哈魯邦韓國料理 (已結業)

千挑萬選，終於決定吃韓國料理，很難找一間地方舒適用料又新鮮的菜館。今次選了哈魯邦，因為它方便在太古城。因為只有我和我老公二人，菜式選擇有限，在威逼利誘下叫了鐵板燒和生牛肉。老公看到隔離枱的煎也想叫，不過被我拒絕！實在太太太miss生牛肉，今次再食，一點也沒有失望，肉質新鮮再配以大量蒜頭，yummy!鐵板燒方面我們選擇了去骨牛肉、鮮蝦和豬肋骨各一客。好好味，特別是鮮蝦(一客有四隻)，十分新鮮。配菜方面就一般，除了泡菜可以讚揚之外，泡菜吃完還可以encore呢！吃韓國料理當然少不了飲韓國米酒，雖然味道淡了一點，但勝在不烈。菜館內部裝修也很寬敞，就算share枱也不致沒有privacy。侍應方面看得出她們做熟客較多，人手不太足夠，幸好她們態度友善主動，吃到中段會主動更換鐵板。總括而言相當滿意，雖然價錢不是太平宜，說真的，若要吃生牛肉收費太平也不敢試罷！

周末，也有滯留公司的日子，要到日本百貨找些點子拍照，乾脆來吃個韓國料理。周末特選套餐平的六十八，貴的七十八，款式只得十二款，也沒有炆牛肋骨，較平日廿多款少一半。沒什麼好主意，就來個豬腸湯，是豬血腸配豬雜熬的湯。幾味前菜，以泡菜做得最對辦，夠爽脆亦有酸、辛味，若多點鹹蝦的鮮味更好。豬腸湯呈奶白色，加了大量豬雜、芝麻葉及蒜粒，帶微稔的質感熬得夠火候，喝一口濃而帶芝麻葉香的湯，大喜！一鍋稠杰的奶白湯從來都不容易，喝到如此質感，確實眼前一亮，當然若碰上連西苑的爵士湯亦說「無料到」之輩，此品則命途撼坷．．．豬雜數得出有豬耳、腩肉、豬肝、豬舌．．．脂肪位熬得起膠，豬肝切條後經長時間大火處理後，呈粒粒末狀，口感極為特別，單吃豬雜也吃得過癮非常。而豬血腸亦是一貫韓式風格，以豬腸衣包著豬血與粉絲，煮熟後其實味道平淡，只有微微的豬紅味，通常伴淮鹽吃的，是日蘸了點紅紅的海鮮醬來吃，竟吃出蝦米、蒜子及辣椒做出來的鹹鮮味，配血腸，味道出奇的好，三數件豬腸與鍋中的豬雜全浸在汁中，三扒兩撥吃個痛快。湯鍋還是配綠豆米線最對口味，配飯總是格格不入。埋單照價七十八，無收加一，晚市亦無收加一，招呼周到，經理對菜式亦有問有答

第一次食... 之前完全無睇過任何comment, 淨係係門口睇過個meau 就入去... 兩個人點左燒牛X骨肉$130 + 辣腸仔鍋$250個牛好味, 夠牛味唔so,份量都好足夠個鍋啲料好豐富, 有菜,豆腐仲有兩款唔同腸仔... 腸仔係超多!我同友人唔食得辣都食到... 三份二個鍋... 已經超飽!我覺得佢啲辣同出面個啲唔同, 起碼我食完無胃痛同ALL 先! 哈哈

5-2-2007又出Quarry Bay training, 約朋友食晏, 我只想坐得舒服些, 友人定了哈魯邦。我們要了石頭飯及辣泡菜湯定食。二人前菜六小碟: 沙律, 大豆芽波菜, 甜薯, 辣泡菜, 其他兩樣唔記得。整體印象不深, 沒有一樣比較突出。辣泡菜湯: 泡菜和豆腐都OK, 個人覺得湯唔夠濃及辣。石頭飯: 味道一般, 雖然有少少飯焦食, 但並不突出。

太座約了朋友竹戰，我去釣墨魚﹝其實也是竹戰，哈哈﹞，大家在太古城會合吃完午飯便各自出發。已經否決了多次韓菜，成兩周沒吃，是日當然不能倖免。太古城似樣的韓菜館得一間，就是這裡。這裡平日下午有便宜的午市餐，但周未就沒有，換來八折優惠，也不錯吧。不吃韓烤，也不想吃石頭飯，就吃得簡單一點。只要了辣泡菜湯、炒年糕及海鮮煎餅三味。兩人前，前菜六味，泡菜酸辣合度，亦夠鮮味，但高麗菜不夠好，所以沒有添吃。甜薯有一點點渣，還是漬莧菜對口味。辣泡菜湯紅彤彤又滾燙燙的，賣相先聲奪人，如果見著一個無厘火氣的泡菜湯，可以退貨也沒有可惜。泡菜湯夠辣，蜆肉湯底鮮甜，泡菜夠多，用來淘韓國米飯，味道地道又好吃，是推薦的吃法；炒年糕夠大堆頭，除了韓式米糕，還有蛋、韓式魚塊、各式什菜等，非常豐富。雖然也是紅彤彤的，但吃落不太辣，還有點點甜味。米糕是太座的至愛，我們在鍾路二段街頭連吃幾碟勁辣的，她也面不改容。這裡的也不錯，不過我比較欣賞韓式魚塊多一點，雖然吃落「假假地」，但彈牙又有魚味，是韓式happy hour下燒酌的最佳拍檔；海鮮煎餅又是大大塊，薄薄的煎得乾身又熱辣辣，吃落脆口，也不錯。雖然是沒有什麼海鮮在內，但用上了不

一直好想好想食韓燒..終於同家人係上星期擇左依間食, 因為老爹食過話好味..所以再黎...星期一晚,人唔多,所以唔駛等位..叫左個燒烤套餐, 主菜有一盤肉, 再加一個石頭飯前菜有6小碟, 印象深刻一點是泡菜, 魔芋,薯仔和駌鴦菜..沒有太大特色,也不是特別好味...雖然可以任添,但都只是添了菜而已..拼盤有牛肋骨,辣味豬肉, 雞肉, 豬肉,最好味當然是牛肋骨~ 一流~ 其次雞肉都好好味~隨碟還有薯仔片同洋蔥, 燒左黎食都好好味, 係一大驚喜~石頭飯是海鮮石頭飯, 不過不失,沒有莊園那一個好味... 服務麻麻,本來叫一位小姐添菜, 結果不了了之,要再問另一個才有...整體麻麻...收這個價錢有d唔值

老屈個ger 請食lunch....揀左呢間...8 個人..叫左幾個餐...牛肋骨湯...XX餃配年糕湯...炒粉絲...磨菇牛肉飯...石頭鍋飯...海鮮辣湯麵....D野食好唔錯....尤其果個牛肋骨湯同湯麵果D麵(都唔辣既)..雖然只係叫左6個餐...但係8 個人送8個餐前小食....例牌又係果幾款...但係有個蝦米翠玉瓜幾特別...而每個餐都有D野跟...所以都好飽....埋單時仲送上涷冰冰既西瓜...正呀...但係轉頭又有人提議不如食埋個雪糕....亞ger 話我地係屈原...屈完又屈!P.S. 由於好多細細碟既食物...加埋每個人既食具...攪到張檯好唔夠用....

1唔知幾耐無試過星期五Happy Hour，今日亦唔例外，收工已經係十點，就到附近搵食，記得附近有間唔錯的韓國料理，走來試試。十點鬆D，都有6成滿，坐下無耐經理話last order，有吃趁手，隨便瞄瞄餐牌，胃口唔好，唔食牛勒骨，就要了熱湯麵，是海鮮湯麵來的。太古呢頭都是「架仔」的世界，附近有兩、三檯「架仔」，煙味也真夠討厭；瞄瞄四周，幾光猛，L形的疏化位，幾好坐，溝女宴客都唔洗禮，衰在侍應似舊木咁，毫無表情，看來這裡是賣環境＠食物，而非服務。兩碟前菜一碟泡菜，泡菜是韓國料理重要的一環，泡菜做得唔好，確是難睇，吃一口，微辣，唔夠酸唔夠鮮，若加點鹹魚仔或鹹魚露來醃會更好，梨花園是一例。甜薯是偶的最愛，多多都照殺，嫌唔夠甜，糖漿煮得杰一點會更好。湯麵上來，韓式湯麵就是夠睇頭，蝦、蜆、青口、墨魚、獅蚶，說得出的海鮮都有，真是八寶湯，麵似米線，用麵粉做的，帶麥香，滑但唔夠咬口，較之韓式麵，偶還是喜愛這款，起碼唔會淡某某；湯底鮮味十足，鮮而清甜，是犧牲大量蝦兵魚將熬出來，屍骸遍野，不要期望湯內吃都鮮嫩的海鮮。吃完這碗麵，包足3個鐘，認真唔野少，$110一位都唔平，韓國料理就係咁，唔平但碟頭超大，

日子：3月25日四人去食，等位時侍應用半咸淡的廣東話說：『好快有位，五個字或十個字左右。』o下？其實她想說5至10分鐘要了：- 牛肋骨（唔，總之是牛肉包住舊骨。）- 豬（燒烤的肉醃得好好味~）- 綠豆？？餅（比較笠，張住個口）- 炒粉絲（好油好油，不過好好味）- 鍋飯（也好吃）- 牛肉湯（沒甚特別）食物普遍不錯呢，地方環境也ok。很多韓國人也來幫襯~

女友和友人曾到此吃韓燒, 今次跟我一道來. 平日關係, 餐廳不多人, 看到有幾桌韓國客人.入正題, 叫了:- 牛肋骨- 牛舌- 泡菜炒飯眾多小碟中豆腐最好吃, 泡菜也不錯. 先來了兩碟肉. 經理先替我們剪牛肋骨, 我們立即燒燒燒. 牛肋骨很易燒, 肉味濃郁, 甜, 也嫩. 但牛舌很難燒, 我和女友不是燒得太生就是太熟. 可能經理看見我們雞手鴨腳, 便走過來替我們燒, 很nice, 燒得很美味. 他又教我們應如何燒牛舌: 先放一會, 讓表面出水到飽和, 就可以反轉, 如是一兩次就ok. 我們由於反來反去, 弄到黏在網上, 不生不熟. 飯來了, waitress替我們分了兩人份. 味道不錯, 不太辣, 相比起石頭飯更濃味(女友意見). 經理替我們燒所有肉, 又跟我們聊了一會天. 後來更送了兩個湯給我們, 說天氣涼, 飲湯保保暖. 雖然食物不至於極美味, 也算不錯, 但服務實在感人.p.s. 這位經理有點似成俊哥, haha.

26 February 2006 (Sun) - 晚飯幾個舊同學幫另一個同學慶祝生日去咗呢度食韓燒，我都係第一次黎，由於我哋都好早就黎到，所以絕對係有位坐，環境都相當唔錯，啲位好舒服同寬敞，打橫瞓都得！我哋五個人叫咗三個燒物：牛肉，豬肉，同牛筋骨，再叫個雜菜鍋，仲有豆腐餃子，同石頭飯！其實樣樣都唔錯，仲有大概八碟前菜，所以都好夠飽！我最欣賞同值得推介既係佢個燒牛筋骨真係好好好好味，絕對要試！其他則算普通。服務亦相當好，個waitress好友善，好周到，飯又幫我哋分五碗，又不斷加茶！但係最唔好都可算係我哋冇叫埋單，佢自己攞張單埋黎，可能有人等位啦，因為我去厠所時見到有人排隊，但係走時又冇晒人，我都唔知點解咁急趕人走，唔通佢有限時食而我睇唔到？不過水準尚算可以！

一行四人，叫了一個４－６位用嘅套餐，有牛肋骨、人參雞、海鮮煎餅、炒粉絲、一些拌菜好似Kimchi 等，其他也記不起。份量方面可說是ＯＫ，四個人當然食唔晒，六個人都應該夠。但味道就非常一般，同新羅寶比重有一段距離；主要問題係唔夠正宗，尤其是伴菜味道就真係差少少，人參雞也不算特出，較好嘅就只有牛肋骨。招呼方面ＯＫ嘅。但咁嘅價位韓國菜、除非一定要係太古城，否則出面有好多比呢到好嘅選擇。

Pretty authetic Korean restaurant but price is steep. Side dishes like vegetables are free in Korea, but they charged $40 - Wow !Apart from this, the food, decoration & service are quite nice.

有朋友住左一年係太古城,話次次都見好多人等位, 於是約埋去試試! 我到先,一望,唔係lee 間呀!又話好多人,入面得2,3將檯坐左人既. 朋友話係lee間,於是照入去試試! 一行三人, 叫了套餐D, 有雜錦燒烤(牛肉,豬肉,雞肉,牛肋骨,有3條南瓜及菇),一個石頭飯,每人分得唔夠一碗, 每人一碗湯, $550/SET, MENU 係話3-4位用,我見分量好明顯係3位女士用, 男士一定唔夠飽, 我地後加左一個生牛肉, 一向我食既生牛肉係免治牛肉咁,今次LEE 道既係條狀既, 有D係結左冰既, 可以話冇咩鮮味,冇咩特別!$150/蚊. 至於環境, 坐得幾舒服, 因為冇咩人, 服務就真係麻麻啦, 唔係係唔係果位伙計係新到, 佢放茶比我,係放左係我用離食野既碟上面, 我望一望佢, 佢好似唔知咁, 跟住D前菜食晒, (份量比出面既前菜少,種類亦少),佢問我仲要唔要,再拎過比我, 足足等到我食晒所以有燒烤至拎到. 咁不如唔拎啦! 食物方面係幾好食既,不過,價錢同服務令我唔會再去啦!

I tried this place with my family on a Sunday night. Upon entering, the d嶰or is nice (there are 2 authentic Cheju Island statues to greet you when you first enter), clean and tidy. The seating is very spacious and comfortable and the service is very attentive to you.The place is owned and managed by two Korean ladies so the menu is quite authentic. There are also Korean chefs in th ekitchen and thr waiting staff are very friendly. As there are a sizable Korean community in the local area, it is