咖喱鄉里 (已結業)

買完炒粉絲見隔離鋪個千層薄餅好似幾好味所以就買左一份, 要左羊肉餡, 因即叫即整所以都要等一陣, 見師傅整好似好好味, 但回到家食就兩回事, 餅皮有點un, 而餡料亦唔多, 味道麻麻

幾鍾意食依家的千層薄餅，特別係tea time，只係$18就有一個千層薄餅+飲品，幾抵呀。不過佢冇主動比curry我wor，要問先有既，唔通個set唔包source??仲試左個雞卷，我唔係好食得辣，所以愈食愈辣>"<

黎附近拎返份文件，但call 去又話未得，在APM 行左陣，黎到foodcourt，見到拉緊薄餅.. 忍唔住叫返份先...印度薄餅$16- 其實個個foodcourt 都會有檔咁既野... 不過間唔中食下都幾好味。印度拉茶$12- 都幾好飲^^

咖喱當然不是這裡最好不過有如外國人總係鍾意食Chinese takeaway咁對咖喱的確係有情意結這個咖喱鄉里就更加係這個嘈嘈foodcourt的最好選擇嚴格來說可以話citysuper各foodcourt中都係咖喱最維持到水準而且價錢最公度看著金牌女兒紅的簽唱會四位明明唔識唱歌的女兒走去出碟真係好野但起碼證明左別怪他呢隻歌本身有問題人人唱出黎結果都係一樣今次吃咖喱蝦餐下午茶時段好多人排隊等左一陣先有得食坦白講食咩肉無咩分別都係想要個汁黎蘸下薄餅既者有沙律有野飲抵食

免治羊肉卷$22~要趁熱食,凍咗個皮較硬,個餡無汁,較乾身.免治羊肉三文治$28~一客四件,蛋味重過肉味,得好小肉咋.特色南印度千層煎餅$16~無餡果d呀,無mug味南印度拉茶$12~有點薄荷味咁,自己就唔太鐘意了.

叫左個$65套餐, 快餐始終係快餐, 質數同去一般咖哩店食差好遠好遠...味道亦唔夠正宗(唔夠'印度'), 最後食唔夠一半放棄左.其實已經唔係第一次幫襯; 今次之後相信都唔會再有下次了.

我每次都黎呢度食o加喱... 真係好香....最鐘意..食羊肉同雞肉... 薄餅係必食...d汁真係好好呢...個餐ok啦~40幾蚊... 呢度同新港地庫既一樣甘好食~~^^ 好鐘意食新港既food court..^^

4月1號果日同朋友黎apm shopping，行行下見肚餓就黎food count搵野食，最後揀左呢間。同朋友share左一個吉列豬扒咖哩飯餐，跟餐有一杯乳酸飲品同埋一小碗菜沙律。等個飯真係等左好耐，我諗都差不多兩個字。個咖哩飯d咖哩汁好多，唔辣而且甜甜地幾開胃。個吉列豬扒塊皮”火農”左少少，d肉都偏鞋，不過都算過得去。個菜沙律就最唔掂，食落去成朕草味，好似比牛食既草咁。杯乳酸同出面買既差唔多味。

約左朋友去唱K lunch，但冇位唯有改唱happy hour。中間剩低少少時間，就o黎左apm foodcourt搵食!　我叫左"漁獲至寶"，其實係一個咖哩魚塊+薄餅+沙律+飲品o既套餐。等待時間只需5分鐘，味道卻唔錯：微酸o既咖哩非常開胃，當中香料配搭得宜令人一食上癮，停唔到口；而魚塊都煮得入味好食~ 反而薄餅未夠鬆化，只係一般貨色~ 另外飲品我叫左拉茶，有濃郁o既肉桂香味卻唔會太嗆，又係幾得~　平時食開o既印度餐廳都好慢。要食快靚正o既印度野，依度都ok喎~(都另外食過幾間Curry-in-a-hurry，覺得此店味道最好!)

之前食o左幾個套餐,最後叫o左個唔知咩名o既咖喱羊肉卷(好似卡巴kebab果種).味道同o係其他分店食o既差唔多,幾好食,份量又夠,多肉多菜.絕對值得一試!

單買果塊薄餅,都要$16我叫返薯仔千層餅, 我同事則叫咖哩千層餅, 好明顯呢間係重手過MK分店果間,食左第一件已好火辣了,仲要果叔叔SAY 跟SET 係雜菜湯, 但拎果時係雞湯, 我又唔食雞既...........食唔晒拎走, 佢比左果盒我地!

叫左一個double happiness 餐,要雞同什菜,咖哩雞好食過什菜,不過D食物同staff都冇海港城果間咁好,D staff個個都冇咩表情,但o係附近黎講,呢間D咖哩算好架啦.

雖然經常係觀塘出沒，不過一直都冇正式去APM美食廣場食飯，昨日六點半見大把位就試下，行左一圈，環境都OK，最後決定試下印度咖哩。一行埋去Curry-in-a-Hurry，入面整野都係印度人，而外面有個後生仔（係中國人）派單張同寫單落柯打，單張印左佢主要賣的套餐，價錢由$38至$65，我即時選左一個叫Double Happiness套餐。個餐包括一份咖哩羊肉（可以選雞肉）、一份咖哩什菜、兩件千層煎餅（Roti Chennais）同一杯拉茶（1 meter Tea），咁多野食$45都唔算好貴。同之前既食家講一樣，入面”畢野”個位印度女士真係幾慢，張飛擺低左一陣先開始睇，之後再slow motion，如果好肚餓就慘啦！講味道喇，我選擇用印度式食法，用手撕件餅再點咖哩汁食，件餅真係好好食，香口得來好軟滑，個種微熱同件餅味道好配合，而件餅唔點咖哩亦可以（我覺得更好味），我唔知呢個煎餅做法是否正宗，但我真係覺得好食。至於咖哩，個人覺得冇乜特別，可能為迎合口味，有少少港式咖哩feel，唔係好辣，羊肉夠”林”，唔太大臊味；而個咖哩什菜，咖哩味不及羊肉個邊咁濃，味道都可以。講下杯拉茶，我落柯打時個位後生

我同個frd2個食左.係apm foodcourt果度.坐就預左唔舒服架喇.. 叫左一個雞肉3文治.唔係普通0既..係佢地突色果d印度3文治..呢個好正呀..!!但係食左一個咖哩魚就普通左小小..賣相冇相中咁靚啦..有d雜菜同飯.同咖哩咁.味道我諗似korma ..! ok 值得一try架都.

與同事來食晏, 兩個人點了一份咖哩雞套餐\, 附有兩份烤餅, 另點了一份香蕉班戟, 先入口的是班戟, 最主要都是吃那層皮, 但質感頗結實, 與烤餅是同樣的料子, 不同的只是加了餡和煎的時候把餅壓平吧了, 又只是過了五分鐘的時間, 烤餅也是變得實實韌韌的, 咖哩香味道還有一點點的, 但雞的肉質是鞋鞋的, 另外的印度拉茶, 不太懂得欣賞, 只覺它好像用粽葉來煲似的。