咖啡灣 (荃灣千色匯) (已結業)

知道新開左間很夢幻的餐廳係我公司附近，於是約了我知己去夢幻下，門口大大隻天鵝已經很吸睛，佢仲識自轉的，芭蕾舞的天鵝湖音樂，即時在腦海閃過，店內還有一個發光幸福摩天輪，今晚好多人等了5枱先有位，凍疆了。好開心坐到杯形的座位， 因為已經很肚餓我們叫了:軟殼蟹凱撒沙律$88 墨魚汁帶子意大利麵$98 龍蝦汁大蝦墨魚飯$118 黑魔王雪糕曲奇窩夫$78 ，飲品: 藍莓沙冰 綠茶鮮奶 最重要叫左主菜可以半價叫飲品， 所以一定要叫飲品!首先軟殼蟹炸得很脆，我們一分為2，裡面出晒煙仲見到少少蟹糕，食落咸咸地有蟹味，讚 凱撒沙律就普通無特別，沙律菜香草碎，芝士碎，沙律醬（開胃小食） 。藍莓沙冰，冰夠細滑，藍莓味重+乳酪調出黎，酸酸甜甜有90分! 綠茶鮮奶 很適合我，一見到龍貓真的超開心，原本餐牌係3眼仔，當時覺得綠色幾靚，問店員係咪一樣3眼仔，佢話唔一定，不過一定有拉花，估唔到係龍貓，味道唔太甜，綠茶味好重，我喜歡呢種回甘味道，鮮奶味滑溜突出跟住就主菜到啦，墨魚汁帶子意大利麵，墨魚汁已經讓染到全黑，帶子其實係日式元貝，有6隻， 另外有洋蔥，意大利麵係白色的，不是黃色，可能不是小麥製。意粉好香有蒜蓉味。

行過兩次見到間餐廳裝修得幾靚，入面又有天鵝又有用晒粉紅粉藍色，見啲評價幾好咪同屋企人入去食囉！其實啲野價錢同一般cafe相若，最大問題係食物質素雙重芝士「焗」薯條其只係炸完啲薯條放芝士上去再燒燒佢，只係得上面有芝士，下面同淨薯條一樣仲要炸得唔夠，完全唔金黃意粉係重災區吞拿魚意粉睇落好多吞拿魚咁，但事實呢？睇真啲幾乎全部都係磨菇片，食落勁乾，汁又唔夠料又無！係得個窩夫叫做好少少，起碼個樣算靚，可以影下相呃下like啦其實計野食我都仲可以俾ok但服務真係唔得入去之前無講過有限食幾耐，您唔記得講都算大佬，我食一個鐘都未夠，你就咁講句夠鐘要埋單就掉低張單唯有再叫人黎問下乜原來限一粒鐘要交枱？你先同我講可以食個半鐘！其實限個半鐘無問題，但唔該一開始同人講聲先一開始唔講，都唔該喺你掟低單前講聲我地仲有半個鐘時間，但要埋單先ok？都已經無要求你地問人需唔需要加單了！去cafe食一個鐘就俾人趕，仲慘過去食咖啡燶

朋友之前已經介紹左間吾錯的CAfe比我，一心諗住同朋友去試下佢，今日大約8點鐘到達，都差不多爆滿，我地今次叫左飲品，主食和甜品，價錢可以的但服務就差少少，講真我自己都係比較麻煩，想要玫瑰花圖問待應又話吾知得吾得，問都沒問咖啡師，之後經理黎到我再講佢就話儘量幫我搞（果時個待應係勁黑面），最後都有好開心。。但覺得個待應係客人面前咁黑面就真係冇咁好羅。最後結帳$333。。每人$170都OK飽下次都會黎食。玫瑰鮮奶咖啡 $19..味道都濃郁玫瑰香而咖啡味道都保持到不錯喎，但如果少甜就會更好了。焦糖雞翼薯角沙律$78..薯角都脆夠熱，雞翼少少甜而仲有面有黑椒份量都吾少抵食！～香辣蒜香蜆肉義大利面$82..份量吾叫十分多但勁蒜不太辣，意粉有口感而蜆肉份量適中OK！～紫薯雪糕窩夫$88..吾好有期望，味道味道一般而雪糕味道偏弱，窩夫吾太脆但有蛋香。綠茶鮮奶$36...味道吾似日本綠茶粉，似韓國綠茶味道都幾好而且奶味重，而且公仔都幾靚。

今天行經荃灣，在一百貨公司樓下，發現了一所新的餐廳，這個位置原是同區出名兼人氣的餐廳，後來沒有做，就轉了這間新的餐廳。這餐廳名為咖啡灣，英文為 Cafe Swan，在門口處有隻白天鵝，內癦亦見天鵝踪影，全店以白色為主幹，因而有點雪白亮麗的感覺，也有簡潔雪白的視覺。在看過餐牌後，除了以咖啡室中的咖啡作主導外，還有的是以意粉為骨幹，但亦有漢堡包食。選了大蝦蕃茄醬義大利麵，意大利麵堆起來成為雪糕筒似的，蕃茄醬則在意大利麵上，還有香草在上面，而大蝦則在意大利麵旁，意大利麵幾乎被那蕃茄醬染成紅色。麵條入口都幾爽口的大蝦亦具爽口彈牙，不過份量則小了一點呢！加了大洋，就有一杯 latte，咖啡上畫了一朵花，而且還有泡沫在咖啡上。咖啡是香濃的，又夠滑吧。只是加了少許糖，就能喝到咖啡的味道。今個午餐，可謂略嫌偏貴，但整體是可口的。

朋友見咖啡灣有好多好評，所以專程慕名而來，但真係失望而回。藍精靈沙冰，顏色鮮豔奪目，係Tiffany Blue黎，味道卻怪怪，係我地係超市買果啲柚子蜜既味黎，只可以話顏色同味道一啲都唔夾。焦糖雞翼+薯角。雞翼個皮唔夠脆，可取的是薯角剛炸起，夠晒熱辣辣。軟殼蟹黑松露意粉。對唔住，依個真係難食之最，軟殼蟹suppose係脆、熱、香口，但依隻蟹油淋淋，食落仲會滴水，真係好難接受。不過，意粉夠煙韌，算係不幸中既大幸。磨菇飯。飯都叫做軟硬適中，但無乜特別，唔值得特登叫黎試。總括黎講，真係好失望，唔會有下次。

去完shopp i ng ,見到這間餐廳裝修得好fancy ,裝修的顏色好柔和,配襯好靚。雙腳不奇然行咗入去。入咗去更加覺得好靚,好大隻天鵝,又有白鴿,摩天輪,好童話的感覺。和友人欣賞完裝修後,便點了些食物見到餐牌都是圖文並茂,咁就完全無煩惱啦。我地叫了軟殼蟹卡邦尼蛋汁義大利麵軟殼蟹全隻放在意粉上,樣貌好得意。切下脆脆的,好香的蟹味。雖然意粉的份量不是太多,但足夠一個女孩子的份量。意粉不會太乾身,好香的芝士味,什菌大大粒,配合埋香草,吃完好滿足手作特級和牛漢堡 個包係漢堡包,上枱是已明顯見到中間的用料,好吸引。旁邊有新鮮的薯條作拌碟。茄汁黑糊椒，唸起都野味。咬落感覺到牛肉的香味,牛漢堡相當厚身,口感十足。 包暖暖的,皮脆內軟,又加了半溶的芝士,好幸福的感覺。薯條外脆內軟,長長的,望落已覺新鮮,雖然知道好熱氣,但都食晒所有的薯條。,飲品友人叫了玫瑰朱古力 看到有玫瑰花辦在面頭,飲下都有好香的玫瑰花味,朱古力味都好濃,好味而我就叫了個好滋潤的菊花桂圓杞子 花茶用了助熱氣熱著,菊花是用茶袋袋著,很細心,杞子和桂圓的份量也很多,所以好香和好甜。越飲越好味。最後還叫了個甜品香蕉朱古力咖啡雪糕窩夫

這店由大埔開到去荃灣，呢間cafe裝潢是有心思的，又有一點少女心大大隻白天鵝放在門口，而入面好多卡通擺設跟相片畫圖最鍾意佢每杯牛奶或咖啡都有獨特拉花圖案<玫瑰鮮奶咖啡> $38朵玫瑰花拉得幾靚，又有花瓣係旁邊，邊飲會慢慢滲出淡淡玫瑰花香味<鵝肝和牛巨人漢堡> $138麵包鬆軟微熱，鹅肝煎得兩邊甘香皮脆，內裡仲好粉嫩，而和牛已刴成肉碎再加入秘製醬汁，咬下口感實嫩仲好多肉汁流出，中間仲有新鮮蕃茄跟生菜

話說某日同事見開左間咁夢幻嘅餐廳，就相約放工後來試試，少女風的餐廳啊，哈哈。先被隻天鵝吸引住。還有咖啡杯坐位。來到餐廳時已差不多九點，人不多，應該是因為已過了晚飯時段了吧，坐低後店員便送上水，餐具等，睇下餐牌食咩先。軟殼蟹卡邦尼蛋汁意大利麵（$108），同事點的意大利粉，隻蟹好有霸氣喎沒有炸得太乾，食落仲有蟹汁流出，卡邦尼汁的芝士下得很多，每條意粉都有醬汁包住，超正呀。手作特級和牛漢堡（$98），自己點左漢堡，上枱時熱辣辣的。厚厚的漢堡肉加上半瀜芝士，仲有蕃茄生菜，麵包塗了牛油烘熱，咁嘅配撘好難唔好食喎，唯一覺得茄汁同芥末醬多了點，有點酸。薯條厚身，香脆有薯味，不油膩，加了少許香草更美味了。黑魔王曲奇雪糕窩夫（$78），食完主菜就想食下甜品，見枱枱都有叫窩夫，我地又叫番一客先。用的是花形的窩夫機，烘得外脆內軟，窩夫勁有蛋香，加上甜而不膩的忌廉，仲有oreo餅，朱古力醬，綿花糖等，賣相又靚又好味吖。點了食物的話飲品有半價，是晚不太想點甜飲就作罷了。

餐廳以意粉和甜品窩夫為主打，廚師對烹調意粉富有心得，又愛自創不同菜式，為顧客帶來新鮮感！窩夫即叫即製，外層烘得香脆，內裡鬆軟，原粒紅豆增添口感，唯獨綠茶雪榚味道和幼滑度一般！

同女友食飯當然帶佢食好野啦，係荃灣一間西餐廳，真是平傭中帶點高質享受，餐廳外圍亮澤精緻 ，色調均勻，讓人可感覺到浪漫嘅情調。餐廳內地方寬敞 ，舒適 ，有足夠嘅空間感，而且四周擺放浪漫嘅飾品，環境相當吸睛仲散發出一種 生氣活力嘅感覺。落單首選當然要試下軟榖蟹沙律做前菜啦，因為金黃嫩紅嘅軟穀蟹係原隻的，再加上沙津醬同生菜作配合，口感簡一流呀！食完前菜，當然要試一試黑松露米蘭墨魚汁雞扒飯，味道一流，雞扒外層用雞蛋先炸起，外脆內軟，再加上鮮甜易入口墨魚汁拌飯，真係一試難忙！又到甜品，要試一試紫薯雪糕窩夫，餐廳嘅甜品係以窩夫為主，外型特色，雪糕輕盈幼滑，甜品必食！

好友生日、請吃飯、不用傷腦筋！首選Cafe Swan。之前食過難忘那美味、今次依然有員工哥哥熱誠招待、有就像回家吃飯的感覺、很窩心呵~今次他又有好介绍、我們Order了一些主打推介……鵝肝和牛巨人漢堡 $138配以外脆内鬆軟薯条、很好味！包比起餐牌上見還要大、份量很足夠！包熱乎乎脹卜卜的、十分鬆軟要趁熱吃、中間層的牛肉是人手刴而不是機'器攪碎的、所以很嫩滑肉汁豐富、還有粒粒肉質的口感、加上蕃茄、生菜和秘製醬计的配合散發出豐富的層次感、這片鹅肝本是夾在漢堡裹的、我用了刀义去品嘗了……切開的鹅肝呈現了嬌嫩的粉红色、吃一口~噢~冇得输啊！她嫩滑、甘香、外皮脆、也沒有酥味、煎得剛剛好！又是一度難忘的滋味！黑松露什菌菇屋 $78鮮墨鱼汁飯沐浴在豐富的什菌醬汁中、飯的頂層蓋上一個大鲜菇、而菌汁香味撲鼻……飯和醬汁入口香滑、鲜菇水份充足、只是略嫌飯的份量少了點、若是男生可能未必夠飽、本人計已足夠了。一) 草莓沙冰 $42 二)宇治抹茶紅豆鲜奶$ 42接着是色彩絢麗又好味的草莓沙冰、莓味濃、沙冰幼滑、而抹茶红豆茶味香、清爽與红豆永遠都是那合拍、两杯飲品都甜度適中！ 她不只有漂亮的外表、更加有内涵

去咖啡灣嘆個晚餐真係不錯！今日同朋友聚聚，確係不錯的地方。餐廳環確係充滿生氣和活力，而且又清潔衛生。入座後，服務員有禮貌地款待。餐廳環境裝飾令人感覺很有童真，不同玩具裝飾襯托出餐廳氣氛和主題。確係幾有趣👍🏾然後，我們order 左秘製醬汁鵝肝和牛巨人漢堡，黑松露米蘭雞扒墨魚汁飯和兩款不同大蝦意大利麵。個人感覺鵝肝煎得比較燶，而且很細🙁但醬油味道甜甜的，頗算可接受👌🏽，牛肉份很多，肉質香稔軟嫩，很好吃。然後有少量薯條左配菜。😋另外，就係黑松露雞扒墨魚汁飯，黑松露味道控制得適宜，不會太過於濃，也不太淡，不會覆蓋墨魚味，個人感覺幾好食，也很開胃。😋大蝦意大利麵份量適中，不算話很多，醬汁感覺可以再多些少，因為食落感覺有點乾身，不夠味道。。。但是大蝦真是不錯呀！肉質新鮮爽口，令人很開胃。最後，當然係飲品啦，我地order 左杯菊花桂園杞子，真係好足料架！好欣賞呀。。。而且，食完後，服務員可為你添飲，真叫人享受，舒服，自在。。😌👍🏾

今天相約朋友在荃灣 吃飯, 路過“咖啡灣”餐廳, 給餐廳門外大大隻的白色天鵝吸引住。適逢假期, 吃飯客人很多, 幸好在門外等了10分鐘後, 便被安排到闊落舒適的4人卡坐。經服務員推薦, 我們點了很有人氣的食物:軟殼蟹意大利麵和大蝦墨魚飯。大蝦墨魚飯(118元): 4隻大蝦新鮮彈牙, 墨魚飯用了珍珠米, 吸收了墨魚汁煮熟的飯, 口感適中帶點濕潤, 再配合龍蝦味醬汁,  每口飯都含墨魚幽香; 喜歡它海鮮味不是很濃, 但足夠吸引, 回味無窮。軟殼蟹意大利麵(108元), 意大利麵配卡邦尼汁味道穩妥, 口感硬度剛好。炸過的軟殼蟹很香脆惹味，整體來說, 較適合喜歡濃味的朋友。最後點了杯岩鹽焦糖咖啡, 岩鹽另上, 自由調較鹹度。咖啡天鵝拉花 配合餐廳主題, 味道甜蜜中帶鹹, 極端的味道, 可以一試。

經過荃灣千色店見到這間粉紅色的餐廳，馬上心心眼，門口有隻白天鵝和蘑菇，好cute cute ，感覺夢幻、少女，便決定要入去試試。Menu colourful 款款都有圖片，非常吸引。黑松露野菌忌廉意大利麵的份量多，黑松露的石油氣味不算重，忌廉味濃。野菌用牛油炒過，很香很滑。意大利麵煮得剛好，不會過淋或過硬，口感煙韌。豬排墨魚汁飯配忌廉汁的擺盤好看，長方形的墨魚汁飯放在紅紅白白的忌廉汁中，忌廉汁又有蝦乾，味道很香，增添鮮味之餘，顏色配搭起來好靚，馬上相機先食。隔離枱之後都有跟著叫。豬排熱辣辣，肉質鬆化，外脆內軟，炸粉不會很厚。飯粒粒粒分明，口感煙韌，份量多。炸魚薯條的份量大，是3-4人份量，約有8塊魚柳，熱辣辣的，外層炸得很脆，中間的魚很滑，伴上黑醋汁沙律菜有助解膩。

上月和朋友來過咖啡灣，上次食過和牛漢堡非常美味。今天和表妹來，這裡不論環境和食物，都很合這個少女的心意。這天我們選了兩份義大利麵和兩款飲品。卡邦尼溫泉蛋義大利麵 $72 ，把卡邦尼意粉伴匀搗爛的温泉蛋，兩種口味融為一體 ，想不到是那麼配搭的。而煙肉也很香口，表妹吃得很稱心滿意。墨魚汁帶子義大利麵 $98，意粉熱騰騰入口時，感覺味道平平無奇，但涼了少許再把意粉入口，墨魚汁的鮮味便出來了，麵質軟中帯韌，有趣的是蟹籽會不時在口中爆開。而帶子質地不錯。藍精靈沙冰 $42，有乳酸和柚子味道，粉藍色的沙冰有點柚子皮點缀，正是味覺和視覺的享受。檸檬錫蘭紅茶，餐加 $5，檸檬渗出淡淡清香， 錫蘭紅茶不澀口。