和順記 (路德圍) (已結業)

呢間炸雞髀都幾出名，今日就特意幕名而來幾有心！值得一讚！價錢都中中挺挺巴蜀（孜然辣味）炸雞髀呢到既雞髀勁大隻，半隻碟咁大食落外脆內嫩，更有好香既孜然味招牌麻辣汁炸雞髀比起其他口味，佢多左一份麻辣既香味，而且佢係辣得黎好有層次，唔係得個死辣，你係會食到陣麻香會慢慢咁樣滲出黎最難得既係佢辣度岩岩好，令佢麻中帶辣之餘唔會搶左雞髀本身既香味都真係幾好味另外呢到既奶油多都意外地出色，香脆得黎又鬆軟作為甜點岩晒

依日要荃灣行傢俬鋪，經過間餐廳見幾乾淨，天氣太熱最緊要冷氣涼！就火速入內幫襯，估唔到餐廳細細但已經轉左電子落order 非常新潮！我就叫左雞扒芝士公仔面，老公就叫左雞扒套餐再配日式溫泉蛋，當然要叫杯紅豆冰退一退熱感！叫完先偷望到隔離枱既雞脾 大隻到成塊面咁，勁吸引.未食依餐已經話下一次要再唻過幫襯！講返食後感，雞扒係出色既，炸得好香口已不會乾柴，依然幾juicy, 公仔面配芝士不嬲就冇得輸 肥仔餐一流！正

和順記食炸肶隻雞髀嚟到真係好大隻，配埋孜然粉，都幾夾，可能隻雞髀太大隻，調味粉太少，所以有部份唔係好有味道，如果可以醃得入味啲就好，配左撈一丁，個面稍為煮得淋咗少少🤏唔夠彈牙，煎蛋窿邊，蛋汁配埋個面唔錯叫咗個避風塘豬扒煎蛋飯，豬扒好林，醃得好入味，個避風塘炸蒜都幾夾，豬扒碎上，好方便食，仲要有骨位，好惹味，如果可以多少少炸蒜就好。總括來講，我覺得豬扒好食過雞髀，下次再試埋佢其他款式，再比較一下。

嚟到呢一間茶餐廳🍴當然必食佢哋嘅神級炸雞髀飯🍗雞髀份量十足 真係超級大隻！！外皮炸到好香脆 入面嘅雞肉嫩滑又多汁 仲好入味🐔配埋隻流心煎太陽蛋🍳真係好幸福嘅感覺💕

黎到和順記，梗係食雞髀啦。午市嚟到大概等10分鐘到就入座，叫咗個孜然味炸大雞髀煎蛋撈麵。孜然要加兩蚊。雞髀真係好大隻，真係大過我塊面，打卡一流。雞髀一切落去，有肉汁，雞皮好脆，一啖食落去，就有啲期望落差，個雞脾醃得唔夠入味，面頭嘅孜然粉亦唔夠味，或者配醬汁會夠味啲，如果係希望食大件的話就一定好夠滿足啦，食完成隻都好飽。煎蛋同撈麵都OK嘅。讚一讚佢個茶底，杯檸茶茶底好靚，一杯好味凍檸茶加埋大炸雞髀，大滿足。

呢間小店用招牌雞脾皇作招牌之前成日見好多人排隊有次見到冇咁多人就去試下。最近2年唔知點解周圍多咗好多店都係賣大大隻雞脾皇其實雞脾個size同其他店比係差唔多雞脾有手掌咁大隻 但唔係話真係好大驚喜可能見得太多了 ....我叫左滷水雞脾套餐 有跟一隻蛋同野飲一杯雞脾整得幾入味 味道的確唔錯雞肉食落都唔會鞋 係幾好嘅見到其他枱好多人叫炸脾 ...唔知會係點呢整體嚟講 我覺得佢係整得唔錯但呢個價位喺荃灣嚟講 唔算特別抵食有少少比人吹噓得太勁 ...

見到OpenRice有優惠$91兩sets雞蛋炸髀飯就試試佢炸髀超大隻成隻手掌咁大雞髀唔會炸得好油膩雞皮香脆雞肉嫩滑咬落去淡淡肉汁非常入味好值得一試雞蛋流心，略嫌豉油汁味道較淡而且份量唔夠送飯可能因為外賣拎到返屋企已經乾哂如果豉油汁可以分開器皿黎裝就更好了

細細個開始就好鍾意食雞髀，特別係炸雞髀，唔可以話成日去唔同地方食炸雞髀，聽朋友介紹話呢間嘅炸雞髀好出名，所以今次黎試一試！首先佢哋嘅炸雞髀眼見都好多人點嚟食，不過價錢都唔平，相比一般炸雞比佢貴成一倍咁多，而且原來單點炸雞皮係唔可以糖食，要外賣，所以我另外配左佢哋嘅雞髀套餐先可以坐低食。雞髀上枱嘅時候都係熱辣辣大大隻，但係整體口感脂肪比較多，食落去都幾肥，冇想像中咁好食，整體味道都唔錯，另外配埋佢哋嘅飯餐食到好飽！

黎哩度就係為左巨大炸雞髀炸髀賣相：成只碟咁大，大大只睇到都開心味道：雞髀原先已有醃過，所以味道炸左出黎都岩岩好咸咸地，唔需再加其他汁醬都夠味，炸粉唔厚，炸完出黎幾乾身，碟底都唔會有好多油係度，切開黎食，肉質Juice又滑嫩性價比：值得你俾錢去食 男友叫撈麵餐🤔 多我個麵同蛋 試過佢嘅黑椒汁都幾出色，因為黑椒味突出 辣辣地幾正🤤😂

睇報道介紹過呢間炸雞髀好好食，今日終於試到，真心推介，炸髀世一！入到餐廳坐位比較窄，但茶餐廳大多都係咁嘅格局。雞髀可以自由配搭口味，有蔥油，麻辣，咖喱....本來點左蔥油炸雞髀飯，孜然雞扒雞，點知職員落錯左😅黎到變左孜然炸雞髀，點知錯有錯著超好味，好有驚喜！雞髀好大隻，雞皮炸都好薄好脆，但雞髀入面仲有肉汁，雞肉又滑，火喉岩岩好，調味又足再加埋孜然既香，成件事再多一個層次，好惹味！邊食邊讚好食😋本身炸髀無汁，所以配飯係一個錯誤既選擇，可能配薯條d！雞扒比炸髀相對失色，但味道都係唔錯，但配薑蔥汁都係唔係咁夾😅所以一定要食炸髀！

路德圍出名多嘢食，早前已經收到風💨開咗超級邪惡😈大過塊面嘅大雞脾🍗，終於都搵到機會嚟潮聖下! 原來荃灣哩間分店係由前蘋果🍎記者經營，良心小店當然要支持下💪🏻，不要忘記一直堅持💖。「雞脾打人牙骹軟」，知我咩料啦！·嚟到梗係要食大大大雞脾🤩啦!order咗2個雞髀皇全日套餐 ($65)，分別叫咗🔥炸脾同瑞汁鹵雞髀🍗，跟餐選配日本珍珠米飯🍚、意粉🍝、炸薯角🥔等，同朋友揀咗撈丁(+$3)同番茄湯讚歧烏冬(+$7)，另外仲有得揀埋跟咩醬汁㗎👍🏻。·應該係全香港😍最大嘅炸雞髀⁉️真係大過我塊面🤗！細食嘅女仔一定食唔哂(當然唔包括我啦)，好有份量仲好有重量🔝，拎上手唔係講笑真係有啲重。炸脾真係😈超級邪惡！就咁睇好似好油，但食落又唔算喎，佢唔係乾掙掙好柴嗰種👍🏻，肉汁同油份令肉質食落好嫩，有驚喜🤩！而瑞汁鹵雞髀始終唔係炸會感覺冇咁邪惡😆，佢勝在鹵得入味，肉裡面都食到瑞士汁味道😋，見佢嘅顏色就知啦!特別一提嘅係個🍅番茄湯讚歧烏冬，番茄湯底好濃郁，加上讚歧烏冬口感好彈牙🤤，加$7食佢係值得嘅。·2個人驚死唔夠食😂，另外仲加配咗跟餐小食，炸豬肉燒賣 ($15)、和順記大魚蛋🍡 ($15)、蠔油生菜($20)。

前排見到有foodie介紹呢間食炸雞髀，見又咁近我所以極速衝去試對於一個鍾意食炸嘢嘅人來講，炸雞髀真係忍唔到☺️而家諗起又想食✨神級炸雞髀皇餐🍗 $68炸雞髀成塊面咁大隻🤩🤩🤩啖啖肉，個皮炸到超酥脆，外層香口，內層雞肉多汁嫩滑，唔會乾爭爭。橫掂都食左熱氣野索性要埋炸薯角🤭薯角比較細粒，薯仔味就冇乜，味道尚可✨避風塘炒豬扒套餐🐷$63個辣度就固定左係中辣，個人就覺得唔算太辣，下次可以試吓大辣🙈，應該仲更加惹味。豬扒大約切左7-8件，啲蔥蒜多到蓋住晒啲豬扒🤤蔥控表示滿意。唔想食飯所以要左撈丁，不過個人覺得有啲啲乾，另外問佢拎多左少少汁✨豉汁蒸龍躉套餐🐟 $75朋友比較健康所以佢叫咗蒸龍躉，呢個價錢有成碟龍躉都幾抵食，即叫即蒸，肉質都幾滑溜午餐呢個價錢都算ok，都算對得住炸髀皇呢個名❣️

嚟到一間茶餐廳🍴當然要食佢哋嘅鎮店之寶—生炸雞髀🍗雞脾份量十足 真係仲大過我塊面！炸到熱辣辣 脆卜卜 肉質食落好嫩滑 又Juicy🐔再加埋旁邊嘅流心蛋 真係非常之豐富！

💖網上見到呢度有成塊面🧏🏻‍♀️咁大嘅雞髀🍗，食起上黎好過癮咁，今日黎試下！好味嘅食物係我呢度一律0⃣️卡路里😛。1️⃣淨炸雞髀皇👑 $55💖其實佢地有雞髀套餐，幾乎每台必嗌！$65包配菜(各種飯🍚、麵🍜等)同埋醬汁，會更抵。但係我見隔離枱隻雞髀好鬼大🤣，驚食唔晒，費事浪費，所以嗌咗淨雞髀。💖一上枱真係好誇張，真係同塊面一樣大🙀！用手拎有啲重，要鋸扒咁食先得🤣。佢嘅炸皮唔係好脆個種，而係吸收🧽左肉汁油香嘅微脆，唔會乾爭爭！最驚喜嘅係肉好嫩，而且肉汁多。份量好大，肚餓黎食肯定大滿足🤰🏻。2️⃣奶油脆豬🍞 $20💖比起我係其他餐廳食嘅奶油豬會大啲，麵包皮香脆，入面香軟，充滿牛油🧈同煉奶香味，係邪惡😈但值得食嘅🤪！3️⃣紅豆冰🫘 $26💖我每次去茶餐廳，都一定飲紅豆冰🥰。呢度可以自己揀冰量🧊同甜度🍬。我走咗冰，但係建議大家黎嘅話唔好走冰，因為走冰之後係偏室溫🌡️同埋甜度會高啲。紅豆軟爛香甜，幾足料。佢地仲有奶茶🧋、咖啡☕️紅豆冰，下次要試吓！💖佢哋生意好好，午市時段迫爆🈵️，期間外賣🥡單都好多。QR code📱落單方便又快捷，而且侍應執枱都好快手！

一直都好想試下呢間「和順記」嘅生炸雞髀，不過每次都就唔啱時間，碰巧今日要嚟荃灣做嘢，辦完事，一於滿足下願望。避開咗繁忙時間，毋須排隊便可以輕鬆入座，正！餐廳以神級雞髀皇作招徠，一場嚟到當然唔可以錯過。點咗個雞髀皇全日餐 ($65)，雞髀可以選配日本珍珠米飯、意粉、炸薯角或炸薯條等，另外亦可以自選醬汁。睇下隻雞髀嘅 Size 幾巨型，比手掌還要大，咬下皮酥肉厚，食到滿嘴油香同肉汁，好有滿足感！薯條嘅水準亦不俗，金黃色，炸至脆卜卜，勁香口，加埋隻嬌豔欲滴嘅太陽蛋，真係冇得輸。有人對焗豬情有獨鍾，所以亦老實不客氣，一坐低就即刻點咗客芝士鮮茄焗豬扒飯 ($62)。面頭嘅芝士焗至微焦，好香口，豬扒腍嫩又厚身，炒飯粒粒分明，蛋絲清晰可見，加上酸酸甜甜嘅茄醬，好醒胃，非常適合夏天呢個咁悶熱嘅季節享用。加咗兩款跟餐小食同一碟菜，有炸饅頭 ($15)、和順記大魚蛋 ($15) 同 蠔油生菜($20)。饅頭即叫即炸，熱辣辣送上，外皮香脆、咬落濕潤，配煉奶一流！魚蛋大大粒，食落彈牙爽口，配甜酸醬，味道好夾。食完咁多邪惡嘅食物，梗係要食返碟菜中和下，入口翠綠爽甜，很好吃。紅豆冰：紅豆份量超多，大粒又腍甜。柚子