和 and (Closed)

🔸雖然是小店，但是食物的質量竟然很有驚喜💗今次我哋午膳時間過嚟，都要等咗一陣先有位🔸看似基本的雞翼，他們烹調出來脹卜卜，外皮很趣，去骨更加是非常有心思🔸飲品也是很有質素，茶味香濃，奶蓋厚滑🔸另外也是了他們的雞扒和羊架，味道也是很不錯。特別係雞扒的外皮非常香脆🔸不過份量相對輕巧，適合女士😉（希望唔係因為我太大食而有呢個錯覺😂）🔸餐廳位置不多，有興趣建議預約🔸餐廳外觀感覺似Cafe，但費用可能會覺得稍為高一點，不過我覺得還是對得住這個質素…Read More

香港仔工廈隱世小店，環境清靜，大約20個位，主打係各類嘅靚茶每款野食都好用心整，每次食都好回味！👉🏻煎紐西蘭羊架（兩件）配薯蓉 $120厚度適中，肉味濃又唔會好羶，啖啖靚肉，好正！薯蓉好滑，好入味！👉🏻脆皮黑椒三黃雞扒 配薯蓉$120好驚喜，雞扒皮唔單止脆，個味道甜甜地又帶點香草味，一點也不平凡！👉🏻忌廉蘑菇汁燴牛肉 配香料飯 $120個汁好濃，好creamy，牛肉略嫌有點硬，但冬菇就好入味！午餐配小食👉🏻蘋果蟹肉撻細細件，清新，不過味道唔算突岀來到甜品了👉🏻抹茶卷蛋$18抹茶味好濃郁，軟綿綿的卷蛋，口感很不錯！👉🏻梅酒芝士撻$30好精緻，但唔係幾食到梅酒味飲品是重點！！👉🏻玫瑰荔枝伯爵紅茶$20 (原價$40，跟餐半價)淡淡的香味，甜甜的，是幸福的感覺！👉🏻正山小種(野生紅茶)分第一泡，第二泡，同埋一壺熱水自己再沖第一泡真係比較清，第二三泡非常純滑，回甘，真係非一般的靚茶！同友人由12:30坐到3點，好舒服，服務態度好好，唔會趕客走，值得一讚係洗手間嘅衞生都好好！非常推介！…Read More

香港仔一向唔多好嘢食，特別係想坐得好啲，或者食非中式嘅食物，好嘅選擇喺香港仔唔多。不過呢間位於香港仔工廈內嘅精品小店食品質素同環境都相當唔錯。小店座位唔多，大概都唔多於20個，呢度嘅主打係茶，茶單來有好多唔同嘅選擇。餐廳嘅食具基本上都係資助同選用即棄嘅，即棄來講嘅餐具質量都算唔錯。玫瑰山楂梳打好適合夏天飲，微酸微甜再加埋氣泡，熱熱地嘅日子好有透心涼嘅感覺。午餐包括小食、主菜同飲品。Portobello炒意粉炒得好香脆皮三黃雞既皮又脆又薄，雞肉又嫰又多汁，而且由於我減少食澱粉質，佢都可以選擇沙律而唔一定要選擇飯。小食係三文魚刁草撻，味道就普普通通，不過都尚算唔錯。以後響香港仔搵朋友食飯傾偈又多一個好地方。小店座位唔多，要上去食飯最好都要訂位。…Read More

終於來，在暑假剛開始的時候。省下這輩子買比堅尼的錢，何妨破罐破摔，呷杯好茶來囤積脂肪。小店藏身在工廈裡，很不好找，現在的年青人就愛這套，把店開到蠻荒，咱們老人總考慮人流、交通、升降機事故等等。快跛之前找到。小店很有點風格，全場猛打燈、落力設計。只有四張枱，星期六的下午三點鐘，我到的時候已客滿，雞犬相聞，隔離枱幾個90後很吵。我們吃的是下午茶tea set，需預訂，兩位$328，有5款咸點4款甜點，可選一杯＜$58的冷/熱飲品。其中有些糕點平平無奇，不打算浪費筆墨，以下是幾樣我較有印象的：-＜烏龍桂花茶凍＞-有驚喜，在桂花的餘韻下，淡淡茶香溢出，口味清新，非常適宜夏日食用。建議再冷藏一下，涼浸浸的當更受用。＜焦糖鵝肝多士＞-份量慷慨，可以塗滿兩片吐司，後者很堅固，要用力咬開。鵝肝醬味道不俗，加了焦糖添上一絲甜蜜，好吃!＜紅茶焦糖燉蛋＞-Delish! 不甜不漏，蛋不算超滑，但細嚐之下有若隱若現的紅茶香。讚!＜蟹肉法包＞-蟹肉絲長潔白，細軟嫰滑，入口蟹味極濃。法包沒啥味道，聊備一格。＜雞肉漢堡＞-漢堡包不過爾爾，但肉餡卻十分驚喜，饒有雞味，細嚼之下肉汁豐富。Tasty!＜紅棗杞氏桂圓茶＞-沒有太多桂圓味，紅棗味卻很突出，份量超多，一個人很難喝完。研究過材料，紅棗補血；桂圓寧神…這個茶應大有補益。＜亞熱帶水果拼盤鳳凰＞-材料有青蘋果、火龍果、藍莓、葡萄…口味複雜，果香碰撞薄荷，清清甜甜的，十分討好，只是份量較少，夏日炎炎，不夠解渴。這頓下午茶，沒有很精緻的糕點，相反有些賣相粗糙，但沒有奶油、芝士，意味著材料可以更健康、更環保，希望小店能堅持路線，在社區一站到底。祝福! …Read More

一間店面設計相當有心思的工廈小店，推門進店時店內彌漫淡淡茶香。與同行朋友點了兩份午餐，朋友選了磨菇意大利粉，我選了羊架。食物味道不俗，奶蓋綠茶和現泡茶，茶味甚豐。唯一不足是食物份量太少，2支羊架，既細且薄，相當瘦弱，雖然伴有薯茸，仍不足以果腹。朋友的意大利粉份量尚可，若食客是男士，亦會覺得份量不夠。是日跟同行朋友亦要一起補個下午茶充饑。午餐＄90~＄120，沒有跟餐飲，加上份量太少，偏貴。另外，餐廳用紙兜盛載食物，與別出心裁的店面設計大相逕庭，格格不入，亦乏環保意識。…Read More

香港仔飯堂之一🥳 工廈內的hidden gem 💎 芝士奶蓋青茶🍺 每次來到都忍唔住肥仔一下，超好飲！茶底清而不會過於濃或澀，配上幼滑綿密的芝士奶蓋，配搭相當清新！黑椒脆皮三黃雞扒 🐔 三黃雞無論是味道、重量、雞皮甚至是脂肪都水準甚高，自家起了雞髀肉做雞扒，肉質鮮美嫩滑、皮薄脆口！兩個字，必食！薯蓉 🥔 香滑creamy度完全媲美Robuchon，入口即融😗📍 和 and Tea & Food Studio香港仔富嘉工業大廈18樓中西式結合, 除了充分呈現食材原始真味, 更是為味蕾帶來新的感動…Read More

呢間係工廠大廈既cafe相當之隱世，但進內仍有不少客人，相信一定有啲料到令人一試再試，於是同男友去一探究竟。Cafe算係半自助式，用既都係即棄餐具。見到餐廳入面好多茶具，先知道好多熟客仔都係黎品茗，喜歡飲茶既朋友可以一試。呢道細細既門就係通往廁所。唔好以為地方偏僻價錢會相對地相宜，餐廳入面嘅抗疫套餐（午餐）圍埋都要二百蚊。我地嗌左個抗疫套餐- 蟹肉牛油果忌廉汁意大利麵，同埋普通午餐- 吉烈魚柳。魚柳脆皮唔淋，上枱時超熱，炸得唔錯。一排排既粟米就知用原條粟米唔係罐頭。唔好睇小呢pat薯泥，好重奶味，well seasoned 令人一啖接一啖。蟹肉意粉個sause好足，蟹肉鋪到成個意粉都係，味道creamy不膩。呢個蟹子蟹肉Tart滿滿既美奶滋🤤，配左粟米味道很夾。飲品冇咩特別，係梳打同荔枝伯爵冰紅茶。總括而言所有食物都不過不失，未去到必試既地步，但出到門口見到啲相先知呢間cafe最出名係乞兒雞，要試嘅話記得要預訂呀。…Read More

今日同家人慶祝生日，見Openrice香港仔新開了這間樓上cafe, 所以訂位試一試。環境不是很大，但設計簡約有品味；服務一流，好親切又用心，有家的感覺！食物方面，晚餐有套餐（主食+3個小食+$38的飲品）我們5人點了2個晚餐套餐加一個小食加一個主菜（小牛排）及加錢點了蛋糕1. 蒜片辣椒鯷魚意大利麵配了粟米撻、炸多春魚、牛肉洋蔥雜菜湯這個好好食好惹味，是意大利式比較硬身彈牙的質感，鯷魚唔會鯹，蒜味辣味剛好；小食粟米撻及炸多春魚正常，牛肉洋蔥雜菜湯好清甜足料，好飲2. 乾烤咖哩雞配牛肉洋蔥雜菜湯、燒菠蘿x2這口咖哩烤雞都唔會太乾身，咖哩味不會太濃幾香，燒菠蘿薄身唔會乾，不錯3. 煎安格斯肩胛牛小排配車厘茄及大啡菇這個加大份量了，牛小排口感可以，配了車厘茄及大啡菇4. 炸薯條（配黑松露醬）即點即炸熱辣辣好香口，配了番茄及松露醬，好正飲品（青檸紫梳打及芝士白茶白花）$38以下飲品套餐免費，不會太甜，好飲！加了$點了蛋糕，是蜂蜜牛油蛋糕，香軟蜜味香甜可惜是用了太多即棄餐具及器皿，好浪費:(…Read More

搬到香港仔兩年，一直不知道有這間 Cafe，無意間在 openrice 搵食呢間 Cafe，今日剛剛要到該大廈做野，決定抱著一試既心態，因本人很喜歡飲茶。到達的時候已經是下午茶時間，客人不多只有一枱客人，餐廳的裝潢是以中式為主，給人一種舒適感，不過座位非常有限。因為比較肚餓，所以沒有叫下午茶，而叫了一個午餐$117，包括了前菜，主菜，甜品及餐飲。完餐後，個人覺得性價比不俗，下次還想再去，而且完餐後有滿足感。…Read More

上星期見得閒約朋友食下Tea之前bookmark左呢間隱世cafe朋友住附近佢話識路太好啦叫左佢帶路之前看過openrice見環境幾正野食又唔算好貴之前一直都好想搵呢d cafe可以飲下中式茶同食下小點終於都有機會來試下午茶$328兩位（每人包一杯$58飲品，過$58補差額就ok，冷熱皆可。）下午茶由上層先食由熱食開始之後到甜點和牛漢寶牛肉好juicy好好食三文魚牛角包牛角超脆芝麻好香入面d salad dressing係「神來之筆」好清新帶出三文魚鮮味整體野食整得好出色有五星酒店級數蟹肉多士蟹肉鮮甜酥皮腸仔茶香焦糖燉蛋好滑啖啖茶香蕉糖味道剛好厚度都適中夠薄脆烏龍桂花果凍用潮州烏龍茶整的桂花果凍清甜無花果配羊奶芝士好match馬卡龍唔太甜茶香脆卷九重櫻白茶特級熟普洱職員非常之有禮貌服務超好主動幫我地影相同埋教我地點沖茶呢度環境細細地唔多人好好坐我地hae左差唔多三個鐘好relax咁過左一個下午飲啖茶看看書食下野同傾下計非常寫意呢度有好多種茶飲下次會再來試下…Read More

又到午飯嘅放飯時間，今日同事介紹咗一間喺工廠大廈入邊嘅小店，所以我哋就去試一試。呢個小店嘅位置偏遠，所以佢哋都有做外賣，但因為我哋喺附近食lunch，就親身上門試一試。入到去餐廳發現裝修唔錯，幾有格調。員工服務都好親切，好有禮貌食物方面，我就order左佢當日lunch menu嘅慢煮雞胸肉配香料飯。呢次其實係我第一次食慢煮嘅嘢，我覺得好正！首先個雞肉真係好嫩好嫩滑，其次入口嘅調味都好好，第一次食雞胸係咁嫩滑。而個香料飯都調味調得好好，食落好香仲同雞胸好配搭沙律就無乜特別，只係餐前開胃小食:)總括，食物好好食，但價錢都去到100蚊，所以都算貴，大家budget多d就去試下啦…Read More

大家都知最近星期六日都好難去外面行街搵食，但係唔緊要，總會有地方去吓行吓既！好耐無寫食評既我，因為呢間食店重出post 文。係數碼港睇完戲，個頭眾所皆知無野食，咁最近就係落香港仔搵食。朋友仔鐘意食西野，上網search 左呢間食店，咁就膽粗粗兩個女仔去試吓。入到去大概20個位左右，裝修清雅。前菜/小食：雙色多士，㨂左黑松露蛋白及巴馬火腿。即叫即整，多士香脆，黑松露味同蛋白味比例均衡，巴馬火腿底下配忌廉芝士，味道香濃，故建議先食蛋白多士先主菜：藍帶雞胸。雞胸不鞋口，外面麵包糠外層烤烘香口，切開裡面有芝士火腿，芝士不算漏蜜糖烤豬手：呢個一定要推，如果你只叫一個主菜，我會推介你叫呢個。佢個皮係我食咁多烤豬手黎講最有驚喜，其他咩德國豬手無得同佢比。佢個外皮酥脆既口感令人驚喜，入口易化又脆但不會過乾，加返蜜糖既甜中和肉既鹹味，皮食落一d都唔覺肥，至於豬肉有肉汁同入哂味，真係無得輸👏🏼👏🏼👏🏼*主菜如無註明配菜，則配有沙律菜🥗飲品：海鹽芝士奶蓋白茶💕：我見其他食評都盛讚佢個芝士奶蓋，果然名不虛傳。小店果然用心，係飲之前佢會教你點飲。佢個芝士奶蓋香濃夾滑，鐘意芝士既朋友不能不試玫瑰荔枝伯爵茶：玫瑰荔枝香味四溢，可惜就係蓋過左伯爵茶味，如果能夠平衡返會好d雖然價錢唔算平，我地兩個👭咁樣就食左$420，但係感覺良好，店家用心製作，會翻兜。下次會試佢個牛，因為見好多人都推薦。同埋試佢個茶凍甜品。睇其他食評話佢主理人其中之一是茶藝師，希望天氣涼d,我想飲佢既熱茶。此終我個人認為一杯好既咖啡同茶係要飲熱既。…Read More

週末隨友人造訪了一間隱秘工廈西菜「和 and」。餐廳位於香港仔一幢工廈內，沒有特別的招牌推廣，十分隱秘。推開大門，餐廳內部格局一目了然，約有三十個座位。牆上的掛飾擺設大都與茶品有關，很容易令人聯想到餐廳亦是一間茶店。翻看餐牌，其中一本全是茶品，中西款式皆有。小編要了一杯「亞熱帶水果拼盤鳳凰」，以烏龍茶作底，並配上多款水果。茶品冰涼清新，清熱消膩，很適合炎熱的夏季飲用。「牛油蒜蓉包」及「雙色多士 (黑松露炒蛋 & 軟芝士醬火腿)」是最先送上的小品。個人覺得蒜蓉包製作略為硬身；軟芝士醬火腿多士則軟硬並重，鹹香可口。「煎安格斯肩胛牛小排伴炒雜菇 • 燒新薯」所用上的肩胛牛小排約煎煮至五成熟，切面呈酒紅色，肉味濃香，並帶少量肉汁。牛小排油脂含量均勻，有助顯現出一份鬆軟的口感。大盤「燒烤汁燒豬肋骨」出品鬆軟入味。相比坊間同款美食醬汁味道不會過濃過搶，讚！炸品「法國藍帶雞扒 (車打芝士) 伴沙律」雖然外觀上火，但真實食感又沒有如預期般邪惡。放刀切開雞扒，能清晰望見流心芝士溢出，實為芝士控所愛。雞扒金衣薄中帶脆。雞肉雖談不上很嫩，但以炸點而言算是做得不錯。「蜜糖烤豬手伴沙律」同屬香口之作，豬皮卜卜脆，與面上蜜糖的味道十分配合。吃這道菜一定要趁熱吃，否則豬皮失脆失分效果差很遠。「雙重芝士芝心漢堡配薯條」為小朋友而設，淺嚐了一小件未予人驚喜，評價持平。主食前後三款，奈何小編胃納有限，只品嚐了其中一款。「香草茄醬大蝦意大利麵」用上一只巨型大蝦，蝦肉緊實味鮮。所用上的香草茄醬比一般同款菜式為酸，並帶一點辣勁，為味蕾帶來一定刺激。香港仔的西菜餐廳選擇不多，這間「和 and」在各分面包括食品、環境、服務等細項皆予小編不俗印象，有機會會再來品茶品味。…Read More

第二黎喇，今次食High tea ，個high tea 性價比好高，去之前要早一日book。 環境好有feel，燈光暗暗地，幅牆好有中國風，有啲茶具擺設。high tea 擺設好靚，用圓形嘅架放食物，有啲食物會碟上。有九款食物，一次過食到九樣野，超正，上到枱職員會建議食左啲無甘重味嘅野先，例如多士，紙米卷等，最後食個蛋糕。果仁餅一啲都唔甜，唔係用糖漿將佢地痴埋，超好食。腸包上到枱超熱，好好味。三文魚牛角包個包唔會覺得淋。紙米卷好有口感，非常好食。我覺得比西式食蛋糕果啲high tea 值得食。…Read More

店內好細，但空間好足夠客人郁動，唔會覺得迫，入面有4張枱，一張二人枱，一張三人，兩張六人枱，環境寧靜，好有中國感同文青感。好似得三個做，佢地都好友善，好好笑容。不過上菜耐左少少，等超過二十分鐘，但係享受唔係急住醫肚係唔錯，感受果到嘅氣氛，品下茶。有唔同款嘅茶，每個茶都有佢嘅功效，茶到左侍應會慢慢介紹點樣品個茶，先飲邊個之後飲邊個。大啡菇松露意粉，個菇好多汁，意粉軟硬度煮得岩岩好，唔會太硬唔會太淋。牛肉配薯仔同菇，牛肉唔算太淋，薯仔只有一舊，有多一份沙津。蜜糖豬手會起埋肉，個皮好脆，肉好淋，蜜糖係新鮮蜜糖，非常好食。…Read More