品穀

營業中

休息中

平時路過門口都是排隊，今日經過終於可以等一等，品嘗一個令人回味的牛角包。賣相吸引，顏色金黃，不油不膩。質地酥脆，內裡包含以黑芝麻粉打成鮮忌廉，香濃芝麻味搭配得非常好，不會食到滿口都是油，而鮮忌廉不會太甜，令牛角包更有特色。雖然價錢比較貴，但是值得一試，下次經過一定會心思思再買再食。

🥖芝士溶岩。$18有4種唔同芝士，芝士味好濃，包括有旺倫芝士、水牛芝士&2種車打芝士除左溶左既芝士係面，入面仲有好多芝士粒粒。🧀🍞冧酒葡萄。$17面包充滿黑冧酒香，粒粒被白蘭地浸過的葡萄，好正，面包好松軟‼️以上係12:30pm買‼️之後知道牛角酥要1:30pm至出爐我地惟有行下再買過🥐抹茶牛角、芝士牛角。$28呢個難怪最出名，真係好好食！本來我好抗拒牛角酥，因為知好多反式脂肪好肥無益。但一場黎到，總要試下！🤔買完之後要攞票稍等，因為需要經師傅再新鮮擠入芝麻或抹茶忌廉牛角酥個酥皮勁脆有層次，又唔會食到成口油，D忌廉好滑又唔會太甜，面頭有d脆朱古力，增加口感，牛角包整體是滿分的。好釆最後一個抹茶味比我地買到

此店長期也是在外邊大排長龍，因老闆兩兄弟靚仔之餘，做麵包亦好有Heart，堅持以健康為宗旨制作高品質﹑高纖的烘焙食品。基本上每天的烘焙食品早早賣完，有些更要在特定時間才出爐的!我買到的是最後一件濃黑可哥布裡歐加黑冧酒Choco Cacao既是麵包又是甜品，雪糕cone的外型，加上一支黑冧酒(Dark Rum)滴滴，玩味十足!麵包表面有一層朱古力甘那許 (Ganache)，即是以朱古力與新鮮奶油混合製成的夾心體。當中的朱古力比例成分越高，ganache越偏硬固體。店員提醒，將帶苦的黑冧酒要「吱」在Choco cacao不同點才均勻酒味。喔~ 這是……? 

這間佐敦麵包店「品穀」，上次中午路過想幫襯卻大排長龍，今次平日下午來終於不用排隊可以慢慢揀！這個名叫「濃黑可可」的朱古力包非常軟熟，而且口感實在，絕不是空氣包，除了裡面有半溶的朱古力粒之外，外層還淋上60%的黑朱古力醬！當然，重點是插在麵包上的Dark Rum，可隨著喜好注入麵包任何部分，令麵包濕潤一點，食落不會太乾，Rum酒跟黑朱古力味道亦都好鬼夾，整體不會太甜。欣賞店方的創意和細心，客人可以選擇要一個cone來放上這個朱古力包，除了方便相機食先，衛生方面客人也不怕會弄髒雙手，值得一讚！

曾在短時間售罄的麵包，排到都買唔到，今日剛巧經過，見無咩人排隊，就買左四個包，$85,都真係幾貴款式不多，我買左:1.兩個經典牛角色($23/個), 夾個時已經知佢好脆，都擔心會唔會脆到裡面可能無包食，不過原來真係外脆內軟，食到好香牛油既麵包味，份量足2.另一個有hazelnut 朱古力既牛角包($25),里個既口感同經典牛角包都一樣，係多左朱古力係裡面，里個包，我隔左兩三個鐘先食，但外面仲係脆，都食到包既牛油香味，係un左dd，相信放入焗爐reheat一樣好味，份量足3.最後蔥油蝦子包（$14)，好香既葱油味，蝦子味就食唔到，應該係比葱油既味搶左，浪費了蝦子，可能賣相無咁齋，有d紅紅地，包比較細個，里個包係焗爐reheat 再食，reheat 都無特別乾，不錯！我覺得麵包係做得不錯，味道都好，新鮮，但唔太食得出個分別，價錢相對地貴，比起外面大牌子既包店，或者我會選擇大牌子既包始終有點比上不足 比下有餘既感覺，味道唔差得遠，價錢有d差別，我不是愛食包既fans,係中二試新食物，如果食麵包要食得健康，對我來說又不是現在最大考慮既問題😊反而係比出既價錢比得值唔值

係佐敦食完午餐，就行左一陣街，醒起佐敦附近有間都算新開又近期好出名嘅麵包店，所以順道去揾一下，因為佢出名係酵母菌制作嘅麵包，制作出品都好認真，好多人慕名而來，我都一樣係個麵包控，所以真係要試下。去到裡面好多人，不需要排隊，地方比較細，但好整潔，麵包都有成20 款，仲有自家出品嘅核桃醬，好似好正咁播我買左下圖嘅骰仔包$24 四四方方，肉眼估計大約 3.5'x 3.5' , 好軟熟，好好食，好多粒粒朱古力，好重朱古力味但唔太覺d咖啡味，可能已經溶為一體仲有下圖：肉鬆皇冠 都係好好食， 可惜肉鬆太少，但好香，有芝士香味，同肉鬆好夾，所以好正麵包整體上係好食架，唔錯。

佐敦呢間人氣麵包店「品穀」位於「澳牛」附近，印象中好似在電視節目中看過其出品，這天經過正好一試。店面光猛乾淨，看麵包種類應是走日本和台灣風，但歐式麵包也有不少選擇。水準不俗，買了一個蕃茄煙肉比高及芝士溶岩包都OK，前者富咬口，屬我喜歡的硬度，而蕃茄亦令這個bagel添加清新的感覺。而芝士溶岩則勝在用料實在，應用了幾種芝士的配搭。不過，最令我印象深刻的，是樣子像甜筒的Choco Cacao。呢個包用黑朱古力及可可粉等造成，放在個硬紙筒上，還有少少的dark rum酒比你注入麵包內，味道雖然並非好味到冇人有，但至少有趣好玩，造型突出，扼Like一流也！

我其實已經去食澳牛時經過幾次，佢都勁誇張賣曬麵包，得番長法包。今次我好早去10am,終於得試佢既牛角包。我揀左有hazrlnut jam響入面果隻。拎番屋企，即刻拎出黎試！哇，不得了！花生既香脆，加埋牛油濃香同脆囗又層次分明既皮，係我食過最好味既牛角包。美中不足係個hazelnut jam好乾。另一款包係earl grey提子，淡淡既茶味配香甜大粒提子乾，都不錯吃。

位於佐敦的品穀，是一間很出名的麵包店。作為一個包控，麵包舖的名子也略知一二。每次經過品穀，面包架上勻空空如也，鼓不起勁買呢。今天和朋友吃晩餐，朋友送了一個牛角包給我牛角包甚大一個，但牛油香氣不濃，咬下面包，外層酥皮不脆不酥化，有點失望面包香氣不足，唯屬夠鬆軟有彈性

第一次為麵包而潮聖😋😋 自從毛記訪問一出，一大堆粉絲直踴此店，（包括我） ，深信大家都是想來支持有夢的老闆和品嚐一下有深度、有誠意的麵包。麵包分幾個時段出爐，我都係去之前打一打電話去問左先門外排左一條人龍，好在我排頭幾個，都只係等左10-15分鐘～ 榛子旋風（$24）必食croissant ， 看得見的層次，蜂巢氣孔分佈均一；吃得出的外層酥脆，內裡濕潤～淡淡牛油味，不會弄得手油淋淋。 另外， 濃黑可可是cacao 三重朱古力包 " 麵包甜筒合體 🤓第一次試 black rum~有點苦苦的⋯ 「甘苦與共」 Aruba 100% Cacao powder , Callebeaut 60% dark chocolate ～拉絲吐絲 （$22） 真的可拉出絲啊！ 吃得到的regularity ～ 吐絲軟綿綿，如果可post 短片就可以看到那個有彈性的麵包 動L 法國麵粉果然是特別好吃的～

每次到佐敦都會到店鋪看看買想食的包，一直期待試的傳統長棍，今天終於買了回家與家人分享味食可惜，不到預期，媽咪未試過新鮮酵母種發酵的baguette , 但今次試的傳統長棍，太失望了， 是否太過火，烤焗得太焦??定是原有風味?? 我們沒有再加熱，入口皮脆內軟，柔韌口感，味道苦澀已破壞了前段的美味，扣曬分, 愈食愈苦媽咪仲叮囑食咁多，沒有益，太燶了，所以今次真係强差因為不是都撞上出爐時間，期待已久的，味道原來是如此

聽說店主曾在法國學師, 並用自家酵母製作麵包, 上一次行經佐敦錯失了出爐時間,整店的麵包都幾乎被掃光 今次再來佐敦, 趕上出爐前15分鐘抵達星期日下午人龍不太長每人限買2個酥皮類, 每人最多6個包還沒吃午餐的我們, 每一個都想試最後選了6款自己有整開麵包,又係麵包控既我來說難得新鮮出爐, 真係急不及待試食由於店內太多人, 打杖咁, 所以無機會影相太肚餓, 食完先醒起唔記得影相 so sad紅莓芝士:我個人覺得係我地揀咁多個最好食既外皮煙un少少脆, 內裡鬆軟得黎有口咬,會食到麵包同酵母本身既香氣紅莓酸甜, 食到中間好creamy既芝士,好香奶味又滑, 酸甜中帶芝士既咸奶香, 仲有包本身既香味同口感整個味道都平衡得非常好經典牛角包:雖然有d貴, 但係值得, 因為係香港要食到同法國當地一樣好食既牛角包係好難!男友話係香港食過既牛角包黎講, 係比較接近法國口味既牛角包有d美中不足,個包已經凍左如果係熱既相信會更好食好香牛油味, 外脆內軟, 唔油我地今次唔知, 如果大家係想買完即食既, 記得搵店員熱返個包榛子旋風酥:同牛角包一樣,不過中間會有榛子碎同甜既榛子醬個人覺得有d甜 (本人偏愛咸包,

我係麵包控，曲奇控，喜歡周圍試，各種中西式包點，甜品愛好者在傳媒威力，一次訪問，知曉此店欣賞創業人既心機同熱誠，吸引下想試試店內的心機包點但講究用料，品質，花心機製作的出品需時，又要預岩我經附近，真係好難遇，不是每次都買到分別前後去試左兩次合桃芝士第一次試，天氣凍，但店員好好幫忙番熱，拎住個暖暖入口鬆軟的包，芝士合桃脆口香香，用料充足，食落好多合桃芝士，愈食愈想食，美味，係食盡服務及品質之選今日第二次再光顧，試最傳統短法包真係感受外脆內軟，麵團香香，外皮脆脆，好有口感，不用番熱都，正包雖然好食，但店人流不絕，但好彩未至排到出門口，但今次因為人流多難以應付????店面內有5個店務員，但要求幫忙切麵的時間都沒有?? 都要考慮一陣先 法包唔切開點?

食過10次8次,由最初無乜人,可以隨時入去揀住買(大約6-8次),到最近毛記出完個ad之後好長龍,要咁啱行過仲有就買個食吓(2次,都係當時全店最後一個包),其實我覺得品質無變嘅,服務都無話變到好差(咁當然唔會好似當初咁殷勤啦)。今次想寫兩句,真係因為睇咗幾個之前d人嘅食評,覺得好多人都好搞笑...講真,啱食就排,唔啱咪走囉,話人為整人龍而整人龍,係又so what,咁有人肯排嘛...有d人就係咁,又唔抵得要鬧,又忍唔住要排,自己攞唻辛苦...其實唔啱feel唔好勉強啦,大家win win嘛...我都想唔駛成日咁多人,等我可以買多幾次…話晒我係個唔會排隊,但又想食比較健康嘅嘅人嘛

不論係麵粉定用料，賣嘅所有麵包都寫明用料嘅品牌。去到依然係係店外排隊等買包，每人最多可買6個，酥類就只可以買2個。想食嘅朋友記得睇住個出爐時間表，咁會容易啲買到自己想食嘅包今次我買佐兩個包同一個鬆餅。好香伯爵紅茶味，口感軟熟有咬口，上面有糖粒所以微甜。麵包偏甜，合桃都多每啖食落去都有亦都係大粒嘅！伯爵茶鬆餅，茶味非常之香。自己有用焗爐整返熱佢，大約3到5分鐘。食落乾濕度剛好，外面微脆，入面重係鬆軟嘅。個人建議切開一半先焗，因為鬆餅比較高身，好容易出面剛好但入面無咩溫度。重要嘅一樣就係佢唔甜，但因為茶味濃就咁食都唔會覺得好齋咁。食完真係有種滿足感，真係唔係空氣麵包！另外，因為排隊時店主都有比鬆餅我哋試，我試佐原味。中間有點太濕，得外圍做到鬆軟效果，但依然係唔太甜好食嘅。