜肉包係我最常買既包點，8蚊黎講都算大件，有菜有肉感覺有甘油膩。而有芝麻既係叉燒包，叉燒餡料都算多。另外試左個新野，豬軟骨飯豬軟骨都幾淋，唔肥，好入味，但配薯仔有點怪😆。而飯比盎飯既硬。

今日出街玩得太夜，但九龍實在太難搵食，決定趕搭車黎屋企先，再買外賣快快搞掂晚餐。好彩馬鐵站間唐記仲未關門，就咁決定。排骨飯  叫左一個排骨飯，都幾多餸，味道唔錯的。 豬軟骨飯 本身想試其他飯款，可能太夜來，好多飯已經賣晒，阿姐建議可以試下豬軟骨飯。真係新奇，除左傳統蒸飯之外，原來仲賣埋客飯。飯同餸分開上，飯係超級大大碗，加大大舊豬軟骨，非常入味，軟骨煮到腍晒，醬汁甜甜地又夠多，撈飯一流。 燒賣  另外，再買左一份燒賣多加餸。咁多款點心最鍾意燒賣，啖啖肉。 最後，仲買埋全店最後一個砵仔糕，非常多紅豆，味道少甜，煙煙韌韌，不錯喎。 菜肉包 可能真係準備關門，熱包都賣得差不多，惟有買兩個凍菜肉包，返到屋企蒸10分鐘度就食得。都最鍾意呢檔嘅菜肉包，大大個，餡又多，抵食。

我其實都幾鐘意食唐記，除左貪佢夠近夠方便之餘，價錢也都大眾化，唐記蒸飯和蒸包款式多，馬鞍山唐記仲有蒸飯套餐，$44 有蒸飯+點心+飲品,都幾抵~蒸包就每款$7.5見有蒸飯套餐，就買個套餐番家，當加餸套餐$44 蒸飯+點心+烏龍茶北菇雞飯雞肉都幾嫩幾滑🤤，如多d雞肉就更加好😋蒸飯還有椰菜和冬菇~燒賣 必點點心之一，燒賣依舊啖啖肉，彈牙又juicy，保持水準~山竹牛肉 $18牛肉一客有3粒，又幾香口~雞扎 $18雞扎也是必點系列，因佢大大舊雞肉，芋頭仲好粉紅豆包 $7.5 真材實料紅豆包，包入面真係有好多紅豆架又唔會太甜，推黑芝麻豆漿 $9輕微芝麻味，重豆味健康又好飲🤩開開心心又一餐，買外賣番去與家人分享其實也不錯Y性價比高