咖啡灣 (太和中心) (已結業)

食物: 軟殼蟹意粉賣相: 8/10，食物外貌相當不錯， 相機食先一流環境: 7/10 ，有點吵 ，因為店舖不算太大， 加上咁啱隔離枱10個人，所以比較吵價錢 130/人性價比 8/10

這店不大，我們5人生怕星期六晚要排隊，六時半不到便去吃晚飯。我買了團購現金券，入座時跟店員說明，店員便告知用團購現金券不能享用某些優惠。我問可否分單，以便我一張單用現金券，一張單享用優惠。店員向其同事查明後，回覆可以，並說待我們點餐後會幫我們分單，計到最抵。少數食肆會在現金券條款寫明不可分單。大多食肆則遇到客人詢問時一句不可拆單了事。此店幾個店員親切相待，不怕麻煩為客人著想，實在難得。我們之後一共點了3個主菜，1份甜品。第一份是軟殼蟹卡邦尼蛋汁義大利麵。軟殼蟹好吃卡邦尼蛋汁不稠不膩，混有蘑菇。第二份是黑松露海膽芝士蟹蓋飯。蟹蓋上鋪了 一大匙黑松露醬，後面排了四塊海膽。龍蝦汁托飯底，好吃。不過這飯只是微暖，個人覺得熱點會更好吃。接著是黑洞奶黃芝士麵包脆雞。黑洞包鬆、軟、脆，易切易分。雞偏咸，外脆肉嫩。芝士不膩，creamy，不會黏口。蛋黃碎撒在碟邊不起眼，差點被無視了。最後是石板街香焦窩夫（半份）。賣相跟全份比差很遠。棉花糖太微型，窩夫外脆，但入面不夠鬆軟，滿足不到我。由於飯和意粉的份量正常，不少亦不多，又好吃，5人分足夠淺嘗，卻稍有意猶未盡的感覺。減肥的話則是剛好最後總計$511。

呢間cafe已經係大埔都一段日子, 都好多人去食環境好好, 成日都好多人係出面排隊.. 今次去唔使排好耐就有得入去都算係幾好舖頭唔算大呀, 但裝修唔錯, 所以都明點解咁多人等位同朋友都唔算好餓, 所以今次叫左少少野share食呢個意粉幾夠味, 係average水準, 我地比錢仲加左塊雞扒, 個樣煎得好好! 不過好可惜其實佢漏左單, 所以我地差唔多食完, 佢先上比我地, 都有少少嬲..不過個味又真係唔錯ge我地仲叫左個蜆, 因為好中意食呢d蜆, 呢個d汁好惹味呀, 所以都開心!呢到d飲品出名係靚呀, 佢仲會畫個公仔係上面, 都係幾可愛又襯返色!其實呢到d甜品都係好吸引, 不過因為我地都好飽所以就冇叫啦, 下次tea time可以再黎呢到食!

一放假就想hea係屋企全日，唔郁唔做野唔煮飯。但身為一個吃貨食少一秒都等於滿清十大酷刑。好彩屋企附近多的是平民小餐廳。今日就揀左呢間。位置係正太和消防局對面。之前食過荃灣分店覺得都幾抵食質素又好。最鍾意入呢間餐廳睇呢個lego摩天輪🎡食物都特別，而且份量我覺得都算大香辣蒜香蜆肉意大利麵香蒜炸得金黃可口，香氣十足。蜆肉新鮮甜美又無沙，我最鍾意食佢呢度啲意大利麵因爲口感非常好，軟硬適中👍🏻黑洞奶黃芝士麵包脆雞食法新鮮，賣相討好。炸雞非常juicy,粒粒都爆汁。粉漿唔會太厚。奶黃芝士唔會好似我本身諗咁杰咁膩。有呢個芝士我連裝汁個包都啪哂落肚👅Latte有水準，非常香既咖啡味，入口絕對唔會苦澀黑魔王窩夫Oreo雪糕加oreo餅加oreo碎再加上熱辣辣既窩夫。窩夫外脆內軟，今餐真心太滿足了🥰

今日係公眾假期，之前一早應承咗阿女話要去咖啡灣飲佢至愛嘅拉花朱古力同埋卡邦尼意粉！其實我哋已經食過不下數十次咖啡灣，亦都係長期捧場客，由個女未出世都出咗世之後，佢嘅飲品同埋窩夫始終都係我嘅至愛，今次，我就試吓佢個櫻花主題嘅pancake，當然係有驚喜，雪糕球唔係普通嘅雪糕咁簡單，佢個味道好特別，我估應該係自家製！個pancake底又熱又鬆軟，即刻整嘅係唔同啲！另外要提嘅係個果茶，同出面鋪頭飲嘅唔同，咖啡灣嘅果茶係甜度適中，啲生果仲好新鮮添！

恐怖嘅食物經驗我從未食過這麼難吃的豬肋骨，這個豬肋骨硬到可以拋死人另外還叫了一個甜品窩夫，製作需時我們都好明白。但是這個窩夫真的很難食，一點味道也沒有(除了窩夫旁邊的雪糕)明明網上OpenRice很多人讚好評，但是我不明白我會有這麼難食的食物經驗。

真心推介小店🌞🌞🌞唔想排隊???? 記住六點好去食!!!推介: 黑松露軟殼蟹意粉如果你中意黑松露重 不妨叫待應多汁!!堅系好香 隻軟殻蟹又大隻😋😋友人都大讚丫!

辛勞既工作過後，最適合約埋好閏蜜一齊放鬆一下！已選定嘅地方就係佢離我住所好近嘅一間小Cafe 叫做咖啡灣。呢間咖啡灣有幾個地方都有分店，即使距離我好近但就從未試過，今次終於有機會試吓七點幾嚟到已經人頭湧湧，等左大約5分鐘終於有位！ 值得一讚係餐廳係我嘅dream colour，裝飾得好靚以木色為主配Tiffany Blue嘅皮梳化特別起眼！menu都非常精緻，簡單易睇，而且仲推出左夏日嘅特別餐牌。雖然地方唔太但就睇到佢每個細節都好用心，摩天輪嘅裝飾非常吸睛既有美味嘅食物，又有好靚既飲品，另加上精美既西式甜品 ，可以話一次過滿足三個願望。UFO小食併盤有炸雞 、薯條 、雞翼 、番薯球 、炸墨魚 、炸魚及沙律 炸魚非常熱辣辣，差點就辣親舌頭，皮薄炸到金黃色炸墨魚點左少少鹽更惹味薯條係用粗薯條，比M字頭餐廳並非同一層次黑松露海膽芝士蟹蓋飯,呢個推薦程度十粒星，確實係非常足料，海膽非常大份，用龍蝦汁伴飯，感覺非常似意大利飯，加入大量嘅黑松露味道濃郁菠蘿荔枝烏龍茶 炎炎夏日黎一杯冰凍既特飲最爽不過！ 呢杯特飲我覺得唔會太甜，有茶味之餘不失果香，無搶走菠蘿荔枝既味道黑魔王窩夫, 暖笠笠既窩夫加入o

咖啡灣位置都幾近太和火車站的，下火車大約5分鐘就到，而且平日中午大多不用等位，店舖不算大，裝修卻精緻，都頗休閒的感覺，所以久不久就會去一次放鬆一下。不過今次的食物質素卻令人稍為失望。牛肉漢堡是主菜，份量多，二人吃完都會有七成飽。漢堡排比較乾，沒有汁，令人吃多幾啖就想放棄，但價錢比較貴，所以為了不想浪費，便硬著頭皮吃完。薯條不錯，配有紫菜粉，即炸所以都脆口的。窩夫是玫瑰士多啤梨窩夫，味道不錯，每一口都充滿淡淡玫瑰甜味，挺特別的。窩夫也外脆內軟，配上味道也不錯的雪糕，不會太膩。其實過往都吃過幾次咖啡灣，意粉、燴飯都不錯，只是今次的漢堡令人有點失望⋯⋯

大埔不乏好西吃，咖啡灣就係其中一間，裝修都唔錯，幾岩用黎打卡，但就唔算大，同時約只能容納20幾人左右，不過下午茶時間就唔需要等位就入得。中意食burger既我，就叫左個牛堡，同一份玫瑰窩夫。牛堡，雖然份量都幾大，但肉較乾，不太中意。配菜有薯條，味道還不錯，比漢堡扒好吃。玫瑰窩夫，呢個算係新款，味道令人驚喜！窩夫表層有好多好細粒既玫瑰粉末，再淋上特製既玫瑰露，整個窩夫都充滿濃郁既玫瑰香。而窩夫上面都配有兩球雪糕及忌廉，加埋外脆內軟熱辣辣既窩夫，口感亦令人印象深刻。

我最賞這間餐廳裝修非常好，食物質素亦非常高！叫了黑松露蘑菇意粉，黑松露味很濃，意粉煮得剛剛好，不會太硬。本人很怕吃到一些很膩的白汁意粉。但這個意粉又不會太膩，而又很入味，所以非常欣賞！另外當然不少得甜品！和朋友叫了半份窩夫 share,又可以食主食又可以食甜品，真係太愛尼間餐廳！

早幾天經過這間餐廳，看到門面不錯，今天便決定前來一試😋餐廳整體環境不錯，有少許綠葉和燈泡作為裝飾。首先點了這份炸軟殼蟹沙律🥗 沒想到竟然用了乾冰散發出來的煙霧點綴菜色，令人有點小驚喜。軟殼蟹鬆脆，體積不會過小，味道不錯。另外點了這份黑松露蘑菇忌廉湯，口感柔滑。蘑菇分量充足，配上黑松露味道👍🏻這份蟹蓋飯最為驚喜，濃郁的龍蝦醬汁配上蟹肉、龍蝦仔、海膽等材料，口感豐富。蟹蓋下面藏有軟心芝士，因為吃了一半才發現，雖然已經冷卻，但口感依然不錯。最後亦點了一杯蝶豆花菠蘿🍍特飲

已經是第二次黎呢度食, 感覺也跟上次一樣不錯! 先講下環境, 地方有啲迫夾, 嗌多幾碟餸, 張枱好似唔夠位咁, 不過裝修都算有心思, 俾到我家嘅感覺~!黑松露香菇忌廉湯夠香口, 夠creamy, 為今餐打開序幕!沙律菜配三文魚, 超級大碟, 蔬菜都新鮮, 正~!另外嘅main course, 我哋叫咗香蒜帶子意大利麵, 蒜味好出, 加上小小辣味, 真係食唔停口! 朋友order嘅latte, 拉花都好靚, 佢話味道唔錯!下次黎我會試窩夫, 因為我見都好多人order, 同埋聞到好香呀🤪

遍布荃灣將軍澳粉嶺大埔的支持小店系列 🙋🏻‍♀️原來咖啡灣有幾間分店呢間坐bar枱就有中自成一角嘅感覺🦀 黑松露炸軟殼蟹意粉成隻軟殼蟹卜卜脆咁叫緊我哋食佢🤤佢入面又嫩又有海水味有d人可能怕左黑松露嗰浸石油味但呢個肯定無！恰到好處好香菇味🎃南瓜蟹柳蟹肉意粉呢個都唔執輸！D蟹肉份量夠多一絲絲咁黐住又Creamy又有南瓜fresh嘅意粉如果個南瓜味再出啲就更加好啦！🥞 午餐加$40有半份窩夫佢地嘅窩夫勝在雞蛋味夠出！不過綠茶雪糕嘅綠茶味就欠奉建議大家可選擇其他味道的窩夫☺️隔離枱叫咗玫瑰士多啤梨味望落去好似好好食(隔離飯香😂)嘆埋杯matcha latte全部夾埋$268講唔上平 但係以咁樣嘅質素黎講價錢絕對合理👍🏻

住在附近多年仍未有機會一試呢間cafe, 但一試難忘，永不會再幫襯⋯星期三一個平常嘅下午四點幾，全店仍未有其顧客，我帶小孩子成為第一枱食客，散叫左個全份cookies waffles 同一杯chocolate special, 15分鐘後另有兩枱食客入內，眼見另外兩張枱食客飲品及熱食都已通通上枱，小朋友呆呆望住人地食，不斷問點解我地冇得食，我只好叫佢耐心等待…著他先飲朱古力奶頂肚餓…但時間過左超過半個小時，追過了單，竟然得來答案係漏單…本來想叫埋單動身離開，但小朋友太想食只好無耐地多等10分鐘，眼見其他食客都食飽，我地先開始食，感覺好難受！到waffles 上枱老實說已經冇心情食…最後我地夠鐘要離開，要將未食完嘅食物打包，黑色衫女店員竟沒有半點唔好意思地説要向我索取$2外賣盒收費，其實$2好閒，但態度係最大問題！同埋點解我地要打包係因為你地漏單擔誤左我前後40分鐘我地先食唔切！唉！總而言之，super bad experience! 唔會再幫襯！