咖啡弄 (已結業)

今個週末，揀了咖啡弄作週末下午茶，今天點了四杯飲品，因為限定每人一定要叫一杯飲品的，反而小食我們只叫了兩個客大家分享，也非常大碟，所以一定夠飽。今次約了三位朋友，共四人預先取了號碼，然後去銅鑼灣購物， 1小時後回來，雖然已經叫過了龍，但服務員態度非常親切，說會給下一張枱，我們很高興。今天我們點了草莓冰淇淋心鬆餅、總滙三文治、綜合咖啡、冰鮮果茶、星空草原芭樂沙冰和綠茶。

曾經是紅極一時的咖啡弄平時去不用排隊是預期之內，和男友兩人直接可以入坐。 下午茶時間餐廳約七成滿，店員都是忙忙的樣子, 但是挺有禮貌的。 一向是就得我的男友小事永遠由我發辦, 而我 … 當然唔客氣點了我最最愛的紅豆蓉、綠茶雪糕 Waffle，飲品想試下不一樣的，Tiramisu Coffee 相當吸引我，真心令人期待的飲品。  我們感受到即點即造的魔力，等了大約10 多分鐘 Waffle上枱時還是暖暖的，每片Waffle 都相當厚身，入口有彈性，外面微脆蛋香滿載， 味道好之餘口感也滿分。配紅豆蓉己經以100分完勝， 但反而綠茶雪糕味道略遜，欠缺綠茶應有的甘香，反而令我扣返小小分。  Tiramisu Coffee 相當大杯，一層微苦朱古力粉，下面是超濃郁的芝士奶蓋，咖啡香味完全沒有被覆蓋，而且十分香濃、超香滑布層次，喜歡重口味的可以一試。 當寫食評時再看回以上客人的食評好像唔太好， So far 我今次“亦是第一次”來咖啡弄, 整體我是相當滿意的， 如果不須要勁排隊肯定會想再來的。 

想悠閒咁食個午餐，於是諗起台式cafe，諗起咖啡弄。12:15度去到，唔需要等就可以入座。牛奶冰棒可可亞牛奶係雪成冰棒狀，倒入熱既朱古力攪勻就成為朱古力奶。要自己動手去製作，感覺係特別啲好玩啲。朱古力奶味道濃郁，好飲。另外，佢有兩塊朱古力附送。熱水果茶佢用lipton茶包，加上好多水果沖泡而成，有熱情果、橙、蘋果、檸檬同青檸。第一啖飲覺得好香熱情果味，但好酸。飲到最尾一杯時覺得好甜，要自己倒啲水入去沖淡一下。草莓冰淇淋鬆餅個賣相好吸引，士多啤梨大大粒，上面鋪滿士多啤梨醬，顏色鮮豔。士多啤梨下有雪糕同吉士醬，配埋鬆餅一齊食，好夾。鬆餅質地好厚實，如果一個人食晒可以當做正餐，好夠飽。總匯三文治份量都幾大，有三份三文治。入面有雞肉、火腿、蛋、蕃茄、青瓜同生菜，好足料。另外，配有芝士粟米片同蛋沙律。總括黎講食物質素幾好、份量好大，最好share黎食。環境方面，枱與枱之間既空間有點窄，隔離枱走既時候，佢條褲掂到我地既食物，唔係咁衛生。

坦白講我真係為窩夫而黎既之前食過真係好好食既今次⋯真係好失望睇下個切面 未熟既粉漿 沒有鬆軟既窿窿個窩夫第一次黎既時候中間不太熟 （並不是好似第二次咁嚴重）請佢地再做過佢地態度都好好黎第二個時 特地話我知 多烤左2分鐘點知都一樣佢都有話我幫我再整但2次都係咁 就明白應該係 開粉漿開得唔好⋯ 我都算了食完 冇下次

相信大家都對當初咖啡弄在港開業時大排長龍的景象有印象～那大名鼎鼎的鬆餅讓大家都心甘情願地在那悶焗的樓梯排上一、兩個小時。之後咖啡弄在尖沙咀開了分店，加上熱情退卻，現在去咖啡弄幾乎都不用排隊，真是開心但這次去，雖然沒吃鬆餅，但食物水準似乎下降了。燻鴨羅蔓沙拉佐香橙：沙律菜是新鮮爽脆的，附上了油醋，而沙律中都放有沙律醬，如果能替客人預先拌好便更好～鴨胸不錯，有肉汁，不會過鹹玉米里肌芝士可頌：牛角包的重點是外層酥脆，內層軟熟富牛油香，可惜這牛角包欠缺這些特點，教人失望。而且牛角包擺放得不太好，切起來有點麻煩。熱水果茶：幾乎是必點的水果茶，這次略嫌酸了點。蜂蜜生薑茶：味道不錯，但薑味可以再重一點～

早十年八年我仲讀緊書既時候，有一排真係好興台式野，而台式cafe/餐廳又仲未好似而家咁成行成市，所以咖啡弄都曾經幾一時無兩，非繁忙時間都要等三兩個鐘先有得食。而家呢，星期五晚放工時間去，直入唔駛等。雖然係咁，佢地仲keep住一人一杯野飲係minimum charge，不過食物質素都仲keep到，都叫值回票價啦。首先叫左個玉米肌里起士可頌，呢個組合好無敵，有大量半溶芝士，加埋大量煙肉碎同火腿夾埋係個熱辣辣牛角飽入面，好好食，配埋既有沙律同粟米，份量驚人，一個人唔會食得曬一個。之後叫左個熱溶起司蒜香蝦，其實呢個都好好食，不過食完頭先個可頌，呢個會係失色少少，不過卻有誠意。一上碟係三塊多士上面鋪滿蒜味蝦仁，幾大隻彈牙亦無雪味，之後店員拎左個上面溶左芝士既pan一野倒落去，已經有睇頭啦，食落芝士仲好熱同好香，夾埋多士點會唔好食。其實都已經好飽，忍唔住都係叫左個繽紛莓果熱蛋糕。熱蛋糕有少少似加厚左既熱香餅，不過再鬆軟少少，然後上面擺滿雜莓同食用花，加埋cream，就係一個好好味既甜品啦；而且擺盤又靚，影相一流。最後不得不介紹就係呢個牛奶朱古力，杯入面有四條牛奶雪成既冰棒，然後將熱既朱古力倒入去，

聽了這間cafe很久，今日來試一試。等了大約15分鐘左右就有位。這裡主力是食甜品。但是也有三文治。這兒份量都好大份。服務都不錯。飲品都好特別。坐環境不錯。一定會再來試。

衣間餐廳想試好多年，但係一直以黎都見佢大排長龍，加上係樓上鋪有d擔心，但係今次約朋友食飯，佢話想試下cafe!，加上又係星期一，應該冇咩人等位啦掛！所以決定一試！店面比我想像中大，坐得舒服，個menu都乾淨同好吸引！我叫左個club sandwich + ice chocolate! Club sandwich 賣相唔錯，但食落就普通啦⋯⋯塊雞肉超級薄，然後side dish既薯容係冇味架⋯所以真係麻麻不過我幾鐘意個朱古力飲味，將d牛奶雪做冰然後再倒暖既奶落去幾得意！又唔太凍or熱！推薦👍🏻

幾乎兩年沒有到這裡光顧吧🤔來這裡之前還以為大排長龍，要等很久。意外的是，只等了數分鐘便入座。我們分別點了冰維也納咖啡$48我們也覺得這裡的忌廉難以消化🤔這杯咖啡一般般吧而我點了熱維也納咖啡$44感覺忌廉多於咖啡🤔咖啡及曲奇餅的味道一般般吧整頓下午茶最愛吃這鹽味焦糖鬆餅$58焦糖的味道很可口，有牛油香味，鹹鹹甜甜的味道令我們停不了口。整體而言，這裡的食物質數沒變。仍覺得價格實惠，份量十足。但今次光顧，踫巧遇到服務態度有待改善的店員🤔

好耐無過對面海，難得過到嚟梗係要搵d好野食下。一早已經知道自己要過嚟，上網見到咖啡弄可以電話訂枱，即刻打過去book定位先。雖然訂左位，但係去到都要等一陣先有位。今日叫左我想食好耐嘅鬆餅，另外由於佢最低消費係每人一杯飲品，所以都一人叫左一杯飲品。飲品都算有特色，不過飲品一向都係餐廳食水最深嘅野，加上我唔太好甜野，一人一杯有時又覺得有d強人所難嘅，用銀碼做最低消費感覺會合理d。叫左一杯果茶另外要多杯薑茶，薑茶唔記得左影低，入面真係有幾片薑，薑味亦都好濃，好岩胃口，薑蜜仲要配芝麻餅，都算有誠意！至於果茶味道酸酸甜甜，好開胃，不過飲多左就覺得有d甜。另外叫左煉乳花生鬆餅，鬆餅鬆鬆軟軟好似蛋糕咁，花生醬加煉乳又係無得輸，好好味。唔食得雪糕嘅情況下仲可以食到呢個鬆餅真係覺得好感恩！！兩杯野飲加一個鬆餅兩個人share食作為下午茶已經好飽，個鬆餅嘅份量真係唔可以睇小，下次食得雪糕真係要再去食多之鬆餅先得啊。

在電子媒體充斥的年代，食物的賣相比食物的味道重要，所以售賣精美賣相食物的台灣咖啡館大行其道，紅遍東南亞。「咖啡弄」是首間打入香港的咖啡館，吸引不少年青一代打卡。我不年青，沒有排2、3小時的精力，只好等熱潮過了才去光顧。熱潮過後，現在的「咖啡弄」只需等半小時便入座了。燻雞吐司比薩。吐司鋪滿了我最愛的芝士，烤得微焦，令芝士變得卜卜脆。芝士底下是蘑菇和調了味的雞肉。可能烤過了頭，整體較乾身，不是預期中的外脆內軟。士多啤梨窩夫。厚身軟熟的窩夫實在是令人難以抗拒，配上士多啤梨和雪糕，超好味的。這個之後隔了不久再約朋友食了。BBQ豬扒三文治。一層層分明的材料，形成了極好看的「小食」。當然這份量並不小，一個人是食唔曬的。花茶水果茶每種飲品份量很大，兩個人喝也可以，但店舖規定每人必需點一款飲品，就和老公一人一杯了。飲品和食品都花盡心思，難怪常常高朋滿座。

未去過第一次去這大名鼎鼎的咖啡弄，多人,要等位,預左,等左約廿分鐘,終於入得,但又限時,叫餐時仲有位正字先鋒抖正我讀錯佢地產品名！我叫菠蘿沙冰是不可以的,要叫鳳梨冰沙，我叫拿破倫又錯是"黃金拿玻倫千層批"我叫野莓優格沙冰又錯是叫野莓優格冰沙,那個窩夫我索性唔讀名就指餐牌話"呢個"...食物來到味道無甚特別,好好食又唔係好差又唔係,但台灣品牌最引以自豪的高質服務,沒有了。我知道就是我這樣寫,這店仍會其門如市,不要緊,說真話,香港人就是犯賤!!不知所謂以後不再來了。

收工黃昏時段，又好似不太肚餓，但是十分疲倦，於是去了一個有小吃又有咖啡飲的地方 ，這裏我見到有很少的冰滴咖啡，於是叫了一杯來 ，冰滴咖啡是用很多時間才能滴出一杯嚟，所以十分原汁原味，之後我叫了一些少吃，包括鹽酥雞，咖哩牛腩法包，和一個不知名的某處pizza的多士， 咖哩也十分好味，食品質素十分好，但唯一就是只限用膳兩小時，如果約朋友坐低傾計，時間是十分不足夠的， 在門口排隊的人十分多，建議最好六點鐘左右就要到，否則排差不多兩小時都未能入座

還記得多年前咖啡弄在香港新開張的時候，就逼不及代地去試食，兩次都排了接近一小時。今天同家人在銅鑼灣搵餐廳食tea既時候，記起這間多年沒有拜訪的餐廳，心諗阿媽到依家都無試過，就興起行左過去。當年的熱潮已慢慢退去，排隊的人龍大減，今天雖然是公眾假期，但我們只在門口等了約20分鐘。入座後，我立即叫左久違了的熱鮮果茶，媽媽則叫了一杯低咖啡因的，她對咖啡讚口不絕。我們另外叫了三份食物，句括熱熔起司蒜香蝦、咖哩牛腩佐法國麵包及香蕉巧克力冰淇淋鬆餅。先說說熱熔起司蒜香蝦，因為見是每日數量限定，所以抱著試試無坊的心態叫了一份，結果沒有令我們後悔。職員會係客人班前將熱辣辣的芝士淋在包上。芝士中加有炸過的煙肉粒，令味道更香口。芝士與蒜香蝦是很好的配搭。是芝士控的話，真的不要錯過！！！但如果你沒有特別鍾情於芝士的話，我並不建議試食熱熔起司蒜香蝦，因為真的很膩，兩人share一份已經食飽。我個人是得喜歡他家的咖哩牛腩，咖哩味濃，牛腩軟硬適中又入味。可惜媽媽不懂欣賞，她認為某連所餐廳的咖哩牛腩更好吃，我只能說是連所餐廳的cp值較高。咖啡弄其中一樣招牌甜品就是窩夫，不過我本身不太喜歡厚身的窩夫，這份甜品的味道也沒

今日去銅鑼灣上堂梗係食一啲新界區或者大埔無嘅嘢啦同同事兩個人就走左去咖啡弄, 都係以為食一啲好簡單嘢啦, 三文治呀, 飲杯咖啡呀咁樣 點知個驚喜多到不得了~~~個menu (對唔住我冇影) 啲圖畫靚到好似畫畫一樣, 好似藝術品咁, 雖然佢嗰啲嘢係英文或者台灣嘢翻譯出嚟有少少會睇唔明, 但係你見到幅圖就好想一啖咬落去最後我哋叫咗一個唔知乜嘢畀花沙冰同埋一個oreo沙冰, 一個龍蝦包同埋一個蛋沙律包 上菜時. 店長都好好 (但係大家留意番啲獎係一個台灣小鮮肉) 佢會好好咁話畀你聽呢啲嘢係點樣用嗰啲嘢係點樣用, 令你有一種賓至如歸嘅感覺好啦個龍蝦包~~嗰邊好脆皮, 龍蝦好新鮮, 佢仲畀咗一個特製嘅醬汁你, 其實嗰汁係點生菜嘅, 好味到不得了你會食到個包嘅沙律醬嘅香同埋龍蝦味嘅鮮, 好正!!! oreo就好好味啦, 有好多朱古力碎鍾意食朱古力嘅人呢其實一定要叫囉!!我同事食嗰個蛋沙律包, 都幾大份, 我相信一個女仔食完都會覺得好飽! 另外叫咗一個甜品!! 個甜品上面有好多生果好新鮮士多啤梨, 都好甜, 我唔知點形容今次呢一個午餐, 但係我會覺得如果你見到小鮮肉首先你會頭暈啦好開心啦,  係唯一