咖啡園

營業中

休息中

一家三口到conard 食lunch buffet，順便同蝦子餅慶祝生日。十二點半來到，差不多全餐廳滿座，好彩預先訂了枱，要不然相信會撲個空。用餐地方不算大，有戶外座位，我們仨被安排於一張在角落的四人枱，感覺獨立，坐得舒適。坦白說，取食物的地方也不太大，一分鐘也能走完，不過每款食物也很精緻，味道也不錯。冷盤方面有：琵琶蝦、 龍蝦 、蟹鉗、麵包蟹及青口。 龍蝦和麵包蟹都有很多膏， 當中以蟹鉗最鮮甜。 食物不斷refill,不怕取完就沒有。熱盤方面也有十多款，也可以即場煮烏冬湯麵等。 燒味有叉燒和燒鵝，除一般牛扒外也有海南雞供應。 不得不讚韓式牛仔骨味道很好，肉質淋滑，吃不停口。湯也中西兩款， 蘿蔔豬骨湯和菠菜花忌廉湯 ，味道不過不失。四款芝士任選， 刺身有吞拿魚和三文魚，而且有很多款壽司供應。水果方面，有蜜瓜、哈密瓜、西瓜、菠蘿及士多啤梨，當中以蜜瓜最甜最多汁，又是吃到停不了口。這裡可以自行調制caesar salad，也有 紅菜頭沙律和大海鮮果沙律等，總有一款啱口味！到了甜品時間，款式不算太多，但十分精緻！法式焦糖燉蛋加入薑汁，味道特別！ 也有日式芒果mochi 供應， 煙韌好味 。

到底該先吃那個種類? 甜品抑或海鮮? 實在很難取捨, 根據慣例, 都是由沙律先吃, 到頭盤、主菜再到甜品, 但Garden Café的甜品是吸睛之餘, 味道誘人, 我就來一個怪循環, 先吃甜品, 世上總會有我這類人吧~ 就在門口位置的甜品區, 相信是招徠客人的招數, 而這是成功的, 因為蛋糕款式造型精緻, 有件裝及杯裝, 黑森林蛋糕是必吃的, 朱古力濃郁軟滑, 滲著少少酒白, 重點是夾層有車厘子, 是傳統造法, 而那朱古力小卷由數塊薄片卷成, 整顆放進口,那份薄脆與香醇, 難以忘懷. 仿如鋪上光環的柚子豆腐蛋糕, 造型優雅, 而柚子與豆腐的味道也很搭配, 慕絲質感, 不覺肥膩. 要論視覺效果, 必是仙氣十足的芒果香檸雪芭, 酸甜醒胃, 肚餓感更強. 4款movenpick 雪糕當中更有藍莓芝士餅味, 香甜藍莓味不假, 混著少少咸味芝士餅碎, 一球真的不夠滿足!! (餅廚拿起雪糕勺三兩下就把雪糕弄成圓形及橢圓形, 讚!!) 柚子桑莓éclair賣相美, 味道更可口, 一口size, 細細條, 甜品就是這個份量最好, 可多吃幾款. 朋友推介, Garden Cafe關乎朱古力的

好喜歡自助餐中有大量海鮮供應，對於細食的朋友來說，感覺會回本些。 這晚與好友來到港麗酒店Garden Cafe，重點吃海鮮、movenpick雪糕、燒烤類食物已值回票價。   每晚7:30更會即宰時令魚刺身，這晚是日本神魚平政魚， 師傅手起刀落地片出新鮮肥美魚刺身，每人限取一份。   我嘛，沒有太追求刺身，因為我是海鮮迷!   龍蝦、麵包蟹、琵琶蝦、長腳蟹、青口、去殼凍蝦，太吸引了吧!   大隻龍蝦鮮甜爽彈，還有紅橙色的甘香蝦膏; 說到蝦膏，麵包蟹蟹膏也相當嫩滑，帶少許黏，好美味; 長腳蟹多汁肉嫩!  不要錯過啦! 海南雞飯也是必吃的，雞件幼嫩飯不油膩，正適合怕脂肪怕肥膩的姐妹們!  平日看到廚師只會在切燒牛肉，我就只能看不能吃，今次有燒豬柳啦! 燒烤類食物也夠多，燒蝦、牛仔骨、雞肉腸等等，加塊芝士pizza就更完美啦!  薄薄的餅底與濃郁芝士，想一塊接一塊地消滅它。     日式美食有章魚燒、鵝肝燒、魚刺身、壽司， 鵝肝燒好美味，外層惹味，裡面的鵝肝又夠軟滑。  還有烏冬拉麵，你又會喜歡配上味噌湯或豬骨湯嗎? 即製吉列炸蠔好正! 鬆脆不油膩，蠔味不太重;  再喝一碗流心蛋，味蕾大衝擊

近來好似少咗食自助餐咁喎！係時候要出山減肥喇，久休復出緊係要揀間正斗的來賀一賀佢啦！就揀了我第一次去港麗酒店的咖啡園 Garden Cafe 。今次要來吃的是酒店仲夏主題自助晚餐，星期一至四成人＄598/小童＄378，星期五至日及公眾假期成人＄668/小童＄398，酒店這月份推出匯豐信用卡65折優惠優惠按此連結即時抵食得多了！ 價錢就抵咗好多不如等我帶大家睇睇有什麼美味食物供應吧！在凍海鮮區一眼看到有琵琶蝦車媽媽心已樂透了因為這種海鮮是我十分喜歡吃的，其餘還有青口、麵包蟹、開邊龍蝦、鱈場蟹腳及大蝦陣容也不少呢！ 芝士有4款選擇看見有Pepper Boursin就知今晚同桌的J小姐必定很開心啦！因為這是她的 Favorite Cheese。 Cold Cut款式唔多有煙三文魚、沙樂美腸，德國凍肉腸及谷巴火腿，貴精不貴多各款都甚具質素對於我夠滿足了！ 生果就十分豐富有哈密瓜、蜜瓜、我大愛的菠蘿及西瓜另外還有原個的布冧、蘋果及提子等全部都新鮮非常，這夜我吃了超多菠蘿因為真係又甜又香用來襯Ham簡直係妙配呀！ 現成沙律亦有十分多選擇黑椒煙鴨胸、牛展、泰式海鮮沙律、希臘沙律、鴨胸沙律、蜜糖芥末牛

環境好舒服 服務態度都好好😊平日去食人都多不過冇爆場 啲龍蝦真係好多膏 好好味 長腳蟹都好新鮮不過有啲鹹 白酒同紅酒任飲 都係普通平價酒咁嘅價錢有任飲紅白酒都夠晒仲即場切割平政魚 好新鮮好正👍🏼可以再去👅

我從不寫食評，食過差都放人一馬，食過好的寫出來又怕比人話吹大左。但今次不能不寫，因為實在劣劣劣x n次方。一個月兩次在金鐘tea buffet, 上次在萬豪超掂，但今次在Conrad食物勁少款，居然熱食有炒飯、炒麵、餃子、春卷....冷盤又差不多冇咁。最離普tea buffet 連甜品都超求其。可能最掂係杯请水…………超中伏。

H銀行信用卡正進行推廣，預訂自助餐六五折，於是和朋友們一行六人來品嘗一番。自助餐由晚上6點開始，一直到10點半。當我們到達位於LL層咖啡園門口時，接待員好快找到我們訂座資料，為我們安排好入座。一進場，除了甜品未準備好，服務員說大約7點後開始供應甜品，其他食品已經放在枱上任君選擇。服務員問我們要飲什麼，紅白酒、汽水都是任飲的，還有一杯自選餐飲（後面再詳談）。服務員還為我們介紹一下食品，外面露天Bar位設有燒烤類食品，例如各類串燒、燒龍蝦、烤羊架、燒豬腩仔、烤意式薄餅等，有大廚為你即場燒烤，相當有氣氛。是次自助餐主打供應波士頓龍蝦、琵琶蝦、蟹腳，新鮮味美！琵琶蝦一般比波士頓龍蝦細隻，但肉質更結實，口感清爽！還有青口、凍蝦！大廚為你即場製作迷你海南雞飯、日式拉麵、日本小丸子，有章魚和鵝肝小丸子兩款 ，同樣香脆好味！壽司方面有三文魚、鰻魚、墨魚、甜蝦，刺身有吞拿魚。壽司都是一口一件的大小，相當新鮮好味，不像整好了好久放到乾硬的。到7點半有大師即席示範切原條油甘魚，然後大家既可欣賞師傅刀法，亦能品嘗即切油甘魚刺身無比美味，排隊出去領取，每人會有兩塊魚生，還準備好豉油、芥末給你，相當體貼。此外，還

由悉尼回來了！又繼續分享美食：金鐘港麗酒店的 Garden Cafe，最近強化了自助餐內容，在原有強勁海鮮基礎上增設了海南雞飯，還將整個餅房都化身為甜品自助餐區，加上 HSBC 的65折優惠，既豐富又超值！   事實上，格調高雅的用餐環境，一來已經贏了很多分～使用 HSBC 65折優惠後，星期一至四成人 $467／小童 $298；星期五至日成人 $506／小童 $311，價格已包精選美酒及夏日冰凍果茶暢飲，太抵食了！ 又來看看自助餐陣容吧！一開始先是凍海鮮，選擇包括：爆膏的波士頓龍蝦、麵包蟹、本地龍蝦、青口、已去殻凍蝦，以及阿拉斯加蟹腳等，質素是看得出的超誘人～～～  沙律的選擇也不少：雜果沙律、青口沙律、辣椒絲吞拿魚沙律、海鮮長通粉沙律、紅蘿蔔絲沙律、車厘茄沙律、雜菌沙律、青瓜片等.... 還有少不得我最愛的凱撒沙律，以及火箭菜，連同豐富配料（包括營養豐富的南瓜籽及葵瓜子）及醬汁，以供選擇～ 場內水果也十分新鮮又清甜，選擇包括：西瓜、菠蘿、蜜瓜、哈蜜瓜等，都切成大小相近的整齊方型，連同紅毛丹、青紅提子，以及鮮橙供食客享用～ 這場又有煙三文魚、風乾牛肉、莎樂美腸、黑森林火

極度失望! 本來諗住同媽咪一家人嚟慶祝生日, 但係啲食物同服務都好差! 食物選擇好少， 海鮮冷盤係得龍蝦叫做好少少， 其他海鮮完全無味， 仲要唔多refill，搞到啲人一見到龍蝦出就衝出去拎，海鮮corner 長期都係冇嘢嘅!魚生款式得一種， 壽司就得嗰啲好cheap嘅款式, 但有大量章魚丸子同鵝肝丸子， 但係全部都唔好食!😑😑 酒店推薦嘅海南雞飯又冇乜味, 啲雞勁鞋! 其他熱葷選擇都好少, 仲要唔好食! 嗰個豉椒炒蜆先犀利, 長期淨係得殼冇肉嘅， 後尾忍唔住同啲staff講叫佢換個盤出嚟!戶外bbq 啲蝦係霉嘅， 燒牛仔骨係嗰啲好cheap嘅quality， 係個羊架叫做好啲， 同埋嗰個即焗pizza 叫做食得下! 沙律 cold cut 又係少到喊! 連生果都得三款, 甜品又係差到冇朋友! 最特別係有雞蛋仔, 但係個texture同我哋平時喺街食係唔一樣嘅! 仲有個七點半即席劏嘅魚生平政魚，好似好勁咁，每人排隊可以分得兩片， 個人覺得 冇乜特別， 同平時啲分鯛魚一樣咋嘛!Free flow of wine and soft drink, 叫杯汽水十世都唔嚟， 每次每叫一杯就要催3次

聽聞港麗酒店嘅自助餐有好多海鮮食，已經好想去試吓，咁啱今日有朋友有兩張贈券，唔得閒去，又就到期，就送咗俾我。嘩……即刻訂枱去試吓喇。去到現場，見到個環境已經覺得唔错，地方寬敝，燈光柔和，加上員工殷勤既態度，已令我心情好好，食慾大增。巡咗一輪，見到食物種類很多，就先來一個蕃茄忌廉湯，熱辣竦，酸酸地，茄味濃，令我胃口大開，就開始我呢晚嘅尋食之旅。最先食回本食物，識食一定揀佢嘅龍蝦、長腳蟹，麵包蟹，呢幾款海鲜味道鮮甜，仲源源不絕供應，不過㕑師可能重手咗，我覺得有少少過鹹。食完見室外有即燒BBQ,有香葉包魚，蝦，龍蝦，雞翼，法蘭克福腸……我怕熱氣，只淺嘗魚和雞翼，覺得無乜特別，就去攞章魚小丸子同鵝肝小丸子食，呢款小食外型做得唔錯，加上紫菜絲，都覺得佢有大阪嘅街頭小食feel呢！此時忽然鐘聲響起，走去八吓，原來係即開平政魚時間到了，聽酒店員工所講，此魚來自九州，是夏季最肥美的魚，冬季就轉劏拖羅。開完之後分享即劏新鮮肥美嘅平政魚，味道唔錯，肉質較結實，口感比三文魚更好。之後我再試佢嘅熱食，豉椒炒蜆，蒜蓉龍蝦，炒蜆好惹味，，但龍蝦嘅蒜頭味唔夠，所以我覺得食凍龍蝦好過。食到飽飽，梗係要食甜品喇！嘩！有

一向很喜歡到金鐘太古廣場的那幾間酒店吃自助餐，食物豐富，質素好，價錢合理。前幾天就同幾個好友到Hotel Conrad的Garden Cafe 吃自助餐。餐廳本來環境不錯，樓底高，旁邊是泳池，但不知是否要増加生意額，加多座位，擠在一起，迫迫夾夾。至於食品方面，海鮮冷盆最豐富，有龍蝦、麵包蟹、青口、凍蝦、翡翠螺等等，款式頗多，惜鲜味不足。沙律除一般款式外，有較高級的火箭菜及菠菜苗。灼灼淥淥攤位的食物也很豐富，負責的主廚態度友善。熱盆主食不多，沒甚特色。整體感覺是比不上以前了。

完全同價錢不成正比Free flow紅白酒飲咗好少朋友話差，飲一啖就冇飲啲火腿芝士沙律全部係平價貨=三星酒店lunch貨色琵琶蝦冇味龍蝦唔爽口勁痴殼麵包蟹啲膏勁嚡壽司也是平貨竟然有大量八爪魚丸即切嗰條叫平政魚好淡味仲要限量供應排隊每人限兩片熱食完全冇食賣相差到一舊都唔想夾Pool side BBQ舊燒肉勁硬勁咸蝦唔熟羊架ok我唔食牛朋友食咗一啖又停口甜品超級差好勉強揀到3樣擺上碟櫻花Panna cotta勁甜（我食得好甜都不能接受）Creme brulee唔滑Eclair及格我好鍾意食甜嘢都冇再攞2nd round可想而知最好係熱檸水同花茶

同客同2位同事黎食Early lunch,11點到，唔使等，坐poolside,一路望住泳池景，一邊享用午餐，再加一杯fruit punch ....感覺好似去左布吉享受咁,好寫意。可能因為太早，又或者其他食客都係室內食buffet,四周都冇人，只有一位bartender 幫我地落單，上菜。雖然以5星酒店黎講服務唔算好，但Conrad池景靚過隔離嗰間，所以每次要poolside lunch都會黎呢度。我order炸魚薯條好味，擺盤靚，食落唔油，好脆。同事的卡邦尼意粉都好creamy,好好食。但另一個order豬扒就硬左d, 另一個order burger但個漢堡太raw埋單有信用卡promo,12xx 4位，價錢公道

超多嘢食！刺身同熟食仲有海鮮都好正！真係差不多樣樣都好正！環境同啲侍應又好好！屋企人都食得好開心！下次可以同friend坐outdoor慶祝生日！其實咁嘅價錢，有咁嘅環境同嘢食確係讚👍🏾