咖啡灣 (荃灣千色匯) (已結業)

與閨蜜慶生，特意來佈置夢幻的【咖啡灣】，感受少女氣息。門口有2隻白天鵝迎接我們，玻璃窗內的天鵝隨著燈飾迴旋，活像巨型的音樂盒，十分浪漫。餐廳最大的特色是，可愛的咖啡杯茶座，絕對是女孩子必爭之「座」。晚上七時正，餐廳已經半滿，相信週末要訂位了。最吸引眼球的是LEGO摩天輪，配上幻彩閃爍的LED燈，大家也情不自禁上前拍照。綠茶鮮奶 (跟主食點叫，有半價優惠+$18 )這裡的咖啡和牛奶熱飲都有精美拉花，但圖案是隨機的。我點了綠茶鮮奶，便深深期待著! 三眼仔拉花維妙維肖，慢慢攪拌下，綠茶香氣撲鼻，入口奶泡香滑，非常Creamy，喝到半滿時，杯底的綠茶粉更是衝擊味蕾。軟殼蟹黑松露忌廉意大利麵 $108軟殼蟹黑松露意粉是熱門推介，整隻酥炸軟殼蟹放在意粉上，實屬難得。 相機先食後，我才緩緩把軟殼蟹切開，白滑的蟹肉令人垂涎! 入口酥香無比，油香邪惡，脆而無骨，一口軟殼蟹，一口忌廉意粉，美味可口。淡淡的黑松露，加上爽口的蘑菇片，著實不錯。鵝肝和牛巨人漢堡 $138鵝肝和牛巨人漢堡真是King Size，半蓋上的漢堡顯露出肥美的鵝肝、厚實的牛肉及蕃茄生菜等，已經叫我滿心歡喜。先吃脆卜卜的薯條，打開滋味的開

最近在網上看到這餐廳的介紹，最吸引的就是關於軟殼蟹卡邦尼，所以今天晚上就同小女一起去試一試。餐廳的裝修不錯，小朋友和年輕人都很喜歡吧！頭盤叫了個松露蘑菇湯，味道不錯，很有咬口，但最不足的就是吃得出並不是全新鮮的蘑菇，內𥚃包括了攪碎的罐頭蘑菇。隨著便試吃網上推介的軟殼蟹卡邦尼，卡邦尼的味道也很好，不過軟殼蟹炸得不夠脆，而且亦有同一不是之處，意粉𥚃又是加了罐頭蘑菇🙄新鮮材料真的那麼貴嗎？😅最精彩及意外就是士多啤梨雪糕窩夫😋窩夫是新鮮出爐，又鬆又脆，香氣撲鼻😍這個才是最值得推介👍🏻

今天去完千色店買電器，又來到天鵝餐廳。愛上這裡悠閒的少女風又帶點夢幻的環境，每次來都彷彿有回到學生時代的感覺。今天和朋友點了花茶、窩夫及午餐牌的沙律和意粉。挪威煙三文魚沙律 $68沙律菜佷新鮮，又夠水份，沙律醬不會過酸過甜，很美味。煙三文魚有５至６大片，既有煙燻香又沒有腥味。 卡邦尼溫泉蛋意大利麵 $72 今次番尋味這個意粉，温泉蛋和卡邦尼汁很磨合。令韌度剛好的意粉更香滑。肥肉不多煙肉，吃得很放心。菊花桂圓杞子茶 $48這價錢—點也不貴，材料看得出不是下價貨，加熱水飲了兩遍，味道還是濃濃的。桂圓和杞子茶喝下感覺幾滋潤，加了菊花正好為我清清喉部－點不適。香蕉朱古力咖啡雪糕窩夫 $78 賣相令人精神為之一震，細看還有些金色的迷你星星糖點缀，未吃已給８０分呢！香蕉和朱古力不甜，窩夫外層微脆又有蛋香，内層鬆軟。咖啡雪糕球幼滑、有咖啡香之餘又不覺甜。二人吃完整份也不覺飽滯，滿足又沒有罪惡感。每人雖然消費约$150，但感覺物超所值！

12-3-2017 (Sun)同老公食完和食快餐後,行返去樂意廚都仍未開門營業,於是行一圈,返o黎都過o左12:00pm,點知連廚房門都閂埋,攪咩?唔通開1:00pm?真係好氣餒.同它公決定唔再等,去咖啡灣食.我o地去到後,被安排坐二人枱,我記得有all day breakfast,就搵出o黎,決定要$88.00 o既芝士奄列,$78.00o既香蕉朱古力咖啡雪糕窩夫,$40.00 o既綠茶紅豆,老公要唔知幾錢o既咖啡.落單時,女侍應話芝士奄列早餐可加$10.00要熱latte,老公話好啦,橫豎佢都諗住飲咖啡,就改呢個.而我都問女侍應,飲品可唔可以拉花?佢就話幫我叫同事拉三眼仔.而窩夫後落.幾分鐘後,兩杯先後飲品到o黎, 老公o既latte拉花,應該係一隻天鵝,而我o既綠茶紅豆就係一片葉,都唔係三眼仔,呢次係第三次o黎,已經冇一次係坐卡位,兩次叫熱飲拉花都冇拉到公仔出o黎,好失望(第一次同第二次o黎食o既食評:https://www.openrice.com/zh/hongkong/review/%E8%89%B2%E5%BD%A9%E7%B9%BD%E7%B4%9B-e2698654,

這個店舖的位置原本是一開舊式的港式扒房，最近已變成了這間咖啡店！ 星期六下午差不多兩點，依然要排隊等候，令我有點期待這裏的食物質素，怎料卻令人大為失望！ 兩人只點了一份軟殼蟹黑松露意粉， 芝士奄列早餐，雙重芝士焗薯條，以及兩杯飲品。 軟殼蟹黑松露意粉 $108原隻軟殼蟹上，值得嘉許，但軟殼蟹不脆，感覺像是預先炸了，已放置了一段時間般，是名符其實的"軟"殼蟹。 而且，整個蟹有很多水分，一切開就不停出水，令原來已經不脆的軟殼蟹更加"淋"。 黑松露意粉質感可以，尚算有彈性，但黑松露味道一般，白酒味更強烈，所以整個意粉都一般般。芝士奄列早餐 $ 98 (包一杯鮮奶咖啡）芝士奄列煎得過熟，幸好中間的芝士味道不錯。 薯餅炸得表面鬆脆，但薯餅本身質感一般，像是超市急凍薯餅。 其他配料的味道也是一般般，很普通。雙重芝士焗薯 $52薯條份量十足，有一大碟，但芝士分量少得可憐。 原本以為是炸薯條，怎知看錯了menu,來到才發現原來是焗的！ 薯條焗了之後一點也不脆，芝士分量又少，真的後悔沒有仔細看菜單！ 綠茶鮮奶 $36 三眼仔圖案加分，但質素真係很一般。因為不是用日本抺茶沖，喝下去雖然有濃郁的茶味，但欠缺

女仔總愛幻想，幻想自己成為個公主係細細個會做既事，今次黎左呢間荃灣既cafe，感覺好夢幻，食物都唔錯。荃灣B1出口出左天橋，沿眾安街左轉入去，藍色既大門一d都唔難揾！出面睇到粉紅色既咖啡杯做主題既座位，幾得意入到去既擺設都好童真，女仔黎又得，一家大小黎都岩門口既迷你摩天輪下面配左lego，有影相位兩點左右黎，依然係lunch menu，店員話遲啲先會出下午茶，不過午市menu都好多選擇，主要以意粉為主，沙律、飯類同漢堡都各一，雖然餐牌上既意粉實在好多款，但我係門口已經被佢地寫既招牌軟殼蟹意粉吸引左，所以心意已決原隻軟殻蟹黑松露忌廉意大利麵 $108意粉可以選擇卡邦尼定黑松露，卡邦尼感覺太普通，所以揀左後者。首先隻軟殻蟹係原隻炸，所以睇落都幾吸引又邪惡！平時出去食通常都係斬件炸，難得有間係整隻炸，所以午市餐牌無。成隻解剖時間炸得唔算好油，而且蟹味都幾濃，蟹肉就唔太多，主要靠食鉗同個殼～本身覺得主打係軟殼蟹，估唔到最令我中意既反而係個意粉。黑松露味道濃郁，落足料，菇片都唔少，配埋洋蔥，就咁食已經好滿足！不過都炒得幾多油，所以大家食呢個就預左係邪惡架啦卡珍大海蝦沙律 $82午市餐牌可以選擇既

朋友生日，佢想黎尼間食，咁我睇d食評都話唔錯同好味，所以決定黎尼度食。滿心期待，因為d相好靚，好似好好味因為我遲到，所以佢地叫先，以下所有餸名我唔確定係唔係咁叫。軟殼蟹意粉，算ok好食。冇咩特別同驚喜。鵝肝漢堡包配薯條，算好食。冇咩特別。個樣唔錯，食落普通，魚柳墨魚汁飯紫薯甜品，最好食係尼個。曲奇朱古力沙冰，好好飲呀不過同價錢，我覺得寧願飲starbuck既朱古力忌廉碎冰，後者好飲好多。朋友話玫瑰朱古力好好飲。唔記得個名，朋友話好飲。唔知咩名，朋友覺得少得制但ok好飲。整體食主菜好普通冇驚喜唔特別好食又未至於難食。至於甜品同野飲好食同飲。所以我認為如果想食甜品可推介尼度食，其他一律都唔建議去食。

今次同我太太到荃灣行街，見到這間外形特別，有隻天鵝系出邊餐廳，下午茶時段也很多人吃飯。我地就叫了一個意式班尼蛋煙肉意粉及大蘑菇忌廉飯。意粉很香煙肉味，粉軟硬適中，口感非常好，煙肉，意粉忌廉汁配合宜。大蘑菇忌廉飯，最特別就是有一隻大蘑菇在飯上面，汁也有很多香菇味，雖然之前吃了意粉，也是忌廉汁底，但也分別出兩種不同的味道和感覺。服務員親切有禮，態度非常好，笑容可加。

第一次來這間吃,有意外驚喜。裝修偏向可愛夢幻,90後背景音樂,最配上美味食物。要不是已經吃飽了，還想再加客紫薯雪糕窩夫，也期待花茶。服務態度好 上菜時間很快板燒雞扒香草義大利麵芝士味十足

有次行過千色店見到呢間餐廳裝修得好靚 。。好夢幻。。。女生一定好鍾意。。所以今晚我約左朋友黎食個晚餐。。。裝修得好靚，以粉藍粉紅為主色。。。2人位仲有咖啡杯椅子坐。。好靚。。影相一流餐廳入面都有好多擺設。。。整個環境都好靚，好夢幻。。。會情不自禁不停影下相可以清楚覺看到店員在沖野飲，為咖啡拉花。。。burger...麵包好鬆軟。。。軟綿綿又帶暖。。。好好味。。中間夾著滋味雞扒。。仲有芝士。。。成個雞扒包都好好味。。。仲配上了粗薯條。。薯條外脆內軟。 。口感不錯大大個的雞扒burger.....真是要用刀叉先可以進食另外呢款軟殼蟹黑松露意粉真是大愛我眼見很多食客都有點這款。。。原隻軟殼蟹上餐。。真是第一次見。。平時的多數已切件。。。但這隻軟殼蟹不但賣相精美。。而且十分香脆。。帶點鹹鹹的 好滋味。。。而且內裡仲有點點鮮味蟹肉。。 真是十分惹味另外，意粉是混和了黑松露跟雜菌。。。食起來了味道很濃。。很惹味。。。朋友點的抹茶紅豆鮮奶。。好creamy..好重抹茶味。。而且什麼時候都好，抹茶跟紅豆永遠都是絕配跟餐點餐飲。。餐飲仲有半價。。真是好抵我所點的檸檬藍蝶花。。。我很愛飲藍蝶花soda..

依個地理位置.....因為上一手服務嘅問題令我無再行依邊今日未夠鐘做嘢 行千色落到嚟 咦轉咗公司喎裝修幾靚！食西式意粉啱哂我~咁就入咗去試下！由門口接待妹妹到我坐低 個個都幾好笑容👍🏻仲會主動講有邊啲推介主打👍🏻開放式廚房👍🏻意粉到~賣相都ok喎 我一個人嚟嗌咗個煙三文魚黑松露野菌意粉 意粉硬度啱啱好👍🏻唯一麻麻就係可能有煙三文魚嘅關係 越食越油越膩咁 下次都係試其他好了就咁睇店舖員工大多係年輕人👍🏻係俾一班年輕人 希望你地keep住專業嘅態度工作👍🏻休閒傾計嘅 都推介依到！環境不錯！

在荃灣千色後面的一條不起眼的小巷，有一間好可愛的CAFE。門口有一座大大的天鵝作為裝飾，還有一排咖啡杯作為坐位，好有童話FEEL 門口的天鵝不停轉，好得意。我們星期六去，較多人，只能坐近門口的位置，不能坐咖啡杯 一一'' 不要以為裝潢可愛，食物就一般，他們的食物都好正。鐵板芝士雞扒漢堡 ($88): 最欣賞他的麵包烘得脆脆，雞扒很JUICY，厚切薯條超正 手作特級和牛漢堡($98) : 厚厚的牛肉，竟然肉汁非常豐富(拍攝角度不佳，牛肉漢堡有差不多3CM厚)配上生菜和新鮮蕃茄，好滿足^^ 我要了桂圓杞子茶，很足料，甜甜的，好香桂圓味，而且可以加水 今次只試了漢堡，未試其他意粉和可愛熱飲，一定會再來。 咖啡灣 荃灣眾安街68號千色匯2期地下G30-G33號鋪 港鐵荃灣站 B1 出口, 步行約3分鐘 電話號碼 3481 1883

荃灣區又有新嘅咖啡店了 - 咖啡灣此灣不同彼灣 呢個灣係千色匯樓下咋未夠8點 已經全場爆滿 要等位了勁大隻旋轉天鵝係門口做logo 勁吸睛餐廳內連吊燈也特別過人店員推介我地餐廳主打 唔洗諗當然最好呢個軟殻蟹意粉特別在於成隻蟹上軟殻蟹炸得非常香脆 卡邦尼意粉好creamy 中間加有好多洋蔥同埋煙肉 口感豐富巨人漢堡唔係得個名 真係好巨型鵝肝完全係重點 厚切之餘 入口味濃漢堡入口juicy 醬汁好特別 即炸薯條無得輸重有好特別嘅檸檬藍蝶花 會變色的蘋果蜜白茶 清清的好飲

難得男朋友放假.帶他去了'咖啡灣'一再回味我上次勁讃過既鵝肝和牛巨大burger. 今次還點左一款黑松露軟殻蟹意粉。雖然不是太特別但它比起其他餐廳所出的不一樣。軟殼蟹是全隻的。我們各自點了一杯岩鹽焦糖鮮奶咖啡及菊花桂圓杞子花茶。花茶用料超十足。有好多杞子及圓肉，味道很濃郁。菊花味也很香。2人世界，或三五知己又或小家庭4口子⋯⋯這裏好值得去的一間餐廳。👍🏻👍🏻

近呢幾年荃灣開了許多特色餐廳和cafe , 令到荃灣熱鬧了很多，我跟老公差不多每隔一段時間就會去試新餐廳，今次就到試千色匯後面一間新開的cafe .門口有隻好可愛的天鵝做裝飾，近窗的一排座椅全部都是咖啡杯的外型，設計走少女風格。餐牌選擇都算多我們先order了'大蝦蕃茄醬義大利麵' 意粉蕃茄味香濃，酸甜味令人胃口大開，加上大蝦爽口彈牙，只是份量有點偏少。鵝肝和牛巨人漢堡鵝肝煎得外脆內軟，和牛漢堡扒肉味濃又充滿肉汁，加上有蕃茄，生菜中和油膩感，非常美味，配上的粗身薯條，新鮮香脆仲有點可以少咗飯後甜品呢我們揀選了'紅豆綠茶雪糕窩夫'份量十足，窩夫做到外脆內軟，而紅豆跟綠茶簡直係絕配，唔太甜，一冷一熱，恰到好處，真的很滋味。到最後當然要嘆返杯飲品榛子朱古力 - 拉花超可愛嘅少女圖案，好唔捨得飲落肚，朱古力唔算太甜，而且有淡淡嘅榛子香味Green Tea Latte 拉花係可愛嘅龍貓圖案，而綠茶味甘甜香濃，入口順滑見到啲拉花圖案咁可愛，為令晚愉快的心情橫上完美句點。