和 and (已結業)

呢間隱世小店已食咗兩次 。第一次食燒雞，雞味汁味鮮味完全無得輸 ，加埋個無敵法包，食左下午返工都精神爽利d🤣🤣 一個月後再試脆皮乳豬， 一塊好鬼脆既皮 加上手撕肉，完全可以好elegant 咁食乳豬🤣正😄😋😋😋 加埋伯爵奶茶。好味！強烈推薦 😎😎另 個豬脾月- 是日推介 都好值得試，加埋一夜乾燒雞翼，簡直人間極品如果真係要去，一定要book ,平日lunch 都好多人去，同埋要預多少少時間，食物製作需時，返工lunch 就小小趕…查看更多

住在南區多年，無意中喺OpenRice發現香港仔有呢一間小店，於是好快就決定試吓。一入到去舖頭，雖然唔大，但係入邊嘅食物真係超級高質有水準，店員亦都好Nice，氹到自己父母不停encore落order😌最鍾意食佢哋跟餐有得揀薯蓉，個薯蓉仲要口感好滑，唔似出邊平時食到既。之後間唔中都會幫襯一下呢一間小店，店員仍然係咁親切，食品仍然係咁好味係咁好味。…查看更多

食物質素比想象中好食，我最鍾意係佢到品茶，因為女店員會好細心介紹d茶，會教埋你點焗茶，焗幾耐，估唔到西餐同中茶可以咁夾，今日食個咖哩牛展，甜甜地馬來西亞風，香港仔食西餐不二之選，真心推薦…查看更多

今日去咗朋友推薦嘅餐廳度食晚餐，舖頭唔算大，不過乾淨企理，坐低叫嘢食大概15-20分鐘左右就上菜（都係正常時間，因為唔係快餐嘛😂😂）朋友推薦我一定要食個燒雞，因為要預早一日訂，所以我都預早order咗😎我order既係法式香草牛油烤雞，佢有紅椒粉，所以有微微既辣，個皮好脆同埋d肉都好滑好juice，味道比較濃，啱哂我👍🏻另外，叫左個脆皮手撕乳豬薯蓉，薯蓉真係好好食，一定要食！乳豬有肝醬同無花果醬可以點，不過我中意食原味唔點多啲，已經夠晒咸香😜而無花果醬撈落薯蓉度都好正🫶🏻同埋香蒜蜜糖雞翼棒棒，真係好棒棒（台妹腔😆）超級好食，雖然係單骨，不過佢係成隻雞中翼黎，啖啖肉，正🤟🏻另外都叫咗個茶凍，我好鍾意呢個甜品，因為佢唔係好甜，又有茶味同桂花香，個甜度同口感對我來講係啱啱好，推薦推薦👍🏻…查看更多

香港仔隱世茶室尼間茶室我都幫襯咗一段時間最近佢地改咗Menu又轉用大碟賣相相比之前好茶又好食物又唔錯今次帶埋朋友嚟放鬆放鬆話明係茶室先講講茶係尼到其實都試過好幾款傾開偈先知女店主原來係茶藝師同評茶師佢介紹過烏龍茶 岩茶 白茶 紅茶比我我本身鍾意白茶所以白茶一定要叫白茶（白牡丹）口感輕柔清甜 飲落帶微微花香 岩茶（半天妖）口感純厚茶香撲鼻 after taste極悠長另外仲有凍既調飲茶女店主話芝士奶蓋最多人話好正我地都試咗杯芝士奶蓋紅茶芝士奶蓋帶咸香厚身配上紅茶既果香爽甜甜而不膩 奶蓋香滑 最有驚喜係奶蓋本身重味但係茶味竟然留係口腔一段好長既時間真係超香果然係人氣產品無介紹錯我地叫咗脆皮手撕乳豬 脆皮三黃雞脾 咖哩牛展 豬皮好脆 手撕肉有肉汁肉香 生菜包既食法好清爽配上肝醬 黑醋無花果醬 味道豐富肉質有彈性鮮香應該係鮮雞 皮薄香脆香料飯質感有D似煲仔飯 煙韌粒粒分明配有自家醃柚子蘿蔔好好味濃香帶辣 肉夠冧 咖哩汁撈白飯好香濃另加手工麵包烘底 外脆內軟另外優惠價加配蜜糖雞翼棒棒 牛油果蟹肉多士一支骨好方便可以一啖一件蒜味同蜜糖配搭出甜咸感平衡好滋味甜品要咗紅茶焦糖燉蛋 朱古力蛋糕 紅茶焦糖燉蛋厚身幼滑茶味濃朋友都話尼到無介紹錯一定要再黎飲茶3個人埋單$700 好滿意人均:230…查看更多

七月中 日日都熱死人有一日入到富嘉工業大廈拎貨咁啱見到傳單架有和and嘅logo同佢地嘅硬卡餐牌 感覺上鋪頭好有心思去方便客人同時間地去宣傳自己餐廳 所以就拎完貨之後就順便walk in一位睇下有冇位一入到去原來佢爆場😮不過好彩仲有張細枱俾我攝入去餐廳主要半自助服務 去收銀處落完單同俾錢就可以返埋枱等送餐😎最後我叫左個脆皮三黃雞髀餐配香料飯 一啖咬落去舊脾到 果然不負脆皮之名 真係脆面的皮面有豐富香料味之餘 仲有少少黑椒做返個惹味嘅效果 肉質都好鮮嫩 一路切一路有肉汁流出黎 飲品檸檬青檸紫梳打都好出色 檸檬味嘅酸甜夾上梳打嘅清爽解渴 飲落去條氣勁gur😂 jeng另一方面店員服務都好友善 成個帶座，落單，送餐嘅過程都係好舒適而快捷👍🏻美中不足係當日人就係有點點多🫥環境稍為嘈吵 不過小店多人支持都係好事💗💗 下次試下過peak hour再黎 慢慢享受美食 同埋學醒左 打個電話上去問定有冇位先😂😂🙈…查看更多

個晚工作到暈暈地，天氣又熱夜左收工就call個fd去香港仔搵食上網偶然搵到呢個叫“和and”餐廳開頭心諗普通西餐廳，點解咁多人like既就膽粗粗book位，有把好靚既接待姐姐聲話...."先生你唔好七點九喇，個時最多人盡量早d黎啦～" 我心諗你有冇咁旺場呀？一於試下你龍定鳳先到餐廳，推門，都無客既，又話好多人唔緊要，但個裝修格局細細，但整齊企理落單位仲有隻龜做下表演，第一感覺唔錯唔講廢話，講重點食物質素靚女侍應推介食牛板腱同一夜干雞翼咁佢推介，咁我梗係試啦～因為未黎過，唔知有咩咩好但原來呢度仲有特別，係賣茶不賣酒咁就粗粗地，叫左杯凍既貢菊普洱照按呢幾樣講啦～牛板腱味濃香口，雖然多食幾件會滯滯地但佢既精髓係配菜度，柚子醃蘿蔔，菠蘿沙律當初既清甜同酸爽，將牛既肥膩解哂應記一功加上佢地配以自製薯蓉，我個fd已經讚不絕口(我要求高，如何多少少牛油同忌廉去煮，會更香滑)我俾4星一夜干雞翼，先唔講，我直接俾5星，試左你就知咩料配埋個菊普，呢餐我係4.5星滿足既其他食物既評語唔打喇，有機會就再食再討論俾相大家睇啦～假若店主有幸睇到呢篇評價，俾個建議下次轉menu時，可以轉返d清新爽口既菜式因為天口熱，好熱.......例如薄荷青醬蟹肉意粉？(作架咋，交返俾你諗)…查看更多

食完隔咗好多日都要留個食評先，因為好嘢食係要分享，好餐廳係要表揚。嗰日兩個人左個是日午餐 加配熱茶同兩款小食。星鰻魚配薯蓉-$150星鰻好香口，鰻魚本身已經唔腥，配上醬油去燒，醬汁啱啱好，唔會遮蓋星鰻本身既味，配菜有新鮮菠蘿都蕃茄。菠蘿同蕃茄都好新鮮，對於鍾意食配菜既我就非常喜歡。主食就啱啱好夠飽。我之後再叫左兩個小食。 香蒜蜜糖雞翼棒棒（跟餐$70原價90）呢個真係超級好食，雞翼係單骨雞翼，食落去好方便，唔會食到成手都係。雞翼好滑溜，食落有種淡淡既蒜味亦唔會太濃，表面加咗蜜糖令件事提升左香脆得黎又有種清新，食落又唔會太熱氣，呢個真係超級推介。煙三文魚牛油果米紙卷-$90因為兩個人所以就叫多個小食，牛油果好夠熟，所以食落口好香牛油果味同夠淋，最重要係好多牛油果係入邊，包住煙三文魚令到個米紙卷有口感之餘同時又有鹹味，食落唔會太單調，食完呢個比較飽，如果唔夠飽可以揀呢個食鳳凰單欉-柚花香 （跟餐-$58）店員好細心介紹茶葉，點樣沖，沖幾耐都會教埋您，飲落好舒服，食完野飲淡茶，同朋友吹下水，出面飲啲台式飲品都要3-40蚊杯，所以又覺得幾抵，可以自己沖幾泡，消滯解渴。兩個人最尾食咗$368，無加一，除翻開都係每人$184，唔敢講算唔算抵，但我覺得食物質數絕對夠誠意。出去食飯好多時都唔好食又貴，呢度環境舒適，員工又好。用心煮嘅食物係食得出架，餐廳用心經營都絕對感受到，呢啲就係茶好飲，嘢好味。加油題外話：除咗廚房同鋪面環境之外，我成日會睇一間餐廳個廁所乾唔乾淨，決定佢有幾衛生，呢度絕對夠乾淨，同埋幾細心，有抹手紙同滴露鹼液，所以都幾加分。…查看更多

這間位於香港仔工廈的樓上小店，雖然地理上欠缺優勢，但精緻的西餐出品與優質茗茶仍然俘虜不少客人的胃口！自從三年前認識小店，每月例必到訪一兩遍，食物一直保持高水準之餘，店主更不時從各地選購特別茶葉，令客人在不同季節可以品嚐到不同風味，我每次到訪都充滿期待。店家近日轉換了新餐牌，並換上銀製食具，擺盤賣相更美觀，令人食慾大增。今次跟朋友點選了脆皮手撕乳豬配香料飯及大澳蝦醬炒蟹肉意大利麵。乳豬一上桌香氣四溢，連拍照也忘了就立刻進餐！乳豬配以特製肝醬及果醬，前者令肉香更濃，後者中和滯膩感，非常好吃。而我最喜愛店家自製的香料飯 (Pilaf Rice)，白米以洋蔥及多種香料炒香後再煮成米飯，味道絕不單調。意大利麵亦令人驚艷！選用大澳蝦醬，份量拿捏得宜令香氣及鹹鮮味道適中，更能帶出蟹肉的鮮味。雖然以炒的方式炮製，麵的咬口仍然是al dente，將中式食材完美融合意大利廚藝， 回味無窮！茶品是小店另一個highlight! 由花茶到講究的岩茶、高山茶、陳年普洱等一應俱全。店主本身是茶師，就算初次體驗泡茶的客人如我，店主都會細心講解沖泡程序、時間及品嚐貼士。很高興能在這裡認識了我最喜歡的「鳳凰單欉」：澄澈的茶體散發陣陣清香，清爽順口，悠長的回甘，啖啖甜味縈繞喉嚨，而且價錢相宜，是品茶初哥的入門之選！如你有心儀口味，店主亦非常樂意介紹。喜愛冷飲的話，店家亦有多款自創茶飲，芝士奶蓋亦是「店自慢」，濃厚芝味絕對是甜品級的享受～…查看更多

父親節正日，兒女及孫子孫女一共十二人皆同我呢個爺爺嚟午膳。接待親切友善，環境舒服，多款食品供選擇；烹調鮮味，食材新鮮，用心製作。完全享受了一個既温馨亦美食的午餐。…查看更多

同事話南區有一間係工廈的西餐廳，便約我係呢間餐廳同同事慶祝生日，試了之後，更相約一些朋友去嘗試，大家都覺得味道好好，而他們亦帶朋友去用膳，如果他們的食物不好，我們又怎會一去再去。「和and」我哋一定會支持你哋，係南區沒有一間似樣的食店，只有和and可以搵到，每次用膳後都會回味。加油呀！…查看更多

住左香港仔30幾年，真心覺得香港仔冇乜野好食，經朋友介紹去咗呢一間餐廳，已經幫襯了好幾次，佢係工廠大廈裏邊，雖然有時等lift有啲耐但係都冇阻我想去食佢。入到去裝修企理，有20幾個座位，坐得都舒適。佢個Menu有六七款美食，今次就叫咗一份牛板腱配香料飯，剛剛好Medium Rare，有牛味，好好食😋。飲品方面叫左一杯芝士奶蓋白茶，濃郁芝士味，茶味都夠香。非常值得推介，我覺得算係香港仔最好嘅西餐廳。…查看更多

父親節同父母一起去慶祝，一言難盡。始終工廈單位，環境就無乜期望值。 工作人員服務態度OK嘅，上菜有簡單介紹菜式，搞笑嘅係叫左羊架和生蠔，無介紹羊無介紹蠔，介紹左伴碟醃蘿蔔。 所有餐具都是紙和塑膠，有種路邊立食的感覺，而且非常唔環保，餐具是塑膠仿金屬外貌，有種明明好Low但係要強調高級的感覺，得啖笑。 食物來講，味道偏鹹，好多都是預制品，就是叮/焗加伴碟或者裝飾就可以上檯，用超大嘅碟裝超少的食物扮高級西餐。 同年輕的朋友過去坐下chill下係OK，不過人均200+的價錢會有更好的選擇。節日家庭聚餐就千奇唔好啦。 最後係無掃針卡，最怕係萬一有人突擊檢查，呢個係咪食客責任？位位5000大洋就慘囉，如果食客無責任當然就無所謂。 其實餐廳自己營運定位好尷尬，高不成低不就，立食的質素，西餐廳嘅價錢。 …查看更多

食物水準超凡的精品「茶」餐廳黑椒脆皮三黃雞扒🐔hamburger 🍔🤣 三黃雞無論是味道、雞皮甚至是脂肪都水準甚高，自家起了雞髀肉做雞扒，肉質鮮美嫩滑、皮薄脆口！兩個字，必食！芝士奶蓋青茶 🍵 哩得「茶」餐廳當然要叫我既至愛 ❤️ 每次來到都忍唔住肥仔一下，超好飲！茶底清而不會過於濃或澀，配上幼滑綿密的芝士奶蓋，配搭相當清新！…查看更多

假日，與友人來和and嘆~決定每個月要黎一次！👉🏻蜂蜜檸檬汁雞絲沙律酸酸甜甜好開胃，沙律菜好新鮮，雞絲唔會好老！👉🏻蜜糖烤豬手配薯蓉 $120豬手爽脆，唔會係豬肉乾，蜜糖汁甜甜的，令人愉快的感覺！薯蓉真係好creamy，好似炒滑蛋咁嫩滑，好好味！！👉🏻芝士青茶鳳凰芝士奶蓋冇得輸，好香濃，青茶有淡淡花香，好享受！甜品我地叫左梅酒芝士撻，一口細細的，唔會好膩，帶點酒香，好回味！記得要預先book位！…查看更多