咖啡灣 (太和中心) (已結業)

📍太和📍少女必去嘅cafe👧🏻愛心窩夫❤️呢間cafe真係去過好多次，因為太和太少呢類型嘅cafe，又多選擇又好食😭😭尤其呢個愛心窩夫，每枱必叫😝因爲除咗好多料，仲有兩球雪糕🍦幾個人share食都夠🤓藍蝶花檸檬梳打都好清新☺️香草忌廉大蝦意粉、煙三魚黑松露野菌忌廉意粉、香蒜帶子意粉都好值得推介😍整體嚟講，意粉都煮得幾入味🤤同埋多數海鮮意粉啲海鮮其實都得好少😭但呢間份量都算多，無交行貨😹叫埋個香草白酒忌廉煮蜆試試佢😏淡淡哋嘅酒味👌🏻呢餐都幾滿足😘

好耐之前就試過咖啡灣，食物質素唔錯，價錢合理～今日難得入大埔探朋友，一於再encore！————————🔸黑松露香菇忌廉湯 $35 📍9.5/10湯內有大量打碎的蘑菇及勁香的黑松露，加上香滑的忌廉，味道濃郁，口感幼滑～好飲到令人一啖接一啖！如果湯嘅份量再多少少，一定更加滿足😋🔹凱撒沙律 $48 📍8/10蔬菜新鮮爽口，口感鮮脆！配上大量酸甜的凱撒沙律醬，醒神開胃～🔸鐵板雞扒番茄醬汁燴意大利麵 $68 📍6.5/10雞扒外皮烤得香脆，肉質嫩滑，但偏細塊😞醬汁略淡，茄醬不夠甜又不夠酸，食落有點油膩🙁唯一可取的是，意粉煮得剛剛好，不會太硬～下次都係揀返黑松露忌廉意大利粉🔹UFO（小食拼盤）$85 📍5/10拼盤賣相吸晴，小食有五大款，好豐富～不過好看不好食，失望😞·炸魷魚：未咬下去，就見到炸粉和魷魚已經分開左，不脆之餘仲偏鹹雞翼：凍的，而且炸得好乾，孜然粉味好重炸麵條：無味、超硬～唔知係用來食的還是純粹擺盤🙁薯條+紫薯波：唯一兩款熱辣辣的，味道不過不失～🔸黑魔王窩夫（半份）$52 📍8.5/10食咗咁多咸野，最期待嘅甜品出場啦！半份窩夫份量剛好，兩塊心形窩夫配上一球曲奇雪糕，仲有幾塊小Ore

知道呢間cafe出名左好耐，所以適逢假日就同李老闆揸車黎試試。去到人龍唔算太多，等左10分鐘左右就有得安排入座。而我地2個就一人叫左一個set。我就揀左呢度出名既軟殻蟹黑松露意粉；李老闆就揀左Burger🍔原隻咁上係真係幾eye catching，不過係得影相正，軟殼蟹可以炸得更香，更鬆脆，black truffle既味道亦唔算太出，不過不失而已。至於李老闆既Burger，中間既肉唔係太juicy，而且有d乾，不過勝在多料，有蕃茄又有蔬菜。總括來說，我地都唔明點解要山長水遠入黎食😂😂

這間店去過兩次。。第一次去很滿意。。軟殻蟹好大隻好有肉整得好好食。。幾個月後食番同一樣野 但就非常失望。。軟殻蟹超細隻又冇肉。。但價錢就冇變@$98。。唔會有下次

Tea time同friend行過太和呢邊，俾呢間cafe 餐牌上面既waffle相吸引住!兩個人叫左個宇治抹茶紅豆waffle, 即叫即整，等左大約15分鐘有得食。原來個waffle都好大份，除左蜜紅豆，上面仲配左2球雪糕，一塊脆餅同蜂蜜，下午茶兩個人食啱啱好。Waffle食落熱辣辣，好鬆軟，配埋雪糕一冷一熱，正呀！如果冇咩人等位，可以慢慢坐低傾計。間cafe仲有其他意粉同burger食，下次再黎試下先~

大埔區內實在太多嘢食， 要成為區內嘅人氣cafe都真係唔容易。 咖啡灣有幾間分店太和呢間就第一次試 。呢間咖啡灣係太和都幾出名今日終於嚟試下。呢間咖啡灣舖位都幾細，但裝修一啲都唔馬虎。 餐廳內裝修好有feel~ 幾有心思。今次主食叫咗個茄汁大蝦意粉。另外小食見到一個好特別嘅 雞翼拼盤叫做玫瑰山雞翼。 有三種味道包括玫瑰，桂花同山賊(其實就係黑椒)。雞翼果擺盤係勁靚， 每隻味道有兩隻中譯， 仲有少少沙律做配菜。 我自己最鍾意就係桂花味， 因為好有新意。 食過先知原來桂花同雞翼係可以咁夾，仲增添 左啲清新嘅桂花香味。大蝦意粉都唔錯， 啲蝦大大隻，蝦肉幾爽口。 意粉嘅味道都ok， 雖然唔算完全吸收到醬汁嘅味。呢間咖啡灣雖然地方唔帶， 但喺度用餐嘅感覺都幾寫意，唔會覺得好迫夾， 食物又唔錯，cp值高。 值得一試。

以前好鍾意黎呢一間西餐廳食㗎，覺得味道好、員工服務態度好！但今次食完真係好失望，我諗我短期內都唔會再去啦。員工服務態度依然係非常之好，充滿笑容、會好主動話幫你影相，又會好落力咁介紹食物。但係面對着食物....真係不似預期軟殼蟹黑松露意粉，佢個軟殻蟹冇以前整到咁香口，不過黑松露依然味道十足、意粉都好食嘅。雞扒番茄意粉，不過不失、唔會令你好失望，但係亦唔覺得好讚嘆、傑出嘅感覺。咖喱吉列豬扒飯，見到呢個飯，完全是想用恐怖來形容，未食見到已經冇晒胃口。咖喱汁係硬哂，一pat pat咁...完全唔香！個吉列豬扒又偏硬，每個食材都係好獨立、完全冇一種互相配合嘅感覺。士多啤梨窩夫，我哋叫呢左全份！如果半份的話，就會只得一球雪糕，窩夫嘅件數亦都會少一半。呢個窩夫其實好靚，但士多啤梨偏酸。今次其實都覺得佢冇突出，而且因為佢窩夫中間加咗蜜糖，反而覺得偏甜。

約左朋友聚舊食tea，一行5大2B加BB車，地方有d迫，坐得迫嘅，同限時一個半鐘，一個半鐘後門口又真係有人等緊嘅，所以想hea想傾計呢度就差少少啦。野食方面係唔錯嘅🍴黑松露軟殻蟹意粉聞到好香嘅黑松露味🤤軟殼蟹都大隻，脆，同好夠味😋意粉好大碟，建議女仔可以share 👭🍵Bello latte 😍好重香蕉味🍌同甜主要都係見佢靚，先點左🤪同行朋友有點其他意粉🍝同waffle ，都唔錯的👍🏼

見佢出咗新飲品，全部都係可愛嘅卡通造型，仲要有優惠「第二杯半價」，我們都被吸引了試試。可惜嘅係，冇諗過佢這個系列嘅新飲品，原來是 target 小朋友。兩個大人一心諗住飲咖啡，點知失望收場。（皆因 Latte 喺香港未統一定義，部份coffee shop或者西餐廳，Latte 依然有咖啡成份。）我個杯香蕉朱古力還可以。同行朋友杯芝麻味就的確...... 佢吐了出來🙈強力建議餐廳在餐牌上寫明/註明「小朋友特飲」，或註明沒有咖啡因成分。家長睇得明白安心，其他食客又可以了解放心，一舉兩得。「香煎雞扒番茄醬燴意粉」這是我至愛的意粉，差不多每次幫襯都會order。以前食，起碼等半個鐘。未知是否太多食客有意見，今次等候時間縮短了一半，但未知是否這原因的關係，發現今次的味道沒有以前那麼好味。香港其實越來越多咖啡店支持「咖啡渣免費自取服務」，這餐廳都可以考慮一下，與時並進。

-🍽想同三五知己食下飯吹下水，Cafe都係一個幾好既選擇，休閒得黎 環境又靚靚地 ，坐得舒服 食物賣相都幾精美。第一次黎食呢間cafe,都要等位等成半個鐘，不過環境同食物都幾令人滿意。🤤推薦食物：✅黑魔王曲奇雪糕窩夫：賣相好靚,topping材料好多，Oreo 餅加窩夫再加埋個朱古力雪糕一齊食，口感豐富，、朱古力味好重。✅手作特級和牛漢堡：件漢堡排好厚下，好juicy肉味都幾好，個包都夠鬆軟，加埋生菜蕃茄，唔會有膩既感覺。📍咖啡灣Cafe Swan(🤤:7.5/10)📍太和太和路15號太和中心9號鋪#hkig#hkfood#foodpics#instafood#foodies#cuisine#foodshare#foodgasm#foodphotography#hkfoodie#foodseekerlu_bie#LuBie太和#吃貨#美食#香港美食#太和美食#食好西#咖啡灣#cafeswan

今晚妟左少少黎到，唔洗等位。今次簡簡單單同朋友一人一個意粉share。板燒雞扒番茄醬汁義大利麵🍝賣相唔錯，意粉唔會過熟，夠彈牙，幾香蒜蓉味，味道ok但無太大驚喜。墨魚汁帶子義大利麵呢個都係不過不失，意粉比較乾身，如果多少少汁會更好。

門口裝修色彩繽紛，有我最鍾意嘅摩天輪做擺設。餐廳非常體貼，客人如果需要等位，門口仲有椅仔提供，可以坐喺度慢慢等。餐牌一本入面有多頁，圖片大大張好吸引，搞到我地每一樣食物都好想試吓。牛油香草煮蜆蜆嘅份量都幾多，面頭好多香草，食落去蜆烹調得恰到好處，好入味之餘而且冇沙，質感爽口的。雞翼拼盤同樣非常滋味。太多意大利飯同埋意大利粉選擇，好多花款啊。龍蝦海膽飯賣相非常吸引，好大隻龍蝦頭做擺設，餐廳非常體貼，龍蝦肉已經剝咗殼，而且海膽份量都幾多，食落去鮮甜美味。餐廳最出位嘅係窩夫甜品，當然唔少得要叫一份試吓啦。黑魔王曲奇雪糕窩夫最後我哋叫咗半份都已經好有份量，而且即叫即整，所以食落去外脆內軟，朱古力醬同埋棉花糖粒粒鋪滿面頭，賣相吸引。咖啡店嘅飲品多款選擇，仲好有特色。見到隔離枱叫一杯熱朱古力拉花拉得好靚，最後我哋每人都分別叫咗一杯抹茶同埋朱古力。四個人食埋單都只係$700，真係物超所值。

近太和火車站有間西餐廳，位於大馬路，餐廳位置開陽當眼。啱啱好唔需要等位，店員安排我哋坐最入面嘅四人枱梳化位置。餐牌多款選擇，圖文並茂，食物圖片非常吸引。首先來一些小食，雞翼拼盤同埋牛油香草煮蜆。當中雞翼有三款味道，每款味道有兩隻，賣相精美，有我最鍾意嘅玫瑰花瓣🌹鋪落雞翼面頭。每一款雞翼食落去味道好Juicy，而且肉質鮮嫩，非常新鮮。飲品方面尤其特色，每一款飲品都有唔同嘅拉花圖案，當然唔少得叫我最鍾意嘅凍抹茶鮮奶，抹茶味道香濃，帶一點苦澀味道之餘，飲落去質感好滑。而且Order飲品第二杯有半價優惠，朋友都叫咗一杯熱榛子朱古力，熊貓圖案嘅拉花好靚，朱古力味道香滑。主菜當中有魷魚黑帶子意粉，好大碟，好有份量。面頭鋪滿脆卜卜嘅細魷魚仔，帶子爽口彈牙，意粉好入味，食落去有不同口感。最後叫咗一個甜品-黑魔王曲奇雪糕窩夫，為呢一餐豐盛嘅西餐畫上句號。

行過粉嶺原來開左分店，新啲仲有多左好多唔同裝飾，最特別係居然有氮氣咖啡飲，不過方便自己都係去番太和店，要下次再試咖啡。之前已經試左原隻軟殼蟹，今次見到呢排推出左《海膽龍蝦飯》($178)，原隻已經拆肉既波士頓龍蝦夠彈牙，加埋激烈的火炙馬糞海膽，龍蝦汁燴飯好濃香入面加左蟹肉。店員推介既《牛油香草煮蜆》($68)，呢個一上已經牛油香勁濃，仲要超足料勁多隻蜆超抵食，飲啖湯個牛油味真係勁出。一見到呢個咁可愛已經要叫，《香蕉迷你兵拿鐵》($38)，真係真係超可愛既迷你兵，岩哂打卡用！飲落香蕉味好濃郁，真係叫聲bananaaaaa。另外再叫左杯《玫瑰鮮奶咖啡》($33)，上面有放左玫瑰花瓣，飲落咖啡味幾香濃同有陣清新既花香味，上面拉花都唔錯。原來而家三周年，去到23號食滿$250可以$1換半份，$500可以換全份窩夫，有三種味道可以揀，今次叫左《玫瑰花草莓窩夫》($1)，窩夫保持外脆内軟水準加上清香既玫瑰花更靚。店名：Cafe Swan 咖啡灣 地址：大埔太和路15號太和中心9號餐牌:

一向太和店都非常多人晚餐排了半個鐘頭，先有位急不及待叫了甜品外觀吸引而且好食即刻打卡影相！另外叫咗意粉，味道不錯！炸物都非常好食，味道可口！整體餐廳環境良好，但座位有點迫。