咖吔

營業中

休息中

午餐時間行過屯門市中心錦薈坊新開咗新加坡餐廳，即刻入嚟試新野一打開餐牌，估唔到款式算多，淨係喇沙都有幾款，而且午餐免費飲品唔係普通咖啡茶。我見其他食評都有貼餐牌，我就唔重複啦~我今日叫咗新加坡喇沙摻摻+香茅鮮橙茶。鍾意重口味嘅我，呢度個人覺得超正👍🏻 夠香濃，辣到適中，不過唔食得辣嘅人可能要叫小辣。香茅鮮橙茶有新鮮感，不過我諗杯野本身唔算甜，我在加少甜就略為淡咗少少。忍唔住寫返個食評推介會返轉頭幫襯

屯門新開呢間新加坡餐廳叫LeeLaksa,咁啱到左下午茶時間（2：00後）即刻入去坐底。一打開餐牌，都好多選擇，有喇沙，有架央多士有小食，有飯。。。最後叫左班蘭椰漿飯配巴東肉，以及係新加坡食過，都好想食返果陣味仲有叫左個保守d既海南雞飯海南雞雞肉好滑，油飯略嫌過咸，冬瓜湯味道都ok,唔會好大陣味精味班蘭椰漿飯配巴東肉~肉好滑，飯好香，好正

屯門錦薈坊的定食8無左，取而代之的是星馬菜Kaya新餐廳的裝潢時尚，座位舒適而且晚市唔洗等位，所以決定試下晚市沒有套餐，單點其實都幾貴比午市和下午茶餐牌價錢相差$20-$40點了三個菜式😋1. 海南雞飯配喇沙米線 $108海南雞很滑，份量挺多雞油飯大碗，乾身挺香係屯門數一數二好食嘅海南雞米線最驚喜，很彈牙喇沙的調味也不錯，不會過鹹👍🏻👍🏻👍🏻👍🏻👍🏻2. 星洲香辣炒飯 $118炒飯鑊氣夠，不油乾身配切碎左的蝦同八爪魚和肉鬆口感不錯兩大寸雞肉寸燒也很好味，啖啖肉不過我覺得海南雞飯比較驚喜👍🏻👍🏻👍🏻👍🏻3. 新加坡咸蛋黃雞翼 $68本來以為係炸雞翼，但不是外層鹹蛋黃醬很特別很香但同時也很膩雞翼偏細，未能鎖住雞汁未食過可以一試，但不會encore😂👍🏻👍🏻👍🏻最後，要讚讚服務員非常熱心有禮貌殷勤有效率，令人食得好開心我下次要去試下午茶，好似好抵！☺️又一好味新浦點😍

在屯門巿中心搵地方食午餐，行行下見到這間新開張餐廳，行到門口侍應話有位，梗即入去試吓，坐低侍應便給予兩杯暖水,並提示有紙袋放口罩及有濕紙巾潔手，環境佈置新淨舒服,侍應有禮，食星加坡菜當然試吓佢嘅海南雞飯及白胡椒肉骨茶，咖吔多士及地道老鼠粉，食物份量不太少及幾好味，白胡椒肉骨茶都幾辣，海南雞夠滑都有雞味，老鼠粉即銀針粉辣辣哋都夠味，但面有幾條粉有D乾，午餐選擇也多價錢適中,飲品手工拉茶幾好味但冰較多，叫少冰應該好D，美祿偏甜不夠濃，這間餐廳我會再來試其他食品。