咖啡灣 (已結業)

臨近冬至，又是與長輩吃團年的日子。由於臨近節日，中餐普遍都會加價，或只會提供節日套餐，所以幾年前已開始於其他非中式的餐廳慶節日。幸好老爺奶奶開明，不介意以西餐慶節，那當然要選一間有特色而又地點方便的食肆吧。咖啡灣坐落新都城中心，港鐵坑口站，地點方便，即使天氣寒冷，商場的溫度仍然溫暖，連吃晚飯也方便得多。拉絲龍蝦汁海鮮飯$118餐牌推介的食物，醬汁濃郁，用匙拿起時還有絲絲的芝士，伴飯吃一流。桂花蜜橙柳雞翼$62 上枱時的賣相跟餐牌上的圖片一樣，一塊橙件夾一件雞翼。雞翼皮上亮晶晶的表面是桂花蜜汁，清香之餘，又有橙汁的味道。菊花杞子龍眼茶$48非常足料的一壼茶，以蠟燭熱座，初時的味道不太濃，但估不到加水後味道可以越浸越濃烈，不只有龍眼肉的清甜味，還有菊花的香氣，即使沖了第三壼，味道依然保持香濃。紫薯雪糕窩夫原味窩夫餅底襯小紫薯、忌廉、星形糖粒、棉花糖、脆米及糖漿等配料，未食已感到那份甜絲絲的意境。窩夫不是普通的格仔餅，而是由四個呈心形拼湊出兩層的窩夫餅底，非常有心思，擺法吸睛。兩位長輩對此新式咖啡西餐廳非常滿意。

新都城這一間新開不久的咖啡灣，主打意大利粉和特色甜品。先來一個凱撒大帝沙律，沙律醬汁比較清甜，令蔬菜甜美爽口。再來一個卡邦尼意大利麵，意大利麵撈上碎蛋黃，再加上香滑奶油，令柔軟的意大利粉充滿香濃的蛋奶味道。桂花珍珠牛乳窩夫是一個吸引的亮點。香甜雲呢拿雪糕、桂花香味糖漿、香滑cream和珍珠拌在香脆的心型窩夫上，大家的味道都很夾。份量也不少，越食越飽。整體來說，味道屬中上水平，價錢不算昂貴，尚可接受。一個不錯的選擇。

曾經光顧過太和總店覺得食物質素不錯見到在新都城新開業..便來光顧咯～～有special menu..餐牌上的食物只得荃灣店及將軍澳這店供應而且是限量供應入座時..店員提醒我們..最受歡迎的「海膽黑松露蟹蓋飯」只剩幾客就決定點這個吧！！另外點的是墨魚汁帶子義大利麵海膽黑松露蟹蓋飯，原隻蟹蓋加上海膽&黑松露醬各一大匙飯的醬汁是龍蝦汁，味道濃郁而不鹹松露提升整碟飯的香氣！正！海膽好新鮮滑溜～但海膽那種鮮甜味被其他味道蓋過了不太能突出海膽的甜！飯中更混入了芝士～～雖然整碟飯的配搭很多，但竟然不會覺得膩呢！好味墨魚汁帶子義大利麵，帶子size大隻，份量又多意粉爽滑彈牙墨魚汁味濃濃～～蟹籽佈滿意粉上，豐富了咬口！整體而言，新分店的食物質素也沒令人失望啊！對限量供應的食物的水平，也感滿意呢～～

見門口有好多人排隊就試吓呢間佢有限時個半鐘呢間店既裝修好童話感覺好舒服一睇個menu就見到都有好多款野食最後就叫左兩樣野食軟殻蟹黑松露忌廉意大利麵軟殼蟹個殼好d硬好難咬而個意粉就重蒜味而極少黑松露味味道唔夾不過菇既份量多每啖都食到菇芝士肉醬美國瘋薯條好多肉醬原本以為芝士好少因為得面有少少芝士碎點知發現中間係有芝士夾住仲有得拉絲份量都好足但美中不足係d薯條好林好似放左好耐咁

將軍澳又多一間cafe，唔駛下下去旺角果邊。店鋪雖然唔大，但內部裝修擺位唔錯，唔會坐到好迫，店員亦態度友善。叫左兩個意粉加兩樣小食，每人再叫飲品。大大隻香脆軟殼蟹再加黑松露意粉，味道幾好。墨汁海鮮意粉都可以。雞翼加香橙意外好食，薯條配肉醬都夾！飲品有多款選擇 益力多沙冰甜度適中！價錢亦公道。

未入去食已經見到餐廳裝飾得好令，門口放左會轉既摩天輪模型（港女立即心心眼）同裝左糖既玻璃瓶。餐廳牆身塗左柔和既淡黃色，枱枱櫈櫈各樣野都散發住童話既感覺，環境氣氛不錯。食物方面叫左大蝦蕃茄醬義大利粉、拉絲芝士龍蝦汁海鮮飯同oreo窩夫。大蝦蕃茄醬義大利粉算係三樣野裡面最好食，大蝦爽滑入味，蕃茄醬味道天然，份量，意粉裡面仲有洋蔥、菇、蕃茄碎等配料，令口感更豐富，意粉煮得岩岩好，值得一讚既係意粉夠熱，整體不錯。拉絲芝士龍蝦汁海鮮飯的確拉到絲，但食落只食到龍蝦汁味，芝士味唔夠濃。海鮮有青口，蜆同大蝦，種類雖多但份量似乎有d少，同龍蝦汁既味亦都唔係特別夾，飯不過不失，相較大蝦蕃茄醬義大利粉比較失色。Oreo窩夫顏值夠高，岩曬港女打卡，可惜食落味道一般，窩夫外係脆但內唔夠軟，隱約有少少蛋香。每小格窩夫上面都有cream同迷你oreo，配埋雲呢嗱雪糕同oreo雪糕，的確有d膩，建議2至3人share。整體而言餐廳環境不俗，員工服務態度好，雖然食物無咩驚喜，但餐廳同食物顏值加左唔少分。Ps 每消費100蚊就會有一個印花、一張5蚊現金卷同一張抽獎券。儲印花可以免費換指定食品，抽獎方面，每月1號會抽出6位

新開衣間咖啡灣好多人都讚好，今次特登黎試下Book左7:30，門口未有一堆人群響度！但餐廳內食客就爆滿了！店員個個都好年輕，服務態度都不錯！枱上有水供應，但要店員自覺添加的，可能繁忙關係，店員未常留意到要添加水了沙律、小食、burger、意大利麵、海鮮飯，雪糕窩夫樣樣齊仲有得意造型拉花朱古力未黎就聽聞意大利麵同雪糕窩夫評價比較好，當然要order在其中啦匈牙利煙鴨胸蜜桃凱撒沙律 $683個人分，份量都好夠軟殼蟹卡邦尼蛋汁意大利麵 $108因家人中意食軟殼蟹，所以嗌左2款唔同味道的真係勁大碟，收$108一定夠飽你肚，而且質素唔差，上面仲有原隻軟殼蟹，非常趣怪軟殼蟹黑松露忌廉意大利麵 $108原隻軟殼蟹又啖啖肉，2款比較上不是太大分別，卡邦尼就清淡d，黑松露就濃味香口d！黑魔王曲奇雪糕窩夫 $82推介推介一向都中意食雪糕窩夫，賣相非常討好，叫咗至愛既oreo味窩夫外脆內軟又暖，可以分開一小格食，絕對唔會食得麻煩桂花蜜橙柳雞翼 $62加碼唔夠，後加的雞翼一碟6隻，有點貴但都好味，似蜜糖黏黏甜甜的不妨一試埋單加一後$471，每位$157，都不錯！會再幫襯

將軍澳大型商場多 cafe來說這間真的不錯食物味道不錯 叫了大概10分鐘就上菜兩款意粉味道十足 份量適中 炸魚同薯條偏硬 亦不夠熱侍應服務態度不錯 但環境有點狹窄 整體來說是一間值得一試的餐廳

一試真係番唔到轉頭...同老婆經過新都城, 諗住食啲好野, 見到有間新鋪開張, 又多人等位, 咁就試下呢間野, 見到個餐牌啲食物都幾吸引, 所以攞飛排隊試試.入到去通道有啲窄, 只夠1個人過, 我地叫了1份鐵板芝士雞扒漢堡同1份蜜糖芥末吉列豚肉漢堡另外再加杯香濃熱朱古力, 因為見到餐牌張相同個價錢, 諗住應該都有Burgeroom既級數, 點知原來差好遠.首先, 鐵板芝士雞扒漢堡, 黎到個時賣相幾好, 又大件, 但食落去先知中伏, 啲雞扒唔止有雞味, 仲有魚腥味, 塊芝士仲未溶, 食左一半就冇食了...之後再試下蜜糖芥末吉列豚肉漢堡, 又係好大件, 但係冇芥末味, 又乾. 啲粗薯條好熱, 應該係岩岩炸起, 但好似冇炸過咁, 白色, 但都應該好食過麥記薯條杯熱朱古力就同茶餐廳飲既差不多味道, 只係多左拉花, 但又唔知拉左啲乜出黎, 茶餐廳既size同味道, 但係個價錢係36蚊, 一啲都唔值.食完覺得整體來講, 賣相幾好, 但味道仲差過麥記, 俾錢仲要加一, burgeroom都唔駛啦. 建議如果黎咖啡灣食, 唔好對佢有太大期望, 食番意粉甜品呢類可能OK(未食過), 唯一好既係佢會不停加

以前住將軍澳時很喜歡逛寶琳站的新都城商場, 新都城商場分三期, 二期是最大的面積而且是最多店舖的，而且商店林立, 連食肆都有好多。今晚約了朋友去新都城逛街, 太耐無去新都城, 裝修都改左不少, 整個商場豪華了不少。我地今次先食飯再行逛, 想早些食飯然後逛街消化一下。一出港鐵寶林站就馬上搵食。估唔到咁快就搵食飯的地方。一入商場就比間餐廳靚靚裝修吸引左。餐廳叫 – 。朋友話試過大埔分店好正, 我又未試過, 加上新開張門外仲有COUPON拎,食滿$200仲有9折。決定呢一間啦 !餐廳裝修以粉藍粉紅為主, 充滿童話 ! 我地太早入位, 當時未有太多人, 我地可以坐梳化位 ! 不得不讚餐牌相片影得好靚, 好吸引 ! 尤其係甜品, 真係令你流口水 ! 最後和朋友點選了食物 : 軟殼蟹黑松露忌廉義大利麵 $108特色咖啡灣早餐 (ALL DAY BRESKFAST) $98 配鮮奶咖啡 $15黑魔王曲奇雪糕窩夫 $82我地食左主菜先, 甜品後上。軟殼蟹黑松露忌廉義大利麵一上枱已經比軟殼蟹的香味吸引左, 炸完真係好香好脆, 而且唔係散件蟹, 而係一整隻, 一件好厚身的軟殼蟹, $108真係唔貴啦 !

之前去荃灣接老婆放工經常會去咖啡灣開餐，除左因為杯咖啡出色之外，主食同甜品都唔錯，而且價錢合理。從OPENRICE餐廳動態得知係將軍澳開左新店，作為地膽嘅我地當然要去試下，睇下係咪一樣咁有水準啦。咖啡灣將軍澳新店由開張到而家每晚繁忙時間都爆滿，所以我地今晚放工未到7點已經黎攞位，到餐廳時果然客人仲未多，不過7點之後就開始要等位。餐廳位於新都城中心2期，由寶琳站上電梯一轉灣就到，同荃灣店一樣，餐廳裝修好雅緻，連門口的靚靚LEGO擺設都好似。我地坐低之後，店員好快就俾水我地同我地推介海膽黑松露蟹蓋飯，呢個配搭超啱我口味，可惜老婆唔食海膽，結果我地揀左黑松露什菌蘑菇屋，另外點左秘製醬汁鵝肝和牛巨人堡同黑魔王曲奇雪糕窩夫，咖啡灣食物份量都唔少，所以我地都唔敢點太多。秘製醬汁鵝肝和牛巨人堡($138)好大件，和牛漢堡超厚身，非常juicy, 約5成熟入口軟腍多汁，鵝肝大大塊外層煎得好香，油香味濃，麵包又夠鬆軟，配埋芝士同其他配料，兩個人SHARE一個都相當滿足。黑松露什菌蘑菇屋($78)造型非常有趣，黑松露味濃, 什菌蘑菇多，忌廉汁白滑濃郁，配白飯食好夾 。揀甜品係最困難嘅部份，咖啡灣呢度好多款

今晚約了一位中學同學食晚飯，因為大家都住將軍澳既關係，所以我地決定去附近的食肆，最後揀左新都城二期新開呢間餐廳———咖啡灣。我地冇做到booking,,,去到大約7點半鐘左右，唔使排隊領飛就可以入去啦，可能係因為平日既關係🙂🙂太好啦！我地點了3樣東西only~~~~1. 炸軟殼蟹卡邦尼意粉👍🏻👍🏻👍🏻賣相很好啊！份量足，不似其他餐廳個碟大意粉少！味道不錯！煙肉同磨菇既份量都好適中。軟殼蟹都不錯，沒有油膩既感覺。2. 炸雞薯條👍🏻👍🏻👍🏻估佢唔到！個幾件雞真心好食！佢有3款醬可以點：泰式辣醬、蜜糖芥末醬、甜果醬。個甜甜果醬係平時茶麵包既果醬味，以為會好怪，但係原來同炸雞都幾夾！3. 紫薯雪糕窩夫👍🏻這個賣相還好，但個雪糕就冇咩紫薯味！最中意食隔離個啲蕃薯粒粒！哈！窩夫上面勁多cream！😁😁 最後$300幾埋單，大家要留意既就係佢現在只收現金！！CASH ONLY!!

餐廳環境不錯，食物賣相很好，可惜食物味道一般。玫瑰Latte賣相尚可，可惜沒有奶味及玫瑰味道。職員回答這裡的咖啡與外面的不同，所以沒有奶味及建議下次享用cappuccino，奶味會比Latte奶味重

嚟到將軍澳食嘢 都幾多唔同種類既選擇喺商場到行左幾個圈 有啲眼花撩亂最後比呢間好有童話感覺既店吸引住門口都有幾個人等緊不過好彩 只係幾分鐘就已經可以入座裏面光線充足 裝飾好有童話感覺令人心情舒暢食物選擇都幾多 意粉 沙律 漢堡 卡珍大海蝦凱撒沙律$83沙律都幾大盆蝦爽口 配上沙律醬 好開胃蜆肉番茄醬燴意大利麵$83麵身彈牙 唔會煮到好淋酸酸甜甜嘅番茄蜆肉嘅份量都唔少焦糖山賊雞翼$68淺色隻醬味道甜甜地深色隻醬味道咸咸地我就比較喜歡咸味 夠曬重口味益力多沙冰$39樣子吸引 散發出微微益力多味玫瑰紅茶$34冰凍紅茶中有陣陣玫瑰味 好解渴

👎黑松露煙三文魚意粉味道略嫌清淡，完全沒有黑松露的香味，還好煙三文魚的分量不算太少。 👎柳橙蜜糖雞翼完全不推薦點，首先肉質非常粗諧很老，雞翼只有蜜糖味，柳橙只是裝飾，這個價錢簡直令人傻眼。原本以為橙的味道會醃進雞翼內，最後竟是貴價蜜糖雞翼。👌蟹蓋飯只有清淡的海膽味，也是配上無味的黑松露。在openrice上看食評，有人說是龍蝦汁，但味道不太出，只有陣陣咸味，飯內好像有點小龍蝦。賣相不錯，可是味道還是配不上這個價錢。👌榛子朱古力不過不失，但朱古力味不濃。這拉花還有改進的空間，加油！👎藍橙飲品雖然賣相漂亮，但只有糖漿味，連不揀飲擇食的男友都有微言，伏也！👌Oreo窩夫較軟身，外層不太脆。餅乾量多，適合喜愛Oreo的朋友。賣相精緻，而且有兩球冰淇淋！🙂餐廳環境不錯，店員服務也挺好。原本出錯了榛子咖啡，便說這咖啡不收費，但我不愛咖啡的味道就請店員重做朱古力給我。水杯剩下半杯水，店員亦即時添水。惟獨沒有替我們主動轉甜品碟，希望可以主動點換碟及餐具。這頓飯連服務費接近$600，只能說不會再有下次，食物質素太配不上價錢。