咖啡灣 (已結業)

食完晚飯，朋友話未夠喉，要食埋甜品，又唔想行咁遠，結果經過《咖啡灣》，記得有甜品食，就入左去坐。店舖都唔多人，可能因為晏。打開menu，發現唔係一般嘅甜品，selling point 係特色甜品，又大又靚，但因為太飽，最後都係order一個兩份食。淨係睇相都食慾大增，Oreo 係主角，加上有waffle，温度剛好，上面雪糕都唔會好快溶。本來以為好「溜」，但竟然一口一口，不知不覺食曬，冇黎錯。我第一次黎，原來仲有其他野食，下次再黎試埋其他先。

今日在寶琳做完野，想揾個地方食飯，就搭扶手電梯上地鐵上蓋，新都城二期一樓。一出扶手電梯就見到咖啡灣。裡面光猛又多人，睇上去幾有人氣。一個人食飯，唔使理會人哋嘅眼光同意見，所以今日我決定想食咩就叫咩，越邪惡越快樂！拉絲芝士龍蝦汁海鮮飯 118元淨係睇到呢一個名同張相，已經感到興奮，女仔又點會抗拒肥都可以拉絲嘅芝士呢？加上龍蝦汁同海鮮，都係我的最愛。呢個拉絲芝士龍蝦汁海鮮飯果然有拉絲芝士，好正！龍蝦汁非常濃郁，份量又多，無論撈飯定撈海鮮，都滋味無窮。呢度嘅海鮮亦都用料十足，大蝦、帶子、青口、一次過食個夠。大滿足？金莎榛子朱古力38元拉絲芝士龍蝦汁海鮮飯都唔夠邪惡，再叫多一杯金莎榛子朱古力。金莎朱古力同普通朱古力肯定有分別，金沙獨特嘅榛子味，充滿成杯朱古力，一路飲，一路感到食緊金莎的幸福感。一個人嘅午餐，盡情吸收卡路里，真有快感。食完先算啦！

工作忙了一整天, 放工後馬上同家人去食個豐富晚餐。 最終選了Cafe Swan 咖啡灣。 屋內光線充足, 裝潢精緻, 比公司附近的小餐廳感覺更舒適, 地方更廣闊。 坐下來看了看餐牌, 馬上點了黑松露香菇忌廉湯。黑松露的味道香濃, 白湯的質地濃厚稠密, 每匙都是滿滿的菇肉。 之後點了前菜爆趣蜜糖芝士炸雞, 賣相一流, 炸雞外脆內嫩, 又長又厚的薯條亦炸得脆口不油膩。 最特別的是跟了三種醬, 蜜糖芥末醬、士多啤梨醬、泰式辣醬, 比起只點蕃茄醬更吸引。 主菜分別點了香蒜帶子義大利麵, 蒜香味滿滿, 少少辣, 為鮮味的帶子加上一重香辣, 義大利麵炒得彈牙, 令人食指大動。 另外點了北海道咖哩和牛漢堡扒飯, 日式的甜咖哩, 入口有點點的水果清甜, 配上滿是肉汁的和牛漢堡扒, 更是一絕。

晏就係新都城覓食，一入商場就見到呢間以藍白為主嘅咖啡店，比佢外表吸引咗嚟食。入去嘅時間大約兩點鐘，已經有下午茶餐牌（雖然餐牌寫兩點半開始），價錢唔算貴。抹茶鮮奶。有三眼仔圖案，好得意，飲落都好有抺茶味。食咗佢隻眼。朱古力鮮奶咖啡。適合Kiwi我呢啲想飲咖啡但又驚苦嘅人。牧場早餐。聞到好香嘅煎雞扒味，個黑松露蛋加埋啲調味料味道好夾，整得好有心思，而薯餅同窩夫熱辣辣好好食。綠茶紅豆窩夫蛋糕塔。整得好別緻，好似漢堡包咁，有兩層夾心，分別係紅豆同士多啤梨，當然唔少得面層嘅抺茶雪糕，味道唔算好甜，每食一啖都有creamy抹茶唔止餐廳外觀吸引，嘢食亦都唔錯，價錢亦正常

為食脆又和朋友去將軍澳揾食，今次選擇去將軍澳cafe swan（咖啡灣）食晚餐，餐廳名字好特別。位置將軍澳寶琳地鐵站B1出口直行，好易揾到，又近地鐵十分方便。餐廳門外十分光明餐廳每個角落佈置十分細緻，環境舒適。每個位置都有小裝飾軟殼蟹卡邦尼蛋汁義大利面我和朋友係軟殼蟹控，又中意食卡邦尼，意粉煮得比較軟，忌廉汁配煙肉蘑菇醬汁好好味。軟殼蟹炸得脆脆不會過熟，炸得啱啱好。單單擺盤十分霸氣推薦~必點~甜點【愛心窩夫】賣相十分美麗，必食~脆脆的窩夫配上冷冷的雪糕，每一層都甜甜蜜蜜，好味得令人心醉~小食 山賊雞翼雞翼煎得香噴噴，又靚，食前可配糖漿或辣醬，口味隨意小食 芝士肉醬美國瘋薯條芝士和肉醬蓋滿粗粗的薯條，薯條又長又香，啖啖滋味飲品 菠蘿杏脯沙冰味道酸酸甜甜，好開胃。菠蘿伴杏脯粒，味道大大減低肥膩感。飲品 益力多沙冰益力多乳的味道，比較十分濃郁。

係Facebook見到有page介紹呢間餐廳，睇落好似都唔錯咁就嚟咗呢到。一嚟到就大排長龍，有網絡加持果然係唔同啲（雖然好多伏既介紹）。好彩呢間餐廳係商場入面，咁我地拎咗飛就去行街，行咗陣就到我地了。入面都幾多人下，坐到密麻麻，都幾難坐得耐。咁就快快手點咗野食。啲野食我就冇影哂，因為睇落就同味道一樣，普普通通啦，中規中矩。應該唔會想再去。呢個係軟殻蟹沙律，睇落都幾吸引，成個蟹完整咁上不過其實好細隻，同埋都幾油下。

手作特級和牛漢堡$98份量頗大，和牛漢堡扒厚身，十分嫩滑，質地有少少似飲茶嗰隻牛肉球，帶有少少黑椒味，牛味偏淡，勝在肉汁豐富。😌薯條好夠味，入面薯肉飽滿，綿綿的薯條外身卻夠脆，不會太油膩，若喜歡粗薯條的人可以說這薯條是出色之作👏🏻櫻花蝦明太子煙肉意粉加入明太子同櫻花蝦成個意粉嘅汁教個粉紅色，上面鋪有一層柴魚片好有日式風味。意粉十分creamy，配料豐富，可能配料本身都係鹹嘅，所以令到個汁整體而言偏鹹。煙三文魚沙律🥗大大碟沙律菜，朋友形容好新鮮！三文魚份量都夠多！驚喜嘅係有脆脆的煙肉碎同芝士碎薑母紅茶純粹係養生健康嘅味道 如果感冒過著冬天飲，會倍感窩心吧🤔餐廳一直有播住舒服的音樂🎵，而店員服務也很好，不時為我們添水，有機會會再黎試試這裡的窩夫，非常吸引呢

由於公司係荃灣咖啡灣附近，所以我同同事午餐經常去食，不過老公係港島返工所以一直冇機會同佢去食，之前係openrice搵食時先發現原來咖啡灣係寶琳開左分店，好近我地屋企，今晚就輪到我帶老公食好野，收工係寶琳站集合一齊上去。😄我地未到7點就到餐廳，客人未算好多，咖啡灣好近地鐵站，由地鐵站上扶手電梯轉灣就到。餐廳裝修同荃灣分店都係同一個style，走可愛路線，座位寬敞，坐得幾舒服。😊我地今晚點左一客沙律，一客意粉同一份甜品，由於咖啡灣食物一向都比較大份，兩個人都應該夠食。凱撒大帝沙律 $63每次去咖啡灣我都會食呢個凱撒大帝沙律，沙律菜新鮮爽脆，沙律汁唔會太酸，煙肉粒味濃香脆，非常醒胃。👍挪威煙三文魚黑松露野菌忌廉義大利麵 $86老公好鍾意食煙三文魚，呢個意粉黑松露味道濃郁，麵質香滑軟腍，好惹味，而且份量唔少，兩個人share剛好。紫薯雪糕窩夫 $88紫薯雪糕窩夫係呢度招牌菜式之一，賣相非常吸引，窩夫外層香脆，加上香甜嘅紫薯，配搭得好好。👍岩鹽焦糖鮮奶咖啡 $36老公點呢款岩鹽焦糖鮮奶咖啡好有特色，岩鹽可按自己需要加，老公都讚咖啡夠香滑。綠茶鮮奶 $36我呢杯綠茶鮮奶賣相好可愛，唔會太甜，綠茶

放假拍拖食甜品，將軍澳寶林要食西式甜品，又要坐得舒服，呢度系不錯選擇。裝修西洋風玩味重，白藍色作主調，非常舒服。2個人食飽飯，share 1個waffle剛好，呢個味特別出面無，桂花珍珠waffle是也。waffle外面微脆，內面糕肉軟身，有旦香味，加上上面的桂花糖和可可粉，完美配搭。珍珠半林，再加埋脆脆，豐富多層口感，味道、視覺皆是享受，建議可加錢加多一球雪糕，小小缺陷系上面的士多啤利，其中一兩粒不新鮮。整體好滿意。杯培茶latte就令人失望，天仁XX那個非常好飲，這裡第一敗筆是拉花超hea, 相中杯杯拉花超精緻，我呢杯得個小心心，我自己加工將它變成雞雞。第二敗筆是味道超難頂，系涼茶味！似午花茶，或美其名涼粉仙草味！真系不似預期，頂隱。

將軍澳區很多不同的美食，這次到了相約友人到咖啡灣共進晚餐。晚市時段比較多人，要等候一陣子才能入座。餐廳裝潢幾有特色，但由於晚市比較多人，坐位有點擠逼。點餐後一會兒，侍應先為我們送上飲品，送餐速度算快。薄荷鮮奶咖啡評分：7/10飲落有陣陣薄荷香，不錯。鮮果草莓水果茶評分：8/10飲品份量相當大方，水果茶很清新，而且還有粒粒新鮮水果在內。香辣帶子義大利麵($83)評分：6.5/10只嚐到陣陣辣味，帶子欠缺鮮味。份量較少，水準有待提升。桂花珍珠牛乳窩夫($72)評分：8.5/10 吃過正餐後當然少不了甜品。窩夫外脆內軟，十分好吃，而且草莓很甜。整個甜品甜而不膩，一個人也能吃畢整個窩夫。整體而言，咖啡灣的正餐表現令人失望，但甜品方面令人滿意，窩夫值得一試。

今晚約左朋友係新都城晚飯，我地揀左間位置好方便、裝修又唔錯既「咖啡灣」！比起太和同荃灣，呢間分店無咁多人，唔洗等位就可以入座😎通常幾個月左右會黎一次，每次餐牌都會有新款式，總會有新野試本menu好靚，未食已經好賞心悅目綠茶鮮奶$36賣相好吸引，綠茶味夠濃滑熱情果西柚沙冰$39很有西柚味，味道清新唔太甜，好飲！但熱情果味唔夠西柚味突出～焦糖雞翼$68聽個名有點伏，但想試下新野雞翼都幾滑幾juicy，焦糖汁出奇地唔伏，唔係好甜既焦糖，配雞翼都幾夾！另一個醬就帶咸，點雞翼都好好味黑松露香菇忌廉湯$35呢個湯每次都必飲，好香黑松露味，好滑，好多菇黑松露野菌義大利粉$78意粉質感好好，菇既份量都多，夠汁黑松露什菌磨菇屋飯$78大啡菇好大頂朋友食到一半覺得唔夠汁，問店員可唔可以加，店員非常樂意重比左成大半碗🙊黑松露迷表示很滿足！愛心窩夫$98用既係比利士雪糕，口感幼滑！窩夫入口鬆軟，好味

其實已經食完一個月，不過依家先有時間寫食評話說友人想慶祝升職加薪，所以請食飯。原本打算豪食一餐，不過最後都係慳少少，揀間中價餐廳。。。一直都好想試呢間，因為裝修特別，而且menu內既食物好靚好吸引，特別係全隻軟殼蟹既意粉，見到都流晒口水。最後點了「軟殼蟹黑松露忌廉意大利麵」和「拉絲芝士龍蝦汁海鮮飯」。一上菜見到意粉俾一般粗，以為煮過左，點知好彈牙，好好食。黑松露味好出，醬汁好夠。不過軟殻蟹好鹹，蓋過左蟹味，有少少失望。海鮮飯就不過不失，龍蝦味都夠，只係價錢貴左啲⋯而且好多蜆都得返個殼。。這個價錢雖不是貴，但性價比就一般啦~

之前也光顧過其他分店，食物味道及質量好好，所以今次在將軍澳新都城行完街后也來光顧一下這𥚃的分店。門囗貫徹一樣以淺藍及淺粉紅作主調。一入去，也如其他分店會見到lego裝飾，很美。店內也很大，不會感覺壓迫，很好耶。也有提供兒童座椅及餐具👍拉絲芝士龍蝦汁海鮮飯 - 海鮮材料多，有中蝦，青囗，蜆肉等，龍蝦汁味濃，多汁，餸飯的確一流✌法蘭腸片瑞士意粉 - 的確是法蘭腸，好大塊呢😂也有些白磨菇，意粉分量算是中量吧😁焦糖山賊雞翼 - 有6隻雞翼左右，醬汁另外載著的，有一種似是黑椒味，另一種應是蜜糖，雞肉夠腍。愛心窩夫 - 好好味的甜品，要用另一個胃去消化呀😁超大份，看到也超開心呢😍底層是窩夫，附送2球雪糕(Oreo cookies及士多啤梨 )，也有切成短條的新鮮香蕉及士多啤梨，的確好味而又飽肚✌完美的終結😛我見餐廳似乎又推出新味的軟殼蟹飯。還有很多的食物去選擇👍丨還有水果茶，奈何太飽了，留待下次吧😁總括而言，價錢合理，食物ok， 坐得舒服，可以再去😛

獨自cafe遊。今日放假就去左唔同cafe周遊行，早餐去左中環，午餐去左尖沙咀，下午茶就黎到寶林。主要都係cafe。寶林天鵝cafe成日都想試下，下午茶就黎嘆下啦環境好有主題樂園feel，夢幻為主。櫻花蝦明太子煙肉意粉。濃濃忌廉香而不膩，明太子和煙肉的份量非常多，加上目魚非常吸引，咸香滋味愈食愈停唔到口。冰瑤咖啡。冰凍咖啡好甘好香，加上面層的咖啡粉，有啲似tiramisu，味道輕甜。下次有機會試下窩夫。

朋友約咗去將軍澳寶琳站的新都城廣場二期 shopping, 行完購物完就梗係要搵嘢食， 我提議去cafe swan這間餐廳， 這次是第二次去 光顧， 最有印象就是他們門外的幸福摩天輪擺設。今次和朋友選擇set lunch menu， 發覺價錢 好合理。我哋選擇咗一個黑毛豬片石榴汁沙律和菠菜龍利柳忌廉意粉。黑毛豬片燒得好香，上枱時已經問到一陣陣 肉香味， 紅石榴汁酸酸甜甜好夾龍脷柳賣相好似一般但味道做得非常出色， 龍脷柳魚外脆內滑， 菠菜忌廉汁好濃滑今次再試埋佢哋嘅玫瑰士多啤梨窩夫， 賣相已經看得心花怒放再配搭埋玫瑰latte絕配。兩個set lunch再加埋一個甜品都係二百幾蚊 都好抵食 可以慢慢享受兩小時