唐坊火鍋私房菜

營業中

休息中

今日夜晚收工朋友話想去打邊爐，又想靜靜地傾吓偈於是就去咗依間火鍋私房菜。依間樓上火鍋店可以居高臨下咁打邊爐，感覺都幾chill。火鍋湯底係冬瓜瑤柱火腿鍋，湯底非常足料，有非常多嘅冬瓜同瑤柱。打邊爐之前都飲咗碗湯，味道非常清甜。手切頂級鮮牛 $248牛肉非常新鮮，入口非常鮮嫩。就算唔小心淥耐咗，一啲都唔會靭。三寶丸$92三寶丸即係蝦丸、牛丸同花枝丸，每款丸都非常彈牙。我最鍾意食牛丸，牛丸非常爽口彈牙，咬落去仲爆汁添！自家製蟹肉雲吞拼白菜餃 $78蟹肉雲吞一咬落去蟹肉味非常濃郁，好好食😋無論雲吞定白菜餃都做到皮薄餡靚。田園雜菜$88蔬菜拼盤非常大兜，有粟米、油麥菜、西洋菜同生菜。每款蔬菜份量都非常之多同新鮮👍🏻紙豆腐紙豆腐只需淥三四秒就可以食得，口感幾特別，有少少似腐皮，但質感又冇腐皮咁厚。白豬仔午餐肉$68午餐肉切成心形上碟❤️擺盤非常之靚椰子水椰子水非常清甜，解渴一流！椰汁雪耳糖水糖水非常足料，每一啖都有好多雪耳，椰汁同雪耳非常夾。糖水亦好清潤😋

油尖旺去得多，今次終於有機會試試邊睇夜景邊打邊爐。唐坊有不同既養生湯底：花膠雞，桃膠鍋等都係唐坊既招牌湯底。今次我地就試左酒筲箕藥雞鍋即花鵰雞鍋，濃濃既花鵰酒香湯底加入半隻黃油雞。未開始打邊邊時，店員建議當湯滾起時可先飲啖湯，雞件好嫩滑，每啖湯都有濃濃既酒香。除左酒筲箕藥雞鍋外，我地仲點左必食推介既邪惡響鈴，響鈴上有蛋黃醬，熱辣辣脆卜卜，超級惹味😋其他必食推介仲有鵝肝雲吞拼白菜餃，鯪魚滑同豬潤都非常新鮮好味。最後另一值得推介既係三寶丸；有手打蝦丸，手打牛肉丸同手打花枝丸各2粒，一次過就可以試均唐坊既手打肉丸。每款都非常彈牙鮮味，可見唐坊係用心製造。食飽飽，店員仲送糖水俾我地滋潤一下。今次人數少，所以未有試唐坊既海鮮同刺身類，會下次再約多幾個朋友再黎唐坊邊睇夜景邊食美食😋😋

炎炎夏日，最幸福莫過於一邊嘆冷氣一邊打邊爐位於大廈頂樓的火鍋私房菜可以遠眺旺角的夜景裝修雅致，落地玻璃及型格燈泡掛飾氛圍感十足主打養生湯底，每天嚴選新鮮海鮮及火鍋食材火鍋湯底煲冬瓜瑤柱美腿鍋清甜可口，消暑必食手切頂級鮮牛肉有著大理石般的紋路，柔嫩多脂而鮮甜滑溜白豬仔午餐肉厚切口感豐富、充滿質感，風味十足必食推介小食善良響鈴色澤金黃，即炸大大件自製水餃拼白菜餃皮薄而不透，餡料豐富，充滿湯汁手打潮州白魚蛋入口有魚肉香，爽滑中又有彈性