哈魯邦韓國料理 (已結業)

雖然住係附近都有成年，但昨晚先第一次幫襯。7:30入座，只有五成滿！裝修幾清雅，有別於一般韓國食館，此外，通風系統唔錯，唔覺有燒烤既油煙味, 抵讚！我地兩個人怕熱氣，唔想燒烤，於是就叫咗個2-3人套餐：石頭飯- 熱騰騰，不過味道偏淡，唔及梨花園惹味炒粉絲- 炒得幾乾身，好彈牙，好好味炆牛助骨- 火候未夠，唔太稔，未入味煎餃子- 好香脆，肉汁鮮味另外再叫咗韓國啤酒，兩個人食到捧住個肚，可惜前菜份量太少，要扣分，不過最不滿係一食完，佢地就執晒d食具，見佢唔算太人多，又橫掂咁飽，咪打算坐下先飲多兩啖茶消滯，點知個侍應居然掴張單黎要我地埋咗先(即係趕我地走啫?!?!)，埋單$450，唔算平，仲要趕我地走，望下錶，餐飯只係食咗45分鐘，臨走只見一家人等位啫，早知係咁，去食茶餐廳好過，我都係想搵個舒服地方可以一面食一面坐下傾下，無下次幫襯!!!!

上星期六，英國足總杯決賽，在太座的親戚家約了兩檯麻雀，實行打牌兼睇波。開檯之前來要食左野先，太座對呢度好有興趣，就試下。六點二來到，以為無咩人，想不到都有一半客人。呢度裝修好新淨，座位寬敞，坐得舒服，在座的有不少是韓國人，看來應該幾正宗。食具方面，除了銀匙，這裡用的是方銀筷子，在香港食韓國菜，好像還是第一次用。是夜太座想吃韓烤，就叫了肉眼扒及牛肋骨，另外一個海帶湯及辣泡菜餅。先來前菜幾款，除了必有的泡菜、芽菜、糖漬薯仔、紅蘿蔔西蘭花、莧菜等，這裡有些特色前菜如蘿蔔蛋餅、辣水晶糕等，蘿蔔蛋餅以前也吃過，不過辣水晶糕就是第一次吃，水晶糕本無味道，但加入辣椒及麻料，是麻辣兼備，是幾有特色的一味前菜；泡菜偏辣，但亦鮮，很合我們的口味，前後追加了三次之多。起爐了，這裡用的是網燒，可能因為店子較新，抽氣及火力都做得不錯。肉眼扒一開八，因為肉質靚，原全不用調味，底面略燒，配以油、鹽、蒜蓉的汁料，很美味；也不能不試下這裡的醃料，所以又叫了牛肋骨，偏甜，醃得很入味，都吃得過。牛肋骨肉質鬆化，同肉眼又是不同的口感及味道；辣泡菜煎餅很大個，煎得皮脆內軟熟，表面紅紅的，卻是完全不辣。吃韓烤如果沒興趣吃飯，叫這

可能是午市關係, 烤肉不是自己親自即時燒烤,所以變了煮牛肉, 晚市的烤肉是自己親自燒烤,比較易控制乾濕程度,不會出現此情況。晚市如選擇燒烤,一定要試牛肋骨,十分香口,也不太油。除了石頭窩飯,這裏的炒年糕也很值得一試。

早幾日偷得浮生半日閒﹐浮左過側魚涌約老婆撐檯腳。但係大家都諗唔到食乜﹐到後來聽到路人討論“大長今”劇情先醒起附近有間叫哈魯邦的韓國菜未試過﹐一於試下。12點45分去到﹐大把位﹐相信平時應該係唔使訂位。結果兩個人坐左張六人檯﹐更加說明﹐如果想坐得舒服D﹐不太嘈吵的話﹐可以先考慮呢度。午市套餐有十多款﹐平均係$58~68左右﹐淨睇牌面價錢都唔算貴。我地要左兩款﹐雜錦烤肉餐同韓式石頭窩飯。奇就奇在點雜錦烤肉的時候侍應生問我地要咩肉﹐我地呆左一呆﹐要左牛肉﹐然後不斷思考﹐雜錦烤肉點解唔係雜錦肉而係要選豬牛雞﹖前菜共有四碟(應該係每份餐兩碟)﹐碟就夠大﹐但其實份量不多。甜蕃薯味道不錯但煮得太硬﹔泡菜不夠辣﹔豆腐無味﹔最好的就係芽菜仔﹐不過兩啖就無晒﹐真正一人一口。餐湯就夠大碗﹐味道係傳統的韓式蘿蔔牛腩清湯味﹐不過淡左少少﹐可能係因為剛食完泡菜吧。白飯及主菜送上。結果“雜錦烤肉”只係黎左一碟“煮牛肉”。因為牛肉好明顯唔係烤的﹗既無燒烤的“香”﹐亦無燒烤的“色”﹐最唔對路就係太過濕夾起件牛肉居然有汁滴落黎。烤肉﹖呢個“煮牛肉”﹐其實調味係做得唔錯的﹐可惜做法太馬虎﹐點好味都無用。石頭窩飯份量都唔少﹐