影片
港鐵油麻地站 A2 出口, 步行約2分鐘
繼續閱讀
電話號碼
52967186
開飯介紹
裝潢糅合西式元素，環境雅致的港式火鍋餐廳，湯底以養生口味為主，嚴選新鮮火鍋配料及日式刺身，適合家庭、好友聚餐。
繼續閱讀
營業時間
今日營業
11:00 - 01:00
星期一至日
11:00 - 01:00
以上資料只供參考, 請與餐廳確認詳情
有關獎賞計劃
今次透過OpenRice見到呢間火鍋，見到好評唔錯，而且透過OpenRice訂座仲有優惠😍今次同朋友嚟試呢間主打新鮮食材同手工製作嘅火鍋店，整體感覺幾好，環境乾淨企理，坐得舒服，店員服務態度都好親切，落單有問必答，仲會主動介紹特色食材，感覺幾貼心。講返食物，煲冬瓜瑤柱美腿鍋湯底夠清甜，瑤柱味突出，打邊爐開波即刻暖胃。海鮮盤有魚片、帆立貝、鮑魚、蜆肉同鮮蝦，全部都係即日入貨，新鮮度高，尤其鮮蝦同帆立貝，食落爽口彈牙，完全唔腥！三寶丸（牛丸、花枝丸、蝦丸）全部手打，花枝丸有粒粒花枝，彈牙又帶鮮味，其他兩款都唔輸蝕。手切封門柳牛肉香濃，手工切片厚薄適中，牛味突出又唔鞋口，份量都算大方。韭菜餃同蟹肉餃都係人手包製，蟹肉餃比較少見，餡料足又新鮮，值得一試。田園雜菜籃提供油麥菜、娃娃菜，份量新鮮，打邊爐必備。善良響鈴係店內即炸，外脆內軟，用嚟蘸湯特別香口，比起坊間現成貨更加出色。手打烏冬煙韌有咬口，吸湯好入味。飲品方面叫咗兩杯竹蔗茅根水，大大杯冇冰，夠清熱解渴。最後甜品3.6牛乳椰汁雪燕，椰香濃郁，雪燕滑溜，作結一流。整體嚟講，依間火鍋店食材新鮮，手工製作有誠意，環境同服務都令人舒服，價錢合理，會再encore同朋友再嚟聚會！👍
繼續閱讀
今日約左朋友食火鍋私房菜，位置响油麻地鐵路站附近，地點方便。餐廳响大廈頂樓，近望係樓景同街景，遠望就係大嶼山海景，7點鐘去到仲睇到日落。而餐廳環境同座位都好舒服，好啱同朋友食飯傾計，另外仲見到有客人包房慶祝生日。老公响openrice訂左個港式養生火鍋四人套餐，都幾多嘢食，好豐富。而家响openrice訂位做緊優惠，晚飯9點前有88折，過咗9點仲有8折添。唐老鴨：新湯底系列，職員話先飲湯，然後再做火鍋湯底。湯好清甜，味道好濃，鴨已燉到軟稔，配料有冬菇、陳皮、薑、白蘿蔔同紅棗等，好飲好滋補。4人海鮮拼盤：海鮮拼盤係每日都唔同㗎，視乎嗰日有咩好嘢。拼盤真係好吸引，尤其係佢哋嘅size。扇貝，係手掌咁大隻，另外仲有海蝦、鮑魚、大蜆同脆鯇腩，所有海鮮都好新鮮，食落帶鮮甜味道。脆鯇腩真係非常之有咬口，從未食過，整體唔錯。手切封門柳 (大)：油脂分內均勻，牛味濃，切得厚薄適中，有口感，幾好。伊比利亞像果豬：豬肉味濃，食落唔覺得油膩，肉質嫩滑軟熟，幾好食。三寶丸：有蝦丸、花枝丸同極品牛丸，三款丸都係手打，入口極之彈牙，味道濃，好味。餃子拼盤 (8粒)：有蟹肉餃、韭菜餃、自製雲吞同自製水餃，餡料多，每粒較都包到脹卜卜，材料亦新鮮，每款都好好。善良響鈴 (大)：輕輕一淥帶湯汁，咬落輕脆。我好鍾意佢個名，化邪惡為善良。田園菜籃：有油麥菜、生菜、黃芽白同粟米，蔬菜乾淨爽口，粟米都幾甜喎。烏冬 (兩份)：係日本烏冬黎，口感彈牙，最後先食吸晒火鍋湯底精華，好味。竹蔗茅根水：甜度剛好，食火鍋最佳配搭，清熱氣。椰汁雪燕糖水：入口啖啖雪燕，甜甜地，好足料，滋潤養生之選，食完好滿足。
繼續閱讀
二訪「唐坊火鍋私房菜」，店員上菜時會詳細解釋下每道菜式，又好Nice，會同客人傾下偈。佢哋嘅湯底無味精，主打採用純天然食材製作，飲多幾碗都唔會覺得涸喉。*此餐廳收取加一服務費。濃蝦番茄鍋（單點$168），不辣，採用鮮蝦、蝦膏、蝦膠、蝦殼炒醬製作極濃蝦湯，味道鮮甜，加入番茄，味道酸甜。橡果豬（單點$148），黑毛豬豬肉紋理呈大理石紋，肉質肥瘦適中，口感嫩滑、軟腍，肉味濃厚，食落帶點橡果香味。手打花枝丸（單點$86），口感爽彈，花枝好大粒，食落有鮮味，配以蟹籽食用，味道更佳。極品牛丸（單點$78），口感彈牙，內有牛筋，食落肉汁飽滿。邪惡響鈴（單點$78），表面鋪有鹹蛋黃醬、番荽、白芝麻，響鈴口感鬆化，鹹蛋黃醬味道鹹香，略嫌味道未夠濃郁、若有鹹蛋黃蓉則會較好。雲吞拼水餃（單點$72），自製雲吞，好足料，內有蝦肉、蝦籽、豬肉，味道鹹鮮；自製水餃，皮薄餡多，內有蝦仁、豬肉、木耳，口感好豐富。白豬仔午餐肉（單點$68），肉質厚身，肉味濃香。醬料（兩人$30），包括有豉油、指天椒、芫荽、香蔥、炸蒜、油蔥酥、蒜蓉、麻醬、沙茶醬。豆腐紙（單點$28），食落有點類似腐皮，豆香味濃。前菜（跟餐$0），鹽焗花生，食落好香口。2碗甜品（跟餐$0），椰汁雪燕，雪燕口感滑溜，椰汁味道香甜。
繼續閱讀
天氣又轉涼，最啱打邊爐暖暖胃！今次去咗旺角彌敦道樓上卓越大廈嘅一間打邊爐私房菜，環境都幾寬敞，坐得好舒服，原來仲有私人包廂，幾適合約fd上嚟🥘蟲草花茶樹菇雜菌湯湯底清澈滋潤，蟲草花和雜菌的質感滑嫩，茶樹菇則帶有一點嚼勁，讓整道湯品的口感更豐富🥘極濃蝦湯湯底嘅蝦頭係經過風乾再炒出蝦頭嘅香味而製成，味道豐富而鮮香，蝦嘅鮮甜同湯底嘅濃郁融合🥓牛魔皇拼一拼小拼盤超超超抵！follow IG/ FB可以$1元加購牛魔皇拼一拼小拼盤1份! 係$1蚊啊🤑有齊5個不同部位：手切封門柳、本地牛展、牛舌心、牛胸爽、黃喉🥓西班牙伊比利亞橡果豬肉質獨特，脂肪分佈均勻🍡三寶丸(蝦丸、牛丸和花枝丸)打邊爐邊少得「丸」? 呢個配搭色香味俱全，每一粒丸都爽口彈牙，蝦丸內部緊實而富有彈性，牛丸香味四溢，花枝丸口感柔韌🐷豬仔午餐肉午餐肉切成心形，味道香而不膩🥟蟹肉雲吞蟹肉鮮香口感鮮嫩，有層次感，餡料重好多🤍邪惡響鈴鹹蛋黃醬味道鹹香而濃郁，外皮酥脆，口感清脆🤍大推！🫓紙豆腐由台灣引入，擺落鍋淥5-6秒，質地柔軟輕薄，入口即化🥗田園雜菜打邊爐點少得食吓啲菜，呢個拼盤有唐生菜、娃娃菜、菜心苗及鮮粟米🍧椰汁雪燕打完邊爐仲有免費甜品! 椰汁味道清新，雪燕質地滑潤，彈性十足📍唐坊火鍋私房菜油麻地彌敦道560號譽發廣場23樓
繼續閱讀
旺角驚喜私房菜火鍋 今日同朋友聚會 揀咗旺角嘅私房菜打邊爐😎餐廳位於樓上舖 景觀開陽 型格裝修及佈置 地方闊落 坐得好舒服🥰 絕對係聚會傾偈嘅好地方 🤩 ✨鴛鴦鍋 極濃蝦蕃茄鍋 及靈芝茶樹菇蘇鍋打邊爐之前 店主介紹飲咗湯先 鮮甜濃郁 兩款湯都好飲 我自己比較喜歡茶樹菇素湯👍 ✨手切頂級霜降牛肉$358✨牛胸爽$98牛肉雪花分布均 色澤粉嫩 好高質 牛胸爽彈牙但唔肥膩 好正👍😋 ✨伊比利亞橡果豬$148✨豬頸肉$68✨豬潤$68豬肉片肥瘦均勻 豬頸肉充滿油脂 豬潤有酒味 香滑😋😋 ✨脆肉鯇✨手打墨魚滑$98✨手打三寶丸$93墨魚滑有蟹籽 好正🤩 鯇魚片及三寶丸好新鮮 好彈牙 自家製確實係好食啲🤩 ✨自家製雲吞拼水餃 🥟$72✨韭菜餃$68✨紙豆腐$28第一次食紙豆腐 好特別 淥幾秒就可以食啦 雲吞同韭菜餃都好食👍 ✨田園雜菜$88✨萵筍片$58蔬菜好新鮮 萵筍片好大塊好厚肉 熟咗湯底嘅味道好好食😋 ✨邪惡響鈴$78係好好食嘅小食 炸完啲響鈴 加鹹蛋黃醬汁 熱辣辣 脆卜卜 真係好邪惡🫣 最後仲有糖水✨椰汁官燕好清新 滋潤養顏😎💃💃 整體嚟講 店主用心製作 食材高質新鮮 私隱度高👍 🎈唐坊火鍋私房菜 (油麻地)油麻地彌敦道560號譽發廣場23樓
繼續閱讀